Sığorta müqaviləsi və kalkulyator, arxiv şəkli

Sığorta bazarına yeni qiymət gəlir Kimin udacağı, kimin uduzacağı bilinmir

551
(Yenilənib 16:35 06.07.2019)
"Kifayət qədər avtomobillərin, yığımların olmasına baxmayaraq 35 manat qarşılığında sığorta şirkətinin 55 min manatlıq öhdəçiliyi absurddur"

Xalid Məmmədov, Sputnik Azərbaycan

BAKI, 6 iyul — Sputnik. İcbari Sığorta Bürosunun (İSB) icraçı direktoru Rəşad Əhmədov avtomobillərin icbari sığortası ilə bağlı zərərçəkmişlərə ödənilən sığorta pulunun maksimal həddinin artırıla biləcəyini deyib: "İSB-nin və Maliyyə Bazarlarına Nəzarət Palatasının informasiya sistemində olan məlumatlar cəmləşdirilir və aktuari heyəti tərəfindən qiymətləndirmə aparılır. Hesabat hazırlanaraq Palataya təqdim olunacaq. Ödənişin maksimal həddi aktualdır, çünki son dəyişiklikdən 8 il keçib".

Sığorta eksperti Nicat Əlibəyli avtomobillərin icbari sığortası ilə bağlı ödənişin maksimal həddinin artırılması və sığorta haqqı məsələsini Sputnik Azərbaycan-a şərh edib.

Sığorta mütəxəssisi bildirib ki, hazırda avtomobillərin icbari sığortası ilə bağlı zərərçəkmişlərə ödənilən sığorta pulunun maksimal həddi 5 min manatdır: "Təəssüf ki, bu gün kifayət qədər avtomobil qəzası baş verir və bunun əksəriyyəti zəncirvari qəzalarla müşahidə olunur, bir avtomobil bir neçə avtomobilə zərər yetirir. Belə hallarda da zərərçəkmişlərə ödənilən sığorta pulunun maksimal həddinin 5 min manat olması kifayət etmir. Bir avtomobil 3-4 avtomobilə zərər yetirəndə ümumi zərərin sayı 10 min manatadək gəlib çıxır. Lakin sığorta şirkəti ödənişin maksimal həddi olan 5 min manatı 3-4 zərərçəkən avtomobilə görə bölür və bu da çox az bir məbləğ edir. 5 min manat limit azlıq təşkil edir. Ona görə də Azərbaycanda avtomobillərin icbari sığortası ilə bağlı zərərçəkmişlərə ödənilən sığorta pulunun maksimal həddinin artırılması üçün əsas var".

O bildirib ki, əmlaka dəyən zərər görə sığorta pulu 5 min manatdır, sağlamlığa dəyən zərər görə isə sığorta pulu 50 min manatdır: "Ümumilikdə bir icbari sığorta müqaviləsinə əsasən, sığorta şirkəti bir hadisəyə görə, 55 min manat öhdəçilik daşıyır. Bunun 50 min manatı sağlamlığa dəyən zərərə görə, 5 min manatı isə əmlaka dəyən zərər görə nəzərdə tutulub. Mühərrikin həcmi 1500 sm3-ədək olan avtomobilin standart sığorta haqqı 50 manatdır. Vətəndaş 50 manat ödəyir və sığorta şirkətini 55 min manatlıq öhdəçiliyə vadar edir. Hazırda belə bir vəziyyətdir".

Ekspert qeyd edib ki, limitin artırılması böyük ehtimalla sığorta haqlarına da təsir edəcək: "Məsələn, hazırda mühərrikin həcmi 1500 sm3-ədək olan avtomobilin standart sığorta haqqı fiziki şəxslər üçün 50 manatdır. Qarşı tərəfdə isə əmlaka görə öhdəçilik 5 min manatdır. Avtomobillərin icbari sığortası ilə bağlı zərərçəkmişlərə ödənilən sığorta pulunun limiti artırılarsa, sığorta haqqında da artım olması ehtimalı var. Bu, il ərzində 1 dəfə ödənilən sığorta haqqıdır. Avtomobilin minimum standart sığorta haqqı fiziki şəxslər üçün 50 manat, hüquqi şəxslər üçün isə maksimum 300 manatdır. Yəni bu sistem ən çox 300 manat sığorta haqqı ödəməklə sığorta şirkətini 55 min manat öhdəçiliyə vadar edir. 5 min manatlıq limit artırılsa, sığorta haqqında da artım ola bilər".

Onun sözlərinə görə, İcbari Sığorta Bürosunun bonus-malus sisteminə görə, vətəndaşlar il ərzində hadisə törətmədikdə sığorta haqları aşağı düşür, 35 faizədək endirim müşahidə olunur: "Lakin təminat olduğu kimi qalıb. Yəni avtomobilə görə, sığorta şirkətinə 50 manat sığorta haqqı ödəyən şəxs 35 manat da ödəyə bilər. Amma yenə də sığorta şirkətinin öhdəçiliyi 55 min manat kimi qalır. Kifayət qədər avtomobillərin, yığımların olmasına baxmayaraq 35 manat qarşılığında 55 min manatlıq öhdəçilik absurddur. Həm limit, həm də sığorta haqqı artmalıdır".

Qeyd edək ki, İcbari Sığorta Bürosunun icraçı direktoru Rəşad Əhmədov onu da əlavə edib ki, avtomobil qəzası nəticəsində dəyən zərərin məbləği orta hesabla 1100-1200 manatdır: "Lakin yüzlərlə sığorta hadisəsi var ki, dəyən zərərin məbləği 5 min manatdan çoxdur. Aktuarilərin təklifləri hazır olacaq, ortaya çıxan rəqəmlərə uyğun addımlar atılacaq. Söhbət sığorta təminatı ilə yanaşı, sığorta tariflərindən də gedir".

551
Kənd Təsərrüfatı naziri İnam Kərimov

İnam Kərimov: “Kənd Təsərrüfatı Nazirliyi qarşısında konkret ciddi vəzifələr qoyulub”

61
(Yenilənib 23:47 12.08.2020)
Kənd Təsərrüfatı naziri İnam Kərimov deyir ki, qarşıda duran əsas vəzifələrdən biri müasir, mütərəqqi suvarma texnologiyalarından istifadə edilməsidir
İnam Kərimov: “Ayrılan vəsait suvarma sistemlərinin subsidiyalaşdırılmasına xərclənəcək”

“Bu il hava şəraitinin quraq keçməsi su çatışmazlığı problemini daha da aktuallaşdırıb. Ona görə də su resurslarından səmərəli istifadə edilməsi əsas vəzifələrdəndir”. Sputnik Azərbaycan xəbər verir ki, bu barədə Kənd Təsərrüfatı naziri İnam Kərimov Bərdədə jurnalistlərə müsahibəsində deyib.

“Bu məqsədlə ötən ay Prezident yanında su təsərrüfatının vəziyyətinə həsr olunmuş müşavirə keçirildi. Müşavirədən sonra "Su ehtiyatlarından səmərəli istifadənin təmin edilməsi ilə bağlı əlavə tədbirlər haqqında" Sərəncam imzalandı. Həm müşavirədə, həm də Sərəncamda Kənd Təsərrüfatı Nazirliyi və aidiyyəti qurumlar qarşısında konkret və ciddi vəzifələr qoyulub. Qarşıda duran əsas vəzifələrdən biri müasir, mütərəqqi suvarma texnologiyalarından istifadə edilməsidir. Bu texnologiyalar həm su resurslarından səmərəli istifadəyə, həm də fermerlərin daha çox məhsul istehsal etməsinə imkan verir. Bu məqsədlə Prezident müasir suvarma texnologiyalarının və digər kənd təsərrüfatı texnologiyalarının subsidiyalaşdırılması üçün əlavə vəsait ayırıb. Bu vəsait Prezidentin tapşırığına uyğun olaraq Kənd Təsərrüfatı Nazirliyi tərəfindən əsasən müasir suvarma sistemlərinin subsidiyalaşdırılmasına xərclənəcək”, – deyə nazir İnam Kərimov bildirib.

İnam Kərimovun fikirlərinə audiofaylda qulaq asa bilərsiniz

61
Kişi yeni evinin qapısından baxır, arxiv şəkli

Əcnəbilərdən başqa hər kəs bir pillə aşağı - Kirayə bazarı hərəkətə gəldi

673
(Yenilənib 00:10 13.08.2020)
Kirayə ev axtaran vətəndaşların sayı çox olsa da, hamı ucuz ev istəyir. Pandemiyadan öncə 400-450 manata kirayə verilən evlər də hazırda 300-350 manata həm axtarılır, həm də kirayə verilir

İradə Cəlilova, Sputnik Azərbaycan

BAKI, 13 avqust — Sputnik. Hər il yeni tədris ilinin başlanması ilə bağlı avqust ayında kirayə bazarında canlanma müşahidə edilirdi. Bu il pandemiya ilə əlaqədar bazarın bu seqmentində durğunluq yaransa da, mütəxəssislər hesab edirlər ki, son həftədə az da olsa, hərəkətlilik sezilir.

Amma bu dəfə vətəndaşlar kirayə tutmaq üçün daha ucuz ev axtarırlar.

Hazırda kirayə bazarında vəziyyət necədir? Sputnik Azərbaycan bu məsələni araşdırıb.

Əmlak məsələləri üzrə ekspert Elnur Fərzəliyev Sputnik Azərbaycan-a verdiyi açıqlamada bildirib ki, son bir həftədə paytaxtda kirayə bazarında bir hərəkətlənmə müşahidə edilib. Belə ki, ucuz kirayə evlərə tələbat artıb.

"Hazırda hamı 250 manata ev axtarır. 250 manata verilən evlər isə pandemiyadan əvvəl 350 manata kirayə verilən evlərdir. Pandemiyadan öncə 400-450 manata kirayə verilən evlər də hazırda 300-350 manata həm axtarılır, həm də kirayə verilir", - deyən ekspert bildirib ki, kirayə ev axtaran vətəndaşların sayı çox olsa da, hamı ucuz ev istəyir.

Mütəxəssis hesab edir ki, kirayə ev axtaranların əksəriyyəti tələbələr və iş üçün bölgələrdən paytaxta gələn vətəndaşlardır. E.Fərzəliyevin fikrincə, obyektlərin kirayə verilməsində isə vəziyyət fərqlidir.

Belə ki, müəyyən müddət işləməyə icazə olmadığı üçün obyektlərin çoxu boşaldıldı.

Onun sözlərinə görə, obyektlərin kirayə qiymətlərində ucuzlaşma müşahidə edilmir:

"Məsələn, aylıq icarə haqqı 1000 manat olan obyektlər 500 manata icarəyə verilsə, sahibkarlar fəaliyyətini davam etdirə bilərlər. Amma obyekt sahibləri bu ucuzlaşmaya getmirlər. Obyektlərini bağlı, boş saxlayırlar, amma ucuz icarəyə vermirlər. Çünki obyektlərin satış dəyəri onun icarə qiymətindən asılıdır. Belə ki, obyektlər satış dəyərinin 0,5 faizi dəyərində icarəyə verilir. Məsələn, 100 min-150 minlik satış dəyəri olan bir obyektin 500 manat icarə dəyəri olmalıdır. Belə obyektlər 200-300 manata icarəyə veriləndə onun satış qiyməti 70-80 min manata düşür. Obyekt almağı düşünən şəxslər icarə dəyərini nəzərə alırlar".

Ekspert qeyd edir ki, sərt karantin dönəmində bağ evlərinə ciddi tələbat olduğu üçün bağ evlərinin qiymətləri kəskin artdı: "Yay mövsümü artıq bitdiyi üçün bağ evləri də bir müddət sonra boşalacaq və qiymətlər düşəcək".

Əmlak məsələləri üzrə ekspert Elnur Azadov Sputnik Azərbaycan-a açıqlamasında bildirib ki, may ayından etibarən tələbələrin regionlara geri qayıtması ilə bağlı kirayə bazarında müəyyən dəyişikliklər müşahidə edilməyə başlanılıb.

"Bu daha çox Bakı, Sumqayıt və Gəncə şəhərlərində müşahidə edilir. Çünki ölkədə kirayə bazarının 30-35 faizini tələbələr təşkil edirlər. Bunların getməsi ilə bağlı bu üç şəhərdə gün ərzində 200-250 mənzil boşaldı", - deyə ekspert bildirib.

Onun sözlərinə görə, iyun-iyul aylarında kirayə evlərinin boşaldılması halları daha intensiv olub. Və təkcə tələbələr deyil, regionlardan paytaxta işləməyə gələn şəxslər də evləri boşaldıblar: "Bu özünü daha çox iyulun sonlarında göstərdi. Eyni zamanda həmin mənzillərin təkrar kirayə verilməsi müşahidə edildi. Yəni 500 manatlıq kirayə evdə qalanlar 400 manatlıq kirayə evlərə, 400 manatlıq kirayə evlərdə qalanlar 300 manatlıq kirayə evlərə köçdülər".

Ekspert deyir ki, bu dövr ərzində kirayə qiymətləri 20-30 faiz ucuzlaşıb. Onun sözlərinə görə, daha çox 600-700 manatlıq evlərə tələbat olduğu üçün bahalı evlər boşaldıldı.

Kirayə bazarında olan kasadlıq günlük kirayə mənzil bazarına da təsirsiz ötüşməyib. Belə ki, xarici vətəndaşların Azərbaycana səfərləri olmadığı üçün hazırda günlük kirayə bazarı tamamilə boşdur.

E.Azadovun fikrincə, xarici vətəndaşlar tərəfindən icarə götürülən 1000-1500 manatlıq kirayə evlərin bazarında heç bir dəyişiklik müşahidə edilməyib:

"Bu evlər Azərbaycanda çalışan xarici vətəndaşlar tərəfindən götürülür. Burada qalıb işləyən xarici vətəndaşlar işlərinə davam etdikləri üçün həmin bazarda dəyişiklik hiss edilməyib".

Ekspert bildirib ki, daha çox istirahət üçün nəzərdə tutulan villa və bağ evlərinin kirayə qiymətlərində bahalaşma müşahidə edilib.

Belə ki, bu bazarda qiymətlərin 2 dəfə bahalaşması heç bir zaman görülməmişdi: "Amma pandemiya dövründə 5000 manata kirayə verilən villaların icarə qiymətinin 10 min manata qalxması halları da müşahidə edildi".

E.Azadov bildirir ki, kirayə bazarında hərəkətlilik davam edir və bu tendensiya karantin rejiminin yumşaldılması ilə bağlı dəyişəcək.

673
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Əmlak bazarında son vəziyyət - qiyməti saxlamaq naminə söküntü başlayacaq
On milyonlarla dolları Azərbaycandan Türkiyəyə yönəldən - SƏBƏB
Kirayə bazarında böhran: İcarədar işsizlikdən dad edir, sahibkar “verməlisən” deyir
Müxtəlif ölkələrdə mənzil kirayələmək neçəyə başa gəlir
Bakı sakinləri "mina"ların üstündə yaşayırlar: Hökumətin qərarları icrasız qalıb
Tu-160 strateji raket daşıyıcısı, arxiv şəkli

Komandor adalarında desant Anadırdakı Tu-160 Rusiyanın "tərəfdaşlara cavabı"

0
(Yenilənib 15:39 14.08.2020)
Dünya tarixində ilk dəfə olaraq rusiyalı desantçılar 2020-ci il aprelin 26-da 10 min metr hündürlükdən qütb arxasına eniş ediblər

BAKI, 14 avqust — Sputnik, Aleksandr Xrolenko, hərbi şərhçi. Pentaqonun Şərqi Avropadakı hərəkətləri Rusiyanı məcbur edir ki, Birləşmiş Ştatlara planetdə mövqelərinin zəif olduğu barədə xatırlatsın. Rusiyanın Sakit okean donanmasının dəniz piyadaları avqustun 12-də tarixdə ilk dəfə olaraq ABŞ ərazisindən cəmi 350 kilometr aralıda yerləşən Komandor adalarına (Berinq dənizi) paraşütlə desant enişini həyata keçirib.

Bir gün əvvəl isə Tu-160 strateji raket daşıyıcılarının ekipajları Saratov vilayətindən Birləşmiş Ştatların ərazisindən 530 kilometr məsafədə yerləşən Anadır (Çukotka yarımadası) aerodromuna köçürülüb.

Dəniz piyadaları bölməsi planlı taktiki təlim zamanı Komandor adalarındakı meydançaya paraşütlə eniş ediblər. Qüvvələrin köçürülməsinin məqsədi adaların birində yerləşən hərbi obyektin müdafiəsinin gücləndirilməsi və şərti düşmənin kəşfiyyat-təxribat qruplarının hücumlarının qarşısının alınmasıdır.

"Arbalet" paraşüt sistemlərinin istifadəsi ilə eniş tam döyüş şəraitində, silahlarla və sıx vaxt çərçivəsində müdafiənin təşkilatı ilə həyata keçirilib. Təlimə 50-dən çox hərbçi, dəniz aviasiyası təyyarələri və Sakit okean donanmasının təminat gəmilərinin ekipajları cəlb olunub. Bu, təlim-döyüş əməliyyatları simvolik olub və Pentaqona xatırladıb ki, Rusiyanın təhdidlərin qarşısının almaq və onlara reaksiya vermək üçün əhəmiyyətli imkanlara malikdir.

Amerikalı "tərəfdaşlar" üçün daha bir siqnal Saratov vilayətindən Rusiyanın iki Tu-160 strateji raket daşıyıcılarının Anadır vilayətinə köçürülməsi olub. Aviasiya texnikasının operativ aerodromlara köçürülməsindən sonra ekipajlar aviasiya zərbə vasitələrinin döyüş tətbiqini məşq ediblər və digər vəzifələri yerinə yetiriblər. Əslində, raket daşıyıcılarının təyinatı ilə hər şey aydındır – bu, Rusiyanın strateji nüvə qüvvələrinin bir komponentidir.

Sakit okeanın (700-ə yaxın əhalisi olan) Komandor adalarına dəniz piyadalarının paraşütlə desantı Rusiya qoşunlarının daimi dislokasiya məntəqələrindən minlərlə kilometr aralıda səmərəli fəaliyyət göstərmək və planetin istənilən nöqtəsində hərbi obyektləri operativ nəzarətə götürmək qabiliyyətini bir daha nümayiş etdirdi.

Dünya tarixində ilk dəfə olaraq rusiyalı desantçılar 2020-ci il aprelin 26-da 10 min metr hündürlükdən qütb arxasına eniş ediblər və Frans-İosif Torpağı arxipelaqında uğurla fəaliyyət göstəriblər. Yüksək hündürlükdən eniş xüsusi qüvvələrin bölmələrinin gizliliyini və istənilən bölgədə düşmən obyektindən uzaqlıqda əməliyyatlarının effektivliyini təmin edir.

"Arbalet-2" ən yeni paraşüt sistemləri ən mürəkkəb şəraitdə xüsusi təyinatlı hərbi qulluqçulara 400-4000 metr yüksəklikdən silahları ilə təhlükəsiz şəkildə eniş etməyə imkan verir. Çantasız "Şturm" paraşütü 80 metr hündürlükdən atlamağa imkan verir. Yalnız Rusiyanın zirehli texnikası çoxgünbəzli sistemlərin vasitəsilə ekipajları ilə birlikdə 1500 metrə qədər yüksəklikdən eniş edə bilir. Hərçənd istənilən paraşüt sadəcə hərbi qulluqçunun və onun silahlarının döyüş meydanına çatdırılması vasitəsidir.

Hava desantları düşmən xətlərinin arxasında, lokal münaqişələrdə və irimiqyaslı müharibələrdə (müstəqil və ya hərbi qrupların tərkibində) əməliyyat-taktiki döyüş vəzifələrinin həlli üçün nəzərdə tutulub. Desantın eniş etməsinə yalnız effektiv hava hücumundan müdafiə sistemləri mane ola bilər, lakin uzaqdan aviasiya vasitələrinin ilkin zərbəsi bu problemi də aradan qaldırır.

Burada vurğulamaq lazımdır ki, Rusiya heç kimi müharibə ilə təhdid etmir, lakin öz imkanlarını da heç kimdən gizlətmir.

Avqustun 11-də Sakit okean sahillərində yerləşdirilmiş Rusiya aviasiyasının zərbə qrupu Rusiyanın hava məkanından çıxmadan 5500 km-ə qədər məsafədə düşmən obyektlərinə zərbə vura bilər. Sakit okean üzərindəki beynəlxalq hava məkanından yeni imkanlar açılır.

Məsələn, strateji Tu-160M təyyarəsi Suriyada sınaqdan keçirilmiş X-101 qanadlı raketlərdən istifadə edə bilər. Tu-160M-in revolver buraxılış qurğuları 12-dək qanadlı raketi daşımağa imkan verir. Xüsusi X-102 raketləri isə termonüvə döyüş başlığı ilə təchiz oluna bilər (250 kilotonndan bir meqatona qədər).

Uzaqmənzilli Tu-22M3M bombardmançı təyyarəsi effektiv şəkildə yerüstü və dəniz hədəflərini vurur. Onun dünyada analoqu yoxdur. Tu-22M3M-in maksimal sürəti saatda 2300 kilometrdir, döyüş yükü isə 24 tona qədərdir. Tu-22M3M təyyarəsi X-101 və ya X-102 qanadlı raketlərin buraxılması üçün nəzərdə tutulub. X-32 raketlərini və X-47M2 "Kinjal" hipersəs raketlərini daşıya bilir. X-32 hipersəs raketi 1000 kilometrədək məsafəyə 40 kilometrə qədər yüksəklikdə 5 Max sürəti ilə uçur.

Tu-22M3M bombardmançısı aviadaşıyıcı qrupun 700 kilometrlik hava hücumundan müdafiə zonasına daxil olmadan onu məhv etməyə qadirdir. Tu-95MS strateji bombardmançı‑raketdaşıyan təyyarəsi də düşmən xətlərinin arxasında mühüm obyektləri qanadlı raketlərlə vurmaq üçün nəzərdə tutulub.

Qeyd edək ki, yuxarıda qeyd olunan bütün təyyarələr modernləşdirilib və ən yeni silahları daşıyırlar.

Rusiya Silahlı Qüvvələrinin uzaqmənzilli aviasiyasının 70-ə yaxın Tu-160 və Tu-95 strateji bombardmançısı, 40-dan çox Tu-22M3M bombardmançısı var.

Pentaqon və NATO Şərqi Avropada Rusiyanın "qarşısının alınması", yəni ABŞ qoşunlarının Almaniyadan Polşa və Rumıniyaya köçürülməsi ilə məşğuldur, manevrlər aparırlar, onların döyüş və kəşfiyyat aviasiyası Baltik və Qara dənizlər üzərində, Rusiya sərhədləri yaxınlığında uçuşlar aparır.

Müttəfiqlər və tərəfdaşlar sanki öz təhlükəsizliyini unudaraq (sanki ehtiyatda başqa bir planet var), bloklama, hava hücumundan müdafiə və desant salma, düşmən mövqelərinə raket zərbələrinin imitasiyası ilə "böhranlı regionlarda tənzimlənmə" üsullarını işləyib hazırlayırlar.

Pentaqon kiçik gücü olan nüvə silahının "humanist" potensialını artırmağa çalışır. Əgər Rusiyanın "qarşısını almaq" (Amerikanın maraqlarına tabe etmək) mümkün olmayacaqsa, ona hücum etmək lazım gələcək. Bu xətt 2015-ci ildən məlumdur.

Müasir reallıq ondan ibarətdir ki, Rusiya iqtisadi cəhətdən təcrid edilə və ya hərbi üsullarla məğlub edilə bilməz. Çoxillik təzyiq cəhdləri puç olub. Bunu hətta "The American Conservative" jurnalı etiraf edir: "Rusiyanın bilavasitə yaxınlığında cızdığı sərhədlər var ki, ABŞ onları keçməyə cəhd göstərməməlidir".

0
Əlaqədar
Rusiya donanması Be-200 aldı: amfibiya-təyyarələr Azovda və Xəzərdə olacaqlar
Rusiya silahı: 155 km/saat sürət yığa bilən zirehli "Strela" avtomobili
Termonüvə “Tülpan”ı – dünyanın ən güclü minomyotu
Rusiya yeni donanma yaradır: bir anda altı gəminin tikintisi başlayır
Türkiyə S-400-ün ABŞ qırıcıları ilə ikinci sınağını keçirir: geriyə dönüş yoxdur