Çörək

Un ucuzlaşdı Çörək ucuzlaşacaqmı?

5141
(Yenilənib 16:12 13.04.2019)
Ekspertlər çörəyin qiyməti ilə bağlı proqnozlarını açıqlayıblar

Xalid Məmmədov, Sputnik Azərbaycan

BAKI, 13 aprel — Sputnik. Un istehsalı və satışını həyata keçirən "Karat Holdinq" MMC unun topdansatış qiymətini aşağı salıb. Şirkətdən verilən məlumata görə, idxal buğdasının alış qiymətində son günlərdə baş vermiş enmələr istehsal olunan unun maya dəyərinin aşağı düşməsi imkanı yaradıb və

 bununla bağlı unun topdansatış qiyməti aşağı salınıb. Topdansatış qiyməti 25.95 manat olan 1 kisə 50 kq-lıq "Karmen" ununun topdansatış qiyməti aprelin 10-dan 25,45 manat müəyyən edilib. Bu, tezliklə həmin məhsulların pərakəndə satış qiymətinin də ucuzlaşmasına səbəb olacaq.

"Karat Holdinq" MMC-nin unun topdansatış qiymətini aşağı salması çörəyin qiymətinə təsir edəcəkmi? Ekspertlər məsələni Sputnik Azərbaycan-a şərh ediblər.

İqtisadçı-ekspert Natiq Cəfərli deyib ki, Azərbaycanda çörək və un məmulatları ilə bağlı qiymətlərin tez-tez oynaması onu göstərir ki, yerli buğda istehsalının keyfiyyətinin artırılmasında yarar var: "İlk olaraq bundan başlamaq lazımdır, çünki qiymət artımı nəticədir, səbəb deyil. Səbəb odur ki, yerli buğda növlərinin keyfiyyətli məhsul istehsalında istifadə olunması məhduddur. Ona görə də yerli buğdanın keyfiyyətinin qaldırılması ilə bağlı ciddi işlər görülməlidir ki, xaricdən asılılıq azalsın və xaricdən gətirilən buğdanın qiymətinin çörək və un məmulatlarının qiymətinə təsirinin qarşısı alınsın".

Ekspert indiki şəraitdə bir şirkətin qiyməti aşağı salması tez bir zamanda bazara təsir edəcəyini düşünmür: "Çünki bazar gözləmə mövqeyində olacaq ki, digər şirkətlərdən hansı addımlar atılacaq. Yaxın günlərdə digər şirkətlərdən müvafiq addımlar atılmasa, bazarda ucuzlaşma baş verməsə, çörək və un məmulatlarının qiymətində dəyişikliyin olacağını düşünmürəm. Digər şirkətlərdə də qiymətin ucuzlaşması baş versə, çörək və un məmulatlarının qiymətində ucuzlaşmadan danışmaq mümkün olacaq".

"Bir müsbət məqamı da deyim ki, bu ayın sonu və gələn ayın əvvəlindən buğda idxal etdiyimiz ölkələrdə yeni məhsulun yığımı başlayacaq. Yeni buğdanın çıxması dünya bazarlarında qiymətlərə müsbət təsir edir və buğdanın ucuzlaşmasına səbəb olur. Son vaxtlar dünyada buğdanın qiymətində enmələr bu gözləntilərdən doğur. Bu baxımdan Azərbaycanda da xaricdən gətirilən buğdadan asılı olan istehsal müəssisələrində unun qiymətində ucuzlaşma baş versə, bu, çörək və un məmulatlarının qiymətinin aşağı düşməsinə səbəb ola bilər" – deyə o bildirib.

İqtisadçı-ekspert Fuad İbrahimov isə deyib ki, əgər məhsulun baza qiyməti ucuzlaşırsa, inhisarçılıq yoxdursa, onun pərakəndə satışında ucuzlaşma baş verə bilər: "Dünya birjalarında buğdanın qiyməti düşüb. Eyni zamanda, idxalçı şirkət özü də maliyyə vəziyyəti və rəqabət ilə əlaqədar olaraq qiymətləri ucuzlaşdıra və ya bahalaşdıra bilər. Amma indiki vəziyyət dünya birjalarında buğdanın qiymətinin aşağı düşməsi ilə bağlıdır".

5141
Laçın şəhərinə mənzərə, arxiv şəkli

İtaliya şirkətləri işğaldan azad edilmiş ərazilərimizi bərpa etməkdə maraqlıdırlar

10
(Yenilənib 21:48 25.11.2020)
İtaliya şirkətlərinin müxtəlif sahələrdəki layihələrdə, eləcə də ənənəvi və bərpaolunan enerji mənbələrinin inkişafı sahəsində iştirakı məsələsinə toxunulub, şirkətlərin Azərbaycanda investor kimi fəaliyyətlərinin genişləndirməsi imkanları müzakirə edilib.

 

BAKI, 25 noyabr — Sputnik. Energetika naziri Pərviz Şahbazov İtaliyanın Azərbaycandakı səfiri Augusto Massari ilə görüşüb.

Nazirlikdən Sputnik Azərbaycan-a bildirilib ki, görüşdə bu ilin fevral ayında Prezident İlham Əliyevin İtaliyaya dövlət səfəri zamanı imzalanmış sənədlərin və Azərbaycan Respublikası ilə İtaliya Respublikası arasında iqtisadi əməkdaşlıq üzrə Hökumətlərarası Komissiyanın 5-ci iclasının protokolunun icrasının gedişi müzakirə edilib.

Energetika naziri Pərviz Şahbazov

Səfir dinc əhalinin həlak olması ilə bağlı Azərbaycan xalqına, həlak olanların ailələrinə və yaxınlarına dərin hüznlə başsağlığını çatdırıb, üçtərəfli bəyanatı alqışladığını vurğulayıb.

İtaliyanın infrastruktur sahəsində fəaliyyət göstərən şirkətlərinin Azərbaycanın işğaldan azad edilmiş ərazilərində bərpa-yenidənqurma işlərinin aparılmasına marağını ifadə edib.

Energetika naziri başsağlığına və İtaliyanın imzalanmış bəyanata dəstəyinə görə təşəkkür edib.

Görüşdə Azərbaycan və İtaliya arasında münasibətlərin iqtisadiyyatın bir çox sahələrində uğurla inkişaf etdiyi, uzunmüddətli əməkdaşlıq əlaqələrində enerji sektorunda əməkdaşlığın mühüm rol oynadığı qeyd edilib. Bu əməkdaşlığın mühüm elementi sayılan "Trans-Adriatik" boru kəməri (TAP) layihəsinin İtaliya və digər Avropa istehlakçıları üçün əhəmiyyətindən bəhs edilib, layihənin kommersiya fəaliyyəti üçün hazır olduğu, cari ilin sonunda Azərbaycan qazının Avropaya kommersiya məqsədli nəqlinə başlanmasının nəzərdə tutulduğu vurğulanıb.

İtaliyanın Azərbaycandakı səfiri Augusto Massari

Görüşdə iki ölkə arasında müxtəlif sahələrdə əməkdaşlıq məsələləri, enerji sektorunda investisiya imkanları ətrafında fikir mübadiləsi aparılıb, İtaliya şirkətlərinin müxtəlif sahələrdəki layihələrdə, eləcə də ənənəvi və bərpaolunan enerji mənbələrinin inkişafı sahəsində iştirakı məsələsinə toxunulub, şirkətlərin Azərbaycanda investor kimi fəaliyyətlərinin genişləndirməsi imkanları müzakirə edilib. Həmçinin Azərbaycan Respublikası və İtaliya Respublikası arasında iqtisadi əməkdaşlıq üzrə Hökumətlərarası Komissiyanın növbəti iclasına hazırlıq məsələləri, iki ölkənin müxtəlif qurumları arasında imzalanmış əməkdaşlıq sənədlərindən irəli gələn məsələlər nəzərdən keçirilib.

10
Neft konteynerləri, arxiv şəkli

Azərbaycan neftinin qiyməti qalxdı

18
(Yenilənib 14:00 25.11.2020)
Azərbaycan neftinin 1 barelinin qiyməti 1,79 ABŞ dolları və ya 3,87% artaraq 48,07 dollar təşkil edib.

BAKI, 25 noyabr - Sputnik. Dünya bazarında "Azeri Light" (CIF) markalı neftin qiyməti artıb.

Sputnik Azərbaycan-ın məlumatına görə, Azərbaycan neftinin 1 barelinin qiyməti 1,79 ABŞ dolları və ya 3,87% artaraq 48,07 dollar təşkil edib.

Qeyd edək ki, Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

18
Teqlər:
barel, neft

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

0
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

0