İnsanlar Bakıda bankomat qarşısında, arxiv şəkli

Müştəri pulunu, bank müştərisini itirir - söhbət isə "qəpik-quruş"dan gedir

2430
(Yenilənib 21:49 11.11.2019)
"Türkiyədə ümumi sayılan bankomatlardan pul çəkərkən heç bir faiz tutulmur. Artıq Gürcüstanda da banklar arasında bu sistemə keçidlə bağlı razılıq əldə olunub"

Nigar İsgəndərova, Sputnik Azərbaycan

BAKI, 11 noyabr — Sputnik. Nağdlaşdırma əməliyyatı zamanı banklar müştərilərindən komissiya tutur. Nağdlaşdırılan vəsaitin həcmindən asılı olaraq komissiya məbləği də artır. Azərbaycandan fərqli olaraq isə qonşu Türkiyə və Gürcüstan artıq bu "ənənə"dən imtina edib.

Bu ölkələrdə nağdlaşan vəsaitin məbləği artdıqca komissiya haqqı azalır. Azərbaycanda bu təcrübəni yaratmaq üçün hansı addımların atılmasına ehtiyac var?

İqtisadçı-ekspert Natiq Cəfərli Sputnik Azərbaycan-a açıqlamasında digər ölkələrin təcrübəsi, Azərbaycandakı durum və görülməsi labüd olan işlər haqda danışıb. O bildirib ki, bu gün bir çox ölkələrdə banklar arasında qarşılıqlı anlaşma var: "Bu təcrübəyə əsasən, bankların müştəriləri bir-birlərinin bankomatlarından pul çəkərkən çox cüzi faiz tuturlar ki, bu da yerli valyuta ilə bir neçə qəpik ola bilər. Bu da həmin ölkələrdə ümumi bankomatların yaranmasına səbəb oldu".

Ekspertin sözlərinə görə, Türkiyədə də bütün bankların birgə bankomatları var: "Ümumi sayılan bu bankomatlardan pul çəkərkən isə heç bir faiz tutulmur. Artıq Gürcüstanda da banklar arasında bu sistemə keçidlə bağlı razılıq əldə olunub. Burada müştəri öz bankının bankomatından pul çəkərkən ondan ümumiyyətlə pul çıxılmır. Başqa bank müştərisi pul çəkərkən isə onun vəsaitindən 0,6 faiz tutulurdu. Artıq bu faizi tamamilə ləğv etmək haqda banklar razılığa gəliblər. Yəqin ki, yanvardan bu sistem işə düşəcək".

Vergi borcu olduqda banklar niyə bütün hesaba blok qoyurlar>>

N.Cəfərli Azərbaycanla bağlı vəziyyəti də dəyərləndirib: "Azərbaycanda isə bu mümkün olmur. Bunun səbəbi də, yəqin ki, bankların bir-birlərinə güvənlərinin və ümumiləşdirilmiş sistemlərinin olmaması ilə əlaqədardır.

Banklar daha çox müştəri cəlb etmək istəyirlərsə, tutulacaq cüzi məbləğdən imtina etmələri daha məqsədəuyğun olardı. Lakin təəssüf ki, bank sistemində olan ümumi problemlər, sistemin ümumi bir virtual məkanda birləşdirilməməsi problem olaraq qalır.

Vahid virtual məkanın olması həm də kredit tarixçəsinin öyrənilməsi üçün önəmlidir. Çünki elə müştəri var ki, bir bankdan götürdüyü krediti digər bankdan götürdüyü kreditlə bağlayır".

"Bu istiqamətdə olan problemlərin həlli üçün əsas məsələ isə bank sistemində güvənin yaradılmasıdır. Azərbaycan Mərkəzi Bankının rəhbəri bu yaxınlardakı çıxışında da bu məsələyə toxunaraq bildirmişdi ki, Azərbaycan banklarının bir-birinə güvəni sıfırdır. Bunun üçün Mərkəzi Bank, Maliyyə Bazarlarına Nəzarət Palatası da üzərinə düşən öhdəlikləri yerinə yetirməlidir. Düşünürəm ki, palatanın ləğv olunaraq bütün funksiyalarının bir mərkəzdə cəmləşməsi, yaxud da AMB-nin tərkibində bir departamentə çevrilməsi daha məqsədəuyğun olar. Çünki hazırkı vəziyyət bank sistemində hərc-mərcliyə səbəb olur. Yəni palata ilə AMB-nin mərkəzləşdirilmiş siyasət aparmasına da ehtiyac var", - deyə ekspert əlavə edib.

2430
Əlaqədar
Vətəndaşların banklardakı əmanətləri azalır - Ekspert səbəbi açıqladı
Zakir Nuriyev bankların İT sahəsindəki ehtiyaclarından danışır
İsveçrə banklarında pulu olan azərbaycanlılara kədərli xəbər
Əmanətin kvadratı - "Banklar əllərində olan pulla nə edəcəyini bilmir"
İbrahim Alışov: "Ölkədə mövcud olan 30 bankın 14-də xarici kapital dövriyyə edir"

Azərbaycanın qeyri-neft ixracatı: lider dövlət şirkətləri

1053
(Yenilənib 20:32 10.08.2020)
Azərbaycanın qeyri-neft sektorunun aparıcı dövlət ixracatçıları haqqında daha ətraflı məlumatı Sputnik Azərbaycan-ın infoqrafikasından əldə edə bilərsiz.
İnfoqrafika: Qeyri-neft sektorunda ixracatçı dövlət müəssisələri
© Sputnik / Elnur Salayev

Statistika qeyri-neft sektorunda fəaliyyət göstərən dövlət şirkətlərinin ixrac göstəricilərini hesablayıb: Milli reytinqə üç enerji və hasilat müəssisəsi rəhbərlik edir.

Son statistik məlumatlara görə, 2020-ci ilin yanvar-iyun aylarında Azərbaycanın qeyri-neft sektoru məhsullarını ixrac edən dövlət şirkətlərinin reytinqinə Azərbaycan Respublikası Dövlət Neft Şirkətinin (SOCAR) İqtisadi əməliyyatlar və marketinq şöbəsi başçılıq edib. O, xaricə 71,1 milyon dollarlıq məhsul satıb.

SOCAR-ın ən yaxın təqibçisi qismində dünya bazarlarına 43,1 milyon dollarlıq məhsul ixrac edən "AzerGold" qızıl hasilatı şirkəti çıxış edir.

Dövlət şirkətləri arasında ixracda ən uğurlu üçlüyü energetika sektorunun nümayəndəsi "Azərenerji" ASC bağlayır.

Azərbaycanın qeyri-neft sektorunun aparıcı dövlət ixracatçıları haqqında daha ətraflı məlumatı Sputnik Azərbaycan-ın infoqrafikasından əldə edə bilərsiz.

1053
50 avroluq əskinas, arxiv şəkli

Avronun "bəyliyi" vaxta qədərdir? - "Onlar prosesi tam idarə edə bilmirlər"

4479
(Yenilənib 20:15 10.08.2020)
Ekspert: "Faktiki olaraq dünya bazarlarında avronun möhkəmlənməsi istiqamətində davam edən dinamika Azərbaycanda da avronun möhkəmlənməsini şərtləndirən əsas məqamlardan biridir"

Xalid Məmmədov, Sputnik Azərbaycan

BAKI, 10 avqust — Sputnik. "Son bir neçə həftədə Azərbaycanda avro təxminən 9 faiz ətrafında bahalaşıb".

Bunu iqtisadçı-ekspert Rəşad Həsənov Sputnik Azərbaycan-a son dövrdə avronun bahalaşmasından danışarkən deyib.

Dollardan kəsirimiz var: nə borc əl verir, nə də devalvasiya>>

Avronun bahalaşmasının səbəblərindən danışan ekspert bildirib ki, ümumiyyətlə, Azərbaycanda digər valyutaların məzənnəsi çarpaz məzənnə formasında dollara nisbətdə müəyyənləşir: "Manatın dollara nisbəti və dolların digər valyutalara nisbətində ortaya çıxan orta rəqəm məzənnə olur. Buna görə də faktiki olaraq dünya bazarlarında avronun möhkəmlənməsi istiqamətində davam edən dinamika Azərbaycanda da avronun möhkəmlənməsini şərtləndirən əsas məqamlardan biridir. Təxminən 3 ay bundan əvvəl 1 avro 1,1 dollara qədər ucuzlaşmışdı. Amma hazırda isə yenidən 1,2 dollar istiqamətində dinamika müşahidə olunur. Bu, Azərbaycan ilə bağlı məsələ deyil".

"Avronun bahalaşması Azərbaycanda digər valyutaların məzənnəsinin formalaşdırılması üçün qurulmuş sistemdən, yəni çarpaz məzənnə mexanizmindən və dünya bazarlarında avronun möhkəmlənməsi istiqamətində davam edən dinamikadan qaynaqlanır", - deyə o bildirib.

Ekspert qeyd edib ki, hazırda ABŞ-ın Federal Ehtiyat Sistemi daha yumşaq dollar siyasəti həyata keçirir: "Eyni zamanda ABŞ iqtisadiyyatında çox ciddi geriləmə müşahidə olunur. Həmçinin koronavirusa yoluxma səviyyəsi ən ciddi ABŞ-da qeydə alınıb. Tramp administrasiyası pandemiya ilə əlaqəli prosesləri tam idarə edə bilmir. Bu da investorlarda marağın azalmasına gətirib çıxardır. Dolayısı ilə avro dollara nisbətdə möhkəmlənir və beləcə Azərbaycanda avro məcburən bahalaşır".

"1 avronun 1,2 dollar həddinin üzərinə çıxması ehtimalı aşağı qiymətləndirilir, çünki Avropa iqtisadiyyatında da böyük risklər qalmaqdadır. Son günlər dolların ucuzlaşmasına xüsusilə yenidən xarici ticarət əlaqələri ilə bağlı gərginliyin artması kimi məqamlar təsir göstərib. Bu da avronun möhkəmlənməsini şərtləndirib. Amma bir neçə həftədən sonra ABŞ iqtisadiyyatı ilə bağlı daha yaxşı göstəricilər əldə ediləcəksə, dollar yenidən möhkəmlənəcək", - deyə o qeyd edib.

Ekspert bildirib ki, manatın məzənnəsi dollara nisbətdə müəyyənləşir: "Dollara nisbətdə manatın məzənnəsi sabit saxlanılıb. Dünya bazarında dolların digər valyutalara pariteti var və Azərbaycanda həmin nisbəti 1.70-ə vurmaqla digər məzənnələr müəyyən edilir. Buna çarpaz məzənnə deyilir. Avro dünyada ucuzlaşanda bizdə də ucuzlaşacaq".

Qeyd edək ki, avronun məzənnəsi iyunun 3-də 1,9 manatı, iyulun 30-da isə 2 manatı keçib.

Azərbaycan Mərkəzi Bankının avqustun 7-nə olan rəsmi valyuta məzənnələrinə əsasən, avronun məzənnəsi 0,37% azalaraq 2,0120 manat təşkil edib.

4479
Əlaqədar
Həyəcan təbili - Gələn il iqtisadi göstəricilərimiz ürəkaçan olmayacaq, əgər...
Dünyanın koronavirus büdcəsi tükənir: xəstəliyə necə qalib gələcəyik?
Məntiq tapmacası: Nə alan var, nə də satan, amma qiymət üstünə qiymət gəlir
Dünyanın bir nömrəli valyutasını taxtdan salırlar?
"Gözü çıxmış qardaş"ın dərsləri - iqtisadiyyat buna görə pulsuz qalır
Mehdiabad qəsəbəsində antisanitariya

Bakıda bələdiyyənin əməkdaşı cərimə edildi

0
(Yenilənib 23:33 11.08.2020)
Mehdiabad Bələdiyyəsinin əməkdaşı Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.

BAKI, 11 avqust — Sputnik. Daxili İşlər Nazirliyinin Baş İctimai Təhlükəsizlik İdarəsi Ekologiya və Təbii Sərvətlər Nazirliyinin müvafiq qurumları ilə birgə sanitariya-gigiyena qaydalarının pozulması hallarının qarşısının alınması məqsədilə reydlər keçiriblər.

Sputnik Azərbaycan Daxili İşlər Nazirliyinin məlumatına istinadla xəbər verir ki, avqustun 6-da keçirilən reydlər zamanı Abşeron rayonunun Mehdiabad qəsəbəsində yerləşən "Şok Market"in yaxınlığında və Binəqədi rayonu Binəqədi gölü ərazisində məişət tullantılarının qalaqlanması və yandırılması faktları aşkar edilib.

İnzibati Xətalar Məcəlləsinin 271-ci (sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi) maddəsinin tələblərini pozduqlarına görə Mehdiabad Bələdiyyəsinin əməkdaşı, qəsəbə sakini Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.

Bu istiqamətdə tədbirlər davam etdirilir.

0