Yenilənmiş ət satışı məntəqəsi

Sayımızmı çoxalıb, pulumuzmu: 16 faiz nəyin artımıdır?

8098
(Yenilənib 17:22 14.01.2019)
Ötən il 2017-ci ilin eyni dövrü ilə müqayisədə ət idxalı dəyər ifadəsində 9,5%, miqdar ifadəsində isə 16,3% artıb

Xalid Məmmədov, Sputnik Azərbaycan

BAKI, 21 yanvar — Sputnik. 2018-ci ilin 11 ayında Azərbaycana 63 milyon 652 min ABŞ dolları dəyərində 43 min 262 ton ət və qida üçün yararlı ət əlavələri idxal olunub. Dövlət Gömrük Komitəsinin (DGK) məlumatına görə, 2017-ci ilin eyni dövrü ilə müqayisədə ət idxalı dəyər ifadəsində 9,5%, miqdar ifadəsində isə 16,3% artıb. 2018-ci ilin 11 ayında ət idxalı ölkənin ümumi idxalının cəmi 0,62%-ni əhatə edib.

Müslüm İbrahimov
© Photo : UNEC
Müslüm İbrahimov

İdxalın artımı ilə bağlı Azərbaycan Dövlət İqtisad Universitetinin (UNEC) professoru Müslüm İbrahimov Sputnik Azərbaycan-a deyib ki, daxili bazarda qiymətləri tənzimləmək və ətin qiymətinin artımının qarşısını almaq üçün idxal həyata keçirilir. Onun sözlərinə görə, Azərbaycanda ət idxalının artmasının səbəbi ilk növbədə istehlakın çoxalması ilə, ikincisi isə gəlirlərin artması ilə bağlıdır.

"Ümumiyyətlə, kənd təsərrüfatı məhsullarına tələbat həmişə iki faktorla müəyyənləşib: Birincisi, əhalinin sayı. Azərbaycanda əhalinin sayının artması müşahidə edilir. Bununla bağlı kənd təsərrüfatı və ərzaq məhsullarına tələbat ildən-ilə artır. Ona görə daxili bazarda qiymətləri tənzimləmək üçün idxaldan da istifadə edilir" - deyə ekspert bildirib.

M.İbrahimov qeyd edib ki, ikinci faktor gəlirlərin səviyyəsi ilə bağlıdır: "Azərbaycanda nominal gəlirlərin artması baş verib. Bu da ətə olan tələbatı artırıb. Bundan başqa, əsasən, heyvandarlığın inkişaf etdiyi bir sıra ölkələrdə ət məhsullarının qiyməti Azərbaycanın daxili qiymətlərindən ucuzdur. Ona görə ətin Azərbaycana gətirilməsi məqsədəuyğun hesab olunur. MDB ölkələri ilə müqayisədə Azərbaycanda istehlak səbətində ətin xüsusi çəkisi çoxdur".

"Onu da nəzərə almaq lazımdır ki, əsasən ərzaq məhsulları aldığımız MDB ölkələrində devalvasiya baş verib. Ona görə də daxili və xarici qiymətlərin arasında müəyyən dərəcədə fərq yaranır. Bu ölkələrdə istehsal edilən məhsulların qiyməti manata görə daha da ucuzlaşır" - deyə müsahibimiz vurğulayıb.

İbrahimov əlavə edib ki, ölkəmizdə ət istehsalının azalması mövsümi xarakter daşıyır. Çünki qida rasionunda dəyişiklik baş verir.

UNEC-in digər professoru Elşad Məmmədov isə, Sputnik Azərbaycan-a şərhində söyləyib ki, ət idxalının artımı əhalinin gəlirlərinin və yaxud əhalinin sayının artımı ilə izah oluna bilməz: "Statistik göstəricilər də bizə onu deməyə əsas verir ki, əhalinin gəlirləri 2018-ci ildə o dərəcədə artmayıb ki, istehlakda 16 faizlik artım olsun. Digər tərəfdən, əhalinin sayının artımı ilə bağlı da o dərəcədə yüksək göstəricilər yoxdur".

Transxəzər nəqliyyat dəhlizinin perspektivlərinə həsr olunmuş dəyirmi masa
© Sputnik / Murad Orujov
Dövlət İqtisadiyyat Universitetinin professoru Elşad Məmmədov

"Burada söhbət idxalın artımında digər amillərdən gedir. Bu amillər bir tərəfdən yerli istehsal ilə bağlıdır və yerli istehsalda kənd təsərrüfatı sahəsində mövcud olmuş problemlərlə bağlı ola bilər. Bu, bir qədər əvvəlki dövrdə heyvandarlıq üçün nəzərdə tutulmuş əkinlərin faktiki olaraq digər sahələrə verilməsi ilə bağlı olan problemlərlə izah oluna bilər" – deyə o bildirib.

E.Məmmədov onu da əlavə edib ki, 5-6 il bundan əvvəl heyvandarlıq üçün nəzərdə tutulmuş əkin sahələrinin digər kənd təsərrüfatı istiqamətlərinə yönləndirilməsi heyvandarlıqda müəyyən qədər mənfi proseslərin getməsinə, azalmaların olmasına səbəb olub: "Bu, bir səbəb kimi göstərilə bilər".

Ət idxalının artmasının ikinci səbəbinə gəlincə isə ekspert bildirib ki, bizim əsas qeyri-neft sektorundakı xarici ticarət tərəfdaşlarımızda ötən il valyutanın devalvasiyası baş verib: "Bu, həmin ölkələrin istehsalçılarına, o cümlədən kənd təsərrüfatı istehsalçılarına və ixracatçılarına imkan yaradıb ki, daha üstün rəqabət imkanlarına malik olsunlar. Bunun da həmin ölkələrdə qeyri-neft sektorunun, o cümlədən kənd təsərrüfatının inkişafı ilə bağlı proseslərə mənfi təsiri olub".

Qeyd edək ki, DGK-nın məlumatına əsasən, bu müddətdə ölkədən 1 milyon 29 min dollar dəyərində ət və qida üçün yararlı ət əlavələrinin ixracı həyata keçirilib. Bu isə ölkə üzrə cəmi ixracın 0,01%-ni təşkil edib.

8098
Teqlər:
Elşad Məmmədov, Sputnik Azərbaycan, Müslüm İbrahimov, UNEC, ekspert, professor, artım, qiymət, ixrac, idxal, ət, Dövlət Gömrük Komitəsi
Əlaqədar
Halal ət: Bu dəfə Rusiyadan Türkiyəyə
Külli miqdarda mənşəyi məlum olmayan ət aşkarlanıb
Bakıda yenilənmiş ət satışı məntəqəsi işə başladı
Qanunsuz ət satışı məntəqələrinə qarşı reyd keçirilib
Mənşəyi məlum olmayan 2.5 ton ət məhv edilib
Baş nazir Əli Əsədov

İşğaldan azad olunmuş ərazilərlə bağlı konsepsiya Nazirlər Kabinetində müzakirə edilib

9
Videomüşavirədə Azərbaycan Respublikası Prezidentinin göstərişinə əsasən İqtisadi Şura işğaldan azad olunmuş ərazilərin bərpası və inkişafı konsepsiyasının əsas parametrlərini müzakirə edib.

 

BAKI, 28 noyabr — Sputnik. Noyabrın 27-də Baş nazir Əli Əsədovun sədrliyi ilə İqtisadi Şuranın videomüşavirə formatında növbəti iclası keçirilib.

Nazirlər Kabinetinin mətbuat xidmətindən Sputnik Azərbaycan-a verilən xəbərə görə, Azərbaycan Respublikası Prezidentinin göstərişinə əsasən İqtisadi Şura işğaldan azad olunmuş ərazilərin bərpası və inkişafı konsepsiyasının əsas parametrlərini müzakirə edib.

Azərbaycan Respublikasının sosial-iqtisadi inkişafına dair digər məsələlər müzakirə olunub, müvafiq qərarlar qəbul edilib.

9
Teqlər:
işğaldan azad edilmiş ərazilər, baş nazir, Əli Əsədov, Nazirlər Kabineti
Azərbaycan manatı, arxiv şəkli

Qonşularımız pullarını "öldürürlər", biz - vergini. Malı kimə satmalı?

356
(Yenilənib 22:02 27.11.2020)
Ekspert: "Dünyada gedən valyuta müharibələrini də nəzərə alsaq, görürük ki, bütün ölkələr, əsasən də ixracatçı ölkələr, milli valyutalarını bir qədər ucuzlaşdırmağa çalışır. Yəni bunun hesabına ixracatı artıra bilsinlər deyə"

Xalid Məmmədov, Sputnik Azərbaycan

BAKI, 27 noyabr — Sputnik. Nazirlər Kabineti "Malların ixrac qeydi ilə satışı Qaydası"nı təsdiq edib. Sputnik Azərbaycan xəbər verir ki, bu Qayda Azərbaycanda istehsal olunmuş və ixrac üçün nəzərdə tutulan məhsulların istehsalçısı ilə qeyri-neft məhsullarının ixracatı sahəsində təcrübəsi olan ixracatçılar arasında əməkdaşlığın şərtlərini müəyyən edir və işgüzar münasibətlərini tənzimləyir.

İstehsalçı ixrac üçün nəzərdə tutulan məhsulu ixracatçıya təqdim edərkən ƏDV-yə sıfır dərəcə ilə cəlb olunur.

Bəs bu addım Azərbaycanda ixracın və yerli istehsalın artmasına, sahibkarlara dəstək verəcəkmi?

İqtisadçı, "Respublikaçı Alternativ" Partiyasının icra katibi Natiq Cəfərli Sputnik Azərbaycan-a deyib ki, bu addım ixracın stimullaşdırılması üçün atılıb: "Amma bununla yanaşı, bir sıra paralel addımlar da atılmalıdır ki, ixracın stimullaşdırılması üçün qarşıya qoyulan hədəflərə çatmaq mümkün olsun. Burada bir neçə problem mövcuddur.

Problemlərdən biri odur ki, son bir il ərzində qonşu ölkələrin milli valyutalarında kifayət qədər ciddi ucuzlaşma prosesi baş verib. Əsasən də bizim əsas ticarət tərəfdaşımız olan Türkiyə ilə Rusiyada lirə və rubl kifayət qədər ciddi şəkildə dəyərdən düşüb. Gürcüstanda da lari il ərzində 15-18 faiz ucuzlaşıb. Bu da idxalı stimullaşdırır, yerli istehsal və ixracat ilə bağlı müəyyən əngəllər yaradır".

"Dünyada gedən valyuta müharibələrini də nəzərə alsaq, görürük ki, bütün ölkələr, əsasən də ixracatçı ölkələr, milli valyutalarını bir qədər ucuzlaşdırmağa çalışır. Yəni bunun hesabına ixracatı artıra bilsinlər deyə. Digər bir institusional problem odur ki, bizim qeyri-neft ixracımız hələlik çoxşaxəli modelə keçməyib. Son dövrlərdə qeyri-neft məhsulları ixrac etdiyimiz ölkələrin sırasında Rusiya öndədir. Burada çoxşaxəli modelə keçməliyik, yəni yeni bazarlara çıxış imkanları kifayət qədər məhduddur", - deyə ekspert qeyd edib.

O bildirib ki, həmişə ixracda hədəf kimi biz qonşu ölkələri götürmüşük: "Amma yeni bazarlara çıxış əldə etsək, Azərbaycanın əsasən də aqrar sektorda olan məhsullarını daha baha qiymətə sata bilərik. Bununla bağlı da işlər görülməlidir. Düzdür, müəyyən işlər aparılıb, Azərbaycanın xaricdə ticarət nümayəndəlikləri açılıb, amma yetərli deyil. Nazirlər Kabinetinin bu addımı təqdirəlayiqdir, stimullaşdırıcı addımdır. Lakin paralel olaraq bir çox problemlər də aradan qaldırılmalıdır ki, ixracın stimullaşdırılması ilə bağlı addımlar effekt verə bilsin".

"Bəzi ixracatçılar var idi ki, daxili bazardan topladıqları məhsulları xarici bazara çıxardırdı və daxili bazar amilinə görə şəxs ƏDV ödəməyə məhkum idi. İndi daxili sənədləşmədə 18 faizlik ƏDV ödənilməyəndə bunun ixracat ilə bağlı müəyyən stimullaşdırıcı təsiri olacaq", - deyə ekspert əlavə edib.

Dövlət Vergi Xidmətinin şöbə rəisi Elnur Yusifov bu qərar ilə bağlı şərhində deyib ki, "Malların ixrac qeydi ilə satışı Qaydası"nda ixrac qeydi ilə satış həyata keçirən şəxsə (istehsalçıya) və ixrac qeydi ilə alınan malların ixracını həyata keçirən şəxsə (ixracatçıya) dair tələblər, malların ixrac qeydi ilə satışına aid edilməyən şəxslər və əməliyyatlara nəzarət, ixrac qeydi ilə malların ixracının həyata keçirilməsi prosesinə nəzarət tədbirləri öz əksini tapır:

"Bu imkandan yararlanmaq üçün istehsalçı və ixrac qeydi ilə alınan malların ixracını həyata keçirən şəxs (ixracatçı) Qaydada onlar üçün müəyyən edilmiş tələblərə cavab verməlidirlər. Qaydanın 3-cü hissəsində müəyyən edilmiş şəxslər və əməliyyatlar istisna olmaqla, Qayda ölkə ərazisində qeyri-neft məhsulları istehsal edən bütün istehsalçılara və ixracatçılara şamil olunur. İstehsalçı ixrac üçün nəzərdə tutulan məhsulu ixracatçıya təqdim edərkən Vergi Məcəlləsinin 165.1.9-cu maddəsinə müvafiq olaraq ƏDV-yə 0 dərəcə ilə cəlb olunur".

Şöbə rəisi qeyd edib ki, bu mexanizm ixracatçının ixrac edəcəyi malların alışına görə ödəməli olduğu ƏDV-nin məbləği qədər dövriyyə vəsaitinə qənaət etməsinə şərait yaradır və inzibatçılıq yükünü azaldır.

Qeyd edək ki, bu Qayda Nazirlər Kabinetinin 2020-ci il 14 noyabr tarixli qərarı ilə təsdiq edilib. İxrac qeydi ilə satılan mallara Azərbaycan ərazisində istehsal olunan qeyri-neft məhsulları aid edilir.

"Malların ixrac qeydi ilə satış qaiməsi"ndə satışı həyata keçirilən malların kodu, adı, ölçü vahidi və miqdarı əks olunur. "Malların ixrac qeydi ilə satış qaiməsi"ndə istehsalçı tərəfindən satılmış malların 3 ay müddətində ixrac edilməsi şərti qeyd edilir.

Bu Qaydanın tələblərinə əməl olunmasına nəzarət Dövlət Vergi Xidməti tərəfindən həyata keçirilir.

356
Teqlər:
ekspertlər, Elnur Yusifov, Natiq Cəfərli, stimul, sıfır dərəcə, ƏDV, ixracatçı, ixracat, ixrac
: Yaponiyada qoruyucu maskada olan insanlar

İnsana hörmət: COVID-ə görə təmassız lift yaratdılar

0
(Yenilənib 17:58 29.11.2020)
Ötən həftədən etibarən Yaponiyada yoluxma üzrə antirekordlar bir-birini əvəzləyir. Bazar günü bu ölkədə sutka ərzindən 2058 nəfərdə COVID-19-a yoluxma aşkarlanıb

BAKI, 29 noyabr - Sputnik. Yaponiyanın Hitachi Ltd. və Mitsubishi Electric şirkətləri koronavirus infeksiyasının yayılmasının qarşısını almaq üçün təmassız lift modelləri təqdim ediblər.

Sputnik Azərbaycan bildirir ki, NHK telekanalının məlumatına görə, yeni Hitachi modelində liftin çağırılması, yaxud da hansısa mərtəbəyə qalxması üçün düymələrə gərək yoxdur. Bunun üçün LİNE ani mesajlaşma tətbiqindən, yaxud liftin kabinəsinin böyründə həkk olunmuş xüsusi QR-şifrənin skanından istifadə etmək olar. İstənilən mərtəbənin seçimini insan öz smartfonu vasitəsilə idarə edir, buna görə də hansısa düyməyə basmağa gərək qalmır.

Mitsubishi Electric-in lifti isə avtomatik olaraq gəlir və adamı lazımi mərtəbəyə qaldırır, ancaq bunun üçün öncədən sistemə smartfon üçün olan tətbiq vasitəsilə həmin adam haqda məlumatlar daxil edilməlidir.

Ötən həftədən etibarən Yaponiyada yoluxma üzrə antirekordlar bir-birini əvəzləyir. Bazar günü bu ölkədə sutka ərzindən 2058 nəfərdə COVID-19-a yoluxma aşkarlanıb, 10 nəfər dünyasını dəyişib. Epidemiya başlayandan Yaponiyada 148272 nəfər yoluxub, bunlardan 2133 nəfər dünyasını dəyişib. 122550 nəfər isə sağala bilib.

0
Teqlər:
kontaktsız, lift, risk, yoluxma, Yaponiya, Koronavirus, epidemiya, COVID-19
Mövzu:
Dünyanı cənginə almış bəla