Türk lirası, arxiv şəkli

Rusiya ilə Türkiyənin planında mühüm əngəl: onlar dolları "öldürməzlər"

582
(Yenilənib 15:27 11.10.2019)
"Rusiya ilə Türkiyə dövlətləri arasında əməliyyatların milli valyutalar ilə aparılması mümkün olacaq. Amma bunu özəl sektor üçün demək mümkün deyil"

Xalid Məmmədov, Sputnik Azərbaycan

BAKI, 11 oktyabr — Sputnik. Rusiyanın Maliyyə Nazirliyi ilə Türkiyənin Xəzinə və Maliyyə Nazirliyi arasında hesablaşmalar və ödənişlərin milli valyutalarda aparılması ilə bağlı saziş imzalanıb. Sputnik Azərbaycan RİA Novosti-yə istinadən xəbər verir ki, sənədi Rusiya tərəfdən Baş nazirin müavini, Maliyyə naziri Anton Siluanov, Türkiyə tərəfindən isə Xəzinə və Maliyyə naziri Berat Albayrak imzalayıb. Qeyd edilib ki, saziş iki ölkə arasında ticari-iqtisadi əməkdaşlığın genişləndirilməsi və inkişafı üçün çox vacib addımdır. 

Rusiya və Türkiyənin hesablaşmalarda milli valyutalara keçməsi ilə bağlı Azərbaycan Dövlət İqtisad Universitetinin (UNEC) dosenti Elşən Bağırzadə Sputnik Azərbaycan-a deyib ki, ABŞ ticarət müharibəsinə başlayandan sonra bir sıra ölkələr bu istiqamətdə addım atıblar: "Çin hesablaşmaların milli valyutalarda aparılması ilə bağlı bir sıra ölkələr ilə müqavilə imzalayıb. Rusiya ilə Türkiyə arasında da hesablaşmaların milli valyutalarda aparılması ilə bağlı sənədin imzalanması gözlənilirdi və bu artıq reallaşıb".

"Burada əsas məsələ ondan ibarətdir ki, hesablaşmalar, əməliyyatlar iki istiqamətdə gedir. Birincisi dövlətlər arasında olan hesablaşmalardır, ikincisi isə özəl sektor subyektləri arasında olan hesablaşmalardır.

Burada verilən qərarlar daha çox dövlətlər arasında olan hesablaşmalara tətbiq oluna bilir və bunu tətbiq etmək rahat olur. Amma özəl sektor üçün bunu demək mümkün deyil. İndiyədək belə qərarları verən ölkələr çox ciddi uğura nail ola bilməyib.

Çünki dollar dünya pulu olduğu üçün özəl sektoru milli valyuta ilə ticarət etməyə məcbur etmək mümkün deyil. Qanunvericiliklə də bu, qadağan edilib", - deyə ekspert bildirib.

Ekspert bildirib ki, Rusiya ilə Türkiyə dövlətləri arasında əməliyyatların milli valyutalar ilə aparılması mümkün olacaq: "Amma bunu özəl sektor üçün demək mümkün deyil. Çünki özəl sektor dönərli valyuta axtarır və bu da hazırda dünyada dollar və avrodan ibarətdir. Ona görə də hələlik bu addımın çox böyük perspektivi görünmür. Amma dövlətlər arasında, xüsusilə son dövrlər Rusiya ilə Türkiyə arasında hesablaşmalar kifayət qədər böyük həcmdədir. Ona görə bu addım həmin ölkələrin dollara və avroya olan ehtiyacını müəyyən qədər azalda bilər və o ölkələr üçün xarici rezervlərindən istifadədə müəyyən səmərəliliyə gətirib çıxarda bilər. Amma çox böyük gözləntilər yoxdur. Hələ də dolların və avronun dünya pulu olması, dünyada dönərli valyuta olması özəl sektoru daha çox cəlb edir".

Senatorlar Türkiyəyə qarşı sanksiya tələb edirlər>>

"Azərbaycan da belə bir addım ata bilərmi?" sualını ekspert belə cavablandırıb: "İran ilə belə bir təşəbbüs var idi. Amma eyni vəziyyət Azərbaycana da aiddir.

Azərbaycan üçün də eyni perspektiv var, yüksək nəticə gözləmirəm. Düzdür, Azərbaycan xarici valyuta problemi olan ölkə deyil, yəni bizim kifayət qədər valyuta ehtiyatlarımız var. Amma bunun çox fundamental səbəbi var. Bu da özəl sektorun daha dönərli, daha etibarlı valyuta ilə ticarətə üstünlük verməsidir.

Bu gün hər hansı iki ölkə arasında aparılan hesablaşmalar təkcə iki ölkə arasında olmur, çoxlu mürəkkəb əməliyyatlar var, üçüncü ölkələr ilə bu proses davam edir, istehsal kifayət qədər mürəkkəbləşib və s. Yəni hər hansı iki ölkə rahatlıqla bu prosesdə qərar verə bilmir. Ölkələrarası hesablaşmalar artıq çox mürəkkəb xarakter alıb".

Məsələnin siyasi tərəfi ilə bağlı politoloq Sülhəddin Əkbər Sputnik Azərbaycan-a deyib ki, siyasət və iqtisadiyyat bir-biri ilə sıx bağlıdır: "Bu, həm Rusiyanın, həm də Türkiyənin məcburi atdığı addımdır. Çünki beynəlxalq ticarətdə dayanıqlı xarici valyutalar, xüsusən dollar mühüm önəm kəsb edir. Amma təəssüf ki, son dövrlər, xüsusən çoxsaylı ölkələrə sanksiyaların tətbiq olunması ilə bağlı ABŞ dollardan silah kimi istifadə etməyə başlayıb".

O bildirib ki, hazırda həm Rusiya, həm də Türkiyə ABŞ ilə münasibətlərdə gərginlik dövrünü yaşayır: "O baxımdan bu, anlaşılan bir addımdır. Çünki təkcə Türkiyə ilə Rusiya arasında deyil, çoxsaylı ölkələr arasında bu danışıqlar gedir, hansı ki, o ölkələrin ABŞ ilə münasibətlərində gərginlik yaranıb. Bu, siyasi səbəbləri olan, hətta geopolitik səbəbləri olan qarşıdurmadır. Bu ölkələr itkilərini minimuma endirməyə çalışırlar. Bunu dolların təsirinin nisbətən azaldılmasına yönələn addım kimi qiymətləndirmək olar".

"Azərbaycan da belə bir addım ata bilərmi?" sualına politoloq belə deyib: "Azərbaycan kiçik ölkədir və belə böyük oyunlara girməməli, öz gücünə uyğun hərəkət etməlidir. Azərbaycan belə böyük geopolitik nəticələri ola biləcək oyunlardan çəkinməlidir".

Qeyd edək ki, 2018-ci ilin yekununa görə, Rusiya ilə Türkiyə arasında ticarət dövriyyəsi 16% artaraq 25,5 milyard dollar olub.

582
Teqlər:
özəl sektor, razılaşma, əməliyyat, ticarət, dollar, ABŞ, Azərbaycan, Rusiya, Türkiyə
Əlaqədar
Beynəlxalq nəqliyyat dəhlizləri və Azərbaycanın geoiqtisadi maraqları
Putin: "İlham Əliyevin böyük layihələrinin reallaşması üçün hər şeyi edirik"
Üz ağardan "qırmızı": belə getsə, pomidor nefti geridə qoyacaq
Putin MDB ölkələrini vahid maliyyə bazarının formalaşdırılması barədə düşünməyə çağırıb
Kuryer, arxiv şəkli

Bunu heç kim etməzdi, amma siz etdiniz... - Bakıda yeni qadağaya etiraz

69
(Yenilənib 22:03 24.11.2020)
Həftəsonu ictimai iaşə sektoruna çatdırma və “takeaway” xidmətlərinin göstərilməsinə icazə verilmir, niyəsi də sual doğurur

BAKI, 24 noyabr — Sputnik. Bu gün Hotellər və Restoranlar Assosiasiyası ictimai iaşə sektorundan daxil olan çox saylı müraciətəri nəzərə alaraq Azərbaycan Respublikasının Nazirlər Kabinetinə müraciət ünvanlayıb. Sputik Azərbaycan-ın məlumatına görə, müraciətdə deyilir:

“Azərbaycan Respublikasının ərazisində xüsusi karantin rejiminin müddətinin uzadılması ilə bağlı əlavə tədbirlər barədə” Azərbaycan Respublikası Nazirlər Kabinetinin 19 Noyabr, 2020-ci il tarixli, 450 saylı Qərarında göstərildiyi kimi, “Xüsusi karantin rejimi ilə bağlı əlavə tədbirlər barədə” Azərbaycan Respublikası Nazirlər Kabinetinin 2020-ci il 12 sentyabr tarixli 336 nömrəli Qərarında bir sıra dəyişikliklər edilib.

Dəyişikliklərdən biri, Qərarın 2.4. bəndində qeyd edilmiş “2020-ci il 21 noyabr saat 00:00-dan 23 noyabr saat 06:00-dək, 28 noyabr saat 00:00-dan 30 noyabr saat 06:00-dək, 5 dekabr saat 00:00-dan 7 dekabr saat 06:00-dək, 12 dekabr saat 00:00-dan 14 dekabr saat 06:00-dək, 19 dekabr saat 00:00-dan 21 dekabr saat 06:00-dək, 26 dekabr saat 00:00-dan 28 dekabr saat 06:00-dək bu Qərarın 1 nömrəli əlavəsində nəzərdə tutulan sahələr istisna olmaqla, digər sahələrdə və istiqamətlərdə fəaliyyətin dayandırılmasıdır”.

Həmin Qərarın “Fəaliyyətinə icazə verilən sahələr” adlanan 1 nömrəli Əlavəsinin 5-ci bəndində “fasiləsiz fəaliyyət göstərən müəssisələrin, həmçinin qida məhsullarının istehsalı, tədarükü, təchizatı, saxlanması və topdan satışı müəssisələrinin fəaliyyəti” qeyd edilmişdir.

Bildiyimiz kimi, ictimai iaşə müəsissələri qeyd edilən sahələrə aiddirlər, bilavasitə qida məhsullarının istehsalı, tədarükü və təchizatı ilə məşqul olurlar.

Onu da qeyd etməliyik ki, ictimai iaşə müəsissələri pandemiya dövründə uzun müddət boşdayanmaya məruz qalmış və bir çoxu fəaliyyətlərini tam dayandırmamaq məqsədilə çatdırma və “takeaway” xidmətlərinə keçmiş, yəni yerində xidmət göstərməklə yanaşı, əhaliyə qida məhsullarının tədarükü və təchizatı ilə bilavasitə məşğuldurlar.

Yalnız son iki gün ərzində bir sıra ictimai iaşə müəsissələrindən daxil olan müraciətlər onu göstərir ki, istirahət günləri onlara yerində xidmətin dayandırılması ilə yanaşı, onlayn sifarişlər əsasında çatdırılma və “takeaway” xidmətlərinin göstərilməsinə də qadağa qoyulmuşdur.

Müşahidələrimiz onu göstərir ki, “catering” üsulu ilə iaşə xidmətləri göstərən, şirniyyat, qəlyanaltı, yarımfabrikat, təndir yeməkləri və digər ərzaq və qida məhsullarının istehsalı və satışı ilə məşğul olan müəsissələr həftə sonu günlərində heç bir məhdudiyyətsiz çalışırlar.

Bunları nəzərə alaraq sual çıxır ki, çatdırma və “takeaway” xidmətləri göstərən ictimai iaşə müəsissələrinə (restoran və kafelər) hansı məntiqlə həftə sonu günlərində fəaliyyət göstərməyə icazə verilmir. Onu da nəzərə alsaq ki, restoran biznesı pandemiya dövründə ən çox zərər çəkmiş sahələr sırasında olmuş, uzun müddət məcburi boşdayanma yaşamış, sonradan yalnız çatdırma xidmətilə fəaliyyət göstərmişdirlər və hazırda çətinliklə biznesı yaşadırlar, onların vəziyyətinin nə qədər ağır olduğu məlum olar.

Bunu da qeyd etmək istərdik ki, ictimai iaşə sahəsində, xüsusilə bu sahənin kiçik və orta biznes seqmentində, təkçə Bakı şəhərində on minlərlə insan çalışır, məvacib alırlar və ailə dolandırırlar. Həftə sonu fəaliyyətlərinin dayandırılması çox saylı ixtisarlara gətirib çıxara bilər və bunun qarşısının alınması xüsusilə önəmli hesab edilir.

Digər tərəfdən restoran və kafelərin fəaliyyətinin həftə sonu tam dayandırılması tədarük olunmuş ərzaq və qida məhsullarının xarab olması, ay ərzində 7-8 gün boşdayanma, bununla yanaşı icarə, kommunal və digər xərclərin ödənilməsində yeni problemlərin yaranması ilə nəticələnə bilər. Bu isə biznesın itkilərə getməsi, bir çox hallarda kiçik və orta biznesın müflüsləşməsi kimi fəsadlara gətirib çıxarır.

Məlum olduğu kimi pandemiya dövründə içtimai iaşə müəsissələrinin işini tənzimləyən bir sıra metodik göstərişlər və xüsusi nəzarət mexanizmları tətbiq ediliblər. Əminliklə demək olar ki, restoranlar, kafelər və digər ictimai iaşə obyektləri, o cümlədən onların müştəriləri metodik göstərişlərin qaydalarına ciddi şəkildə əməl edirlər və bu məsələyə hamı məsuliyyətlə yanaşır.

Qeyd olunanları nəzərə alaraq xahiş edirik, ictimai iaşə müəsissələrinin həftə sonu çatdırma və “takeaway” xidmətlərinin göstərilməsinə icazə verilməsi mümkünlüyünə bir daha baxılsın. Müsbət qərarın verilməsi restoran biznesının hazırkı vəziyyətində fəaliyyətinə yardımçı olar, onların çətin günlərdə ayağ üstə qalmalarına, iş yerlərinin saxlanmasına və daimi məvaciblərin verilməsinə, icarə, kommunal və digər cari xərclərin ödənilməsinə böyük köməklik göstərmiş olar".

69
Teqlər:
Nazirlər Kabineti, müraciət, takeaway, çatdırılma xidməti, kafe, restoran, mehmanxana, otel
Bakı şəhərinə mənzərə, arxiv şəkli

Daşınmaz əmlak bazarında son durum - Qələbənin payı var, koronavirusun da

76
(Yenilənib 21:51 24.11.2020)
Ekspert hesab edir ki, hazırda vətəndaşlar gəlirlərini əmlaka yatırtmaqdansa, nağd pul vəsaiti saxlamağa üstünlük verirlər. Bu isə bazara mənfi təsir edir

İradə Cəlilova, Sputnik Azərbaycan

BAKI, 24 noyabr — Sputnik. 2020-ci ilin oktyabrında Bakıda torpaq sahələrinin qiyməti ötən ilin oktyabrı ilə müqayisədə 7,83 faiz bahalaşıb.

Sputnik Azərbaycan xəbər verir ki, bu barədə "MBA Group" konsaltinq şirkətinin direktoru Nüsrət İbrahimov deyib.

Onun sözlərinə görə, hesabat dövründə kommersiya obyektlərinin qiymətində ötən ilin oktyabrı ilə müqayisədə 0,06 faiz bahalaşma qeydə alınıb. Qiymət artımı bağ evləri və fərdi evlərdə müşahidə olunub. Bazarın bu seqmentində qiymətlər ötən ilin oktyabrı ilə müqayisədə 5,34 faiz artıb.

Eyni zamanda, oktyabrda obyektlərin icarəsi qiyməti 6,04 faiz ucuzlaşıb.

Əmlak məsələləri üzrə ekspert Elnur Azadov Sputnik Azərbaycan-a açıqlamasında bildirib ki, hazırda daşınmaz əmlak bazarında dəyişiklik yoxdur: "Ayın 10-da qələbə elan olundu. İndi cüzi bir canlanma var, amma bu hələlik bazarda əksini tapmayıb, kiçik bir canlanmadır".

Ekspertin sözlərinə görə, bu canlanmaya səbəb daşınmaz əmlak üçün müraciət edənlərin sayının artmasıdır. Ancaq qiymətlər və bazar aktivliyi olduğu kimi qalıb. Və satış həcmində böyük bir dəyişiklik yoxdur.

"Əsas təcili alqı-satqı prosesləridir. Bu proseslərə əsasən təcili pula ehtiyacı olanlar və ya alqı-satqı barədə uzun müddətdir ki, düşünən şəxslər qoşulurlar", - deyən ekspert vurğulayıb ki, koronavirusun aktivləşməsi ümumi iqtisadi proseslərə təsir edir. Məhz bu səbəbdən də, qiymətlər haqqında hələ ki konkret danışmaq olmaz.

"Dövlətin müəyyən proqramları var. Fikrimcə, işğaldan azad olunmuş ərazilərin, şəhərlərin mütləq olaraq baş planı hazırlanmalıdır", - deyə o əlavə edib.

Əmlak məsələləri üzrə ekspert Elnur Fərzəliyevin fikrincə isə, daşınmaz əmlak bazarında koronavirus başlayandan sonra çox ciddi durğunluq müşahidə edilir.

"Düzdür, yay aylarında torpaq sahələri, fərdi həyət evlərinin satışı sürətləndi və qiymətlərində də artım oldu. Amma qış aylarında nisbətən sakitlik olur", - deyən Fərzəliyev bildirib ki, mənzillərin satışında əvvəlki illərə nisbətən 50 faizdən çox zəifləmə var.

Onun fikrincə, bu, dövlət ipotekaları, Mənzil İnşaatı Dövlət Agentliyinin satdığı mənzillərə aid deyil.

O bildirib ki, hazırda az faizli kreditlə satılan mənzillərə tələbat daha çoxdur: "Hazırda Bakı şəhərində daşınmaz əmlak alıcılarının böyük əksəriyyəti təkrar alıcılardır. Yəni adamın evi, gəliri var. Gələn gəlirləri daşınmaz əmlaka yatırır. Yəni alırlar, kirayə verirlər, gəlir götürürlər, lazım olanda onu satırlar".

Müharibə və pandemiya fonunda daşınmaz əmlak bazarında proseslərin dayandığını vurğulayan ekspert hesab edir ki, hazırda vətəndaşlar gəlirlərini əmlaka yatırtmaqdansa, nağd pul vəsaiti saxlamağa üstünlük verirlər. Bu isə bazara mənfi təsir edir.

Yaşayış kompleksinin tikinitisi, arxiv şəkli
© Official website of President of Azerbaijan Republic

E.Fərzəliyev qeyd edir ki, daşınmaz əmlak bazarının xüsusən də yeni tikilən, tikilməkdə olan binaların satışının sürətləndirilməsi üçün sənədləşdirilmə prosesində dəyişiklik olmalıdır. Belə ki, hazırda sənədləşmələr müqavilə üzərindən rəsmiləşdirilir. Əgər çıxarışlar verilərsə, vətəndaşlar uzunmüddətli kreditlərə üstünlük verərək, bank yolu ilə mənzil sahibi ola bilərlər. Bu baxımdan isə ilk növbədə daşınmaz əmlak sahəsini düzəltmək üçün sənədləşmə hissəsi dəyişməlidir.

Daşınmaz əmlak bazarında durğunluq olduğu üçün tikintilərin dayandırıldığını qeyd edən ekspertin fikrincə, tikinti üçün yararlı torpaq sahələrinin də qıt olduğunu deyib.

O bildirib ki, sənədləşmələrin çətin olması, tikinti üçün yararlı torpaq sahələrinin qıt və baha olması tikinti xərclərini artırır.

"Yəni kimsə bina tikmək istəsə, məcburən bugünkü satış qiymətindən baha satmalıdır. Tikintilər dayanıb, müəyyən vaxtdan sonra tələb təklifi üstələsə, daşınmaz əmlak az olsa, yenidən bahalaşa bilər", - deyə o əlavə edib.

76
Teqlər:
ev, mənzil, torpaq sahələri, alqı-satqı, son durum, daşınmaz əmlak bazarı, Bakı, Azərbaycan
Azərbaycan hərbçiləri, arxiv şəkli

Müzəffər Ordumuz artıq Kəlbəcərdə!

68
(Yenilənib 01:14 25.11.2020)
Bölmələrimizin bu istiqamətdə hərəkətini təmin etmək məqsədilə mühəndis işləri başa çatdırılıb, qoşunların hərəkət marşrutu üzrə çətin keçilən dağ yolları minalardan təmizlənir və istifadəyə hazır vəziyyətə gətirilir.

BAKI, 25 noyabr - Sputnik. Azərbaycan Respublikası, Rusiya Federasiyası Prezidentləri və Ermənistan Respublikası baş nazirinin imzaladığı üçtərəfli Bəyanata əsasən, Azərbaycan Ordusunun bölmələri noyabrın 25-də Kəlbəcər rayonuna daxil olub.

Sputnik Azərbaycan bildirir ki, məlumatı Azərbaycan Müdafiə Nazirliyi yayıb. Bölmələrimizin bu istiqamətdə hərəkətini təmin etmək məqsədilə mühəndis işləri başa çatdırılıb, qoşunların hərəkət marşrutu üzrə çətin keçilən dağ yolları minalardan təmizlənir və istifadəyə hazır vəziyyətə gətirilir.
Gün ərzində Kəlbəcərdən foto və video materiallar təqdim olunacaq.

68
Teqlər:
Azərbaycan ordusu, Qarabağ, Kəlbəcər rayonu