Dövlət Gömrük Komitəsi

Bir sıra məhsulların gömrük rüsumundan azad edilməsi təklif olunur

5381
(Yenilənib 17:37 13.03.2019)
"Uşaq qidaları, geyimləri və bəzi meyvə-tərəvəz növləri gömrük rüsumundan azad edilməlidir"

Nigar Məhərrəm, Sputnik Azərbaycan

BAKI, 18 mart — Sputnik. Türkiyədə ölkəyə gətirilən kartofun gömrük vergisindən azad olunması ilə bağlı ölkə başçısı Rəcəb Tayyib Ərdoğan qərar imzalayıb. Yeni qərarla 200 min ton kartofun gömrük vergisindən azad olunması nəzərdə tutulur. Bundan öncə isə Türkiyədə soğanın gömrük vergisindən azad olunması ilə bağlı qərar verilmişdi.

Nəinki Türkiyədə, eləcə də bir çox ölkələrdə əhalinin tələbatının qarşılanması və bazarda qiymət artımının qarşısının alınması üçün yerli istehsal olmayan məhsullar gömrük rüsumundan azad edilir. Bəs Azərbaycanda oxşar təcrübənin tətbiqi mümkündürmü və belə olan halda hansı nəticələr meydana çıxacaq.

İqtisadçı-ekspert Natiq Cəfərli
İqtisadçı-ekspert Natiq Cəfərli

İqtisadçı-ekspert Natiq Cəfərli Sputnik Azərbaycan-a açıqlamasında bu haqda danışıb: "Ölkə ərazisində ehtiyac duyulan, yerli istehsalı ya tamamilə ödəməyən, yaxud da qismən ödəyən məhsullara görə gömrük rüsumunun ləğv edilməsi yayılmış praktikadır. Azərbaycanda da sosial sahəyə aid olan bəzi məhsulların gömrük rüsumundan azad edilməsinə ehtiyac var".

Onun sözlərinə görə, ilk olaraq bəzi dərmanların gömrük rüsumundan azad edilməsi məsələsinin gündəmə gətirilməsinə ehtiyac var: "Çünki Azərbaycanda dərman istehsalı yoxdur. Gömrük rüsumları və əlavə dəyər vergisi dərmanların qiymətinin, təxminən, 35 faizədək artmasına səbəb olur".

"Ölkəmizdə uşaq qidalarının istehsal olunmaması bu məhsulların da bahalaşmasına səbəb olur. Bu problem kifayət qədər böyük kəsimi əhatə edir. Çünki hər il ölkəmizdə 130 min və bundan daha çox uşaq dünyaya gəlir. Uşaqların 5 yaşınadək bu qidalardan yararlandığını nəzərə alsaq, deyə bilərik ki, təqribən, 600 minə yaxın azyaşlı üçün nəzərdə tutulan qidaların gömrük rüsumundan azad olunması ailələrin yükünü azaltmış olar" – deyə iqtisadçı əlavə edib.

Ekspertin fikrincə, uşaq geyimlərinin də gömrük rüsumundan azad olunmasına ehtiyac var: "Bir çox ölkələrdə uşaq geyimləri gömrük rüsumlarından azad olunub. Bundan başqa, fiziki məhdudiyyətli insanlara lazım olan avadanlıqların da gömrük rüsumundan azad olunması vacibdir. Bu cür avadanlıq və məhsullar gömrük rüsumundan azad edilməli, onlara daha yumşaq vergilər tətbiq edilməlidir. Bəzi hallarda isə bu məhsullar əlavə dəyər vergisindən, tamamilə azad edilməlidir".

N.Cəfərli Azərbaycanda yetişməyən meyvələrin gömrük rüsumundan azad olunmasını daha məqsədəuyğun hesab edir: "Banan və kiviyə görə tətbiq edilən gömrük rüsumunu aradan qaldırmaqla bu məhsulların bazarda bahalaşmasının qarşısını almaq olar".

"Meyvə-tərəvəzlə bağlı ölkənin yerli potensialı var. Tələbatı ödəmək üçün daha çox çevik siyasətə üstünlük verilməlidir. Yəni yerli məhsullar bazardan çəkildiyi an gömrük rüsumlarının ləğvi anlaşılandır. Çünki ölkəmizdə yerli istehsalın uzun müddətli saxlanılması üçün infrastruktur zəif inkişaf edib" – deyə ekspert əlavə edib.

Həmsöhbətimiz çoxtələbatlı məhsulların gömrük rüsumundan azad olunmasının məqbul olduğunu və yerli istehsalın saxlanılması üçün infrastrukturun genişləndirilməsinə ehtiyac olduğunu vurğulayıb: "İritutumlu və keyfiyyətə təsir etməyən müasir texnologiyalı soyuducuların istifadəyə verilməsi ilə xaricdən gətirilən meyvə və tərəvəzə olan ehtiyacı ödəmək mümkün olacaq".

5381
Teqlər:
Natiq Cəfərli, ekspert, istehsal, məhsul, vergi, rüsum, gömrük
Əlaqədar
Gömrükdə 10 ton saxta dərman saxlanılıb - VİDEO
Gömrüyün keçmiş vəzifəli şəxsi məhkəmə qarşısına çıxarıldı
Gömrükdən rüsumsuz nə keçirmək olar - RƏSMİ AÇIQLAMA
Quyruqlu mühafizəçilər: İtlər Azərbaycan gömrüyünün xidmətində
Mingəçevir SES , arxiv şəkli

Susuzluqdan qaranlığa gedən yol: iki qurum isti havanı da misal gətirdi

15
(Yenilənib 21:36 07.07.2020)
Hava hərarətinin getdikcə yüksəlməsi fonunda çox sayda insanın evdə qalaraq kondisioner işlətməsinə görə elektrik enerjisinə olan təlabatı əvvəlki günlərlə müqayisədə bir qədər də artıb

BAKI, 7 iyul — Sputnik. 24 saat növbəli iş prinsipi ilə fəaliyyət göstərən və bir saniyə də olsun elektrik enerjisinin istehsalını, ötürülməsini, paylanmasını və idarəedilməsini dayandırmayan “Azərenerji” və “Azərişıq” açıq səhmdar cəmiyyətləri, tabeliklərindəki müəssisələrdə koronavirus infeksiyasının yayılmasının qarşısının alınması ilə bağlı təxirəsalınmaz tədbirlər həyata keçirməklə yanaşı, istehlakçıların dayanıqlı, keyfiyyətli və fasiləsiz enerji təminatı üçün bütün lazımi addımları atırlar. Bu barədə "Azerenerji" ASC-dən Sputnik Azərbaycan-a verilən məlumatda bildirilib.

Baxmayaraq ki, son dövrlər çaylarda su səviyyəsinin azalması enerjinin istehsalına təsir edib, hava hərarətinin getdikcə yüksəlməsi fonunda çox sayda insanın evdə qalaraq kondisioner işlətməsinə görə elektrik enerjisinə olan təlabatı əvvəlki günlərlə müqayisədə bir qədər də artıb.

Həmçinin Nazirlər Kabineti yanında Operativ Qərargahın tələblərinə uyğun olaraq “Azərenerji” və “Azərişıq” işə çıxan əməkdaşlarının sayını kəskin azaldılıb. Lakin şənbə, bazar və bayram günlərində də növbəli şəkildə fasiləsiz olaraq iş başında olan əməkdaşlar necə böyük məsuliyyət daşıdıqlarını başa düşərək, əvvəlki karantin rejimi vaxtlarında olduğu kimi bu dəfə də istehlakçıların dayanıqlı və fasiləsiz elektrik enerjisi ilə təchiz edilməsini həyata keçirəcəklər. 

15
Əlaqədar
Həyəcan təbili: Azərbaycanın əsas çayı necə yox olur
Umayra Tağıyeva proqnozu açıqladı: "Əsas səbəb quraqlıqla bağlıdır"
Quraqlıq dövrünün xilaskarı: "Bizim Xəzərimiz var, biz susuz qalmarıq..." – REPORTAJ
Kiçik su elektrik stansiyaları ilə bağlı inkişaf strategiyası hazırlanacaq
Su elektrik stansiyaları

Kiçik su elektrik stansiyaları ilə bağlı inkişaf strategiyası hazırlanacaq

6
(Yenilənib 15:06 07.07.2020)
BP-nin Azərbaycan, Gürcüstan və Türkiyə üzrə regional prezidenti Qəri Cons bildirib ki, Azərbaycanın zəngin karbohidrogen ehtiyatları var.

BAKI, 7 iyul — Sputnik. Azərbaycanda kiçik su elektrik stansiyalarının fəaliyyətinin yaxşılaşdırılması və çayların hidroenerji potensialından səmərəli istifadə edilməsi ilə bağlı aparılan araşdırmaların nəticələrinə dair "SNC-Lavalin"s Atkins" şirkətinin yekun hesabatının onlayn formatda təqdimatı keçirilib. Bu barədə Energetika Nazirliyindən Sputnik Azərbaycan-a məlumat verilib.

Energetika, Ekologiya və Təbii Sərvətlər nazirliklərinin, "Azərnerji" ASC, "SNC-Lavalin"s Atkins", BP və Böyük Britaniyanın Azərbaycandakı səfirliyinin nümayəndələrinin iştirakı ilə keçirilən tədbirdə bildirilib ki, mövcud kiçik su elektrik stansiyalarının səmərəliliyinin qiymətləndirilməsinə, beynəlxalq təcrübə nəzərə alınmaqla stansiyaların fəaliyyətinin təkmilləşdirlməsinə, eləcə də son illərdə müşahidə olunan quraqlıq da nəzərə alınmaqla yeni su elektrik stansiyalarının tikintisinin məqsədəuyğunluğunun araşdırlmasına zərurət yaranıb. Bu məqsədlə 2018-ci ilin 19 oktyabr tarixində Energetika Nazirliyi ilə BP şirkəti arasında imzalanmış "Niyyət məktubu" çərçivəsində nazirlikdə aidiyyəti qurumların mütəxəssislərindən ibarət İşçi qrupu yaradılaraq və layihənin icrasına "SNC-Lavalin"s Atkins" şirkəti cəlb edilərək tədqiqatlar aparılıb. Layihə çərçivəsində 5 kiçik su elektrik stansiyası və yeni stansiyalar üçün seçilmiş 6 sahəyə səfərlər edilib və qiymətləndirmə aparılıb.

"SNC-Lavalin"s Atkins" şirkətinin nümayəndələri Rodrigo Freire De Macedo və Matt Skidmorenin təqdimatında ölkəmizdə mövcud kiçik su elektrik stansiyalarının, eləcə də seçilmiş ərazilərdə inşası planlaşdırılan stansiyaların səmərəlilik aspektindən qiymətləndirilməsi, texniki-iqtisadi göstəriciləri, dağ çaylarının potensialı və tövsiyələr diqqətə çatdırılıb.

Energetika naziri Pərviz Şahbazov iki il müddətinə həyata keçirilən bu layihənin əhəmiyyətini və layihəyə BP şirkəti, eləcə də digər qurumların dəstəyini yüksək qiymətləndirib. "Bu hesabat əsasında ölkəmizdə elektrik enerjisi istehsalı ehtiyaclarını, su potensialını və su qıtlığını nəzərə alaraq, kiçik su elektrik stansiyaları ilə bağlı inkişaf strategiyamızı işləyib hazırlayacağıq. Bu sahənin özəl sektorun cəlbi ilə inkişafı isə əsas hədəflərdən biridir", - deyə nazir əlavə edib.

BP-nin Azərbaycan, Gürcüstan və Türkiyə üzrə regional prezidenti Qəri Cons isə bildirib ki, Azərbaycanın zəngin karbohidrogen ehtiyatları var. Bununla belə hökumətin enerji keçidi ilə bağlı siyasəti təqdirəlayiqdir.

6
Pişik, arxiv şəkli

Ölüm öpüşü: Pişik sahibinin həyatına belə son qoydu

0
(Yenilənib 23:43 07.07.2020)
Həkimlər qadının orqanizmində bakterial meningitə səbəb olan "pasteurella multocida" bakteriyasını aşkar ediblər

BAKI, 7 iyul — Sputnik. Avstraliyanın Melburn şəhərinin sakini pişiyin cırmaqlaması və yaranı yalamasından sonra ölüb.

Sputnik Azərbaycan "Herald Sun" nəşrinə istinadən xəbər verir ki, 80 yaşlı qadının qohumları onu yataqda şüursuz halda yanında pişiklə tapıblar.

Həkimlər onun orqanizmində bakterial meningitə səbəb olan "pasteurella multocida" bakteriyasını aşkar ediblər.

Pensiyaçı komada doqquz gün keçirib, bundan sonra onu həyat təminatı sistemindən ayırıblar.

Yerli xəstəxanalardan birinin yoluxucu xəstəliklər üzrə direktoru Lindsi Qreyson bildirib ki, ev sahibləri pişiklərinə açıq yaraları yalamağa imkan verməməlidirlər. Eyni zamanda o xəbərdarlıq edib ki, immunitet sistemi pozulmuş şəxslər bu ev heyvanlarından qaçmalıdırlar.

Bakterial meningit bakterial infeksiya nəticəsində baş və onurğa beyni membranlarının iltihabıdır.

0
Əlaqədar
Koronavirus bəlasını dünyaya yayan Çin əhli iyrənc adətindən əl çəkmək niyyətində deyil
Bakıda "pişik əməliyyatı" - VİDEO
Evsiz pişikdən yemək əldə etmək üçün ağlasığmaz kələk - Video
Küçədə pişik gəzdirmək cərimə ilə nəticələndi
Telekanal insanları panikaya saldı, sevdiklərindən ayrıldılar