Ərəb turistlər Bakıda

Ərəb turistlər ölkəmizi tərk edirlər, amma "müqəddəs yer boş qalmır"

4996
(Yenilənib 13:54 28.02.2019)
Azərbaycana Fars körfəzi ölkələrindən gələn turistlərin sayında azalma var

Zarina Orucəliyeva, Sputnik Azərbaycan

BAKI, 28 fevral — Sputnik. Fars körfəzi ölkələrindən olan turistlər Azərbaycanı tərk edirlər. Sputnik Azərbaycan Dövlət Statistika Komitəsinin (DSK) məlumatına istinadən xəbər verir ki, 2019-cu ilin yanvarında turistlərin sayı 2018-ci ilin analoji dövrü ilə müqayisədə 13,3% aşağı düşüb.

Bu minvalla yanvarda Azərbaycanı ərəb ölkələrindən olan cəmi 28,5 min turist ziyarət edib. Məlumat üçün bildirək ki, 2018-ci il ərzində Azərbaycanı 554,1 min bu kateqoriyadan olan turist ziyarət edib.

DSK-nın məlumatına görə, cari ilin yanvarında Azərbaycana 145 ölkədən 191,6 min əcnəbi (+2,9%) gəlib. Artıq bir neçə ildir ki, Azərbaycana gələn turistlərin siyahısında Rusiyadan gələnlər (artım - 29,4%) liderlik edir. Sonrakı yerləri Gürcüstan (+29,1%), Türkiyə (+11,2%), İran (+5,4%), BƏƏ (+4,5%), Ukrayna (+1,7%), İraq (+1,3), eləcə də digər ölkələrdən (+17,3%) olan turistlər və vətəndaşlığı olmayan şəxslər (+0,1) tutur.

O da məlum olub ki, Azərbaycana gələnlərin əksəriyyəti (71,1%) kişilərdir. Bundan əlavə, Çindən gələn turistlərin sayında artım (+26,5%) qeydə alınıb.

Qeyd edək ki, avropalı turistlər tədricən Azərbaycana qayıdırlar. Yanvarda ölkəmizi, demək olar ki, 6 min Avropa İttifaqı ölkələrindən olan turist ziyarət edib. Bununla yanaşı, Azərbaycandan da xaricə gedən turistlərin sayı artıb. 2019-cu ilin başlanmasından bu yana 357,1 min azərbaycanlı turist digər ölkələrə gedib.

Ərəb turistlər mövzusuna qayıdaraq bildirək ki, son illər bütün səyahət sənayesi yüksək təminatlı qonaqlara böyük üstünlük verir. Demək olar ki, hər bir azərbaycanlıya ərəb şeyxlərinin pullarını görmək nəsib olub.

Küveyt, Qətər, İraq, BƏƏ və digər ərəb ölkələrinin vətəndaşlarının Azərbaycana artmaqda olan marağını müşahidə edən yerli hotel və restoran sahibləri bu qonaqları qəbul etmək üçün zəruri şəraiti yaradıb. Bir neçə il ərzində bu əcnəbilər respublikamıza ailələri ilə birlikdə gəlir, burada şahin quşları ilə ov edir və gecələr əyləncə yerlərində doyunca əylənirlər.

Hətta Bakıda ərəb kişilərin dəstə ilə ziyarət etdiyi gecə klublarından ibarət bir kvartal yaranıb. Amma arada nəsə baş verdi. Qısa zaman kəsiyində ərəb turistlərin Azərbaycana marağı kəskin şəkildə aşağı düşdü.

Qeyri-hökumət təşkilatı olan Azərbaycan Turizm Assosiasiyasının (ATA) rəhbəri Nahid Bağırovun Sputnik Azərbaycan-a açıqlamasına görə, ərəb turistlərin axınında dönüş 2018-ci ilin sonlarına yaxın baş verib: "Statistikaya əsasən, turist sayına görə Rusiya və Gürcüstandan gələnlər ön yerləri tuturlar. Amma biz bilirik ki, bu ölkələrdən gələnlər turistlər yox, orada yaşayan etnik azərbaycanlılardır. Bu etnik azərbaycanlılar ildə bir neçə dəfə ölkəmizə qohumlarının yanına gəlirlər. Bu gün Bakıdakı real turistlər, əsasən ərəblərdir. İndi də az-az var, amma biz onları itiririk".

"Bunun səbəbi turist bazarındakı böyük rəqabətdir. Ərəb turistlər ən çox arzulanan turistlərdir. Hər kəs o turistləri öz ölkəsində görmək istəyir və onları təqib edirlər. Ona görə də bir çox ölkələr ərəb turistləri "ovlamaq"da fəallıq nümayiş etdirir" - QHT sədri bildirib.

"Piroq bir ədəddir, ona uzanan çəngəllər isə çox. Hər kəs özü üçün daha böyük dilim kəsmək istəyir. Bu rəqabətdə mübarizə aparmaq lazımdır. Hər dəqiqə mübarizə aparmaq, öz təbliğatını aparmaq və özünü xatırlatmaq lazımdır. İndiyə qədər nə edilibsə, indi ondan 10 dəfə fəal iş aparılmalıdır. Çünki biz bu dalğanı əldə etmişiksə, onu əlimizdə saxlaya bilməsək, buraxsaq, onda bir də heç vaxt əldə edə bilməyəcəyik" - Bağırov deyib.

Son üç ay ərzində turist axınını izləyərkən onların hotellərdə məskunlaşmasının çox aşağı olduğu müşahidə edilir. Ötən ilki və ondan əvvəlki ildəki vəziyyəti müqayisə etsək, böyük fərqin olduğunu görərik.

Bağırovun fikrincə, əslində belə olmamalı idi: "Bir çox brend və brend olmayan hotellərin yükü 20-30% səviyyəsindədir. Bu göstəricilər turizmin inkişafı ilə bağlı proseslərin başladığı beş il əvvəlki dövrə uyğundur".

QHT sədri Azərbaycanı Gürcüstanla müqayisə edib: "Baxmayaraq ki, Azərbaycanın turizm potensialı Gürcüstandan daha yüksəkdir, lakin qonşu dövlət turizmdən daha çox dividend qazanır. Altı milyon turistin gəlməsinə nail olunduqdan sonra həddi daha 18-19 faiz də artırıblar".

"Azərbaycan isə öz növbəsində beş dəfə artıq qonaq qəbul etmək imkanına malikdir. Əgər əvvəllər rentabelliyi artırmağa hotel və aviaxətlərin azlığı mane olurdusa, indi ölkədə 18, 20, 25 və 40 dollara kifayət qədər hostel və hotel tapmaq mümkündür" - deyə o bildirib.

Dövlət Turizm Agentliyinin (DTA) mətbuat katibi Kənan Quluzadə isə öz növbəsində vəziyyəti Sputnik Azərbaycan-a şərh edərkən deyib ki, narahatlığa əsas yoxdur. O, turist axınının azalmasını ilk növbədə Yaxın Şərq regionundakı qeyri-sabitliklə əlaqələndirib.

Quluzadənin sözlərinə görə, bu ölkələrin əhalisinin xaricə səyahətinə təsir edən amillər var: "Bununla yanaşı, ərəb turistlərin sayındakı azalma İraqdan Azərbaycana birbaşa aviadaşımaların həcminin aşağı düşməsilə əlaqədardır və bu, müvəqqətidir".

"Amma bu yaxınlarda iki aviaşirkət bizə birbaşa reyslər təşkil etməyə başlayıb. Oyunçuların dəyişməsi də var. Omandan Azərbaycana aviareyslər fəaliyyətə başlayıb. Bu, əlavə turist axınını təmin edəcək və sayla bağlı vəziyyəti sabitləşdirəcək" - deyə DTA sözçüsü bildirib.

O, həmçinin 2018-ci ilin dekabrında Yaxın Şərq regionunda - BƏƏ (Dubay) və Səudiyyə Ərəbistanında Azərbycanın iki rəsmi turizm nümayəndəliyinin açıldığını da nəzərə almağı tövsiyə edib. Bildirib ki, artıq 2019-cu ildən Yaxın Şərqdə Azərbaycanın turizm potensialını inkişaf etdirmək üçün böyük sistemli kampaniya başlayıb.

"Eyni zamanda müxtəlif turizm sərgilərində iştirak, brendləşmə, B2B formatında görüşlərin keçirilməsi təşkiili olunur. Habelə, Səudiyyə Ərəbistanında turizm sənayesinin iştirakçıları üçün verilən böyük iftarda iştirakla bağlı məsələlərə baxılıb. Bütün bunlar ölkənin turizm bazarının canlanmasına xidmət edir" - K.Quluzadə vurğulayıb.

4996
Teqlər:
Gürcüstan, Azərbaycan, ölkə, turist, ərəb
Əlaqədar
Qobustan Qoruğunu bir ildə 123 mindən çox turist ziyarət edib
Ekspert: "Ərəb turistlərin Azərbaycana yeni axını gözlənilir"
Zərgər emalatxanasında bir gün: Turistləri milli ornamentlər daha çox maraqlandırır
Kasıblar üçün Avropanın ən ucuz turist şəhəri
Azərbaycan Respublikasının Baş Naziri Əli Əsədov, arxiv şəkli

Baş Nazirdən sərt qərar - Məsuliyyət tam olaraq sahibkarların üzərinə düşəcək

53
(Yenilənib 19:22 08.08.2020)
Proses dövlət başçısı tərəfindən nəzarətdə saxlanılır. Hökumət vəziyyətə dair mütəmadi olaraq Prezidentə məruzə edəcək

BAKI, 8 avqust — Sputnik. Bu gün Azərbaycan Respublikasının Prezidenti İlham Əliyevin tapşırığı ilə Nazirlər Kabineti yanında Operativ Qərargah xüsusi karantin rejiminə nəzarətin gücləndirilməsinə dair məsələləri müzakirə edib.

Sputnik Azərbaycan-ın məlumatına görə, Baş Nazir Əli Əsədovun sədrlik etdiyi videokonfransda Azərbaycan Respublikası Prezidentinin Ərazi-təşkilati məsələlər üzrə köməkçisi Zeynal Nağdəliyev, Baş Prokuror Kamran Əliyev, Daxili İşlər Naziri Vilayət Eyvazov, Dövlət Təhlükəsizliyi Xidmətinin rəisi Əli Nağıyev, İqtisadiyyat naziri Mikayıl Cabbarov, Maliyyə naziri Samir Şərifov, Səhiyyə naziri Oqtay Şirəliyev, Qida Təhlükəsizliyi Agentliyinin rəhbəri Qoşqar Təhməzli, İcbari Tibbi Sığorta Agentliyinin sədri Zaur Əliyev, TƏBİB-in sədri Ramin Bayramlı, 68 şəhər və rayonun icra hakimiyyəti başçıları, şəhər və rayon prokurorları, daxili işlər və DTX şöbələrinin rəisləri, sanitar–epidemiologiya mərkəzlərinin, rayon mərkəzi xəstəxanaları və səhiyyə şöbələrinin rəhbərləri iştirak ediblər. 

Baş Nazir qeyd edib ki, Prezident İlham Əliyev avqustun 6-da  keçirdiyi videomüşavirədə hökumət və müxtəlif dövlət orqanları qarşısında nəzarətin gücləndirilməsi haqda ciddi tapşırıq verib.

Əli Əsədov bildirib  ki, Operativ Qərargah infeksiyaya yoluxmaların sayının azalmasını və iqtisadi fəallığın artırılması zərurətini nəzərə alaraq avqustun 10-dan bəzi istehsal, ticarət və xidmət sahələrində yumşalmaları elan edib. Tapşırıq ondan ibarətdir ki, sanitar qaydalara ciddi əməl olunmalı, nəzarət funksiyasını həyata keçirəcək orqanlar müəyyənləşməli, nəzarət funksiyası qüsursuz tətbiq edilməlidir.

Baş Nazir vurğulayıb ki, iqtisadi aktivlik ilə sanitar qaydalara əməl olunmasını sinxronlaşdırmaq lazımdır. Yenidən geriyə qayıtmamağımız üçün bu ən mühüm məsələdir.

Qəbul olunmuş qaydalara əməl olunmasına əsas məsuliyyət daşıyan orqanlar kimi şəhər və rayon İcra hakimiyyətləri, hüquq-mühafizə orqanları-Prokurorluq, DİN, DTX, səhiyyə strukturları və fəaliyyətinə icazə verilmiş sahələrdəki sahibkarlardır. Fəaliyyətinə icazə verilmiş sahələrdə yoluxmalara görə məsuliyyət tam olaraq sahibkarların üzərinə düşəcək.

Xüsusi qeyd olunub ki, şəhər və rayonlarda yoluxma hallarının artması tendensiyası müşahidə olunduğu təqdirdə şəhər və rayon rəhbərliyi əlaqələndirici qurum olaraq nəzarət mexanizmlərini daha da gücləndirməlidir.

Proses dövlət başçısı tərəfindən nəzarətdə saxlanılır. Hökumət vəziyyətə dair mütəmadi olaraq Prezidentə məruzə edəcək.

Müşavirədə son bir ay ərzində bütün ölkə üzrə karantin qaydalarına əməl olunmasına nəzarətin vəziyyəti müzakirə olundu, nöqsanlar qeyd edildi, onların aradan qaldırılması haqda təkliflər səsləndirildi. Karantin qaydalarına riayət edilməsi üzərində nəzarətin texniki, inzibati və maarifləndirmə aspektləri müzakirə olundu.

53
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Əvvəl açıq havadakı restoranlar, sonra rayonlara gediş-gəliş açılacaq
Toya icazə verəcəklər, amma hər şey sahibkarlardan asılı olacaq
Bir manat da xərclənməyib - Şahmar Mövsümov bloklanmış kartlar barədə
Hökumət karantin rejiminin daha da yumşaldılması barədə qərar qəbul edib
Bundan sonra mehmanxanalar yeni QAYDAlarla işləyəcək
Ofisdə kişi

İqtisadiyyatın dirçələcəyinə ümidlər: Agentlik 3 min nəfər hazırlayır

17
(Yenilənib 16:29 08.08.2020)
Keyfiyyət idarəetmə sistemləri üzrə hazırlanmış mütəxəssislər həm yerli, həm də xarici şirkətlərdə müvafiq peşə-ixtisas sahələri üzrə işləmək bacarığına malik olacaqlar

BAKI, 8 avqust — Sputnik. Dövlət Məşğulluq Agentliyi gələn ildən beynəlxalq sertifikatlı (İSO) mütəxəssis hazırlığına başlayacaq.

Əmək və Əhalinin Sosial Müdafiəsi Nazirliyindən Sputnik Azərbaycan-a verilən məlumata görə, qurumun nəzdində olan agentlik ilk mərhələ kimi, 2021-ci ildə 3 min nəfər İSO (Keyfiyyət idarəetmə sistemləri üzrə)  standartlarına uyğun mütəxəssis hazırlığını həyata keçirməyi planlaşdırır. Bu, istehsalatda innovativ texnologiyaların tətbiqinin geniş vüsət aldığı şəraitdə işçi qüvvəsinin həmin standartlar əsasında rəqabət qabiliyyətinin artırılması məqsədi daşıyır. Qeyd edilən mütəxəssis hazırlığının təşkili üçün hazırda beynəlxalq tərəfdaşlarla da müzakirələr aparılır.

Keyfiyyət idarəetmə sistemləri üzrə hazırlanmış mütəxəssislər həm yerli, həm də xarici şirkətlərdə müvafiq peşə-ixtisas sahələri üzrə işləmək bacarığına malik olacaqlar.

17
Əlaqədar
Heç kim pulsuz qalmayacaq - İşsizlikdən sığorta fondunun büdcəsi artırılır
Dəyişikliyin astanasındayıq: ənənəvi peşələr əhəmiyyətini itirəcək
Dəqiq rəqəmi heç kim deyə bilmir! Pandemiya on minlərlə insanı işsiz qoyub
On üç bölgə üzrə 190 manatın verilməsi barədə qərar verildi
Dünyanın ən bədbəxt iqtisadiyyatları: inanılmaz reytinq
Belorusda seçkinin gedişi zamanı

Belarus MSK ilkin nəticələri açıqlayıb

0
Komissiyanın məlumatına görə, beş regionun səsvermələrinin nəticələrinə əsasən hazırkı dövlət başçısı Aleksandr Lukaşenko seçkilərdə liderdir.

BAKI, 10 avqust - Sputnik. Belarusun Mərkəzi Seçki Komissiyası bu gün ölkədə keçirilən prezident seçkilərinin ilkin nəticələrini açıqlayıb.

Bu barədə Sputnik Azərbaycan RİA Novosti-yə istinadən xəbər verir.

Komissiyanın məlumatına görə, beş regionun səsvermələrinin nəticələrinə əsasən hazırkı dövlət başçısı Aleksandr Lukaşenko seçkilərdə liderdir. O, seçicilərin 82%-nin səslərini toplayıb. 

Qeyd edək ki, Lukaşenko altıncı dəfədir prezident seçkilərində namizəddir.  

0