İsveçrədə UBS bankı

Hazırlaşın Kimin əlinin kimin cibindən çıxdığına şahid olacağıq

507
(Yenilənib 14:59 07.10.2019)
"Əvvəlki dövrlərdə Avropa banklarına vəsaitlərin cəlb edilməsi vacib idi və bu yanaşma artıq dəyişib. Çünki vəsaitlərin cəlb edilməsi qara pulların da cəlb edilməsinə və Avropa bankları vasitəsilə yuyulmasına gətirib çıxardırdı"

Xalid Məmmədov, Sputnik Azərbaycan

BAKI, 7 oktyabr — Sputnik. Azərbaycanın vergi orqanları Azərbaycan vətəndaşlarının İsveçrə banklarındakı hesabları ilə bağlı müvafiq informasiyaları ala biləcəklər. İsveçrə parlamenti müvafiq sazişlər imzaladığı 36 dövlətdən əlavə, 19 ölkəyə, o cümlədən Azərbaycana bank və vergilərlə bağlı informasiya verməyə başlamağa dair qərar qəbul edib.

Sputnik Azərbaycan xəbər verir ki, bu barədə məlumatı İsveçrənin "Swissinfo" onlayn nəşri yayıb. Azərbaycan və İsveçrə arasında faktiki bank və vergi məlumatları mübadiləsi 2021-ci ildə başlayacaq.

Məsələ ilə bağlı iqtisadçı-ekspert Vüqar Bayramov Sputnik Azərbaycan-a deyib ki, əvvəlki illərdə xüsusən inkişaf etməkdə olan ölkələr bank sirrini qoruyub saxlayırdı və bank sirrinə kommersiya sirri kimi baxırdılar, amma indi bu yanaşma dəyişib: "Hazırda bununla bağlı bir qlobal yanaşma var. Həmin qlobal yanaşmaya görə, aparıcı ölkələrin banklarından da şəffaf şəkildə, xüsusən də digər ölkələrdən cəlb edilən vəsaitlər ilə bağlı məlumatların bölüşdürülməsi tələb olunur. Bu, eyni zamanda həmin vəsaitlərin mənbəyinin müəyyən edilməsi, vergi öhdəliklərinin yerinə yetirilməsi baxımından vacibdir".

O bildirib ki, söhbət şəffaf şəkildə məlumatların bölüşdürülməsindən gedir: "Digər tərəfdən, xüsusən də çirkli pulların yuyulmasında ehtimal oluna bilən vəsaitlərin Avropa banklarına daxil olmasının qarşısını almaq istəyirlər. O baxımdan bir neçə ölkənin İsveçrə banklarında olan hesablarının yoxlanılması və bununla bağlı məlumatların mübadilə edilməsi nəzərdə tutulur. Bu da şəffaflığın artırılması baxımından vacibdir. Bu, eyni zamanda ona görə vacibdir ki, gələcəkdə xüsusən adı fərqli korrupsiya əməliyyatlarında hallanan və mənbəyi məlum olmayan vəsaitlərin Avropa banklarına daxil olmasının qarşısını almaq mümkün olsun".

Onun fikrincə, belə məlumatların yalnız dövlət qurumları ilə mübadilə edilməsi deyil, həm də ictimaiyyətə təqdim edilməsi daha məqsədəuyğun olardı: "Çünki bu, həm də Avropa banklarının şəffaf fəaliyyəti baxımından çox vacibdir. Avropa bankları üçün şəffaflıq çox vacibdir. Əvvəlki dövrlərdə vəsaitlərin cəlb edilməsi vacib idi və bu yanaşma artıq dəyişib. Çünki vəsaitlərin cəlb edilməsi qara pulların da cəlb edilməsinə və Avropa bankları vasitəsilə yuyulmasına gətirib çıxardırdı. Ona görə də yanaşma dəyişib. Güman etmirəm ki, bu addım İsveçrə banklarının cəlb etdiyi vəsaitlərin kəskin azalmasına gətirib çıxarda bilər. Amma bu addım nəticədə İsveçrə banklarının və bütövlükdə Avropa banklarının reputasiyasının artmasına xidmət edə bilər".

Qeyd edək ki, Azərbaycanla yanaşı, 2021-ci ildən etibarən Çin, Səudiyyə Ərəbistanı, Livan, Pakistan, Qazaxıstan, Qana, Nigeriya və Kolumbiya da İsveçrədən bank məlumatlarını alacaqlar.

Onu da bildirək ki, Azərbaycan Maliyyə Monitorinqi Xidmətinin məlumatına görə, Avropa Şurasının Çirkli Pulların yuyulmasına Qarşı Mübarizə Tədbirlərinin Qiymətləndirilməsi Komitəsi (MONEYVAL) Azərbaycanın çirkli pulların yuyulmasına və terrorizmin maliyyələşdirilməsinə qarşı mübarizə sistemini müsbət qiymətləndirir.

507
Qaz borusunun çəklişi

Azərbaycanın təbii qaz sektorunda üç il sonrakı hədəfləri açıqlandı

11
(Yenilənib 21:07 03.12.2020)
"İqtisadi artımın bərpası və ümumi rifaha doğru: dayanıqlı dünya üçün təbii qazın imkanları" mövzusuna həsr edilmiş 7-ci Beynəlxalq Enerji Forumu - Beynəlxalq Qaz İttifaqı Nazirlərinin Qaz Forumu keçirilib

BAKI, 3 dekabr — Sputnik. 2023-cü ildə Azərbaycanda təbii qaz istehsalı illik 50 milyard kubmetrə, "Şahdəniz" yatağında isə 25,3 milyard kubmetrə çatacaq.

Energetika Nazirliyindən Sputnik Azərbaycan-a bildirilib ki, dekabrın 3-də "İqtisadi artımın bərpası və ümumi rifaha doğru: dayanıqlı dünya üçün təbii qazın imkanları" mövzusuna həsr edilmiş 7-ci Beynəlxalq Enerji Forumu - Beynəlxalq Qaz İttifaqı Nazirlərinin Qaz Forumu keçirilib. Tədbirdə Azərbaycanın energetika naziri Pərviz Şahbazov da iştirak edib. Malayziya hökumətinin ev sahibliyi ilə virtual formatda təşkil olunmuş forumda inkişaf etməkdə olan bazarlarda təbii qazın rolu, təbii qaz bazarlarında yeni perspektivlər, dayanıqlı gələcəyə xidmət edəcək və dünya qaz bazarlarında dinamik inkişafı dəstəkləyən enerji siyasəti və biznes strategiyaları haqqında fikir mübadiləsi aparılıb.

Forum çərçivəsində təşkil olunmuş "Genişlənməkdə olan qaz bazarlarında imkanlar: yeni reallıqlar şəraitində istehsalçı–istehlakçı perspektivləri" mövzusunda nazirlərin dəyirmi masasında çıxış edən P.Şahbazov Cənub Qaz Dəhlizi layihəsi haqqında geniş məlumat verib və bildirib ki, cari ilin sonundan etibarən təbii qazın Avropaya nəqlinə başlanacaq. Eyni zamanda, ayrı-ayrılıqda TANAP və TAP layihələri haqqında da məlumat verilərək həm bu kəmərlərin, həm də ümumilikdə Cənub Qaz Dəhlizinin gələcəkdə nəql imkanlarının genişləndirilməsi və daha geniş coğrafiyaya, Cənub-Şərqi Avropa və Balkanlara qaz nəqli perspektivlərinin olduğu bildirilib.

Çıxışda, həmçinin Azərbaycanda bu il 38 milyard kubmetr proqnozlaşdırılan qazın 2023-cü ildə təxminən 50 milyard kubmetrə, Cənub Qaz Dəhlizinin əsas mənbəyi olan "Şahdəniz" yatağından illik hasilatın bu il 18,7 milyard kubmetrə, 2023-cü ildə isə 25,3 milyard kubmetrə çatacağının gözlənildiyi qeyd edilib. Bildirilib ki, indiyə qədər bu yataqdan təxminən 133 milyard kubmetr qaz çıxarılıb, 88,6 milyard kubmetrdən çox qaz ixrac olunub.

Azərbaycanın əks-hücum əməliyyatı və sonrakı siyasi həll mərhələsi ilə Ermənistan tərəfindən işğal olunmuş ərazilərimizin azad edildiyi və 30 illik Ermənistan-Azərbaycan Qarabağ münaqişəsinə son qoyulduğu, bununla da Azərbaycanda enerji, o cümlədən qaz infrastrukturuna hərbi təhdidlərin artıq keçmişdə qaldığı da diqqətə çatdırılıb.

Forumda 100-dək yüksək səviyyəli hökumət nümayəndəsi, o cümlədən nazirlər, sənaye liderləri, beynəlxalq təşkilatların rəhbərləri və ekspertlər iştirak ediblər.

11
Teqlər:
Şahdəniz” yatağı, hasilat, təbii qaz yatağı, təbii qaz, Azərbaycan
Azərişıq, arxiv şəkli

Qənaət: "Azərişıq" azad olunan torpaqlarda işini 3D xəritə ilə qurur

17
(Yenilənib 20:04 03.12.2020)
Ərazinin 3D-mobil xəritəsinin yaradılması ilə güc mərkəzləri, elektrik veriliş xətləri, paylayıcı qurğular və uçot komplektinin coğrafi mövqeləri lazer skaneri vasitəsilə hazırlanmış modeldə öz əksini tapır.

BAKI, 3 dekabr — Sputnik. “Azərişıq” Açıq Səhmdar Cəmiyyəti işğaldan azad olunan ərazilərdə mühüm əhəmiyyətli strateji obyektlərin elektrik təchizatını təmin etmək üçün “Azərişıq Qarabağda” layihəsi çərçivəsində təcili tədbirlərə start verib. Bu barədə qurumdan Sputnik Azərbaycan-a verilən məlumatda bildirilib.

Bildirilib ki, hazırda ölkə Prezidenti İlham Əliyevin müvafiq göstərişinə əsasən, Qarabağ ərazisində mühüm əhəmiyyətli strateji obyektlərin elektrik enerjisi ilə təchiz edilməsi istiqamətində fasiləsiz işlər aparılmaqdadır.

“Azərişıq” ASC-nin İmişli Avtomatik İdarəetmə və Nəzarət Mərkəzinin açılışı olub
© Official website of President of Azerbaijan Republic

"Şəbəkələrin yenidənqurma və tikintisi işlərinin layihələndirilməsinə gəldikdə isə, düşünürük ki, müasir və innovativ texnologiyaların cəlb edilməsilə bu proses daha da sürətlənəcək. Belə ki, ərazinin 3D-mobil xəritəsinin yaradılması ilə güc mərkəzləri, elektrik veriliş xətləri, paylayıcı qurğular və uçot komplektinin coğrafi mövqeləri lazer skaneri vasitəsilə hazırlanmış modeldə öz əksini tapır. Bununla əlaqədar olaraq, özünü rəqəmsal texnologiyalar sahəsində yetərincə təsdiq etmiş EKM Global Consulting GmbH şirkəti ilə gələcək əməkdaşlıq haqda niyyət sazişi imzalandı”, -  deyə “Azərişıq” ASC-nin sədr müavini Ramil Yusifov qeyd edib.

Qeyd olunub ki, tikililərin 3D lazer skan edilməsi və modelləşdirilməsi, tarixi-memarlıq abidələr və topoqrafik planların mövcud vəziyyətini dolğun və dəqiq əks etdirməyə imkan verir: "Yerüstü topoqrafik çəkilişlər öz iş yerlərini tərk etmədən müxtəlif ölçmələrin aparılmasında mütəxəssislərə geniş imkanlar yaradır. Və əlbəttə ki, bu kimi innovativ yanaşmalar zəruri olan işlərin daha az vaxt və məsrəflərlə həyata keçirilməsini təmin edir”.

17
Teqlər:
qənaət, xəritə, işğaldan azad edilmiş ərazilər, "Azərişıq" ASC
Müasir Türkiyə-Azərbaycan əməkdaşlığına həsr olunmuş dəyirmi masa. Sputnik Multimedia Mərkəzi, 17 sentyabr 2018-ci il

Tarixçi: “Son 250 illik tariximizdə ilk dəfədir ki, belə böyük bir zəfər qazanırıq”

0
(Yenilənib 00:38 04.12.2020)
Qafqaz Tarixi Mərkəzinin direktoru Rizvan Hüseynov deyir ki, bu zəfərin böyük mənəvi dəstəyi var və ümid yaradır ki, irəlidə Azərbaycan xalqını, dövlətini daha böyük qələbələr gözləyir
Rizvan Hüseynov: “Bu Zəfər Günü də gözlənilən idi”

Prezident İlham Əliyev Azərbaycan Respublikasında Zəfər Gününün təsis edilməsi haqqında Sərəncam imzalayıb. Sərəncama əsasən, hər il noyabrın 8-i Azərbaycanda Zəfər Günü kimi təntənəli şəkildə qeyd ediləcək.

Qafqaz Tarixi Mərkəzinin direktoru Rizvan Hüseynov Sputnik Azərbaycan-a deyir ki, ordumuzun Vətən müharibəsində qələbəsi böyük uğurdur:

“Bu Zəfər Günü də gözlənilən idi. Müstəqilliyimizi qazandıqdan bu yana ən çox gözlədiyimiz bayram günüdür. Hətta deyərdim ki, son 250 illik tariximizdə ilk dəfədir ki, belə böyük bir zəfər qazanırıq. Bu zəfərin böyük mənəvi dəstəyi var və ümid yaradır ki, irəlidə Azərbaycan xalqını, dövlətini daha böyük qələbələr gözləyir”.

Rizvan Hüseynovun geniş şərhinə audiofaylda qulaq asa bilərsiniz

0
Teqlər:
Qarabağ, tarix, Zəfər Günü, Azərbaycan
Mövzu:
Azərbaycan və Ermənistan arasında müharibə