İstanbulda valyutadəyişmə məntəqəsi, arxiv şəkli

Qanun da var, qayda da müəyyənləşib, amma fəaliyyətə keçən yoxdur

9577
(Yenilənib 14:18 22.10.2018)
"Bu gün bankların əsas funksiyalarından biri valyuta dəyişməklə məşğul olmaq və buradan ciddi mənfəət götürməkdən ibarətdir"

Xalid Məmmədov, Sputnik Azərbaycan

BAKI, 22 oktyabr — Sputnik. "Azərbaycanda valyutadəyişmə məntəqələrinin fəaliyyətinin bərpa edilməsi ilə bağlı qanun qəbul edilib, qaydalar var və hər kəs bu məntəqələri aça bilər. Amma bununla bağlı istək yoxdur".

Bunu bank və maliyyə məsələləri üzrə ekspert Əkrəm Həsənov Sputnik Azərbaycan-a açıqlamasında valyutadəyişmə məntəqələrindən danışarkən deyib.

Bakıda valyuta dəyişmə məntəqələrinin qarşısında növbələr yaranıb
sputnik. Камилла Алиева

Onun sözlərinə görə, valyutadəyişmə məntəqəsi təsis edən şəxs bankda 50 min manat və 50 min dollar məbləğində depozit saxlamalıdır: "Həmin şəxs bu vəsaitə dəyə bilməz. Yəni, valyutadəyişmə məntəqəsinin açılması kifayət qədər xərc tələb edir. Depozit saxla, icarəyə yer götür və s. Digər tərəfdən, valyuta əməliyyatlarına, valyuta mübadiləsinə tələbat azalıb. Ona görə də buna elə bir ciddi maraq yoxdur".

Ekspert bildirib ki, həmçinin bankların üzərindən bu əməliyyatlar əsnasında marja tələbi var idi: "Marja əvvəllər 2 faiz idi, sonra isə 4 faiz olub. Hazırda bankların valyutadəyişmə əməliyyatları zamanı Mərkəzi Bankın məzənnəsindən fərqlənmə, marja yoxdur. Banklar onsuz da istədiyi məzənnə ilə valyuta dəyişir. Bu da həmin məntəqələrin rəqabət qabiliyyətliliyini azaldır. Bütün bunlar məntəqələrə marağın olmamasının obyektiv səbəbləridir".

Ekspert praktiki cəhətdən də buna elə bir ciddi ehtiyac görmür: "Bu gün demək olar ki, heç bir Avropa dövlətində valyutadəyişmə məntəqəsi yoxdur. Hətta bank filiallarının əksəriyyəti də valyutanı dəyişmir. Çünki ödənişlər, əsasən, kartlar ilə edilir, nağdsızdır. Ötən ildən Azərbaycanda da nağdsız hesablaşmalar haqqında qanun var".

"Deputatlar xarici turistlərin Azərbaycanda pul dəyişə bilmədiklərini deyirlər. Bu, şişirdilmiş məsələdir. Birincisi, xaricilərin ödəniş və bank kartları var, həmin kartlar ilə istənilən yerdə ödəniş edə bilərlər. Haradasa kartı qəbul etmirlərsə, bu, tamamilə başqa məsələdir və bu barədə tədbir görülməlidir" — deyə o qeyd edib.

Onun sözlərinə görə, digər tərəfdən, iş saatları ərzində istənilən bank, bank filialı valyutadəyişmə əməliyyatını aparır: "Bizdə bank filialı olmayan küçə yoxdur. Elə banklar var ki, onların filialları qeyri-iş günlərində və saatlarında da işləyir. İş saatlarında pulunu dəyişə bilməyənlər həmin filiallara yaxınlaşsın. Hesab edirəm ki, burada elə də ciddi problem yoxdur".

Azərbaycan Dövlət İqtisad Universitetinin (UNEC) professoru Elşad Məmmədov isə deyib ki, hazırda valyutadəyişmə məntəqələri bankların inhisarındadır: "Təəssüf ki, banklar öz əsas funksiyasını yerinə yetirmək əvəzinə dolların məzənnəsinin artıb-azalmasından mənfəət əldə etmək, istehlak kreditlərinin maliyyələşdirilməsi və bu kimi ölkə iqtisadiyyatının dayanıqlı inkişafına fayda verməyən məsələlərlə məşğuldurlar. Banklar maliyyə axınlarının maliyyə sektoruna, real sektora yönəldilməsində transmissiya mexanizmi funksiyasını yerinə yetirməlidirlər".

Onun sözlərinə görə, valyutadəyişmə məntəqələrinin məhz banklar tərəfindən inhisarda saxlanılması düzgün yanaşma deyil: "Bu sahədə artıq qanunvericilik bazası var və burada rəqabət mühiti artırılmalıdır. Bankların əsas funksiyası iqtisadiyyatın maliyyələşdirilməsi olmalıdır. Təəssüf ki, bu gün bankların əsas funksiyalarından biri valyuta dəyişmək ilə məşğul olmaq və buradan ciddi mənfəət götürməkdən ibarətdir. Bu praktikadan uzaqlaşmaq lazımdır".

Qeyd edək ki, millət vəkili Vahid Əhmədov mətbuata açıqlamasında deyib ki, yaxın günlərdə Azərbaycanda, xüsusilə paytaxt Bakıda valyutadəyişmə məntəqələrinin yenidən açılmasına başlanılacaq.

Millət vəkili bu məsələnin bir neçə müddətdir problemə çevrildiyini, onunla bağlı dəfələrlə iradlar bildirildiyini və artıq iradların nəzərə alınaraq, problemin yoluna qoyulması istiqamətində hazırlıqlara başlanıldığını deyib.

"Onlar daha çox insanların gur olduğu məkanlarda, iri ticarət mərkəzlərində, dəmiryolu vağzalında, avtovağzalda, hava limanında, nəqliyyatın, gediş-gəlişin gur olduğu yerlərdə açılmalıdır və açılacaq. Artıq insanların bu məsələdəki əziyyətinə, narahatlığına son qoyulacaq" — deyə millət vəkili əlavə edib.

9577
Teqlər:
valyutadəyişmə məntəqələri, maliyyə məsələləri üzrə ekspert Əkrəm Həsənov, Elşad Məmmədov, inhisar, bank, qanun
Əlaqədar
Valyutadəyişmə şərtləri barədə rəsmi açıqlama
Yeni valyutadəyişmə qaydalarının yeni və köhnə tərəfləri
Valyutadəyişmə məntəqələrinin bərpasına haradan başlamalı
Valyutadəyişmə məntəqələrinə axın başlayıb: bu dəfə hər kəs qızıla qaçır
Bakıda xüsusi valyutadəyişmə aparatları quraşdırıla bilər
Valyutadəyişmə məntəqələrinin yaradılması yenidən gündəmə gələ bilər
Bank işçiləri, arxiv şəkli

Dövlətlə yarıbayarı "şərik": kredit sel kimi axacaq

309
(Yenilənib 19:45 03.07.2020)
"Yeni mexanizmə uyğun olaraq sahibkar 15 faizlə 10 min manat kredit götürəcəksə, təxminən illik 1500 manat faiz üzrə xərci yaranacaq. Bu 1500 manatın yarısını, yəni 750 manatını dövlət kompensasiya edəcək"

Xalid Məmmədov, Sputnik Azərbaycan

BAKI, 3 iyul — Sputnik. Azərbaycanda sahibkarların dövlət zəmanətli krediti asan əldə etməsi üçün Elektron Kredit Platforması yaradılıb (www.e-edf.gov.az). Sputnik Azərbaycan xəbər verir ki, biznes krediti almaq istəyən sahibkar onlayn rejimdə bu platforma üzərindən müraciət edə bilər. Elektron Kredit Platforması sahibkara şəffaf, çevik, məmur müdaxiləsindən kənar, sağlam rəqabət mühitində kredit almaq imkanı yaradır. Bu Platforma sahibkarlığa yeni dəstək mexanizmləri və sahibkarların bu dəstək üçün onlayn rejimdə müraciət etməsi üçün yaradılıb. Elektron Kredit Platforması artıq sahibkarların istifadəsinə verilib.

Bu Platformanın tətbiqi ilə kreditlərin əldə olunmasında çeviklik və şəffaflıq, sahibkarlar üçün bərabər şərait təmin ediləcək, sağlam rəqabət mühiti formalaşdırılacaq, sahibkarların kreditlərə çıxış imkanları genişləndiriləcək, sərf olunan vaxta və xərclərə qənaət olunacaq.

İqtisadçı-ekspert Rəşad Həsənov Sputnik Azərbaycan-a deyib ki, sahibkarların dövlət zəmanətli krediti asan əldə etməsi üçün yaradılan Elektron Kredit Platforması müsbət addımdır: "Platforma yeni bir məhsuldur və sahibkarların maliyyə resurslarına çıxış imkanlarının artırılması baxımından yaxşıdır. Bu addımla təminat və kreditlər üzrə faizlərin subsidiyalaşdırılması imkanları genişlənəcək.

Yeni mexanizm mövcud göstəricilərlə müqayisədə təxminən 6 dəfə çox kredit vəsaitinin bazara axını üçün imkanlar yaradır. Biznes kreditlərinə dövlət zəmanətinin verilməsi və həmin kreditlər üzrə faizlərin subsidiyalaşdırılması mexanizminə əsasən, dövlət zəmanəti kreditlərin 60 faizədək hissəsinə veriləcək və bu addım bankların risklərinin azalmasına səbəb olur. Nəticədə bu, bankların izafi likvidliyinin aradan qalxmasına və həmin vəsaitlərin iqtisadiyyata axmasına gətirib çıxardacaq".

"Biznes kreditlərinə dövlət zəmanətinin verilməsi və həmin kreditlər üzrə faizlərin subsidiyalaşdırılması mexanizmi, müddəti 3 ilədək, illik faiz dərəcəsi 15%-dən çox olmayan kreditlərə şamil ediləcək, yəni illik faiz dərəcəsi 15 faizədəkdir. Bu, o deməkdir ki, banklar rəqabət aparıb daha aşağı faizlərlə kredit verə biləcək. Bu, müsbətə doğru dəyişiklikdir. Bu mexanizmlə verilən kreditlərin illik faiz dərəcəsinin 50%-i dövlət tərəfindən maliyyələşdiriləcək. Yəni subsidiya kreditlərin illik faiz dərəcəsinin 50 faizi həddində veriləcək. Bu, o deməkdir ki, sahibkar illik 7,5 və daha aşağı faizlə kredit götürə biləcək", - deyə ekspert bildirib.

O qeyd edib ki, sahibkar bankdan illik 15 faizlə kredit götürürsə, bunun 7,5 faizini, yəni 50 faizini dövlət kompensasiya edəcək, subsidiyalaşdıracaq: "Məsələn, sahibkar 15 faizlə 10 min manat kredit götürəcəksə, təxminən illik 1500 manat faiz üzrə xərci yaranacaq. Bu 1500 manatın yarısını, yəni 750 manatını dövlət kompensasiya edəcək. Bu mexanizm üzrə 3 milyon manatadək kredit götürmək olacaq. Sahibkarlıq subyektinin müraciətinə sürətli kredit (200 min manatadək) üzrə 7 iş günü, ənənəvi kredit (200 min manatdan çox) üzrə isə 10 iş günü ərzində baxılacaq".

Qeyd edək ki, dövlət zəmanəti pandemiyadan (COVİD 19) zərər çəkmiş sahələrdə fəaliyyət göstərən sahibkarlıq subyektlərinə şamil edilir və sahibkarların zərər çəkmiş iqtisadi fəaliyyət sahələri üzrə manatla aldıqları kreditlərə verilir.

Sahibkarlıq subyekti www.e-edf.gov.az saytından "Asan imza" vasitəsilə "Elektron kredit platforması"na daxil olur, bu zaman onun fəaliyyət sahəsinin pandemiyadan zərər çəkmiş iqtisadi fəaliyyət növlərinə aid olub-olmadığı avtomatik müəyyənləşdirilir. Fəaliyyət sahəsi pandemiyadan zərər çəkmiş iqtisadi fəaliyyət növlərinə aid olan sahibkarlıq subyekti zəmanət tələb edilən kredit sifarişi üzrə müvəkkil kredit təşkilatını seçir, biznes-planına uyğun olaraq kredit məbləğini qeyd edir və müraciətini təsdiq edir. Sahibkarlıq subyekti "Elektron kredit platforması"nda "Şəxsi kabinet"inə daxil olmaqla müraciətin nəticələri ilə bağlı məlumat əldə edə bilər.

309
Əlaqədar
Mərkəzi Bankda valyuta ehtiyatları ilə nə baş verir?
Birinə bonus, o birinə malus: Adlara təəccüblənməyin, baş verəcəklərə mat qalacaqsınız
Professor: "Vahid valyutaya söykənən dünya iqtisadi sisteminin gələcəyi yoxdur"
Dövlətin sandığı dardır, vətəndaşın cibi: Yardım çatmır, qaldırmaq da mümkün deyil
Dollardan kəsirimiz var: nə borc əl verir, nə də devalvasiya

Azərbaycanda dünyada elektrik enerjisi - iyirmi il sonra bizi gözləyir

8
(Yenilənib 14:26 03.07.2020)
REA-nın Enerji Tədqiqatları İnstitutunun və RF hökuməti yanında Analitik Mərkəzin alimlərinin proqnozlarına görə, 2040-cı ilə qədər digər bərpa olunan enerji mənbələri ilə yanaşı, bioenerji, hidroenerji, atom enerjisi, kömür, qaz və neft populyar olaraq qalacaq
İnfoqrafika: Azərbaycanda elektrik enerjisi
© Sputnik / Elnur Salayev

2020-ci ilin yanvar-may aylarında Azərbaycanda 865,5 milyon manatlıq elektrik enerjisi istehsal olunub, bölüşdürülüb və təchiz edilib ki, bu da ötən ilin analoji dövrü ilə müqayisədə 13% çoxdur.

Aylıq istehlak həcmi 300 kilovat-saatdan çox olmayan əhali kateqoriyasından olan abunəçilər üçün bir kilovat-saat elektrik enerjisinin pərakəndə qiyməti 0,07 manat (0,04 dollardan bir qədər çox) təşkil edir. Koronavirus pandemiyası ilə əlaqədar olaraq bu güzəştli limit müvəqqəti olaraq 400 kilovat-saata qədər artırılıb. Əhali kateqoriyasından olan digər abunəçilər üçün tarif hər kilovat-saat elektrik enerjisinə görə 0,11 manat (0,06 dollar) təşkil edir.

İstehsal olunan elektrik enerjisinin strukturunu müvafiq olaraq 94,1% istilik enerjisi, 5,3% hidroenerji, 0,4% külək, 0,2% günəş enerjisi təşkil edir.

Əhali üçün elektrik enerjisi tariflərinin ən yüksək olduğu TOP-10 ölkə Almaniya, Danimarka, Belçika, İrlandiya, İspaniya, İtaliya, Kipr, Portuqaliya, Böyük Britaniya və Niderlanddır.

Dünya ölkələrində elektrik enerjisinin generasiyasının strukturunu əsasən qaz, kömür, su, atom, külək, mazut və biokütlə elektrik stansiyaları təşkil edir.

REA-nın Enerji Tədqiqatları İnstitutunun və RF hökuməti yanında Analitik Mərkəzin alimlərinin proqnozlarına görə, 2040-cı ilə qədər digər bərpa olunan enerji mənbələri ilə yanaşı, bioenerji, hidroenerji, atom enerjisi, kömür, qaz və neft populyar yanacaq növləri olaraq qalacaq.

Azərbaycanda və dünyada elektrik enerjisi istehsalı haqqında daha ətraflı məlumatla Sputnik Azərbaycan-ın hazırladığı infoqrafikadan tanış ola bilərsiniz.

8
Heroin, arxiv şəkli

Bakı sakini karantin zamanı da öz əməlindən qalmırmış

0
Saxlanılan zaman onun qaçaqmalçılıq yolu ilə ölkəyə külli miqdarda narkotik maddə gətirdiyi məlum olub.

BAKI, 4 iyul — Sputnik. Bakıda karantin rejimini pozan şəxsdə narkotik maddə aşkarlanıb.

Sputnik Azərbaycan-ın məlumatına görə, Qasımov Rəşad Ramiz oğlu hüquq-mühafizə orqanları tərəfindən karantin qaydalarını pozduğu üçün saxlanılıb.

Saxlanılan zaman onun qaçaqmalçılıq yolu ilə ölkəyə külli miqdarda narkotik maddə gətirdiyi məlum olub.

O, saxlanılan zaman hüquq-mühafizə orqanının əməkdaşlarına zor tətbiq edib.

R.Qasımov barəsində Cinayət Məcəlləsinin 139-1.1-ci (epidemiya əleyhinə rejimin, sanitariya-gigiyena və ya karantin rejimlərinin pozulması xəstəliklərin yayılmasına səbəb olduqda və ya xəstəliklərin yayılması üçün real təhlükə yaratdıqda), 206.4-cü (qaçaqmalçılıq) , 234.4.3-cü (narkotik maddələrin qanunsuz dövriyyəsi, külli miqdarda törədildikdə), 315.2-ci (hakimiyyət nümayəndəsinə qarşı müqavimət göstərmə və ya zor tətbiq etmə), 318.2ci (dövlət sərhədini qanunsuz olaraq keçmə) maddələri ilə ittiham verilib.

Nəsimi rayon Məhkəməsində istintaq orqanının təqdimatı əsasında R.Qasımov barəsində 4 aylıq həbs qətimkan tədbiri seçilib.

0