Azərbaycan dövlət büdcəsi - 2019 - Sputnik Azərbaycan Multimedia Mərkəzində keçirilən tədbir

"Ölkədə pul kredit siyasəti adekvat vəziyyətə gətirilməlidir"

47
(Yenilənib 14:18 08.11.2018)
Büdcənin əsas hissəsi sosial sferaya yönəldilməlidir

BAKI, 8 noyabr — Sputnik. "Azərbaycan iqtisadiyyatında artıq büdcə vəsaitlərinin mövcudluğundan danışmaq doğru deyil". Bunu Sputnik Azərbaycan Multimedia Mərkəzində keçirilən tədbirdə Elşad Məmmədov deyib.

Professor bildirib ki, Beynəlxalq Valyuta Fondu tərəfindən davamlı olaraq bununla bağlı Azərbaycana tövsiyələr verilir və müxtəlif illüziyalar yaradılmağa çalışılır: "Hesab edirəm ki, büdcənin əsas hissəsi sosial sferaya yönəldilməlidir. Çünki sosial sferaya yönəldilən vəsaitlər xroniki olaraq az çəkiyə malikdir. Buna görə də sosial sahələrə ayırmalar ən azı iki dəfə artırılmalıdır. Ölkədə pul kredit siyasəti adekvat vəziyyətə gətirilməlidir".

47
Əlaqədar
ABŞ borc içində batır, büdcə kəsiri 1 trilyon olacaq
Gələn ilki büdcə zərfinin müzakirəsinə başlanılıb
İnanılmaz rəqəm: 854 milyardlıq büdcə təsdiqləndi
Qalmaqal: Səfir büdcə vəsaitinin mənimsənilməsində ittiham edilir
Büdcə vergi siyasətində bir sıra vacib dəyişikliklər baş verəcək
Neft buruğu, arxiv şəkli

Azərbaycan nefti ucuzlaşır

626
"Brent" markalı neftin qiyməti 0,02 dollar geriləyərək 41,42 dollar, "Light" markalı neftin qiyməti isə 0,09 dollar ucuzlaşaraq 39,22 dollar olub.

BAKI, 22 sentyabr — Sputnik. Azərbaycan neftinin qiyməti ucuzlaşıb.

Sputnik Azərbaycan xəbər verir ki, "Azeri Light" markalı neftin bir barelinin qiyməti 2,19 dollar ucuzlaşaraq 41,45 dollar təşkil edib.

"Brent" markalı neftin qiyməti 0,02 dollar geriləyərək 41,42 dollar, "Light" markalı neftin qiyməti isə 0,09 dollar ucuzlaşaraq 39,22 dollar olub.

Qeyd edək ki, Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

626
Yaşlı insanlar, arxiv şəkli

Pensiya yaşı artırılacaq? Rəsmi açıqlama

38
(Yenilənib 19:22 21.09.2020)
"Kişilər üçün 65 yaş artıq pensiyaya çıxmaq üçün müəyyən edilən sonuncu yaş həddidir. Bundan sonra kişilərin pensiya yaşı ilə bağlı artım olmayacaq".

BAKI, 21 sentyabr — Sputnik. Azərbaycanda bundan sonra kişilərin pensiya yaşının artırılması nəzərdə tutulmur".

Sputnik Azərbaycan-ın məlumatına görə, bunu Əmək və Əhalinin Sosial Müdafiəsi Nazirliyi nəzdində Dövlət Sosial Müdafiə Fondunun (DSMF) əməkdaşı Ayxan Məcidov "Pensiya təyinatı və hesablanma qaydaları"na həsr olunan canlı bağlantıda deyib.

A.Məcidov qeyd edib ki, hazırda yaşa görə əmək pensiyasının təyin edilməsi üçün kişilər üçün yaş həddi 65, qadınlar üçün 62 yaşdır: "Kişilər üçün 65 yaş artıq pensiyaya çıxmaq üçün müəyyən edilən sonuncu yaş həddidir. Bundan sonra kişilərin pensiya yaşı ilə bağlı artım olmayacaq. Artıq 65 yaşı olan kişilər davamlı olaraq pensiyaya çıxma imkanı əldə edə biləcəklər. Qadınlar üçün isə 62 yaş 30 iyun 2021-ci il tarixinə kimi qüvvədə qalacaq. Ondan sonra isə pensiya üçün yaş həddi 6 ay artırılacaq".

O deyib ki, son 2 ildə pensiya sahəsində ciddi islahatlar aparılıb, pensiyaçıların pensiyaya çıxma imkanlarının mülayimləşdirilməsi prosesi baş verib.

Fond rəsmisi deyib ki, 2019-cu il 1 yanvar tarixindən pensiya yaşına çatan şəxslərin 25 illik stajının tanınması əksər insanların pensiyaya çıxma imkanlarını artırdı:

"1 yanvar 2006-cı il tarixdən 1 iyul 2018-ci il tarixədək şəxsin minimum staja malik olması əsas şərtlərdən idi. Şəxsin 1 ay belə stajı var idisə, onun 2006-cı il tarixədək stajı tanındı. 25 il də pensiyaya çıxmaq üçün tələb olunan norma olduğu üçün minlərlə vətəndaş pensiyaya çıxmaq imkanı əldə etdi".

38
Teqlər:
Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondu, Azərbaycan Respublikasının Əmək və Əhalinin Sosial Müdafiəsi Nazirliyi, Əmək və Əhalinin Sosial Müdafiəsi Nazirliyi, "Əmək pensiyaları haqqında" qanun, pensiya təminatı, əmək pensiyaları, əmək pensiyası, pensiya yaşı, pensiya
Əlaqədar
Pensiya almaq istəyənlərə şad xəbər - stajları bir neçə il artacaq
Yaşa görə orta aylıq pensiya artıb
Pensiya və yardım kartı itənlərə xəbərdarlıq
Kişilər və qadınlar üçün yeni pensiya yaşı müəyyənləşdi
Koronavirus testi, arxiv şəkli

Azərbaycanda son sutkada 98 nəfər COVID-19-a yoluxub

0
(Yenilənib 15:41 22.09.2020)
Azərbaycanda indiyədək ümumilikdə 39378 nəfər koronavirus infeksiyasına yoluxub. Onlardan 36949 nəfər müalicə olunaraq sağalıb, 578 nəfər vəfat edib, aktiv xəstə sayı 1851 nəfərdir.

BAKI, 22 sentyabr - Sputnik. Azərbaycan Respublikasında koronavirus (COVID-19) infeksiyasına 98 yeni yoluxma faktı qeydə alınıb, 113 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 2 nəfər vəfat edib.

Azərbaycanda indiyədək ümumilikdə 39378 nəfər koronavirus infeksiyasına yoluxub. Onlardan 36949 nəfər müalicə olunaraq sağalıb, 578 nəfər vəfat edib, aktiv xəstə sayı 1851 nəfərdir.

Ölkədə son sutka ərzində 6672, hazırkı dövrədək isə 1064475 test aparılıb.

0