FAO ilə Azərbaycan arasında Tərəfdaşlıq Proqramının (FATP) açılış mərasimi keçirilib

FAO ilə Azərbaycan arasında Tərəfdaşlıq Proqramının açılışı olub

23
(Yenilənib 15:17 22.01.2019)
BMT-nin Ərzaq və Kənd Təsərrüfatı Təşkilatı ilə Azərbaycan arasında Tərəfdaşlıq Proqramının açılış mərasimi olub

BAKI, 22 yanvar — Sputnik. Bu gün BMT-nin Ərzaq və Kənd Təsərrüfatı Təşkilatı (FAO) ilə Azərbaycan arasında Tərəfdaşlıq Proqramının (FAO Azərbaycan Tərəfdaşlıq Proqramı - FATP) açılış mərasimi olub. Sputnik Azərbaycan-ın xəbərinə görə, FATP açılışında Azərbaycan Respublikasının kənd təsərrüfatı naziri, FAO-nun Avropa və Mərkəzi Asiya üzrə Regional Direktoru, FAO-nun Azərbaycan Respublikasındakı Tərəfdaşlıq və Əlaqələndirmə Ofisinin rəhbəri, layihə rəhbərləri, aqrar sahə üzrə mütəxəssislər iştirak ediblər.

FAO ilə Azərbaycan arasında Tərəfdaşlıq Proqramının (FATP) açılış mərasimi keçirilib
© ARKTN-nin mətbuat xidməti tərəfindən təqdim olunub
FAO ilə Azərbaycan arasında Tərəfdaşlıq Proqramının (FATP) açılış mərasimi keçirilib

Tədbirdə Azərbaycan ilə FAO arasında əməkdaşlığın son 20 il ərzində verdiyi töhfələrdən danışılıb. Qeyd olunub ki, 2015-ci ilin mayında FAO-nun baş direktorunun ölkəyə səfəri zamanı FAO-Azərbaycan Tərəfdaşlıq Proqramının (FATP) əsasının qoyulması barədə razılıq sazişi imzalanıb və 2016-2020 illər üçün 10 milyon ABŞ dolları dəyərində əməkdaşlıq çərçivəsi təsis edilib. Azərbaycan Hökumətinin sazişi ratifikasiyasından sonra, 2016-cı ilin dekabrında FATP üçün Əməliyyat Çərçivəsi təsdiq olunduğu vurğulanıb.

FAO-Azərbaycan Tərəfdaşlıq Proqramının məqsədlərindən danışılıb. Bildirilib ki, Dayanıqlı İnkişaf Məqsədləri (DİM) və FAO-nun strateji məqsədlərinə müvafiq olaraq, ev təsərrüfatlarının ərzaq təhlükəsizliyinə, kənd yerlərində sosial rifah səviyyəsinin yaxşılaşdırılmasına və yoxsulluğun azaldılmasına töhfə verməkdir. Proqramın əhatə dairəsində əsas hədəflər qeyd olunub.

Transsərhəd heyvan və bitki xəstəlikləri ilə mübarizə daxil olmaqla heyvan sağlamlığı və bitki mühafizəsi, kənd təsərrüfatına, ərzaq təhlükəsizliyinə və kəndin inkişafına investisiya üçün əlverişli şəraitin yaradılması da hədəflər sırasındadır. Bundan başqa, kənd təsərrüfatı təhsili, tədqiqatı və informasiya və məsləhət xidmətləri daxil olmaqla bacarıqların inkişaf etdirilməsi də əsas hədəflərdəndir.

Proqram çərçivəsində icra olunacaq 3 layihənin müqavilələri artıq imzalanıb. Bunlar "Azərbaycanda iribuynuzlu damazlıq heyvanların cins tərkibinin yaxşılaşdırılması və səmərəli yemləmə sistemlərin yaradılması vasitəsilə iribuynuzlu heyvandarlığın inkişaf etdirilməsi", "Qoyunçuluğun davamlı inkişafı və ərzaq məhsullarının istehsalı üzrə dəyər zəncirinin yaradılması və həyata keçirilməsi", "Azərbaycanda sağlam toxumluq kartof istehsalı üzrə milli sistemin yaradılması" layihələridir.

FAO ilə Azərbaycan arasında Tərəfdaşlıq Proqramının (FATP) açılış mərasimi keçirilib
© ARKTN-nin mətbuat xidməti tərəfindən təqdim olunub
FAO ilə Azərbaycan arasında Tərəfdaşlıq Proqramının (FATP) açılış mərasimi keçirilib

Qeyd edək ki, "Aqrar Məşğulluğun Artırılması", "Azərbaycanda Fındıq Sektorunun Səmərəliliyinin və Davamlılığının Təmin Edilməsi" və "Qadın Fermerlərin Məşğulluğunun Artırılması" layihələrinin icrası barədə müqavilələr artıq imzalanmaq üzrədir.

23
Teqlər:
proqram, Azərbaycan, FAO, BMT
Əlaqədar
Professor: “Kənd təsərrüfatının inkişafı üçün aqroparkların yaradılması zəruridir”
Kənd Təsərrüfatı Nazirliyinin yeni layihəsi təqdim edilib
Ekspert Azərbaycanda kənd təsərrüfatı məhsullarının ixrac imkanlarını açıqladı
Çində neft zavodunun işçiləri, arxiv şəkli

Dünya lideri dəyişir Bu ölkə gələn ildən ABŞ-ı üstələməyə başlayacaq

65
Çində tikilən bu müəssisələrin ümumi gücü günlük 1,2 milyon bareldir ki, bu da Böyük Britaniyanın neft emalı üzrə analoji göstəricisi ilə müqayisə oluna bilər.

BAKI, 24 noyabr — Sputnik. 2021-ci ildə Birləşmiş Ştatlar neft emalı məsələsində dünya liderliyini Çinə təhvil verə bilər. Sputnik Azərbaycan xəbər verir ki, bunu "Bloomberg" nəşri Beynəlxalq Energetika Agentliyinə (BEA) istinadən xəbər verir.

Qeyd olunur ki, Birləşmiş Ştatlarda, məsələn, Luizianada elə də köhnə olmayan "Royal Dutch Shell Plc"-nin zavodu kimi neft emalı zavodları bağlandığı bir vaxtda Çində ən azı dörd yeni müəssisə tikilir. Çində tikilən bu müəssisələrin ümumi gücü günlük 1,2 milyon bareldir ki, bu da Böyük Britaniyanın neft emalı üzrə analoji göstəricisi ilə müqayisə oluna bilər.

Qeyd edək ki, dünyada koronavirus pandemiyası ilə bağlı yanacağa tələbat azalıb, bu isə öz növbəsində neft hasilatı və emalına da təsir edib. Bu göstərici rekord hesab olunan 1,7 milyon barelə düşüb. Bundan əlavə, böhran neftin kim tərəfindən və necə istifadə olunması barədə dəyişiklikləri daha da sürətləndirib. Belə ki, dərin iqtisadi böhranla mübarizə aparan ABŞ və Avropadan fərqli olaraq Çin və digər Asiya ölkələrində plastmas və neftə tələbat artır.

65
Teqlər:
zavod, yanacaq, pandemiya, Çin, ABŞ

Azərbaycanın xarici ticarət göstəriciləri

11
İxracat sahəsində Azərbaycanın əsas ticarət tərəfdaşları İtaliya, Türkiyə, Rusiya, Yunanıstan, Çin və Hindistandır. İdxal sahəsində isə ölkəmiz daha çox Rusiya, Türkiyə, Çin, ABŞ, Almaniya və Fransa ilə əməkdaşlıq edir.
© Sputnik / Elnur Salayev

Azərbaycan Respublikası Dövlət Statistika Komitəsinin verdiyi məlumata görə, 2020-ci ilin yanvar-sentyabr ayları ərzində ölkənin xarici ticarət dövriyyəsi 17,83 milyard dollar təşkil edib ki, bunun 10 milyard dolları ixracın, 7,8 milyard dolları isə idxal məhsullarının payına düşür. Müsbət ticarət saldosu 2.2 milyard dollara bərabər olub.

Bu dövrdə Azərbaycan məhsullarının əsas satış bazarı – İtaliya (29,5%), Türkiyə (19,9%), Rusiya (4,7%), Yunanıstan (4,1%), Çin (4%) və Hindistan (3,4%) olub. Ölkəmiz isə daha çox Rusiya (18.4%), Türkiyə (14.4%), Çin (13%), ABŞ (6.7%), Almaniya (4.3%) və Fransadan (4,2% ) ticarət məhsulları idxal edib.

Yanvar-sentyabr aylarının yekunlarına görə, Azərbaycan ümumilikdə dünyanın 178 ölkəsi ilə ticarət əməliyyatları həyata keçirib.

Azərbaycanın xarici ticarəti ilə bağlı vəziyyətə dair daha geniş məlumatla Sputnik Azərbaycan-ın infoqrafikasından tanış ola bilərsiniz.

11
Xəzər dənizi, arxiv şəkli

Xəzərdə zəlzələ olub

0
(Yenilənib 16:13 24.11.2020)
Xəzər dənizindəki zəlzələnin maqnitudası 3,2 bal, dərinliyi 62 km olub. Yeraltı təkanlar hiss olunmayıb

BAKI, 24 noyabr — Sputnik. Bu gün Xəzər dənizində zəlzələ olub. Sputnik Azərbaycan-ın Respublika Seysmoloji Xidmət Mərkəzinə istinadən verdiyi xəbərə görə, zəlzələ yerli vaxtla saat 14:11-də Xəzər dənizində qeydə alınıb.

Zəlzələnin maqnitudası 3,2, dərinliyi 62 km olub. Zəlzələ hiss olunmayıb.

0
Teqlər:
zəlzələ, Xəzər dənizi