Məmurların müzakirəsi

Dövlət başçısının qərarı ciddi dəyişikliklərə yol açacaq - İkihakimiyyətliliyə son

13632
(Yenilənib 16:07 25.10.2018)
"Prezident hökumət və aidiyyatı dövlət qurumların qarşısında məsələ qoyur ki, ölkə iqtisadiyyatında şaxələndirmə getsin, qeyri-neft sektoru inkişaf etsin, idxalın əvəzolunması siyasəti ardıcıl şəkildə davam etdirilsin"

Xalid Məmmədov, Sputnik Azərbaycan

BAKI, 25 oktyabr — Sputnik. Oktyabrın 4-də Prezident İlham Əliyev Maliyyə Bazarlarına Nəzarət Palatasının (MBNP) yeni nizamnaməsini təsdiq edib. Yeni qərarla MBNP publik hüquqi şəxsinin Direktorlar Şurası ləğv olunub. Nizamnaməyə görə, MBNP-nin idarəetmə orqanı İdarə Heyətidir. Bundan əvvəlki nizamnamədə isə qurumun idarə edilməsi İdarə Heyəti ilə yanaşı Direktorlar Şurasına həvalə edilmişdi.

Transxəzər nəqliyyat dəhlizinin perspektivlərinə həsr olunmuş dəyirmi masa
© Sputnik / Murad Orujov
Dövlət İqtisadiyyat Universitetinin professoru Elşad Məmmədov

Yeniliyi Sputnik Azərbaycan-a şərh edən Azərbaycan Dövlət İqtisad Universitetinin (UNEC) professoru Elşad Məmmədov deyib ki, dövlət başçısının son qərarı Palata rəhbərliyinin fəaliyyətinin qənaətbəxş olmadığının göstəricisidir: "Çünki ölkənin bank sektorunda, ümumiyyətlə, maliyyə sektorunda yaranmış problemlərin həlli çox ciddi şəkildə Palata rəhbərliyi qarşısında məsələ kimi qoyulmuşdu. Nəzərə almaq lazımdır ki, ölkə iqtisadiyyatında əsas problemlər məhz bank-maliyyə sektoru ilə bağlıdır. Bu baxımdan, Palatanın qarşısında çox ciddi məsələlər qoyulmuşdu".

Onun sözlərinə görə, MBNP-nin fəaliyyətində müəyyən müsbət məqamlar olsa da, Palatanın rəhbərliyi qoyulan tapşırıqların öhdəsindən gələ bilməyib: "Hazırda bank sektorunda vəziyyət yenə də ürəkaçan deyil, optimaldan çox uzaqdır. Palata fəaliyyəti dövründə 10-dan çox bankın lisenziyasını geri alıb. Nəticədə bankların sayı azalıb. Bankların kobud formada lisenziyalarının geri alınması və ləğv edilməsi çıxış yolu deyil".

Ekspertin fikrincə, hazırda bank sektorunda əsas problemlər bankların aktivlərinin və passivlərinin strukturundakı acınacaqlı durumla bağlıdır: "Bank sektoru faktiki olaraq istehlak kreditləşməsi kimi ölkə iqtisadiyyatı üçün zərərli bir prosesin maliyyələşdirilməsi ilə məşğuldur. Bu sahə real sektorun maliyyələşdirilməsi, ölkə iqtisadiyyatının modernizasiyasına xidmət edən sferaların inkişafı ilə məşğul deyil. Son aylarda banklar yenə də istehlak kreditlərinin sayını artırır. Ölkənin istehlak bazarındakı vəziyyəti nəzərə alaraq, söyləyə bilərik ki, bu, artıq idxalın stimullaşdırılmasıdır".

"Dövlət başçısı ciddi şəkildə hökumət və aidiyyatı dövlət qurumların qarşısında məsələ qoyur ki, ölkə iqtisadiyyatında şaxələndirmə getsin, qeyri-neft sektoru inkişaf etsin, idxalın əvəzolunması siyasəti ardıcıl şəkildə davam etdirilsin. Banklar isə yenə də idxalı stimullaşdırır, yüksək faizlərlə kreditlər təklif edir və faktiki olaraq real sektorun inkişafına mane olurlar" — deyə professor bildirib.

E.Məmmədov qeyd edib ki, dövlət başçısı bank sektorunda mövcud olan ciddi problemlərin həlli üçün aidiyyatı qurumların qarşısında konkret tapşırıqlar qoyur, amma bu sektorda tarazlığa cavabdeh olan qurumlar bu məsələlərin öhdəsindən gələ bilmirlər: "MBNP rəhbərliyi ilə bağlı qəbul edilmiş qərar çox məntiqlidir və gözlənilən idi. Ölkədə pul-kredit siyasəti tədricən yumşaldılmalı, real sektor üçün kreditlər əlçatan olmalı, bankların aktiv və passivlərinin strukturlarında ciddi dönüş olmalı, ölkə iqtisadiyyatına investisiya qoyuluşunun həcmi kəskin artırılmalıdır".

Bank eksperti Əkrəm Həsənov
© Photo : REPORT
Əkrəm Həsənov

Bank və maliyyə məsələləri üzrə ekspert Əkrəm Həsənov isə Sputnik Azərbaycan-a deyib ki, Direktorlar Şurasının ləğv edilməsi Palatanın iki idarəetmə orqanı arasındakı konfliktdən irəli gəlir: "Yumşaq desək, Direktorlar Şurası ilə İdarə Heyəti yola getmirdi. Rüfət Aslanlının başçılıq etdiyi Direktorlar Şurası ilə İbrahim Alışovun rəhbərlik etdiyi İdarə Heyəti arasında konflikt var idi. Hər ikisinin dövlət başçısı tərəfindən təyin edilməsi faktı onlar arasında səlahiyyətlərin bölünməməsinə gətirirdi. Bu da Palatanın işinə ciddi əngəl idi. Çünki qərarlar qəbul edilə, yaxud qəbul ediləndə icra edilə bilmirdi".

"Bu baxımdan, hesab edirəm ki, Palatada ikihakimiyyətliliyə son qoyulması müsbət haldır və qurumun işində dönüş yaratmaq üçün real imkanlar yaradır. Ümid edək ki, yeni tərkib işin öhdəsindən daha yaxşı gələ biləcək" — deyə Həsənov bildirib.

13632
Teqlər:
İdarə Heyəti, MBNP, Sputnik Azərbaycan, Direktorlar Şurası, prezident İlham Əliyev, Elşad Məmmədov, Maliyyə Bazarlarına Nəzarət Palatası, Əkrəm Həsənov, professor
Əlaqədar
Mərkəzi Bank bu günə olan məzənnələri açıqladı
Bank sirri anlayışı pozulur: Məhkəməyə müraciət etmək hüququnuz var
Azərbaycanda qəribə bank yaradılması təklif olunur
Bank şifrələrini əldə edən troyan virusu yayılıb
Hamıya xəbərdarlıq edilir: Bank hesablarınız təhlükədədir
Laçın şəhərinə mənzərə, arxiv şəkli

İtaliya şirkətləri işğaldan azad edilmiş ərazilərimizi bərpa etməkdə maraqlıdırlar

10
(Yenilənib 21:48 25.11.2020)
İtaliya şirkətlərinin müxtəlif sahələrdəki layihələrdə, eləcə də ənənəvi və bərpaolunan enerji mənbələrinin inkişafı sahəsində iştirakı məsələsinə toxunulub, şirkətlərin Azərbaycanda investor kimi fəaliyyətlərinin genişləndirməsi imkanları müzakirə edilib.

 

BAKI, 25 noyabr — Sputnik. Energetika naziri Pərviz Şahbazov İtaliyanın Azərbaycandakı səfiri Augusto Massari ilə görüşüb.

Nazirlikdən Sputnik Azərbaycan-a bildirilib ki, görüşdə bu ilin fevral ayında Prezident İlham Əliyevin İtaliyaya dövlət səfəri zamanı imzalanmış sənədlərin və Azərbaycan Respublikası ilə İtaliya Respublikası arasında iqtisadi əməkdaşlıq üzrə Hökumətlərarası Komissiyanın 5-ci iclasının protokolunun icrasının gedişi müzakirə edilib.

Energetika naziri Pərviz Şahbazov

Səfir dinc əhalinin həlak olması ilə bağlı Azərbaycan xalqına, həlak olanların ailələrinə və yaxınlarına dərin hüznlə başsağlığını çatdırıb, üçtərəfli bəyanatı alqışladığını vurğulayıb.

İtaliyanın infrastruktur sahəsində fəaliyyət göstərən şirkətlərinin Azərbaycanın işğaldan azad edilmiş ərazilərində bərpa-yenidənqurma işlərinin aparılmasına marağını ifadə edib.

Energetika naziri başsağlığına və İtaliyanın imzalanmış bəyanata dəstəyinə görə təşəkkür edib.

Görüşdə Azərbaycan və İtaliya arasında münasibətlərin iqtisadiyyatın bir çox sahələrində uğurla inkişaf etdiyi, uzunmüddətli əməkdaşlıq əlaqələrində enerji sektorunda əməkdaşlığın mühüm rol oynadığı qeyd edilib. Bu əməkdaşlığın mühüm elementi sayılan "Trans-Adriatik" boru kəməri (TAP) layihəsinin İtaliya və digər Avropa istehlakçıları üçün əhəmiyyətindən bəhs edilib, layihənin kommersiya fəaliyyəti üçün hazır olduğu, cari ilin sonunda Azərbaycan qazının Avropaya kommersiya məqsədli nəqlinə başlanmasının nəzərdə tutulduğu vurğulanıb.

İtaliyanın Azərbaycandakı səfiri Augusto Massari

Görüşdə iki ölkə arasında müxtəlif sahələrdə əməkdaşlıq məsələləri, enerji sektorunda investisiya imkanları ətrafında fikir mübadiləsi aparılıb, İtaliya şirkətlərinin müxtəlif sahələrdəki layihələrdə, eləcə də ənənəvi və bərpaolunan enerji mənbələrinin inkişafı sahəsində iştirakı məsələsinə toxunulub, şirkətlərin Azərbaycanda investor kimi fəaliyyətlərinin genişləndirməsi imkanları müzakirə edilib. Həmçinin Azərbaycan Respublikası və İtaliya Respublikası arasında iqtisadi əməkdaşlıq üzrə Hökumətlərarası Komissiyanın növbəti iclasına hazırlıq məsələləri, iki ölkənin müxtəlif qurumları arasında imzalanmış əməkdaşlıq sənədlərindən irəli gələn məsələlər nəzərdən keçirilib.

10
Neft konteynerləri, arxiv şəkli

Azərbaycan neftinin qiyməti qalxdı

18
(Yenilənib 14:00 25.11.2020)
Azərbaycan neftinin 1 barelinin qiyməti 1,79 ABŞ dolları və ya 3,87% artaraq 48,07 dollar təşkil edib.

BAKI, 25 noyabr - Sputnik. Dünya bazarında "Azeri Light" (CIF) markalı neftin qiyməti artıb.

Sputnik Azərbaycan-ın məlumatına görə, Azərbaycan neftinin 1 barelinin qiyməti 1,79 ABŞ dolları və ya 3,87% artaraq 48,07 dollar təşkil edib.

Qeyd edək ki, Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

18
Teqlər:
barel, neft

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

0
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

0