Bakı avtomobil satışı mərkəzi

Azərbaycana avtomobil axını: Qiymətlərin bahalaşmasına rəğmən alıcılıq artır

6668
(Yenilənib 18:32 29.04.2019)
Ölkənin avtomobil sənayesinin imkanları xaricə valyuta axınının qarşısını almağa qadir deyil

Fuad Əlizadə, Sputnik Azərbaycan

BAKI, 29 aprel — Sputnik. Azərbaycanda əhali və biznes strukturları iqtisadiyyatın artmasının perspektivini müsbət qiymətləndirərək nəqliyyat vasitələrinin əldə olunmasına ciddi məbləğdə pul xərcləyirlər. Azərbaycan Dövlət Statistika Komitəsinin məlumatından göründüyü kimi, 2019-cu ilin yanvar-mart aylarının yekunlarına görə, həmin müddət ərzində ölkəyə 7978 ədəd nəqliyyat vasitəsi idxal edilib. Bu isə 2018-ci ilin ilk üç ayına aid göstəricilərdən 2,3 dəfə, 2017-ci ilin analoji dövrü ilə müqayisədə isə 5,6 dəfə çoxdur.

Minik avtomobillərinin idxalının artımına hətta idxal olunan avtomobillərin aksiz dərəcələrinin orta hesabla 50% artması da mane olmayıb. Belə ki, Vergi Məcəlləsinə edilən dəyişikliklərə əsasən, 2019-cu ilin 1 yanvarından etibarən Azərbaycana idxal olunan minik avtomobillərinə tətbiq olunan aksiz dərəcələri artırılıb:

Minik avtobillərində mühərrikin həcmi 2 000 kubsantimetrədək olduqda mühərrikin həcminin hər kubsantimetrinə görə 0,30 manat (əvvəl 0,20 manat), mühərrikin həcmi 3 000 kubsantimetrədək olduqda 600 manat (əvvəl 400 manat), mühərrikin həcminin 2001-3000 kubsantimetr hissəsi üçün hər kubsantimetrə görə 5 manat (əvvəl 3 manat), mühərrikin həcmi 4 000 kubsantimetrədək olduqda 5 600 manat (əvvəl 3 400 manat), mühərrikin həcminin 3001- 4000 kubsantimetr hissəsi üçün hər kubsantimetrə görə 13 manat (əvvəl 8 manat), mühərrikin həcmi 5 000 kubsantimetrədək olduqda 18 600 manat (əvvəl 11 400 manat), mühərrikin həcminin 4001-5000 kubsantimetr hissəsi üçün hər kubsantimetrə görə 35 manat (əvvəl 20 manat), mühərrikin həcmi 5 000 kubsantimetrdən çox olduqda 53 600 manat (əvvəl 31 400 manat), mühərrikin həcminin 5 000 kubsantimetrdən çox hissəsi üçün hər kubsantimetrə görə 70 manat (əvvəl 40 manat) aksiz dərəcəsi tətbiq olunur.

Avtomobillərin fəal şəkildə alınması əhalinin müəyyən hissəsinin gəlirlərinin əhəmiyyətli dərəcədə artdığını və rifahının yüksəldiyini göstərir. Cari ilin üç ayının yekunlarına görə, ölkəyə 7250 ədəd minik avtomobili idxal olununb ki, bu da ötən ilin analoji dövrü ilə müqayisədə 4092 ədəd çoxdur.

Azərbaycana avtomobil idxalının həcmi o zaman azala bilər ki, ölkənin özündə nəqliyyat vasitələrinin istehsal artsın. 2019-cu ilin ilk 3 ayı ərzində ölkədə 283 ədəd avtomobil istehsal edilib ki, bu da ötənilki göstəricilərdən beş dəfə çoxdur. Lakin yerli avtomobil sənayesinin həcminin artmasına baxmayaraq, ölkədə istehsal edilən hər avtomobilə 25 ədəd idxal edilən avtomobil düşür.

Əlillərə verilən avtomobil
© Official website of President of Azerbaijan Republic

Birinci rübün yekunlarına dair məlumata görə, Azərbaycana 643 yük maşını idxal edilib ki, bu da ötən ildə idxal edilən yük abtomobillərindən 2 dəfə, 2017-ci ildə idxal edilənlərdən isə 3 dəfə artıqdır.

Xatırladaq ki, idxal olunan nəqliyyat vasitələrinin sayını azaltmaq üçün 9 fevral 2019-cu ildə Hacıqabul Sənaye Məhəlləsində avtomobil zavodunun təməli qoyulub. 2020-ci ilin ikinci yarısında bu zavodda 12 cür aztonnajlı "QAZ qrupu"ndan olan rus yük maşını yığılacaq.

Hələlik, nəqliyyat vasitələrinin əhəmiyyətli dərəcədə idxalı fonunda, əhalinin və sahibkarların maşınların və onların ehtiyat hissələrinin idxalına ayırdıqları xərclər artıb. Belə ki, yanvar-mart ayları ərzində avtomobillərə və onların ehtiyat hissələrinə 156 milyon dollar xərclənib. Bu isə 2018-ci ilin ilk üç ayı ərzində olan idxal xərclərindən 60,8%, 2017-ci ilin analoji dövründəki idxal xərclərindən isə 3 dəfə çoxdur. Nəticədə ölkə əhalisinin və biznes strukturlarının nəqliyyat vasitələrinin idxalına yönəltdikləri vəsaitlərin həcmi 4,44% -dən 4,98%-dək artıb.

İdxal olunan nəqliyyat vasitələri ilə bağlı rəqəmlər yerli avtomobil sənayesinin potensialını ortaya qoyur. İstehsal həcminin aşağı olması ölkədən kənara valyuta axınının artmasına səbəb olur. Yerli istehsalın artımı isə xaricə valyuta axınını azalda bilər.

AR Dövlət Gömrük Komitəsinin məlumatlarına görə, 2018-ci ildə nəqliyyat vasitələrinin və ehtiyat hissələrinin idxalına 641,7 milyon dollar sərf edilib. Bu isə 2017-ci ilin rəqəmləri ilə müqayisədə 219,6 milyon dollar, yaxud 52% çoxdur.

Son illər ərzində minik avtomobillərinin minimal idxalı 2016-cı ildə müşahidə edilib. Həmin il ölkəyə cəmi 4,991 ədəd maşın gəlib. Minik avtomobillərinin maksimal idxal həcmi 2013-cü ildə qeydə alınıb. Həmin il ölkəmizə 94,879 ədəd maşın gətirilib.

6668
Teqlər:
aksiz, mühərrik, idxal, istehsal, avtomobil
Əlaqədar
"Avtomobillərin dövlət qeydiyyatına alınması elektronlaşdırılmalıdır"
Avtomobillərin parklanma qaydaları müəyyənləşdi
Əlilliyi olan şəxslərdən 200 nəfərə mənzil, 160 nəfərə avtomobil verilib
Ərşad Hüseynov: “Bir azdan hamı gürcü avtomobili sürəcək”
Əlində polietilen torba olan qadın, arxvi şəkli

Polietilen torbalar plastik məmulatların satışı qadağan ediləcək

7
(Yenilənib 21:16 26.11.2020)
Qalınlığı 15 mikrona qədər olan polietilen torbaların, habelə birdəfəlik istifadə üçün nəzərdə tutulan plastik qab-qacağın sahibkarlar tərəfindən idxalı, istehsalı, ticarət, ictimai iaşə və xidmət obyektlərində istehlakçıya satılması, verilməsi qadağan edilir.

Xalid Məmmədov, Sputnik Azərbaycan

BAKI, 26 noyabr — Sputnik. Azərbaycanda gələn ildən polietilen torbalar və plastik məmulatların satışı qadağan ediləcək.

Sputnik Azərbaycan xəbər verir ki, bununla bağlı məsələ Milli Məclisin bu gün keçirilən iclasında müzakirə edilən "Ətraf mühitin mühafizəsi haqqında" qanun layihəsinə təklif edilən dəyişikliklərdə əksini tapıb.

Qeyd edilib ki, layihə ölkə Prezidentinin 2019-cu il 7 fevral tarixli "Azərbaycanda plastik qablaşdırma tullantılarının ətraf mühitə təsirinin azaldılmasına dair 2019-2020-ci illər üçün Tədbirlər Planı"na əsasən hazırlanıb. Qalınlığı az olan plastik torbalar çürüməyə qarşı davamlı olduğu üçün təbiətin çirklənməsində daha böyük rol oynayır.

Sənədə təklif olunan dəyişiklikdə qalınlığı 15 mikrona qədər olan polietilen torbaların, habelə birdəfəlik istifadə üçün nəzərdə tutulan plastik qarışdırıcı çubuq, çəngəl, bıçaq, boşqab və stəkanların sahibkarlar tərəfindən idxalı, istehsalı, ticarət, ictimai iaşə və xidmət obyektlərində istehlakçıya satılması və verilməsi qadağan edilir.

Bu Qanunun müddəaları polietilen torbalara münasibətdə 2021-ci il yanvarın 1-dən, birdəfəlik istifadə üçün nəzərdə tutulan plastik qarışdırıcı çubuq, çəngəl, qaşıq, bıçaq, boşqab və stəkanlara münasibətdə isə 2021-ci il iyulun 1-dən qüvvəyə minir.

İclasda həmçinin İnzibati Xətalar Məcəlləsinə dəyişiklik edilməsi barədə qanun layihəsi də müzakirə edilib. Təklif olunan dəyişikliklər "Ətraf mühitin mühafizəsi haqqında" qanun layihəsinə edilən dəyişikliklərə əsasən, qalınlığı 15 mikrona qədər olan polietilen torbaların, habelə birdəfəlik istifadə üçün nəzərdə tutulan plastik qarışdırıcı çubuq, çəngəl, bıçaq, boşqab və stəkanların sahibkarlar tərəfindən idxalı, istehsalı, ticarət, ictimai iaşə və xidmət obyektlərində istehlakçıya satılması və verilməsi ilə bağlı müddəaların pozulmasına görə inzibati məsuliyyət hallarını özündə ehtiva edir.

Hər iki dəyişiklik müzakirələrdən sonra səsə qoyularaq sonuncu oxunuşda qəbul edilib.

7
Teqlər:
plastik, plastik qablar, polietilen torbalar, Ətraf Mühitin Mühafizəsi Departamenti
Qaz plitəsi, arxiv şəkli

Camaat bu il qaza xeyli qənaət edib, limiti çox az abonent keçib

11
“Yol xəritəsi”ndə “Azəriqaz” İB üçün itkilərlə bağlı hədəf 8% müəyyənləşdirilib ki, cari ildə bu hədəfə çatılması təmin ediləcək.

BAKI, 26 noyabr — Sputnik. 2020-ci ilin 10 ayının iqtisadi göstəricilərinə görə, noyabr ayının birinə olan məlumata əsasən, “Azəriqaz” İstehsalat Birliyində qeydiyyatda olan 2 milyon 310 min 414 əhali abonentinin cəmi 9,68%-i illik hər kubu 10 qəpikdən satılan 2200 kubmetrlik güzəştli limit həddini keçib.

Qurumdan Sputnik Azərbayca-a verilən məlumata görə, bu rəqəm say etibarı ilə 223599 abonent deməkdir. Yerdə qalan 2 milyon 086 min 815 abonent (ümumi əhali abonentlərinin 90,32%) qazdan güzəştli limit daxilində istifadə edib.

Bundan əlavə, 2019-cu ilin müvafiq dövrü ilə müqayisədə qaz itkilərinin azalma fərqi 0,7% olub. Buna hər il icra edilən tədbirlər proqramı əsasında şəbəkədə aparılan yenilənmə işləri və digər islahatlarla nail olunub. Qeyd edək ki, “Yol xəritəsi”ndə “Azəriqaz” İB üçün itkilərlə bağlı hədəf 8% müəyyənləşdirilib ki, cari ildə bu hədəfə çatılması təmin ediləcək.

11
Azərbaycan manatı, arxiv şəkli

Pensiya kapitalı ədalət - qalaqlanan problemlər üçün çözüm təklifi

5
(Yenilənib 17:59 26.11.2020)
"Bəzi hallarda vətəndaş uzun müddət çalışır, lakin ya o, pensiya yaşına çatmır, ya da pensiya yaşına çatdıqdan müəyyən müddət sonra dünyasını dəyişir", - Vüqar Bayramov

Nigar İsgəndərova, Sputnik Azərbaycan

BAKI, 26 noyabr — Sputnik. Dünyanın ən yaxşı pensiya sisteminə malik olan 39 ölkəsinin adları açıqlanıb. "Mercer CFA" institutunun "Global Pension Index 2020" hesabatına görə, 2020-ci ildə dünyanın ən yaxşı pensiya sisteminə malik ölkəsi Niderland olub. Bu ölkənin indeksi ötən illə müqayisədə 81-dən 82,6-a yüksəlib. İkinci yerdə qərarlaşan Danimarkanın isə builki indeksi 80,3-dən 81,4 bəndə qədər yüksəlib. Siyahının üçüncü yerinə isə İsrail (74,2 bənd) layiq görülüb.

Hazırda Niderlandda pensiya yaşı 66-dır. 2024-cü ilədək ölkədə pensiya yaşının aylıq artım dinamikası dondurulur. Yalnız 2024-cü ildə ölkədə pensiya yaşı 67 olacaq və bundan sonra hər il bu müddət daha öncəki müddətlə müqayisədə çox cüzi olaraq artmaqda davam edəcək. Digər ölkələrlə müqayisədə Niderlandda pensionerlər daha firavan həyat yaşayırlar ki, bunun da səbəbi ölkədəki qanunlardır.

Ölkədə yaşlılığa görə verilən pensiya olan AOW-dan yararlanmaq üçün şəxslərin Niderlandda çalışdığı hər il üçün 2 faiz illik AOW vəsaiti toplanmalıdır. Məsələn, şəxs pensiya yaşına çatdıqda sadəcə olaraq 40 ildir ki, Niderlandda yaşamış olarsa, bu zaman AOW vəsaitinin 80 faizini əldə etmiş olacaq.

Bundan başqa, ölkə qanunları ağır işdə çalışanlara daha tez pensiyaya çıxmaq hüququnu verir. Bununla yanaşı, istəyən hər kəs 3 il daha tez yaşlılıq pensiyasına çıxa bilmək hüququna malik olur.

Pensiya sisteminə görə 39 ölkə arasında ikinci olan Danimarkada isə bu yaş həddinin aşağı endirilməsi müzakirə edilir.

Ölkənin Baş naziri Mette Frederiksen pensiya yaşının 65-dən 61-ə endirilməsi üçün təkliflərin verildiyini də vurğulayıb:

"Danimarka vətəndaşları hər gün işləmək, pul qazanmaq üçün səhər tezdən oyanır, ağrı və acı ilə işə gedirlər. Bəlkə də belləri, dizləri, çiyinləri ağrıyır, bəlkə də çox acı çəkirlər. Bu səbəbdən biz uzun illərdir çalışanlar, çalışdığı müddətdə vergilərini ödəyən və ağır işə cəlb olunanlar üçün təkliflər vermişik. Yeni qanun layihəsinə görə, 42-44 il çalışanlar 1-4 il daha tez pensiyaya çıxa biləcəklər. 2022-ci ildə 38 min şəxs bundan yararlana biləcək".

Qeyd edək ki, qarşıdakı 10 il ərzində Danimarkada pensiya yaşının 68 olacağı planlaşdırılır.

Son illərdə Azərbaycanda da pensiya sisteminin təkmilləşdirilməsi istiqamətində müxtəlif işlər görülüb. Lakin bununla belə, bəzi problemlər hələ də həllini tapmamış qalır. Bəs Azərbaycanda pensiya sistemində hansı qalaqlanmış problemlər həllini gözləyir?

Saxla samanı... Kartda olan pulları necə artırmalı?>>

Millət vəkili Vüqar Bayramov Sputnik Azərbaycan-a açıqlamasında bu haqda danışıb: "Son illər Azərbaycanda pensiya sistemində bir sıra islahatlar aparılıb. Xüsusən də 2018-ci ildən pensiya sisteminin təkmilləşdirilməsi müşahidə olunub. Biz mütəmadi olaraq pensiya islahatlarının davamlı olması və pensiya sisteminin daha da təkmilləşdirilməsi üçün təkliflərimizi təqdim edirik. Qiymətləndirmələr onu göstərir ki, indiki halda həm pensiya kapitalı ilə bağlı, həm də pensiya kartından istifadə ilə bağlı islahatların davam etdirilməsinə ehtiyac var".

"Nəzərə almalıyıq ki, minimum pensiya məbləği artdıqca tələb olunan minimum pensiya kapitalı da artır. Bu səbəbdən vacibdir ki, pensiya kapitalının müəyyən hissəsinin dövlət tərəfindən kompensasiya edilməsi mexanizminə baxılsın. Daha yaxşı olardı ki, vəsaitlərin, xüsusən də həssas qruplar üçün olan vəsaitlərin bir hissəsi kompensasiya olunsun", - deyə millət vəkili əlavə edib.

O bildirib ki, böyük pensiya kapitalına malik vətəndaşlarımıza ABŞ-da olduğu kimi daha tez pensiyaya çıxmaq hüququnun verilməsinə ehtiyac var: "Ona görə də biz minimum pensiya kapitalı ilə yanaşı, pensiyaya çıxmaqla bağlı minimum kapital yığıldıqdan sonra belə bir hüququn verilməsinin tərəfdarıyıq.

Yəni vətəndaşa pensiya yaşına çatmadan yığılan kapitaldan istifadə etmə hüququnun verilməsi məqsədəuyğundur. Bu da təbii ki, kapitalla bağlı yığımlara marağı artırmaqla yanaşı, eyni zamanda imkan verəcək ki, vətəndaşlarımız bəzi hallarda pensiya yaşını gözləmədən də pensiya kapitalının bir hissəsindən faydalana bilsinlər".

"Digər məsələ isə pensiya kapitalının müəyyən hissəsinin varisə transfer edilməsi ilə bağlıdır. Çünki bəzi hallarda vətəndaş uzun müddət çalışır, lakin ya o, pensiya yaşına çatmır, ya da pensiya yaşına çatdıqdan müəyyən müddət sonra dünyasını dəyişir. Bu səbəbdən həmin kapitalın bir hissəsinin vətəndaşın varisinə transfer edilməsi mexanizmi təqdirəuyğun olardı. Bu da nəticə etibarı ilə pensiya sistemində ədalətin daha da məqsədəuyğunluğu üçün önəmlidir", - deyə V.Bayramov əlavə edib.

5
Teqlər:
Vüqar Bayramov, təklif, varis, kapital, təqaüd, pensiya