Vergi dəyişikliklərinə həsr olunmuş mətbuat konfransı

Rəsmi güzəşt: Daha az vergi ödəyə bilərsiniz

226
(Yenilənib 15:56 11.01.2019)
"Sadələşdilmiş vergitutma sistemindən məhrum olan şəxslərə kifayət qədər güzəştlər tətbiq olunub"

BAKI, 11 yanvar — Sputnik. Bu gün Sputnik Azərbaycan Multimedia Mətbuat Mərkəzində keçirilən tədbirdə 2018-ci ildə Azərbaycanın vergi qanunvericiliyinə edilən dəyişikliklər müşakirə edilib. Tədbirdə çıxış edən İqtisadi Resursların Öyrənilməsi Mərkəzinin (İRÖM) sədri Ruslan Atakişiyev deyib ki, bu dəyişikliklər ölkə iqtisadiyyatına və əhalinin rifahına təsir edəcək.

Onun sözlərinə görə, dəyişiklərin məqsədi kölgə iqtisadiyyatının həcminin azaldılmasıdır: "Bununla həm də sadələşdirilmiş vergi bazası azaldılacaq. Araşdırmalar göstərdi ki, tətbiq olunan sadələşdirilmiş vergi bazası bir çox hallarda vergidən yayınmaya şərait yaradırdı".

"Digər tərəfdən, burada məqsəd əmək müqavilələrinin rəsmiləşdirilməsininin genişləndirilməsidir. Kölgə iqtisadiyyatının formalaşmasının səbəblərdən biri də işçilərə əmək haqqının rəsmi və qeyri-rəsmi formada verilməsi idi" - deyə Atakişiyev bildirib.

"Yeni dəyişikliklərə əsasən 8 min manata qədər qazancı olan şəxslər gəlir vergisindən azad olunur. Bu da sahibkara işçi ilə müqavilə bağlamasına imkan yaradacaq. Bu ilin dövlət büdcəsinə gəlir vergisindən daxilolmalar 300 milyon manat azalıb. Amma bu dəyişikliklərdən gözlənti odur ki, hər il 10-15 faizlik rəsmiləşmə hesabına dövlət həmin 300 milyonu bərpa edəcək" - deyə o, əlavə edib.

Bakı Hesabat Mərkəzinin (BHM) direktoru, müstəqil auditor Mehdi Babayev isə deyib ki, dəyişikliklər ən çox kiçik sahibkarlıq subyektlərinə təsir edəcək: "Kiçik sahibkarların içərisində fiziki şəxslər üstünlük təşkil edir. Dəyişikliklərə diqqət yetirəndə görürük ki, burada sahibkarların vergi yükü artmır. Hətta istəsələr, sadələşdirilmiş vergi ödəyicisi olduqları dövrdəkindən daha az vergi ödəyə bilərlər".

"Bu, gəlirlərin və xərclərin düzgün uçotunun aparılması halında mümkündür. Həmçinin, sadələşdilmiş vergitutma sistemindən məhrum olan şəxslərə kifayət qədər güzəştlər tətbiq olunub. Əgər sahibkar xərclərin uçotunu aparmazsa, 5 faiz vergi ödəmiş olacaq. Ancaq uçot aparılarsa, hətta onlar əvvəlkindən daha az vergi ödəmək imkanı əldə edəcəklər" - deyə M.Babayev vurğulayıb.

226
Teqlər:
Ruslan Atakişiyev, güzəşt, sahibkar, vergi
Əlaqədar
Vergilər Nazirliyi SOCAR məsələsinə aydınlıq gətirdi
Vergilər Nazirliyi vergi ödəyicilərinə müraciət edir
"Yeni vergi qanunvericiliyi müsbət nəticələr doğuracaq"
Auditor: “Sahibkarlar əvvəlkindən daha az vergi ödəyə bilərlər”
Qaz plitəsi, arxiv şəkli

Camaat bu il qaza xeyli qənaət edib, limiti çox az abonent keçib

10
“Yol xəritəsi”ndə “Azəriqaz” İB üçün itkilərlə bağlı hədəf 8% müəyyənləşdirilib ki, cari ildə bu hədəfə çatılması təmin ediləcək.

BAKI, 26 noyabr — Sputnik. 2020-ci ilin 10 ayının iqtisadi göstəricilərinə görə, noyabr ayının birinə olan məlumata əsasən, “Azəriqaz” İstehsalat Birliyində qeydiyyatda olan 2 milyon 310 min 414 əhali abonentinin cəmi 9,68%-i illik hər kubu 10 qəpikdən satılan 2200 kubmetrlik güzəştli limit həddini keçib.

Qurumdan Sputnik Azərbayca-a verilən məlumata görə, bu rəqəm say etibarı ilə 223599 abonent deməkdir. Yerdə qalan 2 milyon 086 min 815 abonent (ümumi əhali abonentlərinin 90,32%) qazdan güzəştli limit daxilində istifadə edib.

Bundan əlavə, 2019-cu ilin müvafiq dövrü ilə müqayisədə qaz itkilərinin azalma fərqi 0,7% olub. Buna hər il icra edilən tədbirlər proqramı əsasında şəbəkədə aparılan yenilənmə işləri və digər islahatlarla nail olunub. Qeyd edək ki, “Yol xəritəsi”ndə “Azəriqaz” İB üçün itkilərlə bağlı hədəf 8% müəyyənləşdirilib ki, cari ildə bu hədəfə çatılması təmin ediləcək.

10
 Azərbaycan hərbçiləri və rusiya sülhməramlıları Laçın dəhlizində, arxiv şəkli

Fransa adına ləkə: Qətnamə Ermənistanla Azərbaycan arasındakı razılaşmanı təhlükəyə atır

114
(Yenilənib 11:44 26.11.2020)
Deputat bildirib ki, bu kağız parçası rişxənd doğuran maddələrlə doludur. Fransa Senatı Azərbaycanı öz ərazisinə hücum etməkdə qınayır. İşğaldan azad olmuş torpaqlarımızı işğalçıya geri qaytarmağa çağırır.

BAKI, 26 noyabr — Sputnik. "Fransa Senatının dünən qəbul etdiyi qətnamədəki məqamlar düşmənçiliyin daha da artmasına yönəlib. Bu, Fransa adına böyük bir ləkədir".

Sputnik Azərbaycan xəbər verir ki, bunu parlamentin bu gün keçirilən plenar iclasında deputat Azay Quliyev deyib.

"Biz Fransanın vasitəçilik missiyasından imtina etməliyik. Biz daha kəskin addımlar atmalıyıq. Parisdəki səfirimiz geri çağırılmalı, iqtisadi əlaqələr tamamilə dayandırılmalıdır", - deyə o qeyd edib.

Deputat bildirib ki, bu kağız parçası rişxənd doğuran maddələrlə doludur. Fransa Senatı Azərbaycanı öz ərazisinə hücum etməkdə qınayır. İşğaldan azad olmuş torpaqlarımızı işğalçıya geri qaytarmağa çağırır.

O bildirib ki, qətnamədə əks olunan bütün müddəalar Ermənistan və Azərbaycan arasında əldə olunan sülh razılaşmasını təhlükəyə atır: "Bu sənəd bölgədə yenidən münaqişənin alovlanmasına şərait yaradır. Bu qətnamənin müəllifləri bir tərəfdən Fransanın həmsədr kimi rolunun artırılmasından bəhs edir, digər tərəfdən isə bu missiyanın bütün tələblərini kobud şəkildə pozaraq Ermənistanın belə tanımadığı qondarma qurumun müstəqilliyini tanımağa çağırır. Qətnamə ləğv olunana kimi Azərbaycan-Fransa parlamentlərarası dostluq qrupunun da fəaliyyəti dayandırılmalıdır. Fransa Prezidenti bu yaxınlarda Dağlıq Qarabağın Azərbaycan ərazisi olduğunu bəyan etmişdi. Ona görə də Makron bu qətnamənin mətnini dəyişməlidir".

114
Teqlər:
səfir, təhdid, razılaşma, qətnamə, Senat, Fransa, Azərbaycan, Qarabağ
Mövzu:
Azərbaycan və Ermənistan arasında müharibə

Rusiyalı sülhməramlılar Laçın dəhlizində təhlükəsizliyə necə nəzarət edirlər video

0
(Yenilənib 15:04 26.11.2020)
Rusiyalı sülhməramlıların Laçın dəhlizi ilə nəqliyyat hərəkətinin təhlükəsizliyini necə təmin etdiyini videoda izləyin.

Dağlıq Qarabağda Rusiya sülhməramlıları üçtərəfli sülh razılığı və atəşkəs rejiminin təmin edilməsinə nəzarət edir. 

Hərbçilər təmas xəttində yerləşən 23 müşahidə məntəqəsindən vəziyyəti gecə-gündüz müşahidə edir. Sülhməramlılar həm də Laçın dəhlizi boyunca hərəkətin təhlükəsizliyini təmin edirlər.

Kəlbəcərə ilk daxil olan Azərbaycan hərbçiləri - FOTOLAR>>

İstehkamçılar hərbi əməliyyatlardan zərər çəkən əraziləri minalardan təmizləyirlər. Mühəndis bölmələri yolları təmizləyir, bölgədə nəqliyyat hərəkətinin tənzimlənməsinə yardım edir, habelə yaşayış məntəqələrinin su, enerji və istilik tədarükünü bərpa edir.

0