China Railway Ekspress Ankaradan yola salınıb

Çindən gələn "qonaq" adamları üçün günləri qısaldır: "Bu hələ başlanğıcdır"

863
(Yenilənib 14:13 07.11.2019)
"Bir Qurşaq, Bir Yol" layihəsi çərçivəsində Çindən yola çıxıb Bakı-Tbilisi-Qars dəmir yolu xətti ilə yoluna davam edən və Marmaray dəmir yolu xətti vasitəsilə birbaşa Avropaya gedəcək ilk yük qatarı Ankara vağzalından yola salınıb

Gözde Ocak, Sputnik Türkiyə

BAKI, 7 noyabr — Sputnik. "Bir Qurşaq, Bir Yol" layihəsi çərçivəsində Çindən yola çıxıb Bakı-Tbilisi-Qars dəmir yolu xətti ilə yoluna davam edən və Marmaray dəmir yolu xətti vasitəsilə birbaşa Avropaya gedəcək ilk yük qatarı Ankara vağzalından yola salınıb. Azərbaycan İqtisadiyyat nazirinin müavini Niyazi Səfərov Sputnik-ə açıqlamasında: "Bu hələ başlanğıcdır, düşünürük ki, yaxın zamanlarda qatarların sayı artacaq", - deyib.

Çinin Xian şəhərindən hərəkət edərək Qazaxıstan, Azərbaycan və Gürcüstanı keçəndən sonra Qars istiqamətindən Türkiyəyə daxil olan yük qatarı "China Railway Ekspress" Ankaradan yola salınıb. Marmaray xəttindən istifadə edərək Bolqarıstan, Serbiya, Macarıstan və Slovakiyadan keçməklə Praqaya gedəcək ilk yük qatarının şərəfinə Ankara vağzalında yola salınma mərasimi təşkil olunub.

В Турцию прибыл первый грузовой поезд из Китая
© Sputnik / Gözde Ocak
Yük qatarının şərəfinə Ankara vağzalında yola salınma mərasimi təşkil olunub.

Mərasimə Türkiyənin Rabitə və İnfrastruktur naziri Mehmet Cahit Turhan, Ticarət naziri Ruhsar Pekcan, Azərbaycan İqtisadiyyat nazirinin müavini Niyazi Səfərov, Çinin Şensi Bölgə Partiya Komitəsinin katibi Hu Heping, "Qazaxıstan Dəmir Yolu" ASC-nin İdarə heyətinin sədri Sayat Mınbayev, Gürcüstan Dəmir yolu idarəsinin rəsmiləri, bu ölkələrdən və səfirliklərdən çoxlu sayda insan qatılıb. Çıxışların ardından çalınan zənglə vağzala girən yük qatarı daha sonra oradan yola salınıb. Mərasimdə ayrıca olaraq iştirakçı ölkələr arasında "China Railway Ekspress"in Trans-Xəzər marşrutunun keyfiyyət baxımından yenidən təşkil olunmasına yönəlik protokol da imzalanıb.

Səfərov: Yaxın zamanda qatarların sayı artacaq

Sputnik-ə açıqlama verən Azərbaycan İqtisadiyyat nazirinin müavini Niyazi Səfərov deyib: "Bu gün çox önəmlidir, tarixi bir gündür. Xian şəhərindən çıxan bu qatar Qazaxıstan, Azərbaycan, Gürcüstan və Türkiyədən keçərək Praqaya gedir və bu, prezidentlərimizin uzun illərdir həyata keçirdikləri siyasət – ölkələr arasındakı iqtisadi əlaqələrinin gücləndirilməsi, strateji tranzit xətlərinin ölkələrimizin və xalqlarımızın mənfəətinə xidmət etməsi baxımından çox önəmli bir iş oldu. Bu, hələ başlanğıcdır, düşünürük ki, yaxın zamanlarda qatarların və konteynerlərin sayı artacaq və ölkələr arasındakı iqtisadi əlaqələrin və münasibətlərin qurulmasına böyük töhfə verəcək".

Bundan sonra iştirakçı ölkələr arasındaki iqtisadi və ticarət əlaqələrinin güclənəcəyini də bildirən Səfərov qeyd edib: "Bu da xalqların rifahının yüksəldilməsinə xidmət edəcək, cəmiyyətləri birləşdirəcək. İxracatçılar və iş adamları üçün də işlərin görülməsi ilə bağlı çətinliklər və məsrəflər önəmli dərəcədə azalacaq. İndiyədək bu səfər üçün bir ay sərf edilirdisə, indi bu yüklər 18 günə Çindən Avropaya daşınacaq. Bu, ölkələr arasındakı digər iqtisadi proseslərin də güclənməsinə vəsilə olacaq".

Səfir İbrahim: "Bu, sadəcə bir nəqliyyat məsələsi deyil"

Mərasimdə iştirak edən Azərbaycanın Ankaradakı səfiri Xəzər İbrahim deyib: "Uzun illərdən sonra artıq İpək Yolu həyata keçdi, Çindən gələn məhsullar Avropaya çatır. Bu günləri burada, qardaş Türkiyəmizin paytaxtında görürük".

Səfir İbrahim, bunun sadəcə bir nəqliyyat məsələsi olmadığını da bildirib: "Eyni zamanda iqtisadi inkişafın insanların gündəlik həyatına da töhfəsi olacaq. Bu, sülhə də yol açacaq bir xətt və bir təşəbbüsdür. Bu yol çoxdandır mövcuddur və əgər əvvəllər bura ilə ipək gedirdisə, bu gün yüksək texnologiya məhsulları gedir".

В Турцию прибыл первый грузовой поезд из Китая
© Sputnik / Gözde Ocak
Yük qatarının şərəfinə Ankara vağzalında yola salınma mərasimi təşkil olunub.

Xəttin önəmli hissəsi olan Bakı-Tbilisi-Qars dəmir yolunun da iki ölkə prezidentlərinin əməkdaşlığı sayəsində həyata keçirildiyini xatırladan İbrahim: "Bu gün yüklər keçir, inşallah, sabah da sərnişin daşınacaq və mədəniyyətlərin daha da yaxınlaşması üçün imkanlar açılacaq", - deyib.

"İqtisadiyyatlar güclü olarkən əlaqə olmasa, iqtisadiyyatı daha da inkişaf etdirmək çətin olur. İndi rabitə də var, iqtisadiyyatın gücü də var, gənc əhali də var və ən önəmlisi - siyasi iradə də var. Bunların hamısı bir araya gələndə bütün bu ölkələrə böyük töhfəsi olacaq", - deyə səfir əlavə edib.

Asiya ilə Avropa arasındakı məsafə 18 günədək azalır

Səfərinə Çinin Xian şəhərindən başlayan və elektronika növündən olan yükləri daşıyan "China Railway Ekspress" ümumi uzunluğu 820 metr olan 42 ədəd konteyner yüklü vaqonla 2 qitə, 10 ölkə və 2 dənizi aşaraq, 12 günə 11 min 483 km yol qət edəcək. Marmaray keçidindən istifadə edəcək "China Railway Ekspress"in səfəri Çexiyanın paytaxtı Praqada başa çatır.

В Турцию прибыл первый грузовой поезд из Китая
© Sputnik / Gözde Ocak
Yük qatarının şərəfinə Ankara vağzalında yola salınma mərasimi təşkil olunub.

Asiyadan Avropaya Türkiyədən keçərək birbaşa gedən ilk yük qatarının bu səfəri ilə "Dəmir İpək Yolu" da canlanır. Beləcə, Bakı-Tbilisi-Qars Dəmiryolu xətti Çinlə Türkiyə arasındakı yük daşıma müddətini 1 aydan 12 günə salaraq, Marmarayın bu xəttə inteqrasiya olmasıyla Uzaq Şərqlə Qərbi Avropa arasındakı məsafəni də 18 günə endirir.

863
Əlaqədar
Beynəlxalq nəqliyyat dəhlizləri və Azərbaycanın geoiqtisadi maraqları
Materik tezliklə dəmir yolu ilə birləşəcək: Bakıda yaşayıb Romada işləyəcəyik
Dövlət qurumları milyardları nə edib? Hər qəpiyin hesabı aparılacaq
Yollar kəsişir: Rusiya, Azərbaycan və İran liderləri Soçidə nəyi müzakirə edəcəklər?
Türkiyənin İpsala qəsəbəsində TANAP qaz kəmərinin Avropa ilə birləşən hissəsinin açılış mərasimi

Azərbaycan Türkiyə birgə daha bir uğura imza atdı

0
TANAP tikinti dövründə təhlükəsizlik və keyfiyyət baxımından nail olduğu ən yüksək göstəricilərə və ekosistemlər nəzdində yaratdığı müsbət sosial, iqtisadi və mədəni dəyərlərə görə "İlin layihəsi" elan olunub.

 

BAKI, 20 oktyabr — Sputnik. Trans-Anadolu Qaz Boru Kəmərinin (TANAP) layihə idarəçiliyində qazandığı beynəlxalq uğurlara yenisi əlavə edildi. Layihə, proqram və portfel idarəçiliyi üzrə dünyanın ən böyük peşəkar birliklərindən olan, mərkəzi ABŞ-da yerləşən Layihə İdarəçiliyi İnstitutu (PMI – Project Management Institute) TANAP-ı "İlin layihəsi" kateqoriyasında layihə idarəçiliyi sahəsində nüfuzlu mükafata layiq gördü. Bu barədə SOCAR-dan Sputnik Azərbaycan-a məlumat verilib. Qeyd olunub ki, Azərbaycan və Türkiyənin ən böyük birgə iqtisadi layihələrindən olan və Cənub Qaz Dəhlizinin əsas seqmentini təşkil edən TANAP qürurverici uğurlara imza atmağa davam edir. Dünya üzrə qəbul olunmuş standartlar, sertifikat proqramları, peşəkar icma fəaliyyətləri, elmi araşdırmalar və kurslar vasitəsilə böyük bir şəbəkə yaradan, layihə, proqram və portfel  idarəçiliyi sahəsində peşəkar standartların inkişafını dəstəkləyən, mərkəzi Amerika Birləşmiş Ştatlarında yerləşən Layihə İdarəçiliyi İnstitutu (PMI – Project Management Institute) tərəfindən "İlin layihəsi" kateqoriyasında mükafata layiq görüldü.

TANAP tikinti dövründə təhlükəsizlik və keyfiyyət baxımından nail olduğu ən yüksək göstəricilərə və ekosistemlər nəzdində yaratdığı müsbət sosial, iqtisadi və mədəni dəyərlərə görə "İlin layihəsi" elan olunub. Bu sahədə 50 ildən artıq bir müddətdə fəaliyyət göstərən PMI dünyada müxtəlif sahələr üzrə 2,9 milyon peşəkar üçün texnoloji dəyərlər yaratmaqla yanaşı, layihə idarəçiliyi proseslərində müəyyənləşdirdiyi standartların tətbiqi proseslərində yüksək təşkilati nəticələrə nail olan və cəmiyyətə müsbət təsir göstərən layihələri mükafatlandırır.

 

0
OPEC-in mənzil-qərargahı, arxiv şəkli

OPEC neftin bir barelinin qiymətinin 40 dollardan aşağı düşməməsini hədəfləyir

13
OPEC-in prezidenti Əbdülməcid Əttar 2021-ci ilin əvvəlindən etibarən neft qiymətlərində artım gözlənildiyini bildirib.

BAKI, 21 oktyabr — Sputnik. Neft İxrac Edən Ölkələr Təşkilatı (OPEC) və bu quruma üzv olmayan neft istehsal edən digər ölkələrdən ibarət OPEC+ qrupunun üzvləri 2020-ci ilin sonuna qədər neftin bir barelinin qiymətinin 40 dollardan aşağı düşməməsini hədəfləyir.

Sputnik Azərbaycan Türkiyə mediasına istinadla xəbər verir ki, bu barədə Əlcəzairin Energetika naziri və OPEC-in müvəqqəti prezidentliyini icra edən Əbdulməcid Əttar məlumat verib. O, OPEC+ qrupunun neft bazarını və qiymət sabitliyini qorumaq üçün bütün lazımi addımları atmağa qərar verdiyini deyib.

Yeni növ koronavirus (COVID-19) epidemiyası səbəbiylə dünyada neftə olan tələbatın gündəlik 9 milyon bareldən çox azaldığını bildirən Əttar 2021-ci ilin əvvəlindən etibarən neft qiymətlərində artım gözlənildiyini də bildirib.

Qeyd edək ki, aprel ayında OPEC+ qrupu ölkələri may ayının əvvəlindən iyulun sonuna qədər gündəlik neft hasilatını 9,7 milyon barelə, avqustdan ilin sonuna qədər isə 7,7 milyon barelə endirmək barədə qərar qəbul etmişdi.

13
Teqlər:
neft, OPEK, OPEC