Buğda

Pul bizim, toxum onların, torpaq bizim, məhsul onların Sonra da “bahadır” deyirik

434
(Yenilənib 16:53 02.08.2019)
Ölkədəki bahaçılığın daha bir səbəbi tapıldı, özü də çox sadə səbəbi

Xalid Məmmədov, Sputnik Azərbaycan

BAKI, 24 iyul — Sputnik. "Tərəvəz toxumçuluğunda illik tələbatımız təxminən 200 min tondur, yerli istehsal bunu dəstəkləyə bilmir və idxal olunur. Yerli istehsal arpa toxumçuluğunun 24 faizini, buğda toxumçuluğunun isə 56 faizini qarşılaya bilir. Ölkənin taxıl toxumuna olan tələbatı 150 min ton civarındadır və bunun 80 min tonu yerli istehsaldır".

Bunu kənd təsərrüfatı məsələləri üzrə ekspert Nicat Nəsirli Azərbaycanda toxumçuluğun mövcud vəziyyəti və inkişafından danışarkən Sputnik Azərbaycan-a deyib.

Onun sözlərinə görə, reallıqda vəziyyət odur ki, sahibkarlar, iş mühiti arasında bizim milli toxumçuluğa inamsızlıq var: "Taxıl toxumçuları toxumu daha çox xaricdən, xüsusən Rusiyadan alırlar. Tərəvəz toxumçuları isə toxumu daha çox Türkiyə, Hollandiya və digər ölkələrdən gətirirlər. Əsas problem yerli istehsalın toxum tələbatını tam ödəyə bilməməsidir".

Ekspert bildirib ki, "Toxumçuluq haqqında" qanun qəbul edilib və bu sistemin yenidən qurulması prosesi gedir: "Belə ki, xəstəlik və zərərvericilərə qarşı dözümlü sortların yaradılması, onların dövlət qeydiyyatına alınması və həmin toxumların böyük təsərrüfatlarda istehsalda tətbiq olunması prosesi gedir. Məqsəd odur ki, elmi-seleksiya işi gücləndirilsin, yeni hibrid sortlar əldə edilsin. Hazırda bu proses gedir. Tərəvəzçilik, meyvəçilik institutları yenidən qurulub və digər elmi-tədqiqat institutlarının fəaliyyəti də yenidən qurulur".

O, qeyd edib ki, artıq Kənd Təsərrüfatı Nazirliyinin tabeliyində Dövlət Toxum Fondu ilk toxum mağazasını fermerlərə təqdim edib və ilk toxum mağazası Xaçmazda açılıb: "Digər rayonlarda da toxum mağazalarının açılması gözlənilir. Məqsəd fermerləri mövcud bazar qiymətlərindən daha aşağı qiymətlə, sertifikatlı, yüksək keyfiyyətli toxumla təmin etməkdir. Şəbəkələşmə olmalıdır ki, fermerlər toxum ala bilsinlər".

Ekspert Azərbaycanda toxum birjasının yaradılması məsələsinə də toxunub: "Ölkəmizdə toxum birjasının yaradılması üçün böyük potensial var və ölkənin toxum birjası olmalıdır. Bizdə sertifikatlı toxumçuluqla məşğul olan 130-dan çox təsərrüfat var. Onlar toxumlarını harada satmalıdırlar? Onlar üçün bir bazar açılmalıdır. 

Toxum birjası yaxşı ideyadır. Birja ilk növbədə informasiya məkanıdır, fermerlər burada bazar trendlərini tuta bilirlər. Birja istehsalçıları məlumatlandıracaq".

O bildirib ki, yerli toxum ilə xaricdən gətirilən toxum arasında qiymətdə fərq var: "Yerli toxumçuluq təsərrüfatları toxumun hər kiloqramına görə dövlət tərəfindən 42 qəpik subsidiya alır. Ümumiyyətlə, toxumçuluq sahəsi subsidiyalaşdırılır. Nəticədə subsidiya dəstəyi olduğuna görə yerli toxum xaricdən gətirilən toxumdan ucuz başa gəlir. Burada əsas məsələ milli toxumlara inamın olmamasıdır. Bizim elə toxumlar var ki, abiotik amillərə, stress faktorlarına qarşı çox dözümlüdür. Amma bizim sahibkarlar həmin toxumları əkinə tətbiq etmir, gedib Rusiyadan alırlar. Və bu il həmin sahələrdə məhsuldarlıq aşağıdır. Çünki o toxumlar bu regiona öyrəşməyib. Stress faktorları onların genində yoxdur".

"Yeni subsidiya qaydalarına görə, gələn il yanvarın 1-dən fermerlər sertifikatlaşdırılmış, rayonlaşdırılmış və dövlət reyestrinə düşmüş toxum əkməlidir ki, subsidiya alsın. Bu mexanizm uğurla tətbiq olunsa, təsərrüfatlarda təsadüfi toxum materiallarından istifadə aradan qalxacaq, məhsuldarlıq göstəricilərinə ciddi təsir edəcək"- deyə o əlavə edib.

Qeyd edək ki, bu yaxınlarda Dövlət Toxum Fondunun sədri Emin Əliyev deyib ki, toxum mağazaları istehsalçı və istehlakçıların işini asanlaşdıracaq: "İlk mağazamız Xaçmazda işə başlasa da yaxın günlərdə Şəkidə də "ToxumArt" mağazası açılacaq. Məqsəd qısa zaman ərzində keyfiyyətli toxumlara əlçatanlığın təmin edilməsidir. Ümumiyyətlə, mağazalar toxum emalı zavodlarımızın bir istiqaməti olacaq. Özlərinin sertifikatlı toxumlarına alıcı tapmaqda çətinlik çəkən toxumçular onları bizə sata biləcəklər. Bunun üçün yeganə şərt toxumların yüksək keyfiyyətə malik olmasıdır".

Xatırladaq ki, Dövlət Toxum Fondu ölkədə kənd təsərrüfatı məhsulları istehsalçılarını yüksək məhsuldar bitki sortlarının toxumları ilə təchiz etmək, habelə təbii fəlakətə (sel, yanğın, quraqlıq və s.) məruz qalmış bölgələrdə toxuma olan ehtiyacı aradan qaldırmaq, daxili bazarda toxum çatışmazlığının və toxumun qiymət artımının qarşısını almaq məqsədilə Azərbaycan Prezidentinin 2015-ci il 2 mart tarixli sərəncamı ilə yaradılıb.

Toxum Fondunun ölkə üzrə taxılçılığın inkişaf etdiyi regionlarda müasir texniki tələblərə cavab verən, yüksək həcmli toxum emalını həyata keçirən və avadanlıqlarla təchiz olunmuş toxum emalı zavodları istismara verilib. Zavodlarda emal olunan toxumun keyfiyyətinin yüksək olması üçün toxum materialının bütün parametrlər üzrə müayinəsini həyata keçirən müasir laboratoriyalar qurulub.

Fond səmərəlilik, innovativlik və fermerə yaxınlıq prinsiplərini rəhbər tutaraq toxum istehsalçılarına dəstək olur, onlara bu sahədə toxumun seçimindən son məhsulun satışınadək köməklik göstərir. Eyni zamanda, inkişaf etmiş ölkələrin elmi-tədqiqat mərkəzləri ilə əməkdaşlıq edir və yüksək məhsuldar toxum sortlarının ölkəyə gətirilməsini təmin edir.

434
Pul qabı, arxiv şəkli

İqtisadi paketlə əlaqədar yeni təkliflər var

9
Əlavə olaraq Əmək və Əhalinin Sosial Müdafiəsi Nazirliyi və digər strukturlar tərəfindən bu barədə məlumat diqqətə çatdırılacaq

BAKI, 3 avqust — Sputnik. “İqtisadi paketlə əlaqədar yeni təkliflər təqdim edilib”.

Sputnik Azərbaycan bildirir ki, bunu bu gün Nazirlər Kabineti yanında Operativ Qərargahın təşkil etdiyi brifinqdə Azərbaycan Respublikası Prezidentinin köməkçisi, Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev deyib.

O qeyd edib ki, yaxın günlərdə İqtisadiyyat Nazirliyi, aidiyyəti strukturlar tərəfindən vergi ödəyicilərinə və muzdlu işçilərini ixtisara salmamış və dövlət tərəfindən müəyyən olunmuş qanun çərçivəsində fəaliyyət göstərən vergi ödəyicilərinə münasibətdə bu şərtlər tətbiq olunacaq.

H.Hacıyev əhaliyə sosial müavinətlərin verilməsi ilə bağlı vurğulayıb ki, hazırda bununla bağlı müzakirələr davam etdirilir: “Əlavə olaraq Əmək və Əhalinin Sosial Müdafiəsi Nazirliyi və digər strukturlar tərəfindən bu barədə məlumat diqqətə çatdırılacaq”.

9
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Azərbaycanda karantin rejimi qismən yumşaldılır - DETALLAR
İcazə sisteminin ləğvindən sonra rayonlara getmək üçün kağız tələb olunacaq
"Gündəlik 200-dən çox yoluxma var. Buna da kütləvi tədbirlər səbəb olub"
Hikmət Hacıyev vətəndaşları xaricə səfər etməkdən çəkindirdi
Metro niyə bağlı qaldı?
Mənzil açarı, arxiv şəkli

Postpandemiya dövründə daşınmaz əmlakın qiyməti kəskin dəyişəcək - SƏBƏB

1508
(Yenilənib 13:06 03.08.2020)
Boş torpaq sahələrinin məhdud olması, torpaqların qiymətinin kəskin artması, tikitni normativlərinin sərtləşdirilməsi və s. bu kimi amillər danışnmaz əmlakın qiymətinin artacağından xəbər verir.

İradə Cəlilova, Sputnik Azərbaycan

BAKI, 3 avqust — Sputnik. Postpandemiya dövründə daşınmaz əmlakın qiyməti arta bilər. Belə ki, pandemiya dövründə satış daşınmaz əmlakın alqı-satqısı dayandığı üçün bazarda durğunluq yaranıb. Bu dövrdə sahibkarlar zərərlərini postpandemiya dövründə çıxara bilmək üçün əmlak qiymətlərini artıra bilər.

Yaşayış kompleksi, arxiv şəkli
© Official website of President of Azerbaijan Republic

Sputnik Azərbaycan xəbər verir ki, bu barədə əmlak məsələləri üzrə ekspert Elnur Fərzəliyev danışıb.

O, qeyd edib ki, 2020 ci ilin əvvəlindən başlayan koronovirus pandemiyası əksər dünya ölkələri ilə bərabər Azərbaycan iqtisadiyyatına da cox ciddi mənfi təsir görtərib: " Neftin qiymətinin düşməsi, bankların bağlanması və digər sahələrə olan yatırımların riskli olması vətəndaşlarda sabaha inamsızlıq yaradıb. Belə ki, əlində vəsaiti olan hər bir vətəndaş yeni yatırım mənbəyi və alternativlər axtarır".

Ekspertin sözlərinə görə, bu gün ölkədə ən etibarlı kapital yatırımı sahəsi məhz tikinti sahəsidir. Belə ki, 2000-ci illərin əvvələrindən inkişaf etməyə başlayan tikinti sahəsi bu gün öz pik həddini yaşayır.

"Tikinti sahəsi dəyərini qoruyub saxlayır. Bununla yanaşı, daşınmaz əmlakın qiymətlərinin artması da sübut edir ki, ən əlverişli gəlir mənbəyi tikinti sektorudur" - deyən E. Fərzəliyev bildirir ki, son 20 ildə əmlak bazarında qiymətlər 7-10 dəfə bahalaşıb.

Belə ki, 2000-ci ildə Elmlər Akademiyası metrosu yaxınlığında 1 otaqlı "xruşovka" layihəli mənzilin qiyməti 10 min manat idisə, indi bu qiymət 60-70 min manatdır.

Onun sözlərinə görə, tikinti sektoru həm də gəlir gətirən bir sahədir: "Məsələn, istənilən əmlak alındığı gündən öz dəyərinin 0.5 faizi nisbətində icarəyə verilərək, gəlir gətirə bilər".

Ekspertin fikrincə, pandemiya dövründə digər ölkələrlə sərhədlərin bağlı olması, xaricdən ölkəyə daxil olan tikinti materiallarının da qiymətlərinin artmasına səbəb olur.

Bununla əlaqədar 1 ildən çoxdur ki, çoxmərtəbəli binalaırn tikintiisndə azalma müşahidə edilir.

E. Fəzrəliyev hesab edir ki, boş torpaq sahələrinin məhdud olması, torpaqların qiymətinin kəskin artması, tikitni normativlərinin sərtləşdirilməsi və s. bu kimi amillər danışnmaz əmlakın qiymətinin artacağından xəbər verir.

"Qiymətlərin düşməsini gözləmək lazım deyil. Çünki daşınmaz əmlakın ucuzlaşmasına səbəb olacaq heç bir amil yoxdur, əksinə, bahalaşması üçün çox səbəb var. Yəni, daşınmaz əmlak üçün qiymət düşəcəyini gözləyənlər diqqətli olmalıdır" - deyə o bildirib.

1508

Salyanda zəncirvari qəza: yaralılardan biri baş həkimdir

0
Yaralılardan kəllə-beyin travması alan “Toyota Prado” markalı avtomobilin sürücüsü  Vidadi Əliyevin vəziyyəti ağır olduğundan Bakı şəhərinə - Mərkəzi Klinik Xəstəxanasına yola salınıb

BAKI, 4 avqust — Sputnik. Salyanda baş verən zəncirvari qəzada 3 nəfər xəsarət alıb.

Sputnik Azərbaycan APA-ya istinadən bildirir ki, hadisə bu gün günorta saatlarında Salyan rayonunun Kərimbəyli kəndində qeydə alınıb. “Daewoo”, “Toyota Prado” və  “VAZ 2107” markalı avtomobillərinin toqquşması nəticəsində 3 nəfər - Bakı sakini, 1960-cı il təvəllüdlü Əliyev Vidadi Qamət oğlu, 1990-cı il təvəllüdlü Həsənova Lalə İslam qızı və 1982-ci il təvəllüdlü Talıbov Zöhür Nadir oğlu müxtəlif dərəcəli bədən xəsarətləri ilə Şirvan Şəhər Xəstəxanasına yerləşdiriliblər.

Yaralılardan kəllə-beyin travması alan “Toyota Prado” markalı avtomobilin sürücüsü  Vidadi Əliyevin vəziyyəti ağır olduğundan Bakı şəhərinə - Mərkəzi Klinik Xəstəxanasına yola salınıb.

Qeyd edək ki, Vidadi Əliyev Respublika Cüzam xəstəxanasının baş həkimidir.

Faktla bağlı araşdırma aparılır.

0