Arı, arxiv şəkli

Adamdan çox arını sayırlar: gecikən itirdi

36
(Yenilənib 14:22 14.09.2019)
Hansı arıçı onlayn qeydiyyat sistemində tez qeydiyyatdan keçibsə, onun yarmarkada iştirak etmək imkanı yaranıb. Qaydaya görə, iştirakçının arı sayı 20-dən az olmamalıdır

Zülfiyyə Quluyeva, Sputnik Azərbaycan

BAKI, 14 sentyabr — Sputnik. Bal yarmarkasında iştirak etmək üçün qeydiyyatdan keçən 485 arıçıdan 185-i kənarda qalıb.

Bu barədə Sputnik Azərbaycan-a açıqlamasında Aqrar Tədarük və Təchizat ASC-nin mətbuat katibi Mais Musayev məlumat verib. O, bildirib ki, qeydiyyat prosesində 485 arıçı qeydiyyatdan keçsə də, yarmarkada 300 yer olduğundan, 185 arıçının iştirakı mümkün olmayacaq. M.Musayevin sözlərinə görə, qeydiyyatdan keçən arıçıların yarmarkada iştirak üçün seçimi isə əvvəlcədən elan olunmuş qaydalar əsasında həyata keçirilib: "Qeydiyyatdan keçən arıçıların yarmarkada iştirak üçün seçimi, onların onlayn qeydiyyat sisteminə uyğun, sıralama əsasında aparılıb. Hansı arıçı onlayn qeydiyyat sistemində tez qeydiyyatdan keçibsə, onun yarmarkada iştirak etmək imkanı yaranıb. Biz bu barədə əvvəlcədən elan verdikdə bildirmişdik. Həmçinin arıçıların seçimində onların arı ailəsinin sayı da nəzərə alınıb. Qaydaya görə, iştirakçının arı sayı 20-dən az olmamalıdır. Eyni zamanda, biz arıçıların subsidiya alıb-almadığını da nəzərə almışıq. Subsidiya alan arıçıların yarmarkada iştirakına imkan yaradılıb".

M.Musayev onu da bildirib ki, bəzi arıçılar subsidiya alsalar da, qeydiyyatdan ailə üzvlərinin adından keçiblər: "Bu isə qaydalara ziddir. Biz elanda qeyd etmişdik ki, subsidiya alan arıçı öz adına qeydiyyatdan keçməlidir. Yarmarkada özünün imkanı olmasa, ailə üzvlərindən kiməsə bal satmaq üçün etibarnamə verilə bilər".

M.Musayev hazırda arıçılardan balların qəbul edildiyini, Azərbaycan Qida Təhlükəsizliyi Agentliyi nümayəndələri tərəfindən yoxlanıldığını söyləyib. Onun sözlərinə görə, nümunə üçün bir arıçının gətirdiyi balın yoxlanılması prosesi təxminən üç gün çəkəcək. Balı keyfiyyətli çıxan arıçılara iştirak tarixi barədə mesaj göndəriləcək.

36
Əlaqədar
Nazirlikdən sərt qərar: daha əsl bal üçün dağa-daşa dırmanmağa gərək yoxdur
Bazarda saxta bal olmayacaq – Hamısı nəzarətdən keçəcək
Bal yarmarkasında yenilik - barkod nömrələri olacaq
Türkiyənin İpsala qəsəbəsində TANAP qaz kəmərinin Avropa ilə birləşən hissəsinin açılış mərasimi

Azərbaycan Türkiyə birgə daha bir uğura imza atdı

1
TANAP tikinti dövründə təhlükəsizlik və keyfiyyət baxımından nail olduğu ən yüksək göstəricilərə və ekosistemlər nəzdində yaratdığı müsbət sosial, iqtisadi və mədəni dəyərlərə görə "İlin layihəsi" elan olunub.

 

BAKI, 20 oktyabr — Sputnik. Trans-Anadolu Qaz Boru Kəmərinin (TANAP) layihə idarəçiliyində qazandığı beynəlxalq uğurlara yenisi əlavə edildi. Layihə, proqram və portfel idarəçiliyi üzrə dünyanın ən böyük peşəkar birliklərindən olan, mərkəzi ABŞ-da yerləşən Layihə İdarəçiliyi İnstitutu (PMI – Project Management Institute) TANAP-ı "İlin layihəsi" kateqoriyasında layihə idarəçiliyi sahəsində nüfuzlu mükafata layiq gördü. Bu barədə SOCAR-dan Sputnik Azərbaycan-a məlumat verilib. Qeyd olunub ki, Azərbaycan və Türkiyənin ən böyük birgə iqtisadi layihələrindən olan və Cənub Qaz Dəhlizinin əsas seqmentini təşkil edən TANAP qürurverici uğurlara imza atmağa davam edir. Dünya üzrə qəbul olunmuş standartlar, sertifikat proqramları, peşəkar icma fəaliyyətləri, elmi araşdırmalar və kurslar vasitəsilə böyük bir şəbəkə yaradan, layihə, proqram və portfel  idarəçiliyi sahəsində peşəkar standartların inkişafını dəstəkləyən, mərkəzi Amerika Birləşmiş Ştatlarında yerləşən Layihə İdarəçiliyi İnstitutu (PMI – Project Management Institute) tərəfindən "İlin layihəsi" kateqoriyasında mükafata layiq görüldü.

TANAP tikinti dövründə təhlükəsizlik və keyfiyyət baxımından nail olduğu ən yüksək göstəricilərə və ekosistemlər nəzdində yaratdığı müsbət sosial, iqtisadi və mədəni dəyərlərə görə "İlin layihəsi" elan olunub. Bu sahədə 50 ildən artıq bir müddətdə fəaliyyət göstərən PMI dünyada müxtəlif sahələr üzrə 2,9 milyon peşəkar üçün texnoloji dəyərlər yaratmaqla yanaşı, layihə idarəçiliyi proseslərində müəyyənləşdirdiyi standartların tətbiqi proseslərində yüksək təşkilati nəticələrə nail olan və cəmiyyətə müsbət təsir göstərən layihələri mükafatlandırır.

 

1
OPEC-in mənzil-qərargahı, arxiv şəkli

OPEC neftin bir barelinin qiymətinin 40 dollardan aşağı düşməməsini hədəfləyir

13
OPEC-in prezidenti Əbdülməcid Əttar 2021-ci ilin əvvəlindən etibarən neft qiymətlərində artım gözlənildiyini bildirib.

BAKI, 21 oktyabr — Sputnik. Neft İxrac Edən Ölkələr Təşkilatı (OPEC) və bu quruma üzv olmayan neft istehsal edən digər ölkələrdən ibarət OPEC+ qrupunun üzvləri 2020-ci ilin sonuna qədər neftin bir barelinin qiymətinin 40 dollardan aşağı düşməməsini hədəfləyir.

Sputnik Azərbaycan Türkiyə mediasına istinadla xəbər verir ki, bu barədə Əlcəzairin Energetika naziri və OPEC-in müvəqqəti prezidentliyini icra edən Əbdulməcid Əttar məlumat verib. O, OPEC+ qrupunun neft bazarını və qiymət sabitliyini qorumaq üçün bütün lazımi addımları atmağa qərar verdiyini deyib.

Yeni növ koronavirus (COVID-19) epidemiyası səbəbiylə dünyada neftə olan tələbatın gündəlik 9 milyon bareldən çox azaldığını bildirən Əttar 2021-ci ilin əvvəlindən etibarən neft qiymətlərində artım gözlənildiyini də bildirib.

Qeyd edək ki, aprel ayında OPEC+ qrupu ölkələri may ayının əvvəlindən iyulun sonuna qədər gündəlik neft hasilatını 9,7 milyon barelə, avqustdan ilin sonuna qədər isə 7,7 milyon barelə endirmək barədə qərar qəbul etmişdi.

13
Teqlər:
neft, OPEK, OPEC