Azərbaycan manatı

Gəlir vergisinin kimlərə tətbiq ediləcəyi bəlli oldu

1031
(Yenilənib 11:18 01.11.2018)
Bu o deməkdir ki, işçi gəlir vergisindən azad edilsə də, sosial vergi ödəyəcək

BAKI, 1 noyabr — Sputnik. Təklif olunan gəlir vergisi üzrə güzəştlər necə və kimlərə tətbiq olunacaq? Sputnik Azərbaycan xəbər verir ki, bu barədə iqtisadçı Vüqar Bayramov öz "Facebook" səhifəsində yazıb.

O qeyd edib ki, təklif edilən dəyişikliklərə görə, aylıq gəliri 8 min manatadək olanlar üçün gəlir vergisində 100 faiz, 8 min manatdan yüksək olanlar üçün isə 44 faiz güzəşt tətbiq ediləcək: "Güzəştlər 7 il müddətində qüvvədə olacaq. Bu, o deməkdir ki, 8 min manatadək əmək haqqı alanlar, yəni işləyən vətəndaşlarımızın böyük əksəriyyəti gəlir vergisi ödəməyəcək".

"Bununla belə, sosial ödənişin işçi ilə işəgötürən arasında bölüşdürülməsi təklif edilir. Bu da o deməkdir ki, işçi gəlir vergisindən azad edilsə də, sosial vergi ödəyəcək. İlkin məlumatlara görə, sosial ödəniş faizi hazırkı gəlir vergisi dərəcəsindən az olacaq, amma onun iki rəqəmli olacağı gözlənilir. Güzəştlər qeyri-neft və qeyri-dövlət sektorunda çalışanlara şamil ediləcək" - deyə iqtisadçı bildirib.

1031
Teqlər:
Vüqar Bayramov, iqtisadçı, vergi
Əlaqədar
Vergi sistemində tətbiq olunacaq yeniliyin mahiyyəti aydın oldu: İşimiz asanlaşır
Sadələşdirilmiş vergi sisteminin ləğvi barədə məlumatlara aydınlıq gətirildi
Vergi sistemindəki islahatlar özündə nələri ehtiva edir - İki prioritet istiqamət
Sadələşdirilmiş vergi ləğv edilərsə, hər kəsə bir mühasib lazım olacaq
Azərbaycan manatı, arxiv şəkli

Prezident 190 manatla bağlı göstəriş verdi

53
(Yenilənib 16:48 06.08.2020)
600 min işsiz insan, o cümlədən qeyri-formal məşğulluqda fəaliyyət göstərən və müvəqqəti olaraq öz işini itirən, aztəminatlı təbəqəyə aid olan insan dövlət tərəfindən qayğı ilə əhatə olunubdur

BAKI, 6 avqust — Sputnik. "Azərbaycanda iqtisadi və sosial məsələlər öz həllini tapır. Sadəcə olaraq, son aylar ərzində görülmüş işlərə baxmaq kifayət edər ki, hər kəs görsün nə qədər böyük işlər görülüb".

Sputnik Azərbaycan xəbər verir ki, bunu Prezident İlham Əliyev ölkəmizdə koronavirus pandemiyası ilə mübarizə sahəsində görülən tədbirlər və sosial-iqtisadi vəziyyətlə bağlı videoformatda keçirdiyi müşavirədə bildirib.

"Biz təqribən 5 milyona yaxın insanı geniş sosial paketlə əhatə etdik. Dövlət sektorunda çalışan 900 min insanın böyük əksəriyyəti faktiki olaraq işləmir, ancaq dövlət tərəfindən əməkhaqqı alır. 760 min sahibkara lazımi maliyyə dəstəyi göstərildi və onların iş yerləri qorundu. Əks təqdirdə, 760 min insan işsiz qala bilərdi. Çünki onların çalışdıqları sektorlar pandemiya nəticəsində ən böyük zərər görmüş sektorlardır. Təbii ki, sahibkarlar, işəgötürənlər indi gəlir əldə etmirlər və beləliklə, yüz minlərlə insan işsiz qala bilərdi. Yenə də dövlət operativ tədbirlər nəticəsində dərhal bu məsələyə müdaxilə etdi. Əlbəttə ki, bu məqsədlər üçün böyük maliyyə resursları xərclənibdir.

600 min işsiz insan, o cümlədən qeyri-formal məşğulluqda fəaliyyət göstərən və müvəqqəti olaraq öz işini itirən, aztəminatlı təbəqəyə aid olan insan dövlət tərəfindən qayğı ilə əhatə olunubdur. Onlara artıq bir neçə ay ərzində 190 manat müavinət verilir. Hesab edirəm ki, bu sosial dəstək bundan sonra da davam etdirilməlidir. Hazırda Azərbaycanın 13 şəhər və rayonunda sərt karantin rejimi tətbiq edilir. Həmin rayonların bu kateqoriyaya aid insanları bu dəstəklə bundan sonra da əhatə olunmalıdır. Sizə göstəriş verirəm ki, avqust ayında da onlara 190 manat ödənilsin".

53
Neft buruqları, arxiv şəkli

Azərbaycan nefti kəskin bahalaşdı

9
"Brent" markalı neftin qiyməti 0,36 dollar bahalaşaraq 45,53 dollar, "Light" markalı neftin qiyməti isə 0,22 dollar artaraq 42,41 dollar təşkil edib.

BAKI, 6 avqust — Sputnik. Azərbaycan neftinin qiyməti bahalaşıb.

Sputnik Azərbaycan xəbər verir ki, "Azeri Light" markalı neftin bir barrelinin qiyməti 1,71 dollar artaraq 47,16 dollar olub.

"Brent" markalı neftin qiyməti 0,36 dollar bahalaşaraq 45,53 dollar, "Light" markalı neftin qiyməti isə 0,22 dollar artaraq 42,41 dollar təşkil edib.

Qeyd edək ki, Azərbaycan neftinin bir barrelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

9
Bakıda tibbi maskada olan gənc, arxiv şəkli

Bakıda ən çox yoluxmanın qeydə alındığı ərazilər - SIRALAMA

0
(Yenilənib 17:49 06.08.2020)
Ən az yoluxma isə Səbail rayonu ərazisində qeydə alınıb ki, burada yoluxma Bakı şəhəri üzrə ümumi statistikanın 4.5 faizini təşkil edib

BAKI, 6 avqust — Sputnik. Bakıda COVID-19-a yoluxma ən çox Binəqədi rayonu ərazisində qeydə alınıb. Sputnik Azərbaycan-ın koronavirusinfo.az-a istinadən xəbərinə görə, qeyd olunan rayonda yoluxma 14.2 faiz təşkil edib.

Daha sonrakı yerdə qərarlaşan Xətai rayonunda yoluxma 12.2 faiz, Sabunçu rayonunda 11.9 faiz, Yasamal rayonunda isə 11.8 faiz təşkil edib. Ən az yoluxma isə Səbail rayonu ərazisində qeydə alınıb ki, burada yoluxma Bakı şəhəri üzrə ümumi statistikanın 4.5 faizini təşkil edib.

0