Zərgərlik məmulatı, arxiv şəkli

Ekspert: Zərgərlik məmulatları sərmayə vasitəsi hesab oluna bilməz

43
(Yenilənib 19:44 30.08.2019)
"Xanımınız üçün hər hansı bir gözəl zərgərlik məmulatı alarkən anlamalısınız ki, əslində dəyərindən bir neçə dəfə artıq ödəyirsiniz"

BAKI, 30 avqust — Sputnik. Zərgərlik bəzək əşyaları böhrana qarşı sərmayə vasitəsi hesab oluna bilməz, çünki onları alarkən biz əlavə dəyərə görə də ödəniş edirik. Sputnik Azərbaycan xəbər verir ki, bunu RİA Novosti-yə "Sova Capital" investisiya şirkətinin rəhbəri Sergey Suxanov deyib.

Suxanov bildirib ki, bəzək əşyasının dəyərinin gələcəkdə artacağı fakt deyil.

"Bildiyim qədəri ilə (Rusiyanın – red.) zərgərlik əşyaları bazarında əlavə dəyər maya dəyərindən 5-8 dəfə çoxdur. Yəni öz xanımınız üçün hər hansı bir gözəl zərgərlik məmulatı alarkən anlamalısınız ki, əslində (dəyərindən – red.) bir neçə dəfə artıq ödəyirsiniz. Buna görə də məmulatın dəyərinin artıb-artmayacağı bəlli deyil", - Suxanov zərgərlik məmulatlarının böhran əleyhinə investisiya vasitəsi kimi hesab edilməsi məsələsini şərh edərkən deyib.

Ekspertin fikrincə, sərmayə kimi bəzək əşyalarını yox, cilalanmış almaz və ya digər qiymətli daşları almaq lazımdır, belə ki, onlar məmulat kimi yox, daş kimi satılırlar və buna görə də onları birbaşa istehsalçıdan almaq və bununla da əlavə dəyərə görə pul ödəməkdən qaçmaq olar.

Lakin Suxanov bildirib ki, bu tip investisiya yatırımının da öz qanunları var və burada çox ehtiyatlı olmaq və riskləri düzgün qiymətləndirmək üçün ekspertlərlə məsləhətləşmək lazımdır.

43
Teqlər:
qiymətli daş, almaz, investisiya, zərgərlik məmulatı, zərgərlik

Füzuli Hava Limanının tikintisi ilə bağlı görülən işlər açıqlanıb

16
(Yenilənib 12:00 30.07.2021)
İlk sınaq uçuşu sentyabrın 5-nə planlaşdırılır. Ancaq laboratoriya yoxlamaları sınaq uçuşundan əvvəl avqustun 25-dən sonra həyata keçiriləcək.

BAKI, 30 iyul — Sputnik. Füzuli Hava Limanının tikintisinə bu ilin yanvar ayında start verilib. İlkin olaraq burada minatəmizləmə işləri həyata keçirilib".

Sputnik Azərbaycan APA-ya istinadən xəbər verir ki, bunu jurnalistlərə açıqlamasında Azərbaycan Hava Yolları Qapalı Səhmdar Cəmiyyətinin əməkdaşı Valeh Əmiraslanov bildirib.

Onun sözlərinə görə, bu müddət ərzində uzunluğu 3 km, eni 60 m olan uçuş-enmə zolağının torpaq yatağı çıxarılıb, əks dolu işləri aparılıb, konstruksiya lay-lay verilərək tamamlanıb: "Hazırda uçuş enmə zolağında üst lay deyilən aşınma qatı vurulur. Bunun bir hissəsi tamamlanıb. Digər hissələrdə isə konstruksiyanın alt layının asfalt qatı vurulur. Sükan yoluna asfalt vurulması üçün konstruksiya tələblərinə uyğun olaraq işlər tamamlanıb, yaxın zamanlarda asfalt işlərinə başlanılacaq. Sahəsi 60 min kv.m olan perronda da tamamlanma işləri gedir. Sükan yolunda asfalt işləri bitdikdən sonra paralel perrona da keçəcək. Burada 8 hava gəmisinin dayanması nəzərdə tutulub. Bina və qurğulardan isə terminal binasında işlərin 60-70 faizi tamamlanmaq üzrədir. Metal konstruksiya tam bitib, dam üzlüklə üzlənir. Köməkçi binalar 2 ədəd tutumu 250 kub metr olan, 1 ədəd 500 kub metr olan su rezervləri tam tiklib yoxlanılıb. Müvafiq izolyasiya işləri yerinə yetirilib".

V.Əmiraslanov deyib ki, hava limanının elektrik enerjisi ilə təmin olunması üçün uzunluğu 2,5 km olan hava xətti çəkilib və sahə daxili 10 kilovoltluq daxili kabellər çəkilib. Uçuşların enməsinin təmin olunması üçün naviqasiya avadanlıqları alınıb quraşdırılıb: "Eyni zamanda, gecə vaxtı hava gəmilərinin uçuş-enmə zolağına enməsini təmin etmək üçün işıq siqnal sistemi quraşdırılıb. İşığın yaxın zamanda tamamlanması gözlənilir. Ümumilikdə işıq siqnal sisteminin 85-90 faizi tam yerinə yetirilib. Hava limanı beynəlxalq səviyyəli və kütləsi 400 tona qədər olan hava gəmilərinin qəbulu nəzərdə tutulur. Hava limanının payız aylarında istifadəyə verilməsi nəzərdə tutulur. İlk sınaq uçuşu sentyabrın 5-nə planlaşdırılır. Ancaq laboratoriya yoxlamaları sınaq uçuşundan əvvəl avqustun 25-dən sonra həyata keçiriləcək".

Eləcə də oxuyun:

16
Teqlər:
tikinti, hava limanı, Füzuli
Sənəddə imza, arxiv şəkli

Qeyri-ərzaq mallarının təhlükəsizliyini təmin edəcək qaydalar təsdiq olunub

10
Yeni qaydalara görə, qeyri-ərzaq mallarının təhlükəsizliyinin təmin edilməsi üçün risk əsaslı yanaşma tətbiq olunacaq.

BAKI, 30 iyul — Sputnik. Texniki tənzimləmə sisteminin yaradılması və fəaliyyətinin təmin edilməsi üzrə həyata keçirilən tədbirlər çərçivəsində Nazirlər Kabineti tərəfindən bir sıra Qaydalar təsdiq olunub.

İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətindən Sputnik Azərbaycan-a verilən məlumata görə, yeni qaydaların tətbiqi insanların həyat və sağlamlığının, ətraf mühitin, əmlakın və dövlətin maraqlarının mühafizəsinin təmin edilməsinə, istehlakçıların hüquqlarının və qanuni maraqlarının müdafiəsinə, ticarətdə texniki maneələrin aradan qaldırılmasına və malların rəqabət qabiliyyətliyinin artırılmasına xidmət edəcək.

Yeni qaydalara görə, qeyri-ərzaq mallarının təhlükəsizliyinin təmin edilməsi üçün risk əsaslı yanaşma tətbiq olunacaq. Sahibkarlar istehsal və ya idxal etdikləri aşağı və orta riskli qeyri-ərzaq mallarının təhlükəsizliyinə dair uyğunluq bəyannamələrini özləri tərtib edərək sərbəst satışı həyata keçirə biləcəklər. Yüksək risk qrupuna aid olan qeyri-ərzaq malları isə akkreditasiya olunmuş uyğunluğu qiymətləndirən qurumlar tərəfindən yoxlanıldıqdan sonra onlara müvafiq sertifikatlar təqdim olunacaq.

Qaydalara əsasən, müvafiq qurumlar və sahibkarlar uyğunluq sertifikatlarının və ya bəyannamələrinin tərtibi ilə əlaqədar qərar qəbul etdikləri gün bu barədə məlumatları İqtisadiyyat Nazirliyinə təqdim etməlidirlər. Nazirliyinin reyestrinə daxil edilən uyğunluq setifikatları və ya bəyannamələri əsasında texniki sənədlərə və qeyri-ərzaq mallarının üzərinə Azərbaycan uyğunluq nişanı vurula bilər. Azərbaycan uyğunluq nişanı - AZC hərfləri ("Azerbaijan Conformity" Azərbaycan dilinə tərcümədə "Azərbaycan uyğunluğu") ilə təqdim olunur.

Qeyd edək ki, malların risk qruplarının təyin edilməsi meyarları barədə təkliflər İqtisadiyyat Nazirliyi tərəfindən Nazirlər Kabinetinə təqdim olunub.

 

10
Azərbaycan cüdo yığmasının üzvü İrina Kindzerskaya

Azərbaycan Tokioda ilk medalını qazandı

6
(Yenilənib 13:25 30.07.2021)
Azərbaycan cüdo yığmasının üzvü İrina Kindzerskaya üçüncü yer uğrunda görüşdə rəqibinə ipponla qalib gələrək, Azərbaycan millisinə ilk medalı qazandırıb.

BAKI, 30 iyul — Sputnik. Azərbaycan Tokio Yay Olimpiadasında ilk medalını qazanıb. 

Sputnik Azərbaycan-ın məlumatına görə, Azərbaycan cüdo yığmasının üzvü İrina Kindzerskaya (78 kq-dan çox) üçüncü yer uğrunda görüşdə çinli Şiyan Xu ilə qarşılaşıb və ipponla qalib gələrək, Azərbaycan millisinə ilk medalı qazandırıb.

Kindzerskaya yarışa 1/8 final mərhələsindən qoşulub və Bosniya və Herseqovina idmançısı Larisa Çeriçə qalib gəlib. 1/4 finalda isə idmançımız koreyalı cüdoçu Mijin Xanı məğlub edib.

  • Azərbaycan cüdo yığmasının üzvü İrina Kindzerskaya (78 kq-dan çox) üçüncü yer uğrunda görüşdə çinli Şiyan Xu ilə qarşılaşıb və ipponla qalib gəlib
    © REUTERS / ANNEGRET HILSE
  • Azərbaycan cüdo yığmasının üzvü İrina Kindzerskaya (78 kq-dan çox) üçüncü yer uğrunda görüşdə çinli Şiyan Xu ilə qarşılaşıb və ipponla qalib gəlib
    © REUTERS / ANNEGRET HILSE
  • Azərbaycan cüdo yığmasının üzvü İrina Kindzerskaya (78 kq-dan çox) üçüncü yer uğrunda görüşdə çinli Şiyan Xu ilə qarşılaşıb və ipponla qalib gəlib
    © REUTERS / ANNEGRET HILSE
  • Azərbaycan cüdo yığmasının üzvü İrina Kindzerskaya (78 kq-dan çox) üçüncü yer uğrunda görüşdə çinli Şiyan Xu ilə qarşılaşıb və ipponla qalib gəlib
    © REUTERS / SERGIO PEREZ
1 / 4
© REUTERS / ANNEGRET HILSE
Azərbaycan cüdo yığmasının üzvü İrina Kindzerskaya (78 kq-dan çox) üçüncü yer uğrunda görüşdə çinli Şiyan Xu ilə qarşılaşıb və ipponla qalib gəlib

İdmançımız yarımfinalda Yaponiyanın 21 yaşlı dünya çempionu Akira Sone ilə qarşılaşıb. Təəssüf ki, bu dəfə özü ipponla uduzan Kindzerska qızıl medal şansını əldən verib.

Azərbaycanı təmsil edən digər ağır çəkili idmançı Uşanqi Kokauri (100 kq-dan çox) Olimpiadada çıxışlarını artıq başa vurub. İlk qarşılaşmada polşalı idmançı Matsey Sarnaka qalib gələn Kokauri növbəti mərhələdə dünya reytinqinin lideri Rafael Silvaya məğlub olub.

22 azərbaycanlı atlet evə qayıdır

Artıq 22 idmançımız Tokio Olimpiya oyunlarında heç bir mükafat əldə etmədən çıxışlarını başa vurub.

Bunlar – taekvondoçular Fəridə Əzizova (67 kq) və Milad Beiqi Harçeqani (80 kq), qılıncoynadan Anna Başta, cüdoçular Kəramət Hüseynov (60 kq), Orxan Səfərov (66 kq), Rüstəm Orucov (73 kq), Murad Fətiyev (81 kq), Məmmədəli Mehdiyev (90 kq), Zelim Kotsoyev (100 kq), Uşanqi Kokauri (100 kq-dan çox) və Aişə Qurbanlı (48 kq), boksçular Tayfur Əliyev (57 kq), Lorenso Sotomayor (69 kq) və Məhəmməd Abdullayev (91 kq-dan çox), üzgüçülər Maksim Şemberov və Məryəm Şeyxəlizadəxangah, gimnastlar İvan Tixonov və Marina Nekrasova, velosipedçi Elçin Əsədov, atıcı Emin Cəfərov və çoxnövçü Rostislav Pevtsov və badmintonçu Edi Reski Dviçayodur.

Azərbaycan Tokio-2020-də

Tokioda Yay Olimpiya Oyunları iyulun 23-dən avqustun 8-nə kimi keçirilir.

Tokio Yay Olimpiadasında ölkəmizi 44 idmançı təmsil edir. Onlar 40 lisenziya qazanaraq 14 idman növündə - cüdo, güləş, bədii gimnastika, idman gimnastikası, karate, boks, taekvondo, yüngül atletika, güllə atıcılığı, qılıncoynatma, veloidman, badminton, üzgüçülük və triatlonda - çıxış edirlər.

Azərbaycan üçün bu, 2004-cü ildə Afinada keçirilən Olimpiya Oyunlarından bəri ən az sayda Olimpiya lisenziyasıdır, o vaxt idmançılarımız 38 lisenziya qazanmışdılar.

2008-ci ildə Pekində azərbaycanlı idmançılar 44, 2012-ci ildə Londonda 53, 2016-cı ildə Rio-de Janeyroda 56 lisenziya qazanıblar. 1996-cı ildən bəri olimpiadalarda idmançılarımız 43 medal qazanıblar ki, bunun da 7-si qızıl, 11-i gümüş, 25-i isə bürüncdür.

6
Teqlər:
cüdo, medal, Azərbaycan, Tokio Yay Olimpiya Oyunları