Büdcə

Azərbaycan Rusiya büdcəsi 2019-cu ildə: Bu "qayıq" dərəcədə dayanıqlıdır

5797
(Yenilənib 21:51 25.10.2018)
Azərbaycan və Rusiyanın 2019-cu ilin dövlət büdcə proqnozlarının özünün doğrultması üçün gərək neft 65 dollardan aşağı düşməsin

Fual Əlizadə, Sputnik Azərbaycan

BAKI, 25 oktyabr — Sputnik. Yola salmaqda olduğumuz ilin son aylarında bir sıra ölkələrdə növbəti ilin əsas qanunu — 2019-ci ilin dövlət büdcəsi haqqında qanunla bağlı qızğın diskussiyalar gedir.

Azərbaycan hökuməti 2019-cu ilin dövlət büdcə paketini hazırlayarkən mühafizəkar yanaşma tətbiq edib. Belə ki, büdcədə Azərbaycan neftinin bir barelinin qiyməti 60 dollardan nəzərdən tutulub.

Azərbaycanda neftin bir barelinin qiymətinin 55 dollardan 60 dollara qalxmasına baxmayaraq, növbəti dəfə də defisitli büdcə (kəsirli büdcə) qəbul edilib — gəlirlər 22,917 milyard manat, xərclər isə 24,780 milyard manat proqnozlaşdırılıb. 

Eyni zamanda, büdcənin gəlirlər hissəsinin 11,533 milyard manatının Azərbaycan Respublikası Dövlət Neft Fondundan (ARDNF) transfer edilməsi planlaşdırılıb. Neft sektorundan daxil olan vergiləri nəzərə alsaq, bu sektordan daxilolmaların həcmi 59,8 faiz təşkil edəcək. Qeyd edək ki, 25 oktyabr tarixindən etibarən Azərbaycan Mərkəzi Bankında milli valyutanın məzənnəsi bir manat üçün 1,7 manat təşkil edir.

Azərbaycan və Rusiyanın oxşar cəhətləri var. Bundan əlavə, Azərbaycan ixracatçıları üçün Rusiya büdcəsinin əsas parametrlərinə olan maraq, əsasən, Azərbaycanın qeyri-neft sektoru məhsullarının ixracının Rusiya bazarına yönəldilməsi ilə bağlıdır. 

Azərbaycandan fərqli olaraq, Rusiyada RF Dövlət Duması tarixdə ilk dəfə profisitli büdcə (artımlı büdcə) qəbul etmək qərarına gəlib: federal büdcənin gəlirləri 19,969 trilyon rubl, xərcləri isə – 18,037 trilyon rubl proqnozlaşdırılıb. 

Eyni zamanda, Rusiya hökuməti büdcəni hesablayarkən "qara qızıl"a daha yüksək qiymət qoyub: 2019-cu ildə "Urals" markalı neftin qiyməti bir barel üçün 63,4 dollar səviyyəsində proqnozlaşdırılıb. 

Rusiya hökumətinin yaxın 3 il ərzində rus rublunun yumşaq devalvasiyasını həyata keçirmək niyyətində olmadığı azərbaycanlı ixracatçılar üçün az əhəmiyyət daşımır.

2019-cu ildə rublun dollara qarşı orta illik kursu 1 dollara görə 63,9 rubl səviyyəsində planlaşdırılır. 2020-ci ildə 1 dolların 63,8 rubl, 2021-ci ildə isə 64 rubl olması nəzərdə tutulur.

Qeyd edək ki, cari ilin 25 oktyabrında RF Mərkəzi Bankının məzənnəsinə görə, 1 dollar 65,6299 rubl dəyərindədir. Bununla yanaşı, Rusiya hökuməti proqnozlaşdırır ki, yaxın üç il ərzində rus rublunun məzənnəsi hazırkı səviyyədən yüksəlməyəcək.

Rusiya və Azərbaycanın dövlət büdcəsində verilmiş proqnozlar dünya bazarında neftin qiymətlərinin birdən-birə aşağı düşməsi ilə alt-üst ola bilər. Neftin qiymətləri siyasi bəyanatlardan asılı olaraq çox sürətlə aşağı düşür. Hal-hazırda neftin qiymətlərinin aşağı düşməsi ilə bağlı tendensiya müşahidə edilir: oktyabrın 3-də bir barel neftin qiyməti 86 dollardan yuxarı olduğu halda, oktyabrın 25-də 1 barel neftin qiyməti 76 dollardan aşağı düşdü. 

Göründüyü kimi, "qara qızıl"ın bir barelinin qiyməti bir ayın içində 10 dollara qədər aşağı düşdü. Büdcə proqnozu isə illik müəyyənləşdirilir. Belədə Azərbaycan hökumətinin qiymətlərdən sığortalanmaq üçün nəzərdə tutduğu əlavə 15 dolların heç bir önəmi qalmır.

Azərbaycanın 2018-ci il dövlət büdcəsində 1 barel neftin qiyməti 45 dollar nəzərdə tutulmuşdu. Bu proqnoz yalnız iyun ayında — neftin qiyməti 55 dollara çatanda özünü doğrultmağa başladı.

2017-ci il büdcəsində isə bir barel neftin qiyməti 40 dollardan hesablanmışdı. 2016-cı ildə bu rəqəm 1 barelə görə 25 dollar, 2015-ci ildə 90 dollar, 2014-cü ildə isə 100 idi.

5797
Əlaqədar
“ASAN xidmət”in büdcəsi artırılır
İnanılmaz rəqəm: 854 milyardlıq büdcə təsdiqləndi
İlham Əliyev “Dövlət büdcəsi haqqında” qanuna dəyişikliklər etdi
Cari ilin dövlət büdcəsinə dəyişikliklər təsdiqləndi
Pul qabı, arxiv şəkli

İqtisadi paketlə əlaqədar yeni təkliflər var

18
Əlavə olaraq Əmək və Əhalinin Sosial Müdafiəsi Nazirliyi və digər strukturlar tərəfindən bu barədə məlumat diqqətə çatdırılacaq

BAKI, 3 avqust — Sputnik. “İqtisadi paketlə əlaqədar yeni təkliflər təqdim edilib”.

Sputnik Azərbaycan bildirir ki, bunu bu gün Nazirlər Kabineti yanında Operativ Qərargahın təşkil etdiyi brifinqdə Azərbaycan Respublikası Prezidentinin köməkçisi, Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev deyib.

O qeyd edib ki, yaxın günlərdə İqtisadiyyat Nazirliyi, aidiyyəti strukturlar tərəfindən vergi ödəyicilərinə və muzdlu işçilərini ixtisara salmamış və dövlət tərəfindən müəyyən olunmuş qanun çərçivəsində fəaliyyət göstərən vergi ödəyicilərinə münasibətdə bu şərtlər tətbiq olunacaq.

H.Hacıyev əhaliyə sosial müavinətlərin verilməsi ilə bağlı vurğulayıb ki, hazırda bununla bağlı müzakirələr davam etdirilir: “Əlavə olaraq Əmək və Əhalinin Sosial Müdafiəsi Nazirliyi və digər strukturlar tərəfindən bu barədə məlumat diqqətə çatdırılacaq”.

18
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Azərbaycanda karantin rejimi qismən yumşaldılır - DETALLAR
İcazə sisteminin ləğvindən sonra rayonlara getmək üçün kağız tələb olunacaq
"Gündəlik 200-dən çox yoluxma var. Buna da kütləvi tədbirlər səbəb olub"
Hikmət Hacıyev vətəndaşları xaricə səfər etməkdən çəkindirdi
Metro niyə bağlı qaldı?
Mənzil açarı, arxiv şəkli

Postpandemiya dövründə daşınmaz əmlakın qiyməti kəskin dəyişəcək - SƏBƏB

2086
(Yenilənib 13:06 03.08.2020)
Boş torpaq sahələrinin məhdud olması, torpaqların qiymətinin kəskin artması, tikitni normativlərinin sərtləşdirilməsi və s. bu kimi amillər danışnmaz əmlakın qiymətinin artacağından xəbər verir.

İradə Cəlilova, Sputnik Azərbaycan

BAKI, 3 avqust — Sputnik. Postpandemiya dövründə daşınmaz əmlakın qiyməti arta bilər. Belə ki, pandemiya dövründə satış daşınmaz əmlakın alqı-satqısı dayandığı üçün bazarda durğunluq yaranıb. Bu dövrdə sahibkarlar zərərlərini postpandemiya dövründə çıxara bilmək üçün əmlak qiymətlərini artıra bilər.

Yaşayış kompleksi, arxiv şəkli
© Official website of President of Azerbaijan Republic

Sputnik Azərbaycan xəbər verir ki, bu barədə əmlak məsələləri üzrə ekspert Elnur Fərzəliyev danışıb.

O, qeyd edib ki, 2020 ci ilin əvvəlindən başlayan koronovirus pandemiyası əksər dünya ölkələri ilə bərabər Azərbaycan iqtisadiyyatına da cox ciddi mənfi təsir görtərib: " Neftin qiymətinin düşməsi, bankların bağlanması və digər sahələrə olan yatırımların riskli olması vətəndaşlarda sabaha inamsızlıq yaradıb. Belə ki, əlində vəsaiti olan hər bir vətəndaş yeni yatırım mənbəyi və alternativlər axtarır".

Ekspertin sözlərinə görə, bu gün ölkədə ən etibarlı kapital yatırımı sahəsi məhz tikinti sahəsidir. Belə ki, 2000-ci illərin əvvələrindən inkişaf etməyə başlayan tikinti sahəsi bu gün öz pik həddini yaşayır.

"Tikinti sahəsi dəyərini qoruyub saxlayır. Bununla yanaşı, daşınmaz əmlakın qiymətlərinin artması da sübut edir ki, ən əlverişli gəlir mənbəyi tikinti sektorudur" - deyən E. Fərzəliyev bildirir ki, son 20 ildə əmlak bazarında qiymətlər 7-10 dəfə bahalaşıb.

Belə ki, 2000-ci ildə Elmlər Akademiyası metrosu yaxınlığında 1 otaqlı "xruşovka" layihəli mənzilin qiyməti 10 min manat idisə, indi bu qiymət 60-70 min manatdır.

Onun sözlərinə görə, tikinti sektoru həm də gəlir gətirən bir sahədir: "Məsələn, istənilən əmlak alındığı gündən öz dəyərinin 0.5 faizi nisbətində icarəyə verilərək, gəlir gətirə bilər".

Ekspertin fikrincə, pandemiya dövründə digər ölkələrlə sərhədlərin bağlı olması, xaricdən ölkəyə daxil olan tikinti materiallarının da qiymətlərinin artmasına səbəb olur.

Bununla əlaqədar 1 ildən çoxdur ki, çoxmərtəbəli binalaırn tikintiisndə azalma müşahidə edilir.

E. Fəzrəliyev hesab edir ki, boş torpaq sahələrinin məhdud olması, torpaqların qiymətinin kəskin artması, tikitni normativlərinin sərtləşdirilməsi və s. bu kimi amillər danışnmaz əmlakın qiymətinin artacağından xəbər verir.

"Qiymətlərin düşməsini gözləmək lazım deyil. Çünki daşınmaz əmlakın ucuzlaşmasına səbəb olacaq heç bir amil yoxdur, əksinə, bahalaşması üçün çox səbəb var. Yəni, daşınmaz əmlak üçün qiymət düşəcəyini gözləyənlər diqqətli olmalıdır" - deyə o bildirib.

2086
Moskvada koronavirusa yoluxanan xəstələrin müalicə aldığı hospital

Bir gündə 5 min yoluxma: Rusiyada ölənlərin sayı artır

0
(Yenilənib 12:21 04.08.2020)
Ümumilikdə Rusiyada bu xəstəliyə yoluxanların sayı 861423-ə çatıb. Rusiyada pandemiya yayılandan 14351 nəfər COVID-19-dan vəfat edib

BAKI, 4 avqust — Sputnik. Son bir sutka ərzində Rusiyada 5159 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 144 nəfər ölüb.

Ümumilikdə Rusiyada bu xəstəliyə yoluxanların sayı 861423-ə çatıb. Rusiyada pandemiya yayılandan 14351 nəfər COVID-19-dan vəfat edib. Bir sutka ərzində virusdan sağalanların sayı isə 7878 nəfər olub. Bununla da bu ölkədə virusdan sağalanların sayı 661471-ə çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 18,2 milyonu keçib, 693 mindən çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

0