Manat, arxiv şəkli

Üç "div"ə güvənən manat: üzdürməzlər, azdırmazlar

998
(Yenilənib 11:54 23.09.2019)
Tam üzən məzənnəyə keçid məsələsi reallıqdan uzaqdır, o, Azərbaycan iqtisadiyyatı üçün və bütövlükdə milli iqtisadiyyat, hər hansı bir iqtisadi sistem üçün zərərlidir

Xalid Məmmədov, Sputnik Azərbaycan

BAKI, 23 sentyabr — Sputnik. 2020-ci il üçün manat/ABŞ dolları məzənnəsinin 1.7 səviyyəsində olması proqnozlaşdırılır. Sputnik Azərbaycan xəbər verir ki, bu məlumat Maliyyə Nazirliyinin Azərbaycanın 2020-ci ilin dövlət və icmal büdcələrinin ilkin göstəricilərinə dair açıqlamasında yer alır.

"Tədiyyə və ticarət balanslarındakı müsbət dinamika, monetar və fiskal siyasətlərin sıx əlaqələndirilmiş şəkildə yürüdülməsi milli valyutanın mübadilə məzənnəsinin cari ildəki kimi sabit qalacağını dəstəkləyəcək", - sənəddə deyilir.

Manatın məzənnəsi ilə bağlı Azərbaycan Dövlət İqtisad Universitetinin professoru Elşad Məmmədov Sputnik Azərbaycan-a deyib ki, manatın stabilliyinə heç bir ciddi təhlükə yoxdur: "Maliyyə Nazirliyi, Mərkəzi Bank, Maliyyə Bazarlarına Nəzarət Palatası həyata keçirdiyi siyasətlə tam şəkildə manatın stabilliyini təmin etməlidir. Tam üzən məzənnəyə keçid məsələsi reallıqdan uzaqdır, o, Azərbaycan iqtisadiyyatı üçün və bütövlükdə milli iqtisadiyyat, hər hansı bir iqtisadi sistem üçün zərərlidir. Valyutanın sabitliyi mütləq şəkildə qorunmalıdır".

O bildirib ki, xarici ticarət saldosu, tədiyyə balansı manatın məzənnəsinə əsas təsir göstərə biləcək fundamental məsələlərdir: "Xarici ticarətdə, tədiyyə balansında kifayət qədər müsbət göstəricilər var. Ölkəyə daxil olan valyutanın həcmi ölkədən çıxan valyutanın həcmini xeyli dərəcədə üstələyir. Daxil olan valyutanın xeyli dərəcədə xaric olan valyutadan çox olması onu deməyə əsas verir ki, manat üçün fundamental təhlükə yoxdur".

"Valyutanın məzənnəsi ilə bağlı qeyri-sabitlik, problem olarsa, bunlar fundamental iqtisadi amillərlə bağlı deyil, makroiqtisadi idarəetmədə boşluqların əmələ gəlməsi ilə bağlı ola bilər. Necə ki, biz 2015-ci ildə bunun şahidi olduq", - deyə ekspert qeyd edib.

O bildirib ki, neftin qiymətinin Azərbaycanda baş verən iqtisadi proseslərə, o cümlədən məzənnə siyasətinə ciddi təsiri var: "Amma unutmayaq ki, Azərbaycanın çox böyük həcmdə qızıl-valyuta ehtiyatları var. Eyni zamanda Azərbaycanda mövcud olan pul bazası az qala 5 dəfə qızıl-valyuta ehtiyatlarımızdan azdır. Belə olan halda valyutanın sabitliyinə, dayanıqlığına hansısa ciddi təhlükədən danışmaq gülüncdür. Bu təhlükə ancaq iqtisadi idarəetmə ilə bağlı problemlər, zəifliklər, boşluqlar olarsa, yarana bilər".

"Əgər neft qiyməti uzun müddət kəskin şəkildə aşağı, yəni 40 dollardan aşağı olarsa, bu, müəyyən müddətdən sonra hansısa problemlər yarada bilər. Amma ən azından, 2020-ci ildə bu, qeyri-mümkündür", - deyə ekspert əlavə edib.

998
Teqlər:
iqtisadiyyat, büdcə, Azərbaycan, məzənnə, manat, dollar
Əlaqədar
Mərkəzi Bank manatın taleyi ilə bağlı vacib qərar verdi
Manatla bağlı gələn il üçün planlarınızı artıq qura bilərsiniz
Dörd ildən sonra gələn qisas - Manat hər an dolları çökdürə bilər
Əhalinin 126 milyon manat borcu silindi - Azərbaycanda
Quş ferması, arxiv şəkli

Estoniyadan Azərbaycana quşçuluq məhsulları gətirilməsi dayandırıldı

8
Nəzarət tədbirlərinin gücləndirilməsi məqsədilə Estoniya Respublikasından gələn, yaxud tranzitlə keçən nəqliyyat vasitələri ilə bağlı müvafiq tədbirlərin görülməsi üçün Dövlət Gömrük Komitəsinə müraciət olunub.

BAKI, 26 fevral — Sputnik. Azərbaycan Respublikasının Qida Təhlükəsizliyi Agentliyi (AQTA) tərəfindən başqa ölkələrdən respublikamızın ərazisinə keçə biləcək yoluxucu heyvan xəstəliklərindən qorunmaq məqsədilə Ümumdünya Heyvan Sağlamlığı Təşkilatından (OIE) daxil olan məlumatlar əsasında dünyadakı epizootik vəziyyətə uyğun olaraq müvafiq tədbirlər həyata keçirilir.

Agentlikdən verilən məlumata görə, Ümumdünya Heyvan Sağlamlığı Təşkilatının (OIE) məlumatına əsasən, Estoniya Respublikasının Lyaene-Virumaa (Laane-Viru) inzibati ərazi vahidində yüksək patogen "quş qripi" xəstəliyi qeydə alınıb.

Respublika ərazisinin başqa ölkələrdən keçə biləcək yoluxucu heyvan xəstəliklərindən qorunması məqsədilə OIE-nin “Quruda yaşayan heyvanların sağlamlıq Məcəlləsi”nə əsasən zonalaşma prinsipi nəzərə alınmaqla, Estoniya Respublikasının Lyaene-Virumaa inzibati ərazi vahidindən bütün növ diri quş və quşçuluq məhsullarının idxalına müvəqqəti məhdudiyyət tətbiq olunub.

Eyni zamanda nəzarət tədbirlərinin gücləndirilməsi məqsədilə Estoniya Respublikasından gələn, yaxud tranzitlə keçən nəqliyyat vasitələri ilə bağlı müvafiq tədbirlərin görülməsi üçün Dövlət Gömrük Komitəsinə müraciət olunub.

8
Neft buruğu, arxiv şəkli

Azərbaycan nefti bahalaşır

9
(Yenilənib 14:13 26.02.2021)
"Azeri Light" nefti keçən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

BAKI, 26 fevral — Sputnik. Azərbaycan neftinin qiyməti bahalaşır.

Sputnik Azərbaycan xəbər verir ki, "Azeri Light" markalı neftin bir barelinin qiyməti 0,21 dollar artaraq 66,98 dollar təşkil edib. Bu, ötən ilin yanvarından bəri maksimum göstəricidir.

"Brent" markalı neftin qiyməti 0,59 dollar geriləyərək 66,29 dollar, "Light" markalı neftin qiyməti isə 0,64 dollar ucuzlaşaraq 62,89 dollar olub.

Qeyd edək ki, "Azeri Light" nefti keçən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

9
Sputnik V peyvənd, arxiv şəkli

Kiril Dmitriyev: "Rusiyanın rəqibləri "Sputnik V"-nin uğurundan qorxur"

0
(Yenilənib 22:53 26.02.2021)
"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir".

BAKI, 26 fevral — Sputnik. "Rusiyanın "Sputnik V" koronavirus peyvəndinin əleyhdarları dünyada ona olan inamı sarsıtmağa çalışır, çünki bu ən yaxşı preparatlardan biridir və onlar bundan, sadəcə, qorxurlar" – bu fikri Rusiya Birbaşa İnvestisiyalar Fondunun (RBİF) rəhbəri Kiril Dmitriyev səsləndirib.

"Fikrimcə, söhbət yalnız "Sputnik V" peyvəndinin beynəlxalq səviyyədə tanınmasından deyil, dünyadakı liderliyimizdən gedir... Təvazökar, ancaq dürüst olmalıyıq. Dünyanın ən yaxşı peyvəndinə sahibik, bu, Rusiya alimlərinin böyük uğurudur, biz bununla fəxr etməliyik ", – deyə Dmitriyev Rusiya Tarix Cəmiyyətinin meydançasında bu ölkənin virusologiya tarixində liderliyinə həsr olunmuş sərginin açılışında bildirib.

"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir. Onlar, sadəcə, bundan qorxurlar", – deyə RBİF rəhbəri vurğulayıb.

Qeyd edək ki, fevralın 2-də "The Lancet" elmi jurnalı "Sputnik V" koronavirusa qarşı peyvənd preparatının klinik sınaqlarının üçüncü mərhələsinin nəticələrini dərc edib. Klinik sınaqların üçüncü mərhələsində "Sputnik V" yüksək effektivlik, immunogenlik və təhlükəsizlik göstəriciləri nümayiş etdirib. Könüllülərin analiz təhlilləri göstərib ki, peyvəndin effektivliyi 91,6 faiz təşkil edir. Preparat vurulandan sonra yalnız 78 koronavirusa yoluxma hadisəsi öz təsdiqini tapıb.

Müqayisə üçün bildirək ki, "AstraZeneca"-nın effektivliyi - 62,1%, "Sinovac" peyvəndinin - 50,4%, "Sinopharm"-ın - 79,3% təşkil edir.

Xatırladaq ki, Rusiya Səhiyyə Nazirliyi "Sputnik V" peyvəndini 2020-ci ilin avqust ayında qeydə alıb. Vaksin Rusiyanın Qamaleya adına Epidemiologiya və Mikrobiologiya Elmi Tədqiqat Mərkəzi tərəfindən RBİF-nin dəstəyi ilə işlənib-hazırlanıb. Bu dünyada COVID-19-un profilaktikası üçün ilk qeydiyyata alınmış preparatdır.

 

0