Telefonla ödəniş, arxiv şəkli

Telefonunuzu çıxarıb ödəyin: "Nağdsız" ödənişin yeni üsulu çox şey vəd edir

3344
(Yenilənib 23:11 17.11.2019)
Demək olmaz ki, azərbaycanlılar müasir texnologiyalardan istifadəyə meylli deyillər. Ölkədə elektron ticarət sürətlə inkişaf edir. 

BAKI, 17 noyabr - Sputnik. Maaşların və pensiyaların ciddi artımı ilə əlaqədar Azərbaycanda nağdsız ödənişlərin artımını gözləmək olar. Lakin bunun üçün bütün mövcud elektron hesablaşma alətlərindən istifadə olunmalıdır, o cümlədən, yalnız smatrfonla həyat keçirmək mümkün olanlardan.

2017-ci il yanvarın 1-dən qüvvəyə minmiş "Nağdsız hesablaşmalar haqqında" Azərbaycan Respublikasının Qanununa görə, maaş və pensiyalar şəxsi bank hesablarına köçürülməlidir, oradan isə sonradan ödəniş kartının, nadir hallarda isə çek kitabçasının köməyilə xərclənə bilər.

2019-cu ilin sentyabrın sonları üçün dövriyyədə olan bank kartlarının sayı 7,266 milyona çatıb, bu isə ötən il oktyabrın əvvəlindəki göstəricidən 909 min ədəd çoxdur.

Bu ilin yanvar-oktyabr aylarında qeydə alınmış kart əməliyyatlarının həcmi 1,911 milyard manata çatıb, bu isə ötənilki göstəricilərdən 35,4% çoxdur.

Lakin bank kartları ilə dövriyyənin artması əhalinin müxtəlif xidmət və məhsullara görə ödənişdə plastik pulqabılarıdan istifadəyə keçdiyi anlamına gəlmir. 

İl ərzində bank kartları ilə ticarət mərkəzlərində ödəniş edilməsi cəmi 10% artıb. Bunun səbəbi vətəndaşlarıngörünməyən ödənişlərə etimadsızlığı və kiçik ticarət obyektlərinin POS-terminaldan istifadə etmək istəməməsidir. 

Nəticə olaraq bu ilin avqustunda azərbaycanlılar bankomatlardan 1,319 milyard manat çıxarıblar, bu da ötənilki göstəricilərdən 295 milyon çoxdur. Başqa sözlərlə, bank kartlarına gələn vəsaitin 69%-ni əhali nağdlaşdırır.

Lakin demək olmaz ki, azərbaycanlılar müasir texnologiyalardan istifadəyə meylli deyillər. Ölkədə elektron ticarət sürətlə inkişaf edir. 

Əhali məsafədən ödənişin üstünlüklərini qiymətləndirir.

Ona görə də ola bilsin ki, etibarlı, effektiv və işlək sistem hazırlamağın vaxtı çatıb. Bu sistem real dükanlarda alışı POS-terminalın deyil, mobil telefonun köməyilə qiymətləndirməyə imkan verməlidir. Bu yalnız NFC (Near field communication, kiçik məsafələrə simsiz məlumat ötürmə texnologiyası) sistemi deyil. Bir sıra etibarlı və sadə proqram-tətbiqlər yazmağa ehtiyac var.

Smartfonlar gündəlik həyatımızın ayrılmaz hissəsinə çevrilib və ondan tam istifadə etmək vaxtıdır. Bu isə şübhəsiz ki, nağdsız hesablaşmaların artmasına səbəb olacaq.

Dövlət Statistika Komitəsinin məlumatına əsasən, ötən ilin sonlarında ölkədə 10, 339 milyon mobil telefon abonenti var idi. Bu, ölkə əhalisinin sayından çoxdur və mobil qacetlərin əhatəsi kifayət qədər genişdir. Qalır bu ideyanı həyata keçirmək.

3344

Azərbaycanın qeyri-neft ixracatı: lider dövlət şirkətləri

1052
(Yenilənib 20:32 10.08.2020)
Azərbaycanın qeyri-neft sektorunun aparıcı dövlət ixracatçıları haqqında daha ətraflı məlumatı Sputnik Azərbaycan-ın infoqrafikasından əldə edə bilərsiz.
İnfoqrafika: Qeyri-neft sektorunda ixracatçı dövlət müəssisələri
© Sputnik / Elnur Salayev

Statistika qeyri-neft sektorunda fəaliyyət göstərən dövlət şirkətlərinin ixrac göstəricilərini hesablayıb: Milli reytinqə üç enerji və hasilat müəssisəsi rəhbərlik edir.

Son statistik məlumatlara görə, 2020-ci ilin yanvar-iyun aylarında Azərbaycanın qeyri-neft sektoru məhsullarını ixrac edən dövlət şirkətlərinin reytinqinə Azərbaycan Respublikası Dövlət Neft Şirkətinin (SOCAR) İqtisadi əməliyyatlar və marketinq şöbəsi başçılıq edib. O, xaricə 71,1 milyon dollarlıq məhsul satıb.

SOCAR-ın ən yaxın təqibçisi qismində dünya bazarlarına 43,1 milyon dollarlıq məhsul ixrac edən "AzerGold" qızıl hasilatı şirkəti çıxış edir.

Dövlət şirkətləri arasında ixracda ən uğurlu üçlüyü energetika sektorunun nümayəndəsi "Azərenerji" ASC bağlayır.

Azərbaycanın qeyri-neft sektorunun aparıcı dövlət ixracatçıları haqqında daha ətraflı məlumatı Sputnik Azərbaycan-ın infoqrafikasından əldə edə bilərsiz.

1052
50 avroluq əskinas, arxiv şəkli

Avronun "bəyliyi" vaxta qədərdir? - "Onlar prosesi tam idarə edə bilmirlər"

4479
(Yenilənib 20:15 10.08.2020)
Ekspert: "Faktiki olaraq dünya bazarlarında avronun möhkəmlənməsi istiqamətində davam edən dinamika Azərbaycanda da avronun möhkəmlənməsini şərtləndirən əsas məqamlardan biridir"

Xalid Məmmədov, Sputnik Azərbaycan

BAKI, 10 avqust — Sputnik. "Son bir neçə həftədə Azərbaycanda avro təxminən 9 faiz ətrafında bahalaşıb".

Bunu iqtisadçı-ekspert Rəşad Həsənov Sputnik Azərbaycan-a son dövrdə avronun bahalaşmasından danışarkən deyib.

Dollardan kəsirimiz var: nə borc əl verir, nə də devalvasiya>>

Avronun bahalaşmasının səbəblərindən danışan ekspert bildirib ki, ümumiyyətlə, Azərbaycanda digər valyutaların məzənnəsi çarpaz məzənnə formasında dollara nisbətdə müəyyənləşir: "Manatın dollara nisbəti və dolların digər valyutalara nisbətində ortaya çıxan orta rəqəm məzənnə olur. Buna görə də faktiki olaraq dünya bazarlarında avronun möhkəmlənməsi istiqamətində davam edən dinamika Azərbaycanda da avronun möhkəmlənməsini şərtləndirən əsas məqamlardan biridir. Təxminən 3 ay bundan əvvəl 1 avro 1,1 dollara qədər ucuzlaşmışdı. Amma hazırda isə yenidən 1,2 dollar istiqamətində dinamika müşahidə olunur. Bu, Azərbaycan ilə bağlı məsələ deyil".

"Avronun bahalaşması Azərbaycanda digər valyutaların məzənnəsinin formalaşdırılması üçün qurulmuş sistemdən, yəni çarpaz məzənnə mexanizmindən və dünya bazarlarında avronun möhkəmlənməsi istiqamətində davam edən dinamikadan qaynaqlanır", - deyə o bildirib.

Ekspert qeyd edib ki, hazırda ABŞ-ın Federal Ehtiyat Sistemi daha yumşaq dollar siyasəti həyata keçirir: "Eyni zamanda ABŞ iqtisadiyyatında çox ciddi geriləmə müşahidə olunur. Həmçinin koronavirusa yoluxma səviyyəsi ən ciddi ABŞ-da qeydə alınıb. Tramp administrasiyası pandemiya ilə əlaqəli prosesləri tam idarə edə bilmir. Bu da investorlarda marağın azalmasına gətirib çıxardır. Dolayısı ilə avro dollara nisbətdə möhkəmlənir və beləcə Azərbaycanda avro məcburən bahalaşır".

"1 avronun 1,2 dollar həddinin üzərinə çıxması ehtimalı aşağı qiymətləndirilir, çünki Avropa iqtisadiyyatında da böyük risklər qalmaqdadır. Son günlər dolların ucuzlaşmasına xüsusilə yenidən xarici ticarət əlaqələri ilə bağlı gərginliyin artması kimi məqamlar təsir göstərib. Bu da avronun möhkəmlənməsini şərtləndirib. Amma bir neçə həftədən sonra ABŞ iqtisadiyyatı ilə bağlı daha yaxşı göstəricilər əldə ediləcəksə, dollar yenidən möhkəmlənəcək", - deyə o qeyd edib.

Ekspert bildirib ki, manatın məzənnəsi dollara nisbətdə müəyyənləşir: "Dollara nisbətdə manatın məzənnəsi sabit saxlanılıb. Dünya bazarında dolların digər valyutalara pariteti var və Azərbaycanda həmin nisbəti 1.70-ə vurmaqla digər məzənnələr müəyyən edilir. Buna çarpaz məzənnə deyilir. Avro dünyada ucuzlaşanda bizdə də ucuzlaşacaq".

Qeyd edək ki, avronun məzənnəsi iyunun 3-də 1,9 manatı, iyulun 30-da isə 2 manatı keçib.

Azərbaycan Mərkəzi Bankının avqustun 7-nə olan rəsmi valyuta məzənnələrinə əsasən, avronun məzənnəsi 0,37% azalaraq 2,0120 manat təşkil edib.

4479
Əlaqədar
Həyəcan təbili - Gələn il iqtisadi göstəricilərimiz ürəkaçan olmayacaq, əgər...
Dünyanın koronavirus büdcəsi tükənir: xəstəliyə necə qalib gələcəyik?
Məntiq tapmacası: Nə alan var, nə də satan, amma qiymət üstünə qiymət gəlir
Dünyanın bir nömrəli valyutasını taxtdan salırlar?
"Gözü çıxmış qardaş"ın dərsləri - iqtisadiyyat buna görə pulsuz qalır
Mehdiabad qəsəbəsində antisanitariya

Bakıda bələdiyyənin əməkdaşı cərimə edildi

0
(Yenilənib 23:33 11.08.2020)
Mehdiabad Bələdiyyəsinin əməkdaşı Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.

BAKI, 11 avqust — Sputnik. Daxili İşlər Nazirliyinin Baş İctimai Təhlükəsizlik İdarəsi Ekologiya və Təbii Sərvətlər Nazirliyinin müvafiq qurumları ilə birgə sanitariya-gigiyena qaydalarının pozulması hallarının qarşısının alınması məqsədilə reydlər keçiriblər.

Sputnik Azərbaycan Daxili İşlər Nazirliyinin məlumatına istinadla xəbər verir ki, avqustun 6-da keçirilən reydlər zamanı Abşeron rayonunun Mehdiabad qəsəbəsində yerləşən "Şok Market"in yaxınlığında və Binəqədi rayonu Binəqədi gölü ərazisində məişət tullantılarının qalaqlanması və yandırılması faktları aşkar edilib.

İnzibati Xətalar Məcəlləsinin 271-ci (sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi) maddəsinin tələblərini pozduqlarına görə Mehdiabad Bələdiyyəsinin əməkdaşı, qəsəbə sakini Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.

Bu istiqamətdə tədbirlər davam etdirilir.

0