Gürcüstanın Baş Naziri Mamuka Baxtadze

"Bakı-Tbilisi-Qars xəttini birləşdirəcək stansiya Gürcüstan ərazisində olmalıdır"

5552
(Yenilənib 11:02 10.05.2019)
Mamuka Baxtadze: "Post-sovet məkanında olan dəmiryolu xətlərinin Avropa xətlərinə keçidi, məhz Gürcüstan ərazisində olacaq"

BAKI, 10 may — Sputnik. "Bakı-Tbilisi-Qars (BTQ) dəmiryolunun xətlərini birləşdirəcək stansiya Axalkalakidə olmalıdır". Sputnik Gürcüstan xəbər verir ki, bunu Gürcüstanın Baş Naziri Mamuka Baxtadze ölkənin "Birinci kanal"ına açıqlamasında deyib. 

"Bakı-Tbilisi-Qars bizim üçün olduqca strateji layihədir və üç ölkə arasında imzalanan sənəd var. Razılaşmada bu layihənin hansı prinsiplər əsasında həyata keçiriləcəyi aydın şəkildə göstərilib. İşlərin böyük hissəsi artıq bitib və biz mövcud mühəndislik həlləri əsasında layihəni yekunlaşdıracağıq. Mühəndislik həllinə əsasən, birləşdirici stansiya Gürcüstan ərazisində, Axalkalakidə olmalıdır" - deyə Baxtadze vurğulayıb.

O, eyni zamanda bildirib ki, post-sovet məkanında olan dəmiryolu xətlərinin Avropa xətlərinə keçidi, məhz Gürcüstan ərazisində olacaq: "Ankarada baş tutan görüş digər rakursa malik görüşdür. Üç ölkənin imzaladığı razılaşmaya əsasən, yalnız bu üç ölkənin hamısının razılığı ilə layihəyə digər oyunçu cəlb oluna bilər".

"Məhz Gürcüstan ərazisində birləşdirici stansiya olacaq. Bu stansiyada Avropa standartına uyğun dəmiryolu bizim standartlara uyğun dəmiryoluna birləşdiriləcək və bu, Axalkalikədə baş verəcək. Başqa bir variant nəzərdən keçirilmir" - Baxtadze əlavə edib.

Qeyd edək ki, ümumi uzunluğu 846 kilometr olan Bakı-Tbilisi-Qars dəmir yolu xəttinin 504 kilometrlik hissəsi Azərbaycanın ərazisinə düşür. Dəmir yolu xəttinin 263 kilometri Gürcüstandan keçir. Yolun 79 kilometri isə Türkiyə ərazisindədir.

Bakı-Tbilisi-Qars dəmir yolu Mərkəzi Asiya ölkələrinin - Türkmənistan, Qazaxıstan, Özbəkistan, Qırğızıstan və Tacikistan, həmçinin Əfqanıstanın Avropa və dünya bazarlarına çıxışını asanlaşdıracaq. Gələcəkdə Avropa və Asiya ölkələrinə məxsus yüklərin bu dəmir yoluna cəlb edilməsi hər iki istiqamətdə multimodal daşımaların həcmini artıracaq. Belə ki, üçüncü istismar ilində 3-5 milyon ton, beşinci istismar ilində 6-8 milyon ton yük, bundan sonra isə ildə 3 milyon sərnişin və 17 milyon ton yük daşınacağı nəzərdə tutulur. 

Bu, onu göstərir ki, Azərbaycan ilə yanaşı, Gürcüstan və Türkiyə də tranzit daşımalarından yüksək gəlir əldə edəcək. Bütün bunlar Bakı-Tbilisi-Qars dəmir yolu xəttinin əhəmiyyətini, onun təhlükəsizliyini, etibarlılığını, sürət və vaxt tezliyini aydın göstərir. Bu yol istifadəyə veriləndən sonra mövcud yükdaşımalarla müqayisədə zaman fərqinin iki dəfəyədək azalması müşahidə olunacaq ki, bu da layihənin iqtisadi səmərəsini daha da artırır.

Bakı-Tbilisi-Qars dəmir yolunun digər önəmli cəhəti isə Azərbaycanın bu layihənin verdiyi imkanlardan istifadə edərək Türkiyə ilə Gürcüstan ərazisindən birbaşa dəmir yolu əlaqəsi qurmasıdır. Bu dəmir yolu regionda turizmin inkişafına da güclü təsir göstərəcək. Beləliklə, öz əhəmiyyətinə görə qlobal səciyyə daşıyan Bakı-Tbilisi-Qars dəmir yolu iki qitəni polad relslərlə birləşdirərək böyük sosial-iqtisadi səmərəyə zəmin yaradır.

Ən əsası isə bu dəmir yolunun işə düşməsi regionda sabitliyə, xalqlarımızın daha da yaxınlaşmasına və iqtisadi inkişafa ən böyük töhfədir. Bu töhfənin təməlində Azərbaycan, Gürcüstan və Türkiyənin sarsılmaz dostluğu və qardaşlığı dayanır.

5552
Teqlər:
Baş nazir, Gürcüstan, stansiya, dəmiryolu, Bakı-Tbilisi-Qars
Əlaqədar
Şahinoğlu: “BTQ siyasi zəmində bir çox dövlətləri bir-birinə bağlayacaq”
Cəfərli: “İranın BTQ-yə qoşulması yük dövriyyəsinin artmasına müsbət təsir edəcək”
Cavid Qurbanov: “Rusiya və Qazaxıstan şirkətləri BTQ ilə maraqlanır”

Evlər "Suqovuşan"ın işığı ilə aydınlanacaq - VİDEO

23
(Yenilənib 14:24 05.12.2020)
"Hazırda KSES-lərə dəymiş ziyan hesablanıb və bərpa edilməsi üçün layihələndirmə işləri həyata keçirilib. Layihəyə əsasən, işlər 3 ay müddətində həyata keçirilərək elektrik stansiyaları istismara veriləcək" - "Azərenerji" ASC

BAKI, 5 dekabr — Sputnik. Müzəffər Ali Baş Komandan Prezident İlham Əliyevin rəhbərliyi ilə Azərbaycan Ordusunun işğaldan azad etdiyi ərazilərdə yararlı və yararsız bir çox enerji obyektləri mövcuddur. Onlardan biri də Suqovuşanda yerləşən ümumi gücü 7,8 Meqavat olan "Suqovuşan-1" və "Suqovuşan-2" Kiçik Su Elektrik Stansiyalarıdır (KSES).

"Azərenerji" Açıq Səhmdar Cəmiyyətindən Sputnik Azərbaycan-a verilən məlumata görə, onlardan birinin gücü 4,8, digərinin gücü isə 3 Meqavatdır: "Erməni qəsbkarları bir çox sahələrdə olduğu kimi, bu KSES-lərə də zərər vurmağa, yararlı ehtiyat hissələrini söküb daşımağa, apara bilmədiklərini dağıtmağa macal tapsalar da, onların təmir və bərpa edilməsi mümkünsüz deyil. Belə ki, işğaldan azad edilən Suqovuşandakı su elektrik stansiyalarının maşın zalı, aqreqatları, generatorları, o cümlədən idarəetmə mərkəzinin binası, panellər, avadanlıqlar, yarımstansiyasının gərginlik və cərəyan transformatorları, açarlar, ayırıcılar zədələnib və ya sıradan çıxıb".

"Hazırda KSES-lərə dəymiş ziyan hesablanıb və bərpa edilməsi üçün layihələndirmə işləri həyata keçirilib. Layihəyə əsasən, işlər 3 ay müddətində həyata keçirilərək elektrik stansiyaları istismara veriləcək", - deyə məlumatda bildirilib.

"Suqovuşan" KSES-lərin mövcud vəziyyətini göstərən videonu təqdim edirik.

23
Teqlər:
"Azərenerji" ASC, SES, Suqovuşan
Neft buruğu, arxiv şəkli

Dünyada neft bahalaşır

14
(Yenilənib 13:42 05.12.2020)
Azərbaycan neftinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub

 

BAKI, 5 dekabr — Sputnik. Azərbaycan neftinin qiyməti bahalaşıb.

Sputnik Azərbaycan xəbər verir ki, "Azeri Light" markalı neftin bir barelinin qiyməti 0,20 dollar artaraq 49,68 dollar təşkil edib.

“Brent” markalı neftin bir barelinin qiyməti 0,54 dollar artaraq 49,25 dollar, “Light” markalı neftin bir barelinin qiyməti isə 0,62 dollar bahalaşaraq 46,26 dollar olub.

Qeyd edək ki, Azərbaycan neftinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

14
Teqlər:
"AzeriLight" markalı neft, "Brent" markalı neft, bahalaşma, neft
Mövzu:
Neft qiymətləri ətrafındakı ajiotaj
Ağlayan qadın, arxiv şəkli

Həkim ölümüylə bütün İzmiri ağlatdı - VİDEO

0
Qızın sözlərinə görə, İzmirdə güclü zəlzələ olan gün, oktyabrın 30-da Adnan Çetinin durumu ağırlaşıbmış, amma zəlzələdə xəsarət alanlardan kiminsə ehtiyacı olar deyə özünə görə təcili tibbi yardım çağırmayıb

BAKI, 5 dekabr - Sputnik. İyirmi beş illik fasilədən sonra tibb fakültəsindən məzun olan təcili yardım həkimi Adnan Çetin koronavirusa yoluxaraq dünyasını dəyişib. 

Sputnik Azərbaycan Milliyet-ə istinadən bildirir ki, həkimin qızı Afra Sevde Çetin atasının evdə müalicə aldığını, sonradan vəziyyətinin ağırlaşdığını deyib. Qızın sözlərinə görə, İzmirdə güclü zəlzələ olan gün, oktyabrın 30-da Adnan Çetinin durumu ağırlaşıbmış, amma zəlzələdə xəsarət alanlardan kiminsə ehtiyacı olar deyə özünə görə təcili tibbi yardım çağırmayıb. Xəstəxanaya yerləşdiriləndə onun ciyərlərinin 80 faizində tutulma olduğu bəlli olub. A.Çetin 35 gün reanimasiyada qaldıqdan sonra dekabrın 4-də dünyasını dəyişib.

Adnan Çetin illər öncə tibb fakültəsində təhsilini yarımçıq qoymağa məcbur olub, amma həkimliyə olan sevdası heç vaxt bitməyib. Bu ilin fevralında tibb fakültəsindən məzun olmağı bacaran A.Çetin mayda işə başlayaraq cəmi 7 ay həkimlik edib. Qızları deyirlər ki, onunla hətta "səni koronavirusla mübarizəyə təyin edəcəklər" deyə zarafat edirmişlər. 

59 yaşlı A.Çetin infarkt keçiribmiş və ürəyinə stent taxılıbmış. 

0
Teqlər:
ölüm, yoluxma, Koronavirus, epidemiya, COVID-19, həkim, təcili yardım, İzmir, Türkiyə