Bakıda İqtisadi Əməkdaşlıq Təşkilatına (İƏT) üzv ölkələrin Kənd Təsərrüfatı nazirlərinin 6-cı iclası keçirilir

Nazirlər Bakıda toplaşdılar: yeni mərkəz yaradılacaq

67
(Yenilənib 11:53 04.12.2019)
"2018-ci ildə İƏT ölkələri arasında ticarət dövriyyəsi 4 mlrd.  ABŞ dollarından çox olub, lakin bu göstərici artırılmalıdır və bunun üçün böyük imkanlar var" - İnam Kərimov

BAKI, 4 dekabr - Sputnik. Bu gün Bakıda İqtisadi Əməkdaşlıq Təşkilatına (İƏT) üzv ölkələrin Kənd Təsərrüfatı nazirlərinin 6-cı iclası keçirilir.

Sputnik Azərbaycan xəbər verir ki, iclasda Azərbaycanın Kənd Təsərrüfatı naziri İnam Kərimov çıxış edərək bildirib ki, Azərbaycan ilə İƏT-ə üzv ölkələr arasında ticarət dövriyyəsinin həcmi 4 milyard dollardan çoxdur. Azərbaycan İƏT-i regional əməkdaşlığın vacib platforması hesab edir. İƏT ölkələri Azərbaycanla bir sıra sahələrdə, o cümlədən kənd təsərrüfatı sahəsində uğurlu əməkdaşlıq yaradıb.

Azərbaycanlı nazir bildirib ki, Kənd Təsərrüfatı Nazirliyi İƏT-ə üzv ölkələrin Regional Aqrar Tədqiqatlar və İnnovasiya Mərkəzinin yaradılması ilə bağlı təşəbbüs irəli sürüb:

“Mərkəzin fəaliyyəti ilə bağlı sənədin layihəsi artıq yerli qurumlar və üzv ölkələrlə razılaşdırılıb. Əsas məqsəd aqrar tədqiqatlar, innovasiyaların tətbiqi və müasir texnologiyaların ötürülməsində İƏT-ə üzv ölkələr arasında regional səviyyədə sıx və səmərəli əməkdaşlığın qurulmasına nail olmaqdır”.

Nazir bildirib ki, üzv ölkələr ticarət dövriyyəsini artırmalıdır: “2018-ci ildə İƏT ölkələri arasında ticarət dövriyyəsi 4 mlrd.  ABŞ dollarından çox olub, lakin bu göstərici artırılmalıdır və bunun üçün böyük imkanlar var”.

O qeyd edib ki, ölkəmizdə kənd təsərrüfatının inkişafı sahəsində mühüm işlər aparılır: “Bu ilin 9 ayı ərzində aqrar sektorun inkişafı 7% təşkil edib. Azərbaycan iqtisadiyyatı sürətlə inkişaf edir, son 15 ildə ölkə iqtisadiyyatı 3 dəfə artıb”.

67
Valyutadəyişmə məntəqəsində dollarlar sayılır, arxiv şəkli

Azərbaycan xalqının dollara tələbi azalıb

0
(Yenilənib 22:47 29.10.2020)
Azərbaycanda keçirilən bugünkü valyuta hərracında tələb əvvəlki hərracla müqayisədə 1,9% və ya 1,2 mln. dollar azalıb.

BAKI, 29 oktyabr — Sputnik. Bu gün Azərbaycan Mərkəzi Bankında Dövlət Neft Fondunun iştirakı ilə növbəti valyuta hərracı keçirilib.

Sputnik Azərbaycan xəbər verir ki, hərracda tələb 62,9 mln. ABŞ dolları təşkil edib və tam təmin edilib. Hərracda manatın ortaçəkili məzənnəsi 1,7000 səviyyəsində formalaşıb.

Bugünkü valyuta hərracında tələb əvvəlki hərracla müqayisədə 1,9% və ya 1,2 mln. dollar azalıb.

Qeyd edək ki, oktyabrın 27-də Mərkəzi Bankda Dövlət Neft Fondunun iştirakı ilə valyuta hərracı keçirilib. Hərracda tələb 64,1 mln. ABŞ dolları təşkil edib.

0
Neft buruğu, arxiv şəkli

"Brent" nefti kədərli vəziyyətə düşdü

3
Dünya bazarlarında neftin qiymətləri aşağı düşməkdə davam edir. "Brent" markalı neftin bir barelinin qiyməti 38 dollardan da aşağı düşüb.

Xalid Məmmədov, Sputnik Azərbaycan

BAKI, 29 oktyabr — Sputnik. Dünya bazarlarında neftin qiymətləri aşağı düşməkdə davam edir.

Sputnik Azərbaycan xəbər verir ki, bu gün "Brent" markalı neftin bir barelinin qiyməti 38 dollardan da aşağı düşüb.

Bakı vaxtı ilə saat 15:40-da "Brent" markalı neft 3,7 faiz ucuzlaşma ilə 37,65 dollardan alıcı tapıb. ABŞ xam neftinin qiyməti isə 3,8 faiz ucuzlaşma ilə 35,95 dollara düşüb.

Qeyd edək ki, neftin qiyməti qlobal miqyasda koronavirusa yoluxma hallarında artımın neft tələbatının bərpa prosesini ləngitdiyinə dair narahatlıqlar fonunda ucuzlaşır.

3