Ofis, arxiv şəkli

Xidməti müqavilə ilə işləyənlər üçün yenilik - kimlər qazanacaq?

1819
(Yenilənib 16:00 02.10.2019)
"Belə götürsək, qeyri-neft sektorunda ən sərfəli olan əmək müqaviləsi ilə işləməkdir, amma bu halda işəgötürənə ziyan olur" - Ruslan Atakişiyev

Xalid Məmmədov, Sputnik Azərbaycan

BAKI, 2 oktyabr — Sputnik. Azərbaycanda mülki-hüquqi müqavilə (xidməti müqavilə) ilə işləyənlər barədə məlumatlar reyestrə daxil ediləcək. Sputnik Azərbaycan-ın məlumatına görə, bu, Nazirlər Kabinetinin sentyabrın 19-da təsdiqlədiyi "Məşğul şəxslər barədə məlumatların əldə olunması, reyestrə daxil edilməsi, reyestrin aparılması və ondan istifadə Qaydası"nda əksini tapıb. Qaydaya görə, mülki-hüquqi xarakterli müqavilələrlə işləyənlər və sahibkarlar barədə məlumatlar Vergilər Nazirliyinin apardığı elektron informasiya sisteminin məlumatları əsasında reyestrə daxil ediləcək.

Bu qayda "Məşğulluq haqqında" qanunun 4.3-cü maddəsinə uyğun olaraq hazırlanıb və məşğul şəxslər barədə məlumatların əldə olunması, reyestrə daxil edilməsi, reyestrin aparılması və ondan istifadə qaydasını müəyyən edir. Reyestr vahid informasiya ehtiyatıdır, onun istifadəsi və mühafizəsi Əmək və Əhalinin Sosial Müdafiəsi Nazirliyi tərəfindən təmin edilir.

Xidməti müqavilə ilə işləyənlər barədə məlumatların reyestrə daxil edilməsi ilə bağlı iqtisadçı-ekspert Rəşad Həsənov Sputnik Azərbaycan-a deyib ki, Vergi Məcəlləsinə edilən dəyişikliklər, mülki-hüquqi müqavilə ilə işləmə şərtlərinə dair yeni qaydaların təsdiq edilməsi, onların reyestrinin aparılması məhz əmək bazarında problemlərin aradan qaldırılmasına yönəlib: "Artıq yeni qaydalar ilə fiziki şəxslər mülki-hüquqi müqavilə ilə uzun müddətli dövrdə sahibkarlar üçün çalışa bilməzlər, yəni eyni subyekt üçün fəaliyyət göstərə bilməzlər, xüsusilə də sahibkarın maddi vəsaitlərindən istifadə etmək şərti ilə. Və bu, 6 ay müddətini keçməməlidir. Reyestrin aparılması bu istiqamətdə nəzarət üçün imkanlar formalaşdıracaq və bundan sonra müvafiq sanksiyalar tətbiq edilə bilər. Bu isə növbəti dövrdə bir sıra müəssisələrdə fiskal öhdəliklərdən və vergi yükündən yayınmaq məqsədilə işçilərin xidməti müqavilə ilə işə cəlb edilməsi prosesini çətinləşdirəcək və məcburən bu istiqamətdə leqallaşma prosesi başlayacaq".

İqtisadçı-ekspert Rəşad Həsənov
İqtisadçı-ekspert Rəşad Həsənov

"Bu addım öz növbəsində müəyyən qədər həm çalışanlar üçün, həm də işəgötürənlər üçün əlavə maliyyə yükü formalaşdıracaq. Amma nəzərə almaq lazımdır ki, mülki-hüquqi müqavilə ilə fəaliyyət göstərən fiziki şəxslər bir sıra sosial müdafiə mexanizmlərindən istifadə edə, yararlana bilmirlər. Bu isə mənfi hal hesab oluna bilər. Bu şəxslərin əmək müqaviləsi ilə işləməyə başlaması növbəti dövrlərdə onların istənilən sosial müdafiə mexanizminə çıxışını nisbətən asanlaşdıracaq. Xüsusilə də əmək qabiliyyətini itirmə, işsiz qalma hallarında və yaxud gələcəkdə pensiya təminatı ilə bağlı nisbətən üstün mövqe əldə etmiş olacaqlar", - deyə o bildirib.

O qeyd edib ki, artıq yeni mexanizm ilə eyni hüquqi subyektə xidmət göstərən fiziki şəxsləri nəzarətə götürmək mümkündür:

"Amma burada əks proses də müşahidə oluna bilər. Ola bilsin ki, müəssisələr xidməti müqavilələri rəsmiləşdirməsinlər və bu da bir tərəfdən qeyri-rəsmi məşğulluğun miqyasının daha da artmasına gətirib çıxara bilər. Əsas məsələ odur ki, bu istiqamətdə nəzarəti həyata keçirən qurumlar daha effektiv fəaliyyət göstərsinlər ki, bu kimi hallar geniş yayılmasın".

Nazirlər Kabinetinin qərarı ilə bağlı İqtisadi Resursların Öyrənilməsi Mərkəzinin sədri Ruslan Atakişiyev Sputnik Azərbaycan-a deyib ki, yeni qayda əmək ehtiyatlarının səmərəliliyini ölçmək üçündür: "Məşğul əhalinin siyahısı tutulacaq, ölkə üzrə əhalinin işlə təminat səviyyəsi, işsizliyin səviyyəsi dəqiq müəyyən ediləcək. Bu, gələcəkdə makroiqtisadi təhlillər üçün lazım olacaq".

Xidməti müqaviləyə gəlincə ekspert bildirib ki, tam şəkildə hamının xidməti müqavilədən əmək müqaviləsinə keçməsi ilə bağlı tələb qoyula bilməz: "Xidməti müqavilə qısa müddətli hansısa işlərin, xidmətlərin görülməsi üçün bağlanır. Amma indi xidməti müqavilə bağlayıb 6 ay - 2 il işçi kimi işləmək hallarının qarşısını almaq istəyirlər. Faktiki şəxs işçi kimi işləyirsə, onunla əmək müqaviləsi bağlanmalıdır, xidməti müqavilə yox".

İqtisadi Resursların Öyrənilməsi Mərkəzinin sədri Ruslan Atakişiyev
© Sputnik / Kemale Aliyeva
İqtisadi Resursların Öyrənilməsi Mərkəzinin sədri Ruslan Atakişiyev

O bildirib ki, onsuz da xidməti müqavilə həmişə olacaq: "Məsələn, loqonu düzəltmək üçün dizaynerə ehtiyac varsa, onunla xidməti müqavilə bağlanır. Amma xidməti müqavilə ilə işçinin illərlə işləməsi düzgün deyil, əmək müqaviləsi olmalıdır. Burada məqsəd ondan ibarətdir ki, hansı fəaliyyət növü xidməti müqaviləyə şamil olunur, hansı fəaliyyət halında isə xidməti müqavilə deyil, mütləq əmək müqaviləsi bağlanmalıdır və bu meyarın üzərində iş aparılır, yəni bunun təsbit olunmasından söhbət gedir. Amma xidməti müqavilə həmişə lazım olacaq".

"Qeyri-neft, qeyri-dövlət sektorunda əmək müqaviləsi ilə çalışan şəxsin 8 min manatadək əldə etdiyi əmək haqqından gəlir vergisi tutulmur. Məsələn, şəxs 500 manat maaş alırsa, onun 200 manatından 6 manat, 300 manatından isə 10 faiz, yəni 30 manat sosial ödəmə tutulur. Eyni zamanda 500 manat maaşdan 0,5 faiz, yəni 2 manat 50 qəpik işsizlik sığortası tutulur. Beləliklə, şəxs 500 manat maaşa görə cəmi 38 manat 50 qəpik pul ödəyir. Bu, sırf qeyri-neft sektoruna aiddir", - deyə o bildirib.

Ekspert qeyd edib ki, amma şəxs dövlət sektorunda 500 manat maaş alırsa, bunun 200 manatı vergidən azad olunan hissədir: "Yerdə qalan 300 manata görə 14 faiz, yəni 42 manat gəlir vergisi tutulur. Üstəgəl, 500 manat maaşdan 3 faiz məcburi dövlət sosial sığorta haqqı, yəni 15 manat tutulur. Eyni zamanda 500 manat maaşdan 0,5 faiz, yəni 2 manat 50 qəpik işsizlik sığortası tutulur. Beləliklə, dövlət sektorunda 500 manat maaşa görə şəxs cəmi 59 manat 50 qəpik pul ödəyir".

"Amma xidməti müqavilə ilə 500 manat əldə edən şəxs isə 5 faiz həcmində, yəni 25 manat vergi ödəyir. Üstəgəl, fiziki şəxsin minimum əmək haqqının 20 faizi həcmində sosial ödəniş etdiyini nəzərə alsaq, bu da 50 manat edir. Minimum əmək haqqının məbləği 250 manatdır. Beləliklə, şəxs 500 manat gəlirə görə, 75 manat pul ödəyir. Belə götürsək, qeyri-neft sektorunda ən sərfəli olan əmək müqaviləsi ilə işləməkdir, amma bu halda işəgötürənə ziyan olur. Şəxsə 500 manat pul vermək üçün müəssisə 89 manat pul ödəməli olur", - deyə o bildirib.

Onu da qeyd edək ki, bəzi sahələrdə mülki-hüquqi müqavilə (xidməti müqavilə) ilə işləməyə məhdudiyyət qoyulması gözlənilir. FED.az-a verilən məlumata görə, artıq bununla bağlı təkliflər hazırlanıb və hökumətdə baxılır. Təkliflərdə indiyədək bəzi hallarda vergidən yayınmaq üçün istifadə edilən xidməti müqavilələrlə bağlı məhdudiyyətlərin qoyulması nəzərdə tutulur. Tələblər göstərilən xidmətlərin çeşidinə, müqavilə ilə işləyənlərin iş rejiminə və fəaliyyət formasına, xidmətlərin ödənilməsi qaydalarına, müqavilənin müddətinə aiddir. Xidməti müqaviləni bir neçə aydan artıq bağlamaq da mümkün olmayacaq, eləcə də müqaviləni sonradan uzatmağa da icazə verilməyəcək. Hər halda belə halların qarşısının alınması üçün nəzarət ediləcək.

Təkliflərdə işçilərin xidməti müqavilə ilə cəlb edilməsinə icazə verilən sahələrin təqribi siyahısı da yer alır. Buraya müvəqqəti kompüter xidmətləri, aqrar xidmətlər, təmir işləri və s. aiddir: "Məsələn, 1-2 ay müddətində İT xidmətlərinin göstərilməsi, kompüterlərin təmiri, santexnika və ya aqrotexniki xidmətlər və s.". 

1819
Teqlər:
əmək müqaviləsi, müqavilə
Əlaqədar
Vergilər Nazirliyindən maaşlarla bağlı maraqlı açıqlama - kim çox qazanır?
Gələn aydan bəzi işçilərin aylıq vəzifə maaşları belə olacaq - CƏDVƏL
Şad xəbər gəldi – Artıq pensiya üçün yığdığınız pul “öz-özünə” artacaq
Kasıbı pula, xətakar varlını cəriməyə çatdıran beş gün - yeni qaydalar gəlir
Azərbaycanda xidmət sektoru niyə gəlirli sahəyə çevrilə bilmir - ekspert danışır
Mehri

Şuşadan Çinədək: Bu həftə Azərbaycanın iqtisadi həyatında baş verib?

692
(Yenilənib 12:16 20.06.2021)
Şuşa Bəyannaməsinin imzalanması, Azərbaycana səfərə icazə verilməsi, Azərbaycanın qonşu ölkələrə ixrac etdiyi elektrik enerjisinin həcmi, İqtisadi Şuranın iclası - Sputnik Azərbaycan bu həftənin ən mühüm iqtisadi hadisələrindən bəhs edir.

BAKI, 20 iyun — Sputnik. Bu həftə "Azərbaycan Respublikası ilə Türkiyə Respublikası arasında müttəfiqlik münasibətləri haqqında Şuşa Bəyannaməsi"nin imzalanması Azərbaycanda ən mühüm hadisə olub.

Şuşa Bəyannaməsinin iqtisadi təfərrüatları

İqtisadçıların fikrincə, Şuşa Bəyannaməsi ilə Azərbaycan dünyanın 17-ci ən böyük iqtisadiyyatına sahib olan Türkiyə ilə əməkdaşlıqdan daha çox faydalanacaq. Türkiyə 2020-ci ildə 1,8 faiz iqtisadi artım göstərərək pandemiya şəraitində iqtisadiyyatı kiçilməyən nadir ölkələrdən olmaqla yanaşı, bu il də 5 faizdən yüksək artım proqnozu ilə dünyada ən sürətlə inkişaf edən ölkələrin sırasındadır. Türkiyə iqtisadiyyatının artım sürəti getdikcə onunla daha çox inteqrasiya olunan Azərbaycanda da iqtisadi artıma stimul verə bilər.

Ekspertlərə görə, Şuşa Bəyannaməsi Azərbaycanda biznesin uzunmüddətli gözləntiləri üçün zəmin yaradır. Xüsusən də, Bəyannamənin Şuşada imzalanması Qarabağda investisiya mühitinə əlavə bir qarant kimi qiymətləndirilməlidir. Şuşa Bəyannaməsi ilə BP, "Signify" kimi qlobal şirkətlərin Qarabağda sərmayə yatırmaq niyyətləri bir-birini tamamlayır, Qarabağda investor inamı indeksini yüksəldir. İqtisadi əlaqələrin genişləndirilməsi ölkələr arasında investisiya qoyuluşlarını da artıracaq. Hazırda Türkiyə Azərbaycanda daha çox qeyri-neft sektoruna, Azərbaycan isə Türkiyədə, əsasən, energetika və kimya sahələrinə kapital yatırır. Türkiyədən Azərbaycana investisiya qoyuluşları 12 milyard dollar, Azərbaycandan Türkiyəyə sərmayə yatırımları isə 19,5 milyard dollar təşkil edir.

Bəyannamədə Zəngəzur dəhlizinə yer ayrılması hər iki ölkə üçün əhəmiyyətlidir. Təkcə bu il ixrac həcmini 15-20 faiz artırmağı planlaşdıran Türkiyə ticarət dövriyyəsi 6 milyard dollara çatan Mərkəzi Asiya və 21 milyard dollar olan Çinlə iqtisadi əlaqələrdə Zəngəzur dəhlizindən istifadə edəcək. Hətta Zəngəzur dəhlizi Türkiyə-Rusiya iqtisadi əlaqlərinin də güclənməsinə imkanlar aça bilər. İxracyönümlü Türkiyə iqtisadiyyatı üçün Zəngəzur dəhlizi ixrac marşrutlarının şaxələndirilməsi deməkdir.

İqtisadçılara görə, bu il martın 1-dən Azərbaycan ilə Türkiyə arasında Preferensial Ticarət Sazişi qüvvəyə minib. Saziş 15 mal qrupunu əhatə edir. Bu Saziş nəticəsində iki qardaş ölkə arasında ticarət dövriyyəsinin artacağı gözlənilir. Bu o deməkdir ki, artıq bu sahədə real addımlar atılmaqdadır. Qardaş ölkələr növbəti 3 il ərzində ticarət dövriyyəsinin 15 milyard dollara çatdırılması ilə bağlı hədəf müəyyənləşdiriblər. Şuşa Bəyannaməsində nəzərdə tutulan tədbirlər bu hədəfə nail olmaq üçün yeni imkanlar yaradacaq.

Daha bir sıra ölkələrin vətəndaşlarının Azərbaycana səfər etməsinə icazə veriləcək

Nazirlər Kabineti yanında Operativ Qərargahın məlumatında bildirilir ki, iyunun 21-dən daha bir sıra ölkələrin vətəndaşlarının Azərbaycan ərazisinə səfər etməsinə icazə veriləcək.

Məlumata görə, ölkəmizdə həyata keçirilən sistemli tədbirlər, həmçinin uğurlu vaksinasiya proqramı nəticəsində Azərbaycanda epidemioloji vəziyyət yaxşılaşmaqda davam edir. Bununla əlaqədar, Azərbaycan Respublikası Nazirlər Kabineti yanında Operativ Qərargahın qərarına uyğun olaraq, 10 iyun tarixindən epidemioloji vəziyyəti sabit olan bir sıra ölkələrin vətəndaşları üçün hava yolu ilə Azərbaycan ərazisinə səfərlərdə yumşalmalar tətbiq edilib. Vaksinasiyanın əhatəlilik dairəsinin daha geniş olduğu ölkələrdə epidemioloji vəziyyətin davamlı surətdə yaxşılaşdığını nəzərə alaraq, iyunun 21-dən aşağıda qeyd olunan ölkələrin vətəndaşlarının Azərbaycan ərazisinə səfər etməsinə icazə verilir: ABŞ, Bəhreyn, Birləşmiş Ərəb Əmirlikləri, Böyük Britaniya, İsrail, Macarıstan, Qətər.

Ərdəbil-Rəşt yolu Azərbaycanla İranın mərkəzi vilayətləri arasında nəqliyyat əlaqəsi yaradacaq

İranın yollar və şəhərsalma naziri Məhəmməd İslami deyib ki, Astara (İran) - Astara (Azərbaycan) - Bakı magistral yolunun Ərdəbil-Rəşt avtomobil yoluna birləşməsi istiqamətində işlər davam edir. Bir il ərzində yolları birləşdirəcəyik və yeni marşrutla yük maşınlarının Bakıya tez və təhlükəsiz çatması təmin olunacaq. İran ilə Azərbaycanı birləşdirən magistral yol Rusiyaya qədər uzanacaq və yük maşınları Rusiyadan Avropaya qədər hərəkət edə biləcəklər. Eyni zamanda, bu yol İranla Azərbaycanın tranzit imkanlarını və gəlirlərini artıracaq.

Nazir deyib ki, Azərbaycan tərəfi ilə Astaraçay üzərindəki körpünün də yenidən tikilməsi məsələsi razılaşdırılıb. Layihə 4,5 milyon avro dəyərindədir. İnşaat işlərinə xərclənəcək vəsaitin 50 faizini İran, 50 faizini isə Azərbaycan tərəfi ödəyəcək.

Qeyd edək ki, Astara-Bakı yolunun Ərdəbil-Rəşt yolu ilə birləşməsinin nəticəsində Azərbaycan ilə İranın yalnız Gilan və Mazandaran vilayətləri deyil, eləcə də Ərdəbil və digər mərkəzi vilayətləri arasında nəqliyyat əlaqəsi yaranacaq.

İqtisadi Şuranın iclası keçirilib

Azərbaycan Respublikası İqtisadi Şurasının növbəti iclası keçirilib. İclasda mövcud iqtisadi vəziyyət, 2021-2025-ci illər üzrə ilkin makroiqtisadi proqnozlar və digər məsələlər müzakirə olunub.

Zəngəzur dəhlizi regionun tranzit-logistika potensialını artıracaq

İqtisadiyyat naziri Mikayıl Cabbarov bildirib ki, ərazilərimizin işğaldan azad edilməsi nəticəsində yaranmış yeni reallığa uyğun olaraq, Azərbaycanın əsas hissəsini və Naxçıvan Muxtar Respublikasını birləşdirəcək Zəngəzur dəhlizi regionun tranzit-logistika potensialını artıracaq.

Nazir qeyd edib ki, bu potensialın reallaşdırılması yeni nəqliyyat marşrutlarının fəaliyyətə başlamasına gətirib çıxaracaq, iqtisadi gücümüzü daha da artırmaqla yanaşı, regional əməkdaşlığı və sabitliyi möhkəmləndirəcək.

Bu həftə Azərbaycanın bu il qonşu ölkələrə ixrac etdiyi elektrik enerjisinin həcmi açıqlanıb

Energetika Nazirliyinin məlumatına görə, yanvar-may aylarında ölkə üzrə elektrik enerjisinin ixracı 569,9 milyon kilovat/saat təşkil edib. Ötən ilin müvafiq dövrünə nisbətən ixrac 47,7 milyon kilovat/saat artıb. İrana 14,4 milyon kilovat/saat, Türkiyəyə 12,7 milyon kilovat/saat, Rusiyaya 39,4 milyon kilovat/saat, Gürcüstana isə 503,4 milyon kilovat/saat elektrik enerjisi ixrac olunub.

Beş ay ərzində elektrik enerjisinin idxalı 76,6 milyon kilovat/saat olub. İrandan 14,4 milyon kilovat/saat, Rusiyadan 39,3 milyon kilovat/saat, Gürcüstandan isə 22,9 milyon kilovat/saat elektrik enerjisi idxal edilib.

Ölkəmiz Çində keçirilən sərgidə iştirak edir

Çinin Heyloncian vilayətinin paytaxtı Harbin şəhərində 31-ci Beynəlxalq İqtisadiyyat və Ticarət Sərgisi başlayıb.

İqtisadiyyat Nazirliyinin dəstəyi, Azərbaycanın Çindəki ticarət nümayəndəliyinin təşkilatçılığı ilə ölkəmiz sərgidə "Fəxri qonaq ölkə" statusunda iştirak edir.

Pandemiya ilə əlaqədar Harbin şəhərində tətbiq edilən məhdudiyyətlər səbəbindən, bu il onlayn formatda keçirilən sərgidə Azərbaycan üçün 1810 kv/m-lik 3D formatda onlayn "Made in Azerbaijan" vahid ölkə stendi hazırlanıb. Stenddə 20-dən çox şirkətin xalçaçılıq, qida və içki sənayesinə aid məhsulları nümayiş etdirilir. Bununla yanaşı, onlayn stenddə ölkəmizin investisiya, nəqliyyat-tranzit və turizm potensialı nümayiş etdirilir.

Sərgidə məhsullarımız təşkilatçılar tərəfindən sərgi ilə yanaşı, müxtəlif onlayn platformalarda da reklam olunur.

Qeyd edək ki, 1990-cı ildən keçirilən Beynəlxalq İqtisadiyyat və Ticarət Sərgisi Heyloncian əyalətinin ən önəmli beynəlxalq sərgisi hesab edilir.

692
Azərbaycan Respublikası İqtisadi İslahatların Təhlili və Kommunikasiya Mərkəzinin (İİTKM) icraçı direktoru Vüsal Qasımlı

Vüsal Qasımlı: “Şuşa Bəyannaməsi Qarabağda investor inamı indeksini yüksəldir”

9
(Yenilənib 17:36 18.06.2021)
İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı deyir ki, “Şuşa Bəyannaməsi” Azərbaycanda biznesin uzunmüddətli gözləntiləri üçün zəmin yaradır
Vüsal Qasımlı: “Bu, Türkiyə-Rusiya əlaqələrinin güclənməsinə imkanlar aça bilər”

“Bəyannamə ilə Azərbaycan dünyanın 17-ci ən böyük iqtisadiyyatına sahib Türkiyə ilə əməkdaşlıqdan daha çox faydalanacaq”. Sputnik Azərbaycan-ın məlumatına görə, bunu İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı deyib.

“Türkiyə 2020-ci ildə 1,8 % iqtisadi artım göstərərək pandemiya şəraitində iqtisadiyyatı kiçilməyən nadir ölkələrdən olmaqla yanaşı, bu il də 5 %-dən yüksək artım proqnozu ilə dünyada ən sürətlə inkişaf edən ölkələrin sırasındadır. Türk iqtisadiyyatının artım sürəti getdikcə onunla daha çox inteqrasiya olunan Azərbaycanda da iqtisadi artıma stimul verə bilər. “Şuşa Bəyannaməsi” Azərbaycanda biznesin uzunmüddətli gözləntiləri üçün zəmin yaradır. Xüsusən də, bəyannamənin Şuşada imzalanması Qarabağda investisiya mühitinə əlavə qarant kimi qiymətləndirilməlidir. Şuşa bəyannaməsi ilə BP, “Signify” kimi qlobal şirkətlərin Qarabağda sərmayə yatırmaq niyyətləri bir-birini tamamlayır, Qarabağda investor inamı indeksini yüksəldir. İqtisadi əlaqələrin genişləndirilməsi ölkələr arasında investisiya qoyuluşlarını da artıracaq. “Zəngəzur dəhlizi” Türkiyə-Rusiya iqtisadi əlaqələrinin də güclənməsinə imkanlar aça bilər” – deyə o bildirib.

Vüsal Qasımlının fikirlərinə audiofaylda qulaq asa bilərsiniz

9

İsveçrə -Türkiyə matçından göz oxşayan görüntülər

0
(Yenilənib 23:54 20.06.2021)
İsveçrə və Türkiyə yığmaları arasında Avropa çempionatının A qrupunun II tur matçında.İsveçrə və Türkiyə yığmaları arasında Avropa çempionatının A qrupunun II tur matçında.

Futbol üzrə Türkiyə millisi AVRO-2020-də üçüncü oyunda da məğlub olaraq mübarizəni dayandırdı. Qrup mərhələsinin üçüncü turunda Şenol Günəçin yetirmələri Bakı Olimpiya stadionunda İsveçrə millisinə məğlub olublar.

Birinci hissədə isveçrəlilər artıq 6-cı dəqiqədə Türkiyə millisini oyuna mərkəzdən başlamağa məcbur edib. Xaris Seferoviç rəqib komandanın qapısına yol tapıb. İyirmi dəqiqə sonra Cerdan Şakiri hesabı 2:0-a çatdırıb. Oyunun 62-ci dəqiqəsində Türkiyə millisi İrfan Can Kahvecinin sayəsində oyunda və birincilikdə yeganə qolunu vurmağa mevəffəq olub. Bundan dörd dəqiqə sonra isə Şakiri ikinci qolunu vuraraq hesabı 3:1-ə çatdırıb.

Sputnik Azərbaycan-ın fotomüxbiri bu matçın unudulmaz anlarını fotokamerasının yaddaşına köçürüb. Həmin fotoların bir hissəsi bizim fotolentdə.

0
  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.