Neft buruğu, arxiv şəkli

Dünyanın neft ehtiyatlarının üçdə biri ABŞ sanksiyalarının altındadır

26
(Yenilənib 19:55 29.10.2019)
Bütün bunların fonunda Birləşmiş Ştatlar xam neftini yeni bazarlara satmağa başlayıb. Əvvəllər Amerika neftinin 95 faizini Kanada alırdısa, hazırda neftin 25 faizi Avropaya gedir

BAKI, 29 oktyabr — Sputnik. Dünyanın neft ehtiyatlarının üçdə biri və neft hasilatının beşdə biri ABŞ sanksiyalarının altındadır. 

Neft buruğu, arxiv şəkli
© Sputnik / Vitaliy Timkiv
Sputnik Azərbaycan xəbər verir ki, bunu Q.V.Plexanov adına Rusiya İqtisad Universitetinin iqtisadiyyat kafedrasının dosenti Olqa Lebedinskaya RİA Novosti-yə deyib.

Lebedinskaya izah edib ki, dünyanın neft ehtiyatları 1,66 trilyon barel təşkil edir – bunlardan 298,4 milyard barel Venesuelanın, 157,8 milyard barel İranın, 80 milyard barel isə Rusiyanın payına düşür.

Ekspert izah edib ki, bu üç ölkə 2015-ci ildə dünya üzrə gündəlik hasilatın 21,75 faizini təmin edib. Rusiyanın sutkada 10,1 milyon barel hasil etdiyi vaxtda, İran və Venesuela üçün bu göstərici müvafiq olaraq 3,1 milyon barel və 2,5 milyon barel təşkil edib. Bu ölkələr hasilat göstəricilərinə görə dünya üzrə müvafiq olaraq birinci, yeddinci və 11-ci yerləri tutublar.

"ABŞ-ın siyasi arenada aktivliyi neft hasilatının beşdə birinin sanksiyalar altına düşməsinə səbəb olub", - Lebedinskaya deyib.

Sanksiyalardan ən çox Venesuela zərər görüb – bu ölkənin sutkalıq neft hasilatı 3,3 dəfə azalaraq 0,75 milyon barelə çatıb. 

Tehran isə ABŞ sanksiyalarından o qədər də zərər görməyib. İranın neft hasilatı 2,1 milyon barelə düşüb. Bu üçlükdə yalnız Rusiya hasilatı sutkada 10,7 milyon barelə artıra bilib.

Ekspert qeyd edib ki, bütün bunların fonunda ABŞ xam neftini yeni bazarlara satmağa başlayıb.

"ABŞ hazırda Rusiyadan sutkada 9,8 faiz çox neft hasil edir. Müqayisə üçün, 2019-cu il oktyabrın 5-də ABŞ-ın sutkalıq hasilat göstəricisi 11,8 milyon barel olub. Rusiyada isə bu göstərici 10,7 milyon barel idi. Əvvəllər Amerika neftinin 95 faizini Kanada alırdısa, hazırda neftin 25 faizi Avropaya gedir", - Lebedinskaya izah edib.

26
Mal əti satışı, arxiv şəkli

Azərbaycana mal əti dərman idxalı artıb

0
(Yenilənib 23:00 22.10.2020)
Təzə meyvə idxalı 15,1%, bitki yağları 2,9%, kərə yağı, digər süd yağları və pastaları 38,9%, çay 5,9%, kartof 1,2%, təzə tərəvəz 29,9%, minik avtomobilləri 28,8% və s. artıb.

Xalid Məmmədov, Sputnik Azərbaycan

BAKI, 22 oktyabr — Sputnik. 2019-cu ilin yanvar-avqust ayları ilə müqayisədə 2020-ci ilin yanvar-avqust aylarında ölkəmizə təzə meyvə idxalı 15,1%, bitki yağları 2,9%, kərə yağı, digər süd yağları və pastaları 38,9%, çay 5,9%, mal əti 18,4%, kartof 1,2%, təzə tərəvəz 29,9%, minik avtomobilləri 28,8%, dərman vasitələri 1,7 dəfə, hesablama maşınları, blok və qurğuları 14,8%, qara metallardan çubuqlar 1,8 dəfə, məişət soyuducuları 3,1% artıb.

Sputnik Azərbaycan bu barədə Dövlət Statistika Komitəsinə istinadla məlumat verir.

Bu ilin 8 ayında buğda idxalı 20,1%, xam şəkər və şəkər 0,4%, quş əti və onun əlavə məhsulları 9,9%, siqaretlər 78,9%, qara metallardan borular 12,7%, polad prokatı 7,7%, mineral gübrələr 5,7%, rezin şinlər 20,2%, məişət kondisionerləri 30,9%, mebellər 23,6%, yük avtomobilləri 13,4%, polietilen 27,5%, paltaryuyan maşınlar 11,1%, qara metallardan künclüklər 8%, avtobuslar 56,1%, sement və sement klinkerləri 27,1% azalıb.

0
Neft buruğu, arxiv şəkli

Dünyada neft ucuzlaşır

9
(Yenilənib 11:00 22.10.2020)
Neftin qiyməti qlobal neft tələbatının bərpa prosesinin ləngidiyinə dair narahatlıqlar fonunda ucuzlaşır.

BAKI, 22 oktyabr — Sputnik. Azərbaycan neftinin qiyməti ucuzlaşır.

Sputnik Azərbaycan xəbər verir ki, "Azeri Light" markalı neftin bir barelinin qiyməti 0,52 dollar ucuzlaşaraq 41,49 dollar təşkil edib.

"Brent" markalı neftin qiyməti 0,16 dollar geriləyərək 41,57 dollar, "Light" markalı neftin qiyməti isə 0,19 dollar ucuzlaşaraq 39,84 dollar olub.

Qeyd edək ki, neftin qiyməti qlobal neft tələbatının bərpa prosesinin ləngidiyinə dair narahatlıqlar fonunda ucuzlaşır.

Xatırladaq ki, Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

9