Taxıl

Taxıl biçini zamanı kombayn verilməsində yeni qaydalar tətbiq ediləcək

58
(Yenilənib 23:36 27.05.2019)
Vüqar Hüseynov bildirib ki, taxıl biçini zamanı problemlərin yaranamaması üçün mexanizatorlar qarşısında bir sıra tələblər qoyulub

BAKI, 27 may - Sputnik. Həftə sonu Azərbaycanda taxıl biçininə start veriləcək. Kənd Təsərrüfatı Nazirliyi əvvəlki illərdə müşahidə olunmuş kombayn çatışmazlığı hallarını aradan qaldırmaq üçün ciddi tədbirlər görüb. 

Sputnik Azərbaycan xəbər verir ki, Nazirliyinin İctimaiyyətlə əlaqələr və informasiya təminatı şöbəsinin müdiri Vüqar Hüseynov bildirib ki, taxıl biçini zamanı problemlərin yaranamaması üçün mexanizatorlar qarşısında bir sıra tələblər qoyulub: “Yeni qaydalara əsasən, aqroservislərdən operativ lizinqə verilmiş kombaynlar ilkin mərhələdə 50 hektardan az olan sahələrdə biçinə cəlb oluna bilər. Eyni zamanda mexanizator biçini kombaynı lizinqə götürdüyü rayonun ərazisində aparmalıdır. Həmin rayonda biçin başa çatdıqdan sonra aqroservislər kombaynları tələbat olan digər rayonlara yönləndirəcəklər. Mexanizatorların dislokasiya bölgəsindən kənarda biçin aparmaması üçün kombaynların hərəkətinə GPS cihazları vasitəsilə nəzarət ediləcək. Yəni yeni qaydalara əsasən, Ağsu rayonundakı aqroservisdən lizinqə götürülmüş kombayn ilk mərhələdə həmin rayonun ərazisində biçin aparacaq, başqa rayonlara gedə bilməyəcək. Nazirlik tərəfindən bütün rayonlarda kombayna olan tələbatlar müəyyənləşib və yeni qaydaların tətbiqi biçini itkisiz başa çatdırmağa imkan verir”. 

V.Hüseynov bildirib ki, biçin zamanı kombayn çatışmazlığının səbəbləri təhlil olunub və yeni qaydalar da buna uyğun qəbul edilib: “Əvvəllər mexanizatorlar operativ lizinqə kombayn götürüb, başqa rayonların ərazisində, əsasən də böyük təsərrüfatlarda biçin aparırdı. Bəzən bir rayonun aqroservisindən 10 kombayn lizinqə verilsə belə, biçin zamanı həmin rayonda kombayn tapılmırdı. Yeni qaydaların tətbiqi ilə bu, artıq mümkün olmayacaq. Ölkədə 1 milyon hektardan çox taxıl əkilib, əkinlərin böyük əksəriyyəti 50 hektardan az sahəsi olan təsərrüfatların payına düşür. Biçin zamanı kombayn çatışmazlığı ilə üzləşənlər də əsasən bu cür kiçik təsərrüfatlar olur". 

Onun sözlərinə görə, aqroservislərdəki kombaynlar məhz kiçik təsərrüfatların ərazisində biçin aparmaq üçün nəzərdə tutulub. "Biz böyük təsərrüfatlara tövsiyə etmişik ki, lizinqdəki kombaynların xidmətlərindən istifadə əvəzinə özlərinə texnika alsınlar. Dövlət kənd təsərrüfatı texnikasının satışını subsidiyalaşdırır, indiki şərtlərlə texnikanın 20 faiz dəyəri həcmində ilkin ödəniş etməklə kombayn almaq olar. Qalan məbləğin 40 faizini dövlət ödəyir, 40 faiz isə banklar tərəfindən 5 il müddətinə kreditləşdirilir. Kreditin əsas hissəsini texnika alıcısı, faizlərini isə dövlət ödəyir. Bu cür münasib şərtlər varsa, böyük təsərrüfatların lizinq kombaynlarından istifadə etmək əvəzinə texnika alması daha məqsədəuyğundur. Aqroservislərdəki kombaynlardan daha kiçik sahələrdə əkin aparmış fermerlər yararlanmalıdır”. 

Nazirlik rəsmisi bu il biçin zamanı qiymətlərin necə olacağına da aydınlıq gətirib: “Məsələn ötən il mexanizatorlara hər hektar biçinə görə 30 manat ödəniş müəyyən olunmuşdu. Amma əksər hallarda bu qiymətlərə riayət edilmirdi, mexanizatorlar relyefi, əkin sahəsinin strukturunu, tələbatın çoxluğunu bəhanə gətirərək bir hektarı 40,50, bəzən 70 manata biçirdilər. Bu il isə kombaynları lizinqə götürən mexanizatorlar qarşısında tələb qoyulub ki, bir hektar biçinə görə fermerdən 38 manatdan çox vəsait tələb edə bilməzlər. Yəni, qiymət fermerlə mexanizator arasındakı danışıqdan asılıdır, mexanizator sahəni 30 manata, 32 manata, 35 manata biçə bilər, lakin bu məbləğ heç bir halda 38 manatı keçə bilməz. Mexanizatorların bu qaydalara riayət etməsinə taxıl biçini ilə bağlı yaradılmış operativ qərargahlar tərəfindən ciddi nəzarət olunacaq. Fermerlər bu qaydaları pozan mexanizatorlar barədə operativ qərargahlara, Dövlət Aqrar İnkişaf Mərkəzlərinə, Kənd Təsərrüfatı Nazirliyinin 1652 nömrəli Çağrı Mərkəzinə müraciət edərək məlumat verə bilərlər”. 

V.Hüseynov bildirib ki, taxıl biçini ərəfəsində ölkədə kifayət qədər kombayn mövcuddur: “Bu kombaynların bir hissəsi böyük təsərrüfatların balansıda, bir hissəsi fiziki şəxslərdə, bir hissəsi isə aqroservislərdədir. Mövcud kombaynlar biçini itkisiz aparmağa imkan verir. Sadəcə dislokasiyanın düzgün aparılması, tələbatın düzgün müəyyənləşməsi lazımdır ki, Kənd Təsərrüfatı Nazirliyi də bununla bağlı ciddi işlər görür”.

58
Taxıl yığımı, arxiv şəkli

İndiyədək fermerlərə qədər güzəştli mikrokredit verilib?

5
(Yenilənib 13:57 03.06.2020)
Aqrar mikrokreditlər 15 min manatadək məbləğdə, illik 12% olmaq şərtilə, təminatsız və 3 ilədək müddətdə verilir.

BAKI, 3 iyun — Sputnik. İyunun 1-dək 512 fermerə 5.2 milyon manat kənd təsərrüfatı təyinatlı güzəştli mikrokredit verilib. Bu vəsaitin 4.5 milyon manatı hevvandarlıq, 335 min manatı əkinçilik, 208 min manatı bağçılıq, 102 min manatı isə arıçılıq və digər ailə kəndli-fermer təsərrüfatlarının qurulmasına və inkişafına ayrılıb.

Bu barədə Kənd Təsərrüfatı Nazirliyinin mətbuat xidmətindən Sputnik Azərbaycan-a məlumat verilib.

Mikrokreditlərin verilməsinə bu il may ayının 23-dən başlanıb. Azərbaycan Prezidenti İlham Əliyevin 8 aprel 2020-ci il tarixli fərmanları ilə Azərbaycan Respublikası Kənd Təsərrüfatı Nazirliyi yanında Aqrar Kredit və İnkişaf Agentliyinin (AKİA) Əsasnaməsində və "Azərbaycan Respublikasının Kənd Təsərrüfatı Nazirliyi yanında Aqrar Kredit və İnkişaf Agentliyinin vəsaitindən istifadə Qaydası"nda dəyişikliklərin edilməsi, daha sonra isə ölkə başçısının "Koronavirus pandemiyası şəraitində və sonrakı dövrdə kənd təsərrüfatı məhsulları istehsalçılarının mikrokreditlərlə təminatının yaxşılaşdırılması üçün vəsait ayrılması haqqında" imzaladığı Sərəncamla AKİA-ya 30 milyon manat vəsaitin ayrılması aqrar mikrokreditlərin verilməsi üçün hüquqi baza yaradıb və portfel formalaşdırıb. Bu portfelə ölkənin ən böyük holdinqlərindən olan "Paşa Holding" MMC 5 milyon manat vəsait əlavə edib.

"Ötən ay yarım ərzində 512 fermerə 5.2 milyon manat mikrokreditin verilməsi, orta çekin 10 min manat ətrafında olması bizə bir ildən də az zaman ərzində mövcud portfelimizdən 3500-dən çox fermerin faydalanacağını söyləməyə əsas verir. Mikrokreditləri çıxmaq şərtilə 2018-ci ildən bu il iyunun 1-dək cəmi 885 kənd təsərrüfatı məhsulu istehsalçısına güzəştli nağd pul krediti verilib. Bu göstərici mikrokredit mexanizminin daha geniş istehsalçı kütləsini əhatə etməklə kənd təsərrüfatının inkişafında xidmət edəcəyini və daha çox kəndli fermer ailəsinin bu dövlət dəstəyindən faydalanacağını təsdiqləyir", - deyə Aqrar Kredit və İnkişaf Agentliyinin sədri Mirzə Əliyev vurğulayıb.

Qeyd edək ki, aqrar mikrokreditlər 15 min manatadək məbləğdə, illik 12% olmaq şərtilə, təminatsız və 3 ilədək müddətdə verilir.

5
Neft buruğu, arxiv şəkli

Neftin qiyməti 40 dolları aşdı

4
(Yenilənib 21:25 03.06.2020)
Martın 6-da OPEC+ ölkələri hasilatın azaldılması haqqında razılığa gələ bilməyiblər. Bundan sonra neft qiymətləri düşməyə başlayıb.

BAKI, 3 iyun — Sputnik. Martın 6-dan etibarən ilk dəfə olaraq "Brent" markalı neftin qiyməti 40 dollardan yuxarı qalxıb.

Sputnik Azərbaycan "Bloomberg" agentliyinə istinadən xəbər verir ki, Bakı vaxtı ilə saat 10:58-də "Brent" neftinin avqust fyuçerslərinin qiyməti bir barelə görə 40,36 dollara yüksəlib.

Saat 10:58-də "WTI" neftinin iyul fyuçerslərinin bir barelə görə qiyməti 37,83 dollar təşkil edib.

İnvestorlar qarşıdakı OPEC+ iclasını dəyərləndirməyə davam edirlər. Medianın məlumatına görə, təşkilat hasilatın ixtisarını bir-üç ay müddətinə uzadılması imkanını nəzərdən keçirir.

Martın 6-da OPEC+ ölkələri nə hasilatın azaldılması haqqında Sazişin parametrlərinin dəyişdirilməsi, nə də onun uzadılması barədə razılığa gələ biliblər. Bundan sonra neft kotirovkaları düşməyə başlayıb. Nəticədə aprelin 1-dən etibarən alyans ölkələrində neft hasilatına qoyulan məhdudiyyətlər aradan qaldırılıb. Mart ayı ərzində neft iki dəfədən çox ucuzlaşıb.

Apreldə təşkilat istehsal həcminin may-iyun aylarında 9,7 milyon barel, ikinci yarımillikdə 7,7 milyon barel və 2022-ci il aprelin sonuna qədər 5,8 milyon barel azaldılmasına dair razılığa gəlib.

4

Cəbhədə son durum: müxtəlif istiqamətlərdən atırlar

0
Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 22 dəfə pozub

BAKI, 4 iyun — Sputnik. Ermənistan Respublikası Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Zamanlı kəndində və adsız yüksəkliklərdə yerləşən mövqelərimiz atəşə tutulub.

Sputnik Azərbaycan Müdafiə Nazirliyinin mətbuat xidmətinə istinadən bildirir ki, Tərtər rayonunun işğal altında olan Göyarx, Çiləbürt, Ağdam rayonunun Yusifcanlı, Xocavənd rayonunun Kuropatkino, Füzuli rayonunun Aşağı Veysəlli, Horadiz kəndləri yaxınlığında yerləşən mövqelərdən ordumuzun mövqeləri atəşə tutulub.

 

 

0
Əlaqədar
MN: "Bu hərəkətin qarşısı güc tətbiq edilməklə dərhal alınacaq"
Ermənistan ordusu yenə dinclik vermir
Ermənistanın bu addımı azərbaycanlı məcburi köçkünlərə qarşı həqarətdir - Tural Gəncəliyev
Qarabağın azərbaycanlı icması: Erməni icmasını dialoqa dəvət edirik