Manat və dollar

Banklar da hazırlaşır, əhali də: Yaxın müddətdə dollara tələbat artacaq

7483
(Yenilənib 02:50 26.10.2018)
"İdxalda artımın olması daxili valyuta bazarlarında dollara tələbatı artıran əsas faktorlardan biridir"

Xalid Məmmədov, Sputnik Azərbaycan

BAKI, 26 oktyabr — Sputnik. Ardıcıl altıncı aydır ki, Azərbaycanda banklar tərəfindən əhaliyə dollar satışı alışını üstələyir. Avqust ayında banklar tərəfindən əhaliyə 542,749 mln. dollar satılıb, bu müddətdə isə əhalidən 157,376 mln. dollar alınıb.

İyul ayı ilə müqayisədə xalis nağd dollar satışında 28 dəfə artım qeydə alınıb. Bu müddətdə nağd dollar alışı 10,3% azalıb, satışı isə 2,9 dəfə artıb. Bu barədə Mərkəzi Bankın məlumatında bildirilir.

İqtisadçı-ekspert Rəşad Həsənov
İqtisadçı-ekspert Rəşad Həsənov

İqtisadçı-ekspert Rəşad Həsənov Sputnik Azərbaycan-a deyib ki, banklar tərəfindən əhaliyə nağd dollar satışının artmasında bir neçə faktor əsas rol oynayır: "İlk faktor ölkədə idxalın həcminin artmasıdır. 2018-ci ildə idxalın əhəmiyyətli səviyyədə artdığını müşahidə edirik. İdxalın ümumi artımı 20 faizə yaxındır. İdxalda artımın olması son nəticədə daxili valyuta bazarlarında dollara tələbatı artıran əsas faktorlardan biridir".

Onun sözlərinə görə, ikinci faktor son dövrlərdə, xüsusilə, avqust ayından etibarən qonşu ölkələrdəki valyuta bazarlarında gərginliyin və milli valyutalara təzyiqin artması ilə bağlıdır: "Bu, son nəticədə Azərbaycanda daxili bazarlarda manat üzərində təzyiq mühiti formalaşdırıb və istər-istəməz bazar iştirakçılarında manatın məzənnəsi ilə bağlı tərəddüd və şübhələri artırıb".

"Beləliklə, Mərkəzi Bank tərəfindən təşkil olunan depozit hərraclarında iştirak zamanı tələbin azalmasını müşahidə etdik. Bankların özü belə, manatla depozitlərə nisbətən daha az meyl göstərərək öz vəsaitlərini xarici valyutalarda yerləşdirməyə üstünlük verib. Eyni zamanda, vətəndaşlar və biznes subyektlərinin öz yığımlarının bir hissəsini xarici valyutaya çevirib saxlaması trendinin formalaşmasını gördük" — deyə ekspert bildirib.

R.Həsənov qeyd edib ki, son 4 ayda ABŞ dolları əhəmiyyətli səviyyədə öz mövqeyini dünya bazarlarında möhkəmləndirib: "Bu isə, son nəticədə yığımlarda ABŞ dollarına marağın artmasına gətirib çıxarıb. Bütövlükdə bu faktorlar son nəticədə banklar tərəfindən satılan xarici valyuta və ABŞ dolları həcminin əhəmiyyətli səviyyədə artmasına gətirib çıxarır".

İqtisadçı-ekspert Vüqar Bayramov da Sputnik Azərbaycan-a deyib ki, il ərzində bir sıra aylarda dollara tələbin daha yüksək olacağı proqnozlaşdırılıb: "Bu aylardan biri də avqust ayı olub və bu ayda dollara tələbin artması müşahidə edilib. Bu ilin noyabrın ikinci yarısında və dekabrda dollara tələbin yenidən yüksələcəyi proqnozlaşdırılıb".

Vüqar Bayramov
Vüqar Bayramov

"Son monitorinqlər və təhlillər göstərir ki, Azərbaycanda banklar tərəfindən satılan dolların, təxminən, 90 faizi idxal üçün istifadə olunur. Son 9 ayın rəqəmləri də göstərir ki, Azərbaycanda idxalda artımlar var. İdxalın artması fonunda dollara tələb artır. Dollara tələbi artıran əsas faktorlardan biri məhz idxaldır. İdxal nə qədər artacaqsa, o qədər də dollara tələbin artması müşahidə olunacaq" — deyə o bildirib.

Mütəxəssisin fikrincə, ikinci faktor xüsusən də qonşu ölkələrdə əhalinin dollara tələbinin artmasıdır və bu, milli valyutaların məzənnələrində dəyişiklik fonunda baş verib: "2014-2015-ci illərdən fərqli olaraq, şəxsi yığımlar üçün dollara tələbin artması ümumi tələbə idxal qədər təsir göstərmir. İdxal yenə də dominantdır. Bu, onunla bağlıdır ki, banklarda, şirkətlərdə dollarlaşma prosesi yüksəkdir və onlar əvvəlki illərdə öz vəsaitlərinin əhəmiyyətli hissəsini xarici valyutaya çevirib".

"Amma buna rəğmən, yenə, xüsusən qonşu ölkələrdə valyutaların məzənnəsinin dəyişməsi fonunda əhalinin də dollara tələbinin artması müşahidə olunur. Bu, özünü daha çox avqust ayında göstərib. Bu kontekstdən əhalinin dollara tələbinin artması ümumi tələbi artıran əsas faktorlardan biridir" — Bayramov vurğulayıb.

Ekspertin qənaətincə, ilin sonuna doğru yenidən dollara tələbin artması müşahidə olunacaq: "İlin sonunda idxal artır. Xarici, dövlət və özəl müəssisələrin xarici borc öhdəlikləri var və onların dollara tələbi artır. O baxımdan, biz yenidən ilin sonuna Azərbaycanda dollara tələbin artacağını proqnozlaşdırırıq".

7483
Teqlər:
ixrac, idxal, ekspert, dollar, manat, İqtisadçı-ekspert Rəşad Həsənov, Vüqar Bayramov
Əlaqədar
Dollar yenə bahalaşacaq - ABŞ hərəkətə keçir
Qonşu ölkə dollardan imtina edir
Dollarla bağlı pis xəbər gəldi, FED bahalaşmaya getdi
Azərbaycan-Rusiya hesablaşmalarında dollardan imtina edilir?
Ekspert: “Noyabrda neftin qiyməti 90 dolları keçə bilər”
Qaz plitəsi, arxiv şəkli

Camaat bu il qaza xeyli qənaət edib, limiti çox az abonent keçib

10
“Yol xəritəsi”ndə “Azəriqaz” İB üçün itkilərlə bağlı hədəf 8% müəyyənləşdirilib ki, cari ildə bu hədəfə çatılması təmin ediləcək.

BAKI, 26 noyabr — Sputnik. 2020-ci ilin 10 ayının iqtisadi göstəricilərinə görə, noyabr ayının birinə olan məlumata əsasən, “Azəriqaz” İstehsalat Birliyində qeydiyyatda olan 2 milyon 310 min 414 əhali abonentinin cəmi 9,68%-i illik hər kubu 10 qəpikdən satılan 2200 kubmetrlik güzəştli limit həddini keçib.

Qurumdan Sputnik Azərbayca-a verilən məlumata görə, bu rəqəm say etibarı ilə 223599 abonent deməkdir. Yerdə qalan 2 milyon 086 min 815 abonent (ümumi əhali abonentlərinin 90,32%) qazdan güzəştli limit daxilində istifadə edib.

Bundan əlavə, 2019-cu ilin müvafiq dövrü ilə müqayisədə qaz itkilərinin azalma fərqi 0,7% olub. Buna hər il icra edilən tədbirlər proqramı əsasında şəbəkədə aparılan yenilənmə işləri və digər islahatlarla nail olunub. Qeyd edək ki, “Yol xəritəsi”ndə “Azəriqaz” İB üçün itkilərlə bağlı hədəf 8% müəyyənləşdirilib ki, cari ildə bu hədəfə çatılması təmin ediləcək.

10
 Azərbaycan hərbçiləri və rusiya sülhməramlıları Laçın dəhlizində, arxiv şəkli

Fransa adına ləkə: Qətnamə Ermənistanla Azərbaycan arasındakı razılaşmanı təhlükəyə atır

114
(Yenilənib 11:44 26.11.2020)
Deputat bildirib ki, bu kağız parçası rişxənd doğuran maddələrlə doludur. Fransa Senatı Azərbaycanı öz ərazisinə hücum etməkdə qınayır. İşğaldan azad olmuş torpaqlarımızı işğalçıya geri qaytarmağa çağırır.

BAKI, 26 noyabr — Sputnik. "Fransa Senatının dünən qəbul etdiyi qətnamədəki məqamlar düşmənçiliyin daha da artmasına yönəlib. Bu, Fransa adına böyük bir ləkədir".

Sputnik Azərbaycan xəbər verir ki, bunu parlamentin bu gün keçirilən plenar iclasında deputat Azay Quliyev deyib.

"Biz Fransanın vasitəçilik missiyasından imtina etməliyik. Biz daha kəskin addımlar atmalıyıq. Parisdəki səfirimiz geri çağırılmalı, iqtisadi əlaqələr tamamilə dayandırılmalıdır", - deyə o qeyd edib.

Deputat bildirib ki, bu kağız parçası rişxənd doğuran maddələrlə doludur. Fransa Senatı Azərbaycanı öz ərazisinə hücum etməkdə qınayır. İşğaldan azad olmuş torpaqlarımızı işğalçıya geri qaytarmağa çağırır.

O bildirib ki, qətnamədə əks olunan bütün müddəalar Ermənistan və Azərbaycan arasında əldə olunan sülh razılaşmasını təhlükəyə atır: "Bu sənəd bölgədə yenidən münaqişənin alovlanmasına şərait yaradır. Bu qətnamənin müəllifləri bir tərəfdən Fransanın həmsədr kimi rolunun artırılmasından bəhs edir, digər tərəfdən isə bu missiyanın bütün tələblərini kobud şəkildə pozaraq Ermənistanın belə tanımadığı qondarma qurumun müstəqilliyini tanımağa çağırır. Qətnamə ləğv olunana kimi Azərbaycan-Fransa parlamentlərarası dostluq qrupunun da fəaliyyəti dayandırılmalıdır. Fransa Prezidenti bu yaxınlarda Dağlıq Qarabağın Azərbaycan ərazisi olduğunu bəyan etmişdi. Ona görə də Makron bu qətnamənin mətnini dəyişməlidir".

114
Teqlər:
səfir, təhdid, razılaşma, qətnamə, Senat, Fransa, Azərbaycan, Qarabağ
Mövzu:
Azərbaycan və Ermənistan arasında müharibə

Rusiyalı sülhməramlılar Laçın dəhlizində təhlükəsizliyə necə nəzarət edirlər video

0
(Yenilənib 15:04 26.11.2020)
Rusiyalı sülhməramlıların Laçın dəhlizi ilə nəqliyyat hərəkətinin təhlükəsizliyini necə təmin etdiyini videoda izləyin.

Dağlıq Qarabağda Rusiya sülhməramlıları üçtərəfli sülh razılığı və atəşkəs rejiminin təmin edilməsinə nəzarət edir. 

Hərbçilər təmas xəttində yerləşən 23 müşahidə məntəqəsindən vəziyyəti gecə-gündüz müşahidə edir. Sülhməramlılar həm də Laçın dəhlizi boyunca hərəkətin təhlükəsizliyini təmin edirlər.

Kəlbəcərə ilk daxil olan Azərbaycan hərbçiləri - FOTOLAR>>

İstehkamçılar hərbi əməliyyatlardan zərər çəkən əraziləri minalardan təmizləyirlər. Mühəndis bölmələri yolları təmizləyir, bölgədə nəqliyyat hərəkətinin tənzimlənməsinə yardım edir, habelə yaşayış məntəqələrinin su, enerji və istilik tədarükünü bərpa edir.

0