Qübrədən istifadə, arxiv şəkli

Ucuzlaşmaya doğru addım: Üçündən biri, özü ən əsası yerli olacaq

832
(Yenilənib 15:28 13.09.2019)
Ekspert: "Gələcəkdə üzvi gübrələri də istehsal edə bilərik. Kimyəvi tərkibli gübrələrdən bütün dünya yavaş-yavaş imtina edir, tədricən üzvi gübrələrə keçirlər"

Xalid Məmmədov, Sputnik Azərbaycan

BAKI, 13 sentyabr — Sputnik. "Əsas məsələ gübrələrin yerli istehsalına və nəticədə bazarda gübrələrin qiymətinin ucuzlaşmasına nail olmaqdır. Azot gübrəsinin yerli istehsalımız olan karbamidlə əvəz edilməsi bu istiqamətdə atılan növbəti addımdır. Azot gübrəsi ilə karbamidin tərkibi, funksiyası eynidir. Karbamid yemləmə gübrəsidir və bunun istehsalına nail olmuşuq. Artıq yerli istehsaldan istifadə olunacaq. Bu, fermerlərə daha ucuz qiymətə təklif olunacaq və vəsait ölkədə qalacaq".

Bunu kənd təsərrüfatı məsələləri üzrə ekspert Nicat Nəsirli azot gübrəsinin karbamidlə əvəz edilməsindən danışarkən Sputnik Azərbaycan-a deyib.

O, bildirib ki, hazırda kənd təsərrüfatında tətbiq olunan gübrələr 3 qrupa bölünür – fosfor, kalium və azot: "Fosfor və kalium şumaltına verilir, yəni səpin aparılanda verilir. Amma azot tərkibli gübrələr isə daha çox yemləmə gübrəsi kimi verilir. Onlar bitkinin fizioloji inkişafını sürətləndirir. Taxılçılıqdan danışırıqsa, azot tərkibli gübrələr adətən hektar başına 250-300 kiloqramdır və tədricən verilir. Üç istiqamətdə olan gübrələrin hamısı xaricdən gətirilir və buna böyük vəsait xərclənir. Hələlik fosfor və kaliumu özümüz istehsal edə bilmirik".

Ekspert qeyd edib ki, bunları istehsal etmək üçün çox güclü kimya-sənaye kompleksi olmalıdır: "Bu, asan məsələ deyil. Sovet İttifaqı dağılandan sonra kimya-sənaye kompleksləri dağıldı, iflasa uğradı. Vaxtilə, xüsusən Sumqayıt bunun mərkəzi olub və burada müxtəlif tərkibli gübrələr istehsal olunurdu. Amma sonradan həmin sahə dağıldı. Sumqayıtın azad iqtisadi zonaya çevrilməsi, Sumqayıt Texnologiyalar Parkının yaranması imkan verəcək ki, bu sahə inkişaf etsin. Karbamidin istehsalı ilk addımdır. Gələcəkdə üzvi gübrələri də istehsal edə bilərik. Kimyəvi tərkibli gübrələrdən bütün dünya yavaş-yavaş imtina edir, tədricən üzvi gübrələrə keçirlər. İnkişafın son mərhələsi üzvi gübrələrin istehsalına keçməkdir".

Qeyd edək ki, Kənd Təsərrüfatı Nazirliyi yanında "Aqrolizinq" ASC-nin sədri Elmin Rəhmanov mətbuata açıqlamasında deyib ki, azot gübrəsinin karbamidlə əvəz edilməsi planlaşdırılır: "Hər iki məhsulun tərkibi eynidir. Odur ki, azotun ölkəyə idxalını yavaş-yavaş azaldacağıq. Yerli məhsula tələbat formalaşdırmaq və tədricən onun maya dəyərini aşağı salmaq istəyirik".

832
Hava limanında sərnişinlər, arxiv şəkli

Yeni marşrutlar, sərfəli qiymət, yüksək keyfiyyət - yuxu deyil, Azərbaycanda olacaq

127
(Yenilənib 19:15 02.06.2020)
Deyəsən, bu yay Azərbaycanın dilbər guşəsi ancaq bizə qalacaq: karantindən əliaşağı çıxanları düşünüb yeni konsepsiya hazırlayıblar.

Nigar İsgəndərova, Sputnik Azərbaycan

BAKI, 2 iyun — Sputnik. Artıq bir neçə aydır bütün dünyanı bürüyən koronavirus ölkələrin iqtisadiyyatından zərərsiz ötüşməyib. Əksər ölkələrin iqtisadi gəlirlərinin formalaşmasında mühüm rol oynayan turizmin fəaliyyətinin dayandırılması, aylarla bu vəziyyətin davam etməsi vəziyyəti daha da gərginləşdirib. Artıq rəqəmlərin artmasına rəğmən, bir çox ölkələr vəziyyətdən çıxış yolu olaraq ilk növbədə daxili turizm potensialının inkişafına diqqət ayırıblar.

Bu gün Azərbaycan da özünün yerli turistlərini yenidən qazanmaq, daxili turizmi inkişaf etdirmək üçün müəyyən çıxış yolları axtarır. Artıq bununla bağlı ilkin addımlar da atılıb.

Azərbaycan Turizm Assosiasiyasının rəhbəri Əhməd Qurbanov Sputnik Azərbaycan-a açıqlamasında bu haqda danışıb: "COVID-19 pandemiyası ilə əlaqədar olaraq dünyada, o cümlədən də Azərbaycanda bir çox sektorlar zərər görərək çökmə nöqtəsinə çatdı. Turizm də bu sahələrdən, deyərdim ki, ən başlıcasıdır. Sərhədlərin aylardır bağlı olması və karantin müddətinin hələ də davam etməsi bu sahəni çökdürüb. Bu səbəbdən turizm şirkətləri üçün heç bir imkan yoxdur ki, nəsə edə bilsinlər. Lakin karantin müddətinin daha da yumşaldılması və bundan sonra regionlara yolların açılması ilə birinci daxili turizmin inkişafı nəzərəçarpan olacaq. Yerli vətəndaşlarımız da daha çox daxili turizmə maraq göstərməli olacaqlar". 

O, daxili turizmin inkişafını şərtləndirən amillərdən bəhs edib: "Daxili turizmin inkişafını şərtləndirən bir çox amillər var. Onların hər birinin üzərində ətraflı olaraq müzakirələr aparılmalıdır. Bununla əlaqədar olaraq Azərbaycan Turizm Assosiasiyasının təşəbbüsü ilə bir neçə turizm qurumu arasında assosiativ əməkdaşlıq haqqında memorandum imzalanıb. Bu memorandumdan sonrakı mərhələdə artıq daxili turizmlə bağlı konsepsiyanın işlənib hazırlanması gözlənilir. Biz 2020-2025-ci illərdə daxili turizmin inkişaf perspektivləri adlanan konsepsiyanı işləyib hazırladıq. Burada növbəti illərdə daxili turizmin inkişaf planları qeyd olunub. Hazırda bu konsepsiya təkmilləşmə prosesindədir".

Yayda otellərdə yer tapılmayacaq? - Söhbət tək pulda və çoxluqda deyil>>

"Bu konsepsiyada bir sıra nüanslar nəzərdə tutulur. Burada daxili turizmdəki boşluqların tapılıb aradan qaldırılması nüanslarına toxunulub. Konsepsiyada bununla əlaqədar qeyd olunub ki, Azərbaycan Qida Təhlükəsizliyi Agentliyi, Səhiyyə Nazirliyinin nümayəndələri, turizm şirkətləri və rayon yerli icra hakimiyyətlərinin nümayəndəlikləri olmaqla 4 əsas dövlət qurumunun iştirakı ilə işçi qrupu yaradılmalı və monitorinqlər aparılmalıdır. Bu işçi qrupunun əsas fəaliyyətlərindən biri ərazilərdə sanitar-epidemioloji vəziyyəti öyrənmək, oradakı çatışmazlıqları aradan qaldırmaq, eyni zamanda da qida təhlükəsizliyi və onun gigiyenik qaydalara uyğun təqdimatını öyrənməkdir", - deyə ekspert əlavə edib.

Konsepsiyada həmçinin otellər və ictimai iaşə obyektlərində olan problemlərin öyrənilməsinin də vacibliyi vurğulanıb: "Bu müəssisələrdə, obyektlərdə problemlər də öyrənilməli və bu problemlər aradan qaldırıldıqdan sonra həmin müəssisəsəyə pulsuz sertifikatın verilməsi nəzərdə tutulub. Bu isə o deməkdir ki, vətəndaş, turist rahatlıqla bu obyektə gələrək sağlamlığını etibarlı əllərə tapşıra və rahatlıqla istirahət edə bilərlər".

Konspesiyada qiymətlərin aşağı salınması tövsiyə edilir:

"Konsepsiyada həmçinin qiymət siyasətinə toxunulmasının vacibliyi də vurğulanır. Bazar iqtisadiyyatı olduğundan bu baxımdan sahibkarlara qiymətlərlə bağlı təzyiqlərin göstərilməsi düzgün deyil. Bu səbəbdən konsepsiyada sadəcə olaraq tövsiyə xarakterli söhbətlərin aparılması nəzərdə tutulub. Bilirsiniz, hər il yayda turizm qiymətləri artır, bu həm də ölkəyə gələn xarici turistlərin hesabına baş verirdi. Lakin hazırda sərhədlər bağlı olduğundan biz yalnız yerli turistlərin olacağına ümid edirik. Belə olan halda, yerli turistlərin də pandemiya şəraitində gəlirlərinin azaldığını nəzərə alaraq biz qiymətin yüksək olmasının düzgün olmadığını düşünürük".

"Konsepsiyada milli kadrların vacibliyindən də bəhs edilir. Vurğulanır ki, sahibkarlar da milli kadrların potensialından istifadə etməyə çalışmalıdırlar. Tələb olaraq isə turizm şirkətlərinə ənənəvi deyil, yeni marşrutların işlənilib-hazırlanmasını irəli sürmüşük. 1-2 günlük deyil, bir həftə, 10 günlük geniş və daha uzun müddətli marşrutların hazırlanması önəmlidir. Bundan başqa, infrastrukturu zəif olan bölgələrdə yeni turizm növlərinin inkişafından bəhs edilib. Məsələn, bu cür yerlərdə çadır turizmini də genişləndirmək olar", - deyə Ə.Qurbanov əlavə edib.

127
Əlaqədar
Burnumuzdan gələcək – Xaricdən dincəlməkdən qayıdanlar karantində saxlanacaq
Türkiyədə istirahət: yetmiş ölkəyə məlumat göndərildi
Səyahəti sevənlər üçün: əvvəl həkim, sonra viza, pul qalsa - bənövşəyi nişanı görmək
"Çamadan əhvalı"nda olanlar üçün xəbər: Azərbaycanda turizm mövsümü bu tarixdən açılacaq
Mövsüm başlamamış xoş olmayan xəbər özünü yetirib: Turizm xərcləri daha da artacaq
İstanbul, arxiv şəkli

Azərbaycanlılar karantində otura-otura Türkiyədə özlərinə mülklər alıblar

10
(Yenilənib 16:44 02.06.2020)
2020-ci ilin aprel ayının nəticələrinə görə, Türkiyədə qeyri-leqal mənzil alan əcnəbilər arasında Azərbaycan Respublikasının vətəndaşları yeddinci yerdədirlər.

BAKI, 2 iyun — Sputnik. Koronavirus pandemiyası Türkiyədə daşınmaz əmlakın satışında kəskin azalmaya gətirib çıxarıb. Lakin azərbaycanlılar bütün aprel ayı boyunca karantin şəraitində yaşamalarına baxmayaraq, qonşu ölkədə ən aktiv mənzil alıcıları sırasında qalıblar.

Sputnik Azərbaycan Türkiyə Statistika Qurumunun (TÜİK) məlumatlarına istinadən xəbər verir ki, 2020-ci ilin aprelində azərbaycanlılar Türkiyədə 35 mənzil alıblar ki, bu da 2019-cu ilin aprelində alınan mənzillərdən 52 mənzil, yaxud 59,8% azdır.

Amma hətta belə azalma ilə belə azərbaycanlılar Türkiyədə daşınmaz əmlak alan əcnəbilər arasında ən fəal alıcılardır. Nəzərə alsaq ki, koronavirus pandemiyası şəraitində əcnəbilər ümumilikdə bu ölkədə apreldə cəmi 796 mənzil əldə ediblər. Bu isə ötən ilin analoji dövrü ilə müqayisədə 4,7 dəfə azdır.

Qeyd etmək lazımdır ki, Türkiyədə daşınmaz əmlaka xarici dövlətlərin vətəndaşları arasında sabit tələbat var. Apreldə Türkiyədə mənzil almağa üstünlük verən əcnəbilər arasında azərbaycanlılarla yanaşı, İran (157 mənzil), İraq (103), Rusiya (61), Əfqanıstan (54), Çin (40) və Qazaxıstan (36) vətəndaşları da üstünlük təşkil edir. 

Bu ilin yanvar-aprel aylarının yekunlarına görə, ümumilikdə azərbaycanlılar Türkiyədə 319 mənzil alıblar ki, bu da ötən ilin analoji dövrünün göstəricilərindən 55 ədəd, yaxud 14,7% azdır.

2020-ci ilin yanvar-aprel aylarında Türkiyədə ən çox mənzil əldə edənlər İran (2021 mənzil), İraq (1959), Rusiya (824), Əfqanıstan (698), Yəmən (416), İordaniya (359), Almaniya (341) və Fələstin (331) vətəndaşlarıdır. Müvafiq olaraq, 2020-ci ilin dörd ayının yekunlarına görə, Azərbaycan vətəndaşları Türkiyədə daşınmaz əmlak üzrə sövdələşmələr həyata keçirən lider xaricilər arasında doqquzuncu yerdə qərarlaşıb.

2020-ci ilin dörd ayının nəticələrinə görə, xarici vətəndaşlar Türkiyədə 11864 mənzil əldə ediblər ki, bu da ötən ilin analoji dövrü ilə müqayisədə 1639 mənzil və ya 13,9% çoxdur.

2019-cu ildə azərbaycanlılar Türkiyədə 1191 mənzil alıblar. Bu da 2018-ci ildə analoji sövdələşmələrin sayından 59 ədəd, yaxud 4,7% azdır.

Ümumilikdə, ötən il ərzində xarici vətəndaşlar Türkiyədə 45967 mənzil alıblar ki, bu da 2018-ci illə müqayisədə 12% azlıq təşkil edir.

10
Əlaqədar
Kənara atılan təkliflər və yüz milyonları itirən büdcə: Hər şey dəyişə bilər
Hamı həyət evinə - Koronavirus torpağı ciddi bahalaşdırıb
Böyük amnistiya nə verəcək? Hamı çıxış yolu axtarır, atılacaq addım isə bəlli deyil
Nə ev alırlar, nə də avtomobil satılır – İnsanlar əlində pul nəyisə gözləyir
İndiki dövrün təsirini bir neçə ay sonra hiss edəcəyik: Bu gün isə anlaşılmaz qiymət var
Bakı məktəblərin birində, arxiv şəkli

Müəllimlərə güzəşt ediləcək

0
(Yenilənib 19:31 02.06.2020)
Öhdəsində 7 yaşına qədər uşaqlara, yaşlılara və tibbi yardıma ehtiyacı olanlara qulluq edən müəllimlər işə gəlməyə bilərlər

 

BAKI, 2 iyun — Sputnik. Martın 2-dən ölkə ərazisində tədris dayandırılıb. Bu dayandırılma tədris ilinin sonuna qədər davam edir".

Sputnik Azərbaycan xəbər verir ki, məlumatına görə, bunu Təhsil Nazirliyinin şöbə müdirinin müavini, sektor müdiri Orxan Abbasov bildirib.

Onun sözlərinə görə, hazırda məktəblərdə qiymətləndirmə prosesinin necə olacağı hamını maraqlandırır: "Mayın 22-də müvafiq təlimat məktubu hazırlanıb və bütün məktəblərə göndərilib. Burada daha çox məktəbdaxili qiymətləndirmənin necə aparılması qeyd edilib. Məktəbdaxili qiymətləndirmənin bütün siniflər üzrə hansı formada aparılması barədə dəqiq yazılıb. Bu zaman ikinci zərurət odur ki, məktəbə getmək necə olmalıdır? Şagirdlərin sinifdən-sinfə keçməsi üçün qərar olmalıdır. Xüsusi karantin rejimi başa çatmadığına, kütləvi tədbirlər tövsiyə edilmədiyinə görə zərurət yarandı ki, təlimati məktub hazırlansın. Bu məktub tədris ilinin başa vurulması və zəruri tədbirlərlə bağlıdır. Burada bənd-bənd qeyd edilib.

Birinci bənd ümumtəhsil müəssisələrində işçilərin işə çağırılması ilə bağlıdır. Öhdəsində 7 yaşına qədər uşaqlara, yaşlılara və tibbi yardıma ehtiyacı olanlara qulluq edən şəxslərin işə gəlməyi istisna edilir.

İkinci kateqoriya yaşı 65-dən yuxarı olan əməkdaşlardır. Bu kateqoriyadan olan şəxslər ən böyük risk qrupuna daxildirlər.

Üçüncü kateqoriya Bakıda çalışan, başqa regionda yaşayan müəllimlərə aiddir. Yəni, yaşadığı yerdən kənarda yaşayan müəllimlərə də güzəşt olunur".

0
Əlaqədar
Dərslərlə bağlı sərəncam verildi
Müəllimlərə daha çox ehtiyac duyulan şəhər və rayonlar bəlli oldu
Ey hörmətli müəllim, hər kənddə, hər şəhərdə meyvələrin olsa da, evin yoxdur
Bu nazirlik qəbulu iyunun 15-dək dayandırdı
Bəzi müəllimlər yerdəyişmə müsabiqəsində iştirak edə bilməyəcəklər