Külək elektrik stansiyası, arxiv şəkli

Yel əsəcək, amma qoz yox, böyük pullar tökülə bilər

603
(Yenilənib 09:56 10.09.2019)
Ekspert: "Avropada binaların üzərində günəş panelləri var. Həmin panellərin hesabına blokların, liftlərin işıqlarını verə bilirlər"

Xalid Məmmədov, Sputnik Azərbaycan

BAKI, 10 sentyabr — Sputnik. "Hökümət maraq göstərsə, Asiya İnkişaf Bankı (AİB) Azərbaycanda üzən günəş stansiyaları ilə bağlı iri layihə üçün vəsait ayırmaq məsələsini araşdıra bilər. "Üzən günəş panelləri sisteminin inkişafına dair biliklərin mübadiləsi və texniki yardım dəstəyi" pilot layihəsi səmərəli olsa, gələn il layihənin daha irimiqyaslı variantı üçün xarici sərmayələr cəlb etməyə dair müzakirələr başlayacaq. Azərbaycanda pilot layihə cədvələ uyğun icra olunur". Bunu "Report"a açıqlamasında AİB-nin Azərbaycan nümayəndəliyinin rəhbəri Nariman Mannapbekov deyib. 

Azərbaycan Respublikasının prezidenti İlham Əliyev
© Official website of President of Azerbaijan Republic

Azərbaycanda alternativ enerji istehsalı ilə bağlı enerji məsələləri üzrə ekspert İlham Şaban Sputnik Azərbaycan-a deyib ki, ölkəmizdə alternativ energetika ilə bağlı qanun qəbul edilməlidir: "Qanun qəbul ediləndən sonra investorlar, yəni özəl xarici şirkətlər baxmalıdır ki, nə dərəcədə Azərbaycanın bu sektoruna investisiya etmək maraqlıdır və sonra addımı atsınlar. Necə ki, 1994-cü ildə Hasilatın Pay Bölgüsü Sazişi ilə bağlı danışıqlar gedirdi və Azərbaycan tərəfi öhdəlik götürdü ki, bunu Milli Məclisdə qanun kimi qəbul edəcək. Ondan sonra xarici sərmayədarlar üçün münbit şərait yarandı və onlar Azərbaycana gəldilər".

Onun sözlərinə görə, Azərbaycanda külək elektrik stansiyaları tərəfindən daha çox elektrik enerjisi istehsal edilir, nəinki günəş elektrik stansiyaları tərəfindən: "Külək elektrik stansiyaları tərəfindən elektrik enerjisinin istehsalı artmaqda davam edir. Azərbaycanda günəş panelləri istehsal edən zavod da var. Amma daha da keyfiyyətli günəş panelləri istehsal edilməlidir. İsti ölkələrdə günəş panellərindən geniş istifadə edilir. Amma külək enerjisindən daha çox istifadə edilir. Məsələn, artıq ABŞ-da küləkdən alınan enerji qazdan alınan enerji ilə eyni qiymətdədir. Artıq yeni texnologiyalar tətbiq edilir. Bizdə də yeni texnologiyalar tətbiq edilməlidir və bunun üçün də investisiya lazımdır".

Ekspertin fikrincə, Azərbaycanda külək enerjisindən istifadədə daha böyük potensial var nəinki günəş enerjisindən: "Günəşli günlərin sayı azdır. İqlimdən çox şey asılıdır, günəş panellərinin üzərinə toz yığıldıqca onun istehsal qabiliyyəti azalır. Səudiyyə Ərəbistanında, Birləşmiş Ərəb Əmirliklərində çox böyük günəş elektrik stansiyaları var və orada elə üzlüklərdən istifadə edirlər ki, üzərində toz qalmır. Ancaq bunlar çox bahalıdır. Bundan başqa, günəş batareyaları üçün yer səthi lazımdır. Avropada binaların üzərində günəş panelləri var. Həmin panellərin hesabına blokların, liftlərin işıqlarını verə bilirlər. MDB-də isə Qazaxıstan və Özbəkistanda alternativ enerji sektoru inkişaf etməkdədir".

Qeyd edək ki, "Azərbaycanda kommunal xidmətlərin (elektrik və istilik enerjisi, su və qaz) inkişafına dair Strateji Yol Xəritəsi"nin tam şaxələndirilmiş və ekoloji baxımdan təmiz elektrik enerjisi istehsalının təmin edilməsi hədəfinə uyğun olaraq Energetika Nazirliyi Asiya İnkişaf Bankının dəstəyi ilə üzən günəş panelləri sistemi ilə bağlı sözügedən pilot layihə icra edir. Layihə çərçivəsində Böyükşor gölündə hər biri 100 kVt-a qədər gücə malik olacaq 3 ədəd fotovoltaik sistemin quraşdırılması, həmçinin günəş qurğularının quraşdırılmasında özəl sektorun iştirakının təşviqi məqsədi ilə biznes modellərin formalaşdırılması, bu sahədə milli potensialın gücləndirilməsi, eləcə də müasir norma və prinsiplərin tətbiq edilməsi nəzərdə tutulur.

Onu da bildirək ki, "Elektrik enerjisi istehsalında bərpa olunan enerji mənbələrindən istifadə haqqında" qanun layihəsi artıq hazırlanıb və müvafiq dövlət qurumları ilə razılaşdırılma mərhələsindədir. Energetika Nazirliyindən verilən məlumata görə, bu barədə Energetika naziri Pərviz Şahbazov bildirib. Onun sözlərinə görə, "Azərbaycan Respublikasının energetika sektorunda islahatların sürətləndirilməsi haqqında ölkə Prezidentinin 2019-cu il 29 may tarixli sərəncamı ilə verilmiş tapşırıqların icrası istiqamətində müvafiq tədbirlər həyata keçirilir: "Bərpa olunan enerji mənbələrindən istifadənin təşviq edilməsi, bu sahədə əlverişli investisiya mühitinin yaradılması və özəl sahibkarlıq fəaliyyətinin dəstəklənməsi ilə bağlı təkliflərin yaxın vaxtlarda təqdim olunması nəzərdə tutulur".

Xatırladaq ki, bu ilin yanvar-iyul ayları ərzində Azərbaycanda elektrik enerjisi istehsalı 5,1% artaraq 14 183,2 mln. kVt/saat təşkil edib. Dövlət Statistika Komitəsinin məlumatına görə, istehsal edilən elektrik enerjisinin 1 040,3 mln. kVt/saatı su elektrik stansiyalarının, 12 548,1 mln. kVt/saatı istilik elektrik stansiyalarının, 71,1 mln. kVt/saatı küləklə işləyən stansiyaların, 25,7 mln. kVt/saatı günəş enerjisi ilə işləyən stansiyaların istehsalının payına düşüb. Su elektrik stansiyalarının istehsalı ötən ilin müvafiq dövründən 12% az, istilik elektrik stansiyalarının istehsalı 6,6%, külək stansiyalarının istehsalı 5 dəfə, günəş stansiyalarının istehsalı 9,8% çox olub.

603
Mingəçevir SES , arxiv şəkli

Susuzluqdan qaranlığa gedən yol: iki qurum isti havanı da misal gətirdi

15
(Yenilənib 21:36 07.07.2020)
Hava hərarətinin getdikcə yüksəlməsi fonunda çox sayda insanın evdə qalaraq kondisioner işlətməsinə görə elektrik enerjisinə olan təlabatı əvvəlki günlərlə müqayisədə bir qədər də artıb

BAKI, 7 iyul — Sputnik. 24 saat növbəli iş prinsipi ilə fəaliyyət göstərən və bir saniyə də olsun elektrik enerjisinin istehsalını, ötürülməsini, paylanmasını və idarəedilməsini dayandırmayan “Azərenerji” və “Azərişıq” açıq səhmdar cəmiyyətləri, tabeliklərindəki müəssisələrdə koronavirus infeksiyasının yayılmasının qarşısının alınması ilə bağlı təxirəsalınmaz tədbirlər həyata keçirməklə yanaşı, istehlakçıların dayanıqlı, keyfiyyətli və fasiləsiz enerji təminatı üçün bütün lazımi addımları atırlar. Bu barədə "Azerenerji" ASC-dən Sputnik Azərbaycan-a verilən məlumatda bildirilib.

Baxmayaraq ki, son dövrlər çaylarda su səviyyəsinin azalması enerjinin istehsalına təsir edib, hava hərarətinin getdikcə yüksəlməsi fonunda çox sayda insanın evdə qalaraq kondisioner işlətməsinə görə elektrik enerjisinə olan təlabatı əvvəlki günlərlə müqayisədə bir qədər də artıb.

Həmçinin Nazirlər Kabineti yanında Operativ Qərargahın tələblərinə uyğun olaraq “Azərenerji” və “Azərişıq” işə çıxan əməkdaşlarının sayını kəskin azaldılıb. Lakin şənbə, bazar və bayram günlərində də növbəli şəkildə fasiləsiz olaraq iş başında olan əməkdaşlar necə böyük məsuliyyət daşıdıqlarını başa düşərək, əvvəlki karantin rejimi vaxtlarında olduğu kimi bu dəfə də istehlakçıların dayanıqlı və fasiləsiz elektrik enerjisi ilə təchiz edilməsini həyata keçirəcəklər. 

15
Əlaqədar
Həyəcan təbili: Azərbaycanın əsas çayı necə yox olur
Umayra Tağıyeva proqnozu açıqladı: "Əsas səbəb quraqlıqla bağlıdır"
Quraqlıq dövrünün xilaskarı: "Bizim Xəzərimiz var, biz susuz qalmarıq..." – REPORTAJ
Kiçik su elektrik stansiyaları ilə bağlı inkişaf strategiyası hazırlanacaq
Su elektrik stansiyaları

Kiçik su elektrik stansiyaları ilə bağlı inkişaf strategiyası hazırlanacaq

6
(Yenilənib 15:06 07.07.2020)
BP-nin Azərbaycan, Gürcüstan və Türkiyə üzrə regional prezidenti Qəri Cons bildirib ki, Azərbaycanın zəngin karbohidrogen ehtiyatları var.

BAKI, 7 iyul — Sputnik. Azərbaycanda kiçik su elektrik stansiyalarının fəaliyyətinin yaxşılaşdırılması və çayların hidroenerji potensialından səmərəli istifadə edilməsi ilə bağlı aparılan araşdırmaların nəticələrinə dair "SNC-Lavalin"s Atkins" şirkətinin yekun hesabatının onlayn formatda təqdimatı keçirilib. Bu barədə Energetika Nazirliyindən Sputnik Azərbaycan-a məlumat verilib.

Energetika, Ekologiya və Təbii Sərvətlər nazirliklərinin, "Azərnerji" ASC, "SNC-Lavalin"s Atkins", BP və Böyük Britaniyanın Azərbaycandakı səfirliyinin nümayəndələrinin iştirakı ilə keçirilən tədbirdə bildirilib ki, mövcud kiçik su elektrik stansiyalarının səmərəliliyinin qiymətləndirilməsinə, beynəlxalq təcrübə nəzərə alınmaqla stansiyaların fəaliyyətinin təkmilləşdirlməsinə, eləcə də son illərdə müşahidə olunan quraqlıq da nəzərə alınmaqla yeni su elektrik stansiyalarının tikintisinin məqsədəuyğunluğunun araşdırlmasına zərurət yaranıb. Bu məqsədlə 2018-ci ilin 19 oktyabr tarixində Energetika Nazirliyi ilə BP şirkəti arasında imzalanmış "Niyyət məktubu" çərçivəsində nazirlikdə aidiyyəti qurumların mütəxəssislərindən ibarət İşçi qrupu yaradılaraq və layihənin icrasına "SNC-Lavalin"s Atkins" şirkəti cəlb edilərək tədqiqatlar aparılıb. Layihə çərçivəsində 5 kiçik su elektrik stansiyası və yeni stansiyalar üçün seçilmiş 6 sahəyə səfərlər edilib və qiymətləndirmə aparılıb.

"SNC-Lavalin"s Atkins" şirkətinin nümayəndələri Rodrigo Freire De Macedo və Matt Skidmorenin təqdimatında ölkəmizdə mövcud kiçik su elektrik stansiyalarının, eləcə də seçilmiş ərazilərdə inşası planlaşdırılan stansiyaların səmərəlilik aspektindən qiymətləndirilməsi, texniki-iqtisadi göstəriciləri, dağ çaylarının potensialı və tövsiyələr diqqətə çatdırılıb.

Energetika naziri Pərviz Şahbazov iki il müddətinə həyata keçirilən bu layihənin əhəmiyyətini və layihəyə BP şirkəti, eləcə də digər qurumların dəstəyini yüksək qiymətləndirib. "Bu hesabat əsasında ölkəmizdə elektrik enerjisi istehsalı ehtiyaclarını, su potensialını və su qıtlığını nəzərə alaraq, kiçik su elektrik stansiyaları ilə bağlı inkişaf strategiyamızı işləyib hazırlayacağıq. Bu sahənin özəl sektorun cəlbi ilə inkişafı isə əsas hədəflərdən biridir", - deyə nazir əlavə edib.

BP-nin Azərbaycan, Gürcüstan və Türkiyə üzrə regional prezidenti Qəri Cons isə bildirib ki, Azərbaycanın zəngin karbohidrogen ehtiyatları var. Bununla belə hökumətin enerji keçidi ilə bağlı siyasəti təqdirəlayiqdir.

6
Pişik, arxiv şəkli

Ölüm öpüşü: Pişik sahibinin həyatına belə son qoydu

0
(Yenilənib 23:43 07.07.2020)
Həkimlər qadının orqanizmində bakterial meningitə səbəb olan "pasteurella multocida" bakteriyasını aşkar ediblər

BAKI, 7 iyul — Sputnik. Avstraliyanın Melburn şəhərinin sakini pişiyin cırmaqlaması və yaranı yalamasından sonra ölüb.

Sputnik Azərbaycan "Herald Sun" nəşrinə istinadən xəbər verir ki, 80 yaşlı qadının qohumları onu yataqda şüursuz halda yanında pişiklə tapıblar.

Həkimlər onun orqanizmində bakterial meningitə səbəb olan "pasteurella multocida" bakteriyasını aşkar ediblər.

Pensiyaçı komada doqquz gün keçirib, bundan sonra onu həyat təminatı sistemindən ayırıblar.

Yerli xəstəxanalardan birinin yoluxucu xəstəliklər üzrə direktoru Lindsi Qreyson bildirib ki, ev sahibləri pişiklərinə açıq yaraları yalamağa imkan verməməlidirlər. Eyni zamanda o xəbərdarlıq edib ki, immunitet sistemi pozulmuş şəxslər bu ev heyvanlarından qaçmalıdırlar.

Bakterial meningit bakterial infeksiya nəticəsində baş və onurğa beyni membranlarının iltihabıdır.

0
Əlaqədar
Koronavirus bəlasını dünyaya yayan Çin əhli iyrənc adətindən əl çəkmək niyyətində deyil
Bakıda "pişik əməliyyatı" - VİDEO
Evsiz pişikdən yemək əldə etmək üçün ağlasığmaz kələk - Video
Küçədə pişik gəzdirmək cərimə ilə nəticələndi
Telekanal insanları panikaya saldı, sevdiklərindən ayrıldılar