Meşə, arxiv şəkli

Sahibkarlar üçün maraqlı təklif: tez böyüt, kəs, sat

777
(Yenilənib 17:55 09.09.2019)
Dünyada qəbul edilən normaya görə, dikliyi 30 dərəcədən çox olan ərazilərdə qırıntı aparılmır

İradə Cəlilova, Sputnik Azərbaycan

BAKI, 9 sentyabr — Sputnik. Azərbaycanda sənaye meşələri salınacaq. Bununla da taxta materialın meşələrdən əldə edilməsi mümkün olacaq.

Azərbaycan meşələri əhəmiyyətinə görə I qrupa aid edildiyindən burada sənaye məqsədli qırıntıların aparılması qadağandır. Bu qadağa Meşə Məcəlləsində yer alıb. Qeyd edək ki, ölkə meşələrinin 85 faizi dağlıq, 15 faizi aran zonasındadır. Dağlıq ərazilərdə olan meşələrin də 70 faizini dikliyi 30 dərəcədən yuxarı olan meşələr təşkil edir.

Dünyada qəbul edilən normaya görə, dikliyi 30 dərəcədən çox olan ərazilərdə qırıntı aparılmır.

Bu səbəbdən də ölkədə sənaye meşələrinin salınmasına böyük ehtiyac var. Ölkə qanunvericiliyi sənaye meşələrinin salınmasına imkan versə də, ölkədə belə bir praktika yoxdur.

Bu səbəbdən də Ekologiya və Təbii Sərvətlər Nazirliyi sənaye meşələrinin salınması məqsədilə sahibkarlara çağırış edib.

Meşələrin İnkişafı Departamentinin direktoru Ağaqardaş Qaraşov Sputnik Azərbaycan-a açıqlamasında bildirib ki, yaxın vaxtlarda Azərbaycanda sənaye əhəmiyyətli meşələrin salınması planlaşdırılır. Bu məqsədlə tez böyüyən ağac cinslərindən istifadə olunacaq:

"Bu işdə biz Ekologiya və Təbii Sərvətlər Nazirliyi olaraq bütün müraciətlərə açığıq. Öz tövsiyələrimizi verə və ağac cinslərinin seçilməsində kömək edə bilərik. Sənaye tipli meşələrdə tez böyüyən ağac tiplərindən istifadə edilir. 5-8-10 ilə böyüyən ağac cinsləri var. Onlardan meşələr salınır, müəyyən müddətdən sonra kəsilərək ağac emalında istifadə edilir".

A.Qaraşov qeyd edib ki, ETSN istehsal sahəsi deyil. Yəni nazirlik sadəcə sahibkarlara tövsiyələr verəcək, ağacların cinsinin seçilməsində yardım edəcək.

Qaraşovun sözlərinə görə, tezböyüyən ağaclar dünyanın hər yerində satılır və Azərbaycana da gətirilir. Yəni sahibkarlar çox rahat şəkildə belə ağacları əldə edə bilərlər.

Qaraşov əlavə edib ki, sənaye meşələrinin yaradılması Azərbaycanda da sahibkarlar üçün maraqlı ola bilər.

Qeyd edək ki, Azərbaycana ağac və ağac məhsulları əsasən Rusiya, Ukrayna və Belarusdan gətirilir. Ölkəyə xaricdən il ərzində təxminən 1 - 1,5 milyon kubmetr ağac və ağac məhsulları idxal edilir. Şam, qara şam və küknar ağaclarından olan həmin materiallar mebel, qapı-pəncərə istehsalı, inşaat məqsədilə istifadə edilir.

777
Teqlər:
ETSN, sahibkar, sənaye, meşə, ağac
Əlaqədar
Ağac kəsən şəxs cəzalandırılıb
Azərbaycan turistlər üçün yeni marşrut tapdı - "Zeytun ağacları"
Ölkədə bir gündə rekord sayda ağac əkiləcək
ETSN-dən insanlara meşə xəbərdarlığı
Hindistan narı Qəbələdə – qeyri-adi meyvə Azərbaycanda necə yetişdirilir
Hacıqabul Sənaye Məhəlləsi, arxiv şəkli

Sənaye məhəllələri “Azərbaycan İnvestisiya Şirkəti”nin tabeliyindən çıxarılıb

7
(Yenilənib 15:28 22.01.2021)
İqtisadi Zonaların İnkişafı Agentliyinin idarəçiliyinə verilən sənaye məhəllələri və parklar məlum olub.

BAKI, 22 yanvar — Sputnik. İqtisadiyyat Nazirliyinə məxsus "Azərbaycan İnvestisiya Şirkəti" ASC-nin tabeliyində olan sənaye məhəllələri yeni yaradılmış İqtisadi Zonaların İnkişafı Agentliyinin tabeliyinə verilib.

Sputnik Azərbaycan xəbər verir ki, bununla bağlı Prezident İlham Əliyev sərəncam imzalayıb.

Dəyişikliyə əsasən, Neftçala Sənaye Məhəlləsinin, Mingəçevir Sənaye Parkının, Qaradağ Sənaye Parkının, Masallı Sənaye Məhəlləsinin, Pirallahı Sənaye Parkının, Hacıqabul Sənaye Məhəlləsinin və Sabirabad Sənaye Məhəlləsinin təşkili, onların idarə olunması və inkişafı ilə bağlı tədbirləri İqtisadiyyat Nazirliyinin tabeliyindəki İqtisadi Zonaların İnkişafı Agentliyi həyata keçirəcək.

Qeyd edək ki, yeni agentlik nazirliyə məxsus "Sumqayıt Kimya Sənaye Parkı" MMC-nin bazasında yaradılıb.

7
Gömrük məntəqəsi, arxiv şəkli

Bəzi malların idxalından üç il ərzində gömrük rüsumu tutulmayacaq

16
(Yenilənib 15:21 22.01.2021)
Bəzi məhsullar idxal edilərkən 31 dekabr 2023-cü il tarixədək 0 dərəcə ilə idxal gömrük rüsumu tutulacaq

BAKI, 22 yanvar — Sputnik. Nazirlər Kabineti "Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri"ndə dəyişiklik edib.

Sputnik Azərbaycan xəbər verir ki, bununla bağlı Baş nazir Əli Əsədov qərar imzalayıb.

Qərara əsasən, Azərbaycan Respublikasının xarici iqtisadi fəaliyyətin mal nomenklaturasına görə 0102 21 300 0 kodu ilə göstərilən safqanlı cins inəklər, 0102 21 900 0 kodu ilə göstərilən digər safqanlı cins diri iribuynuzlu mal-qara (düyələr istisna olmaqla), 0105 11 110 0 kodu ilə göstərilən ev toyuqlarının ana və əcdad cinsi xətti ilə çoxaldılan cücələrin yumurtlayan növləri və 0105 11 190 0 kodu ilə göstərilən ev toyuqlarının ana və əcdad cinsi xətti ilə çoxaldılan cücələrin digər növləri idxal edilərkən 31 dekabr 2023-cü il tarixədək 0 dərəcə ilə idxal gömrük rüsumu tutulur.

Bu qərar dərc edildiyi gündən 30 gün sonra qüvvəyə minir.

16
Müdafiə naziri general-polkovnik Zakir Həsənov və Böyük Britaniya və Şimali İrlandiya Birləşmiş Krallığının Azərbaycandakı fövqəladə və səlahiyyətli səfiri Ceyms Şarp arasında görüş

Azərbaycan Britaniya hərbi sahədə əməkdaşlıq edəcəklər?

0
(Yenilənib 16:41 22.01.2021)
Səfir Ceyms Şarp deyib ki, Azərbaycan-Böyük Britaniya əlaqələrinin, xüsusilə hərbi sahədə əməkdaşlığın inkişafı üçün səylərini bundan sonra da əsirgəməyəcək.

BAKI, 22 yanvar — Sputnik. Müdafiə naziri general-polkovnik Zakir Həsənov yanvarın 22-də Böyük Britaniya və Şimali İrlandiya Birləşmiş Krallığının Azərbaycandakı fövqəladə və səlahiyyətli səfiri Ceyms Şarp ilə görüşüb. Bu barədə Sputnik Azərbaycan-a Müdafiə Nazirliyindən məlumat verilib.

Müdafiə naziri azad edilmiş ərazilərdə ordumuz tərəfindən həyata keçirilən tədbirlər, həmçinin Azərbaycan Ordusunda aparılan islahatlar və digər məsələlər barədə səfirə məlumat verib.

Görüş zamanı iki ölkə arasında müdafiə sahəsində, o cümlədən hərbi-texniki sahədə əməkdaşlıq üçün böyük potensialın olduğu və bu imkanların genişləndirilməsinin vacibliyi vurğulanıb.

Tərəflər ölkələrimiz arasında hərbi təhsil sahəsində əldə olunan razılaşmaların həyata keçirilməsinin, hərbi ingilis dili kurslarında dinləyicilərin sayının artırılmasının zəruriliyini xüsusi qeyd edib.

Öz növbəsində diplomat Vətən müharibəsində qazanılan qələbə münasibətilə Azərbaycan xalqını təbrik edib.

Azərbaycan-Böyük Britaniya əlaqələrinin, xüsusilə hərbi sahədə əməkdaşlığın inkişafı üçün səylərini bundan sonra da əsirgəməyəcəyini qeyd edən C.Şarp ikitərəfli əməkdaşlıq çərçivəsində Böyük Britaniyanın azad edilmiş ərazilərin minalardan və partlamamış döyüş sursatlarından təmizlənməsi işlərində Azərbaycana köməklik göstərə biləcəyini bildirib.

Görüşdə regional və ikitərəfli əməkdaşlıq, həmçinin qarşılıqlı maraq doğuran bir sıra digər məsələlər müzakirə edilib.

0
Teqlər:
Böyük Britaniyanın Azərbaycandakı səfiri, Böyük Britaniya