Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğan mətbuata bəyanatlarla çıxış ediblər

Tarixi gün çatdı: Əliyevlə Ərdoğan nəhəng layihəni işə salacaqlar

13301
(Yenilənib 16:35 19.10.2018)
SOCAR-ın 6,3 milyard dollar kapitalla inşa etdiyi "Star" Neft Emalı Zavodunda avqustdan etibarən sınaq məqsədilə xam neft emalına başlanılıb

BAKI, 19 oktyabr — Sputnik. Bu gün Türkiyənin İzmir şəhərində "Star" Neft Emalı Zavodunun açılış mərasimi keçiriləcək. Sputnik Azərbaycan Türkiyə prezidentinin rəsmi saytına istinadən xəbər verir ki, mərasimdə Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğan, həmçinin hər iki ölkənin hökumət rəsmiləri, xarici qonaqlar iştirak edəcəklər.

Hər iki ölkə prezidentinin qatılacağı açılış mərasimi Bakı vaxtı ilə saat 15:30-da başlayacaq. Bakı vaxt ilə saat 17:00-da isə Türkiyə Prezidenti Rəcəb Tayyib Ərdoğan azərbaycanlı həmkarı İlham Əliyevlə görüş keçirəcək.

Qeyd edək ki, "Star" zavodunun təməli 2011-ci il oktyabrın 25-də Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğan tərəfindən qoyulub. SOCAR-ın 6,3 milyard dollar kapitalla inşa etdiyi "Star" Neft Emalı Zavodunda avqustdan etibarən sınaq məqsədilə xam neft emalına başlanılıb.

Bura ilk neft yükü məhz Azərbaycandan olmaqla 80 min ton "Azeri Light" markalı neft çatdırılıb. SOCAR-ın ötən ay "Rosneft"lə imzaladığı razılaşmaya görə isə, bu ilin dekabr ayından etibarən bir il ərzində "Star" zavodu Rusiyanın 1 milyon ton xam nefti ilə təchiz olunacaq.

"Star" Neft Emalı Zavodunda hər il 10 milyon ton xam neft emal ediləcək. Zavodda ildə 1,6 milyon ton nafta, 1,6 milyon ton təyyarə yanacağı, 4,8 milyon ton azkükürdlü dizel yanacağı, 700 min ton neft koksu, 420 min ton qarışıq ksilen və 160 min ton kükürd istehsal olunacaq. Zavod tam gücü ilə gələn ilin yanvar ayından etibarən fəaliyyət göstərəcək.

"Star" Azərbaycana valyuta axınını təmin edəcək müəssisə olmaqla yanaşı, Türkiyənin dövlət büdcəsinə hər il 1,5 milyard dollarlıq töhfə verəcək. Belə ki, zavod "Petkim" neft-kimya kompleksinin nafta və qarışıq ksilenə olan tələbatını tam ödəyəcək. Zavod ildə 1,6 milyon ton təyyarə yanacağı istehsal etməklə Türkiyənin tələbatını tam ödəyəcək. "Star" neftin qiymətindən asılı olaraq hər il 6-8 milyard dollarlıq ticarət həcmi formalaşdıracaq.

13301
Teqlər:
"Star" Neft Emalı Zavodu, İlham Əliyev, Rəcəb Tayyib Ərdoğan, Türkiyə, Azərbaycan, açılış mərasimi, prezident
Əlaqədar
Ekspert: “Noyabrda neftin qiyməti 90 dolları keçə bilər”
Neft bazarı stabilliyi sevir, çünki istənilən gərginlik qiymətlərin artmasına səbəb olur
Neftin qiymətləri niyə qalxır və bizi nə gözləyir?!
Neft nə vaxta kimi bahalaşmağa davam edəcək - Ekspert şərhi
Energetika naziri Pərviz Şahbazov, arxiv şəkli

Pərviz Şahbazov: "Neft bazarının sabitləşməsi üçün ən azı iki il vaxt lazımdır"

2
(Yenilənib 21:12 02.07.2020)
Şahbazov hesab edir ki, neftə olan tələbatın böhrandan əvvəlki səviyyəyə qayıtması azı iki il çəkə bilər

BAKI, 2 iyul — Sputnik. Azərbaycanın Energetika naziri Pərviz Şahbazov neft hasilatının azaldılması üzrə "OPEC+" sazişinin iştirakçılarının sayını artırmağa çağırıb.

Sputnik Azərbaycan xəbər verir ki, nazir bu barədə Beynəlxalq Münasibətlərin Təhlili Mərkəzi və "Valday" Beynəlxalq Diskussiya Klubunun onlayn formatda birgə keçirdiyi "Qlobal energetika və beynəlxalq siyasi risklər" adlı beynəlxalq konfransında çıxışı zamanı çağırış edib.

"Neft bazarındakı sabitlik bütün iştirakçıların maraqlarına cavab verir. Bu baxımdan ölkələri, digər istehsalçıları cəlb etməklə "OPEC+" formatının daha da genişləndirilməsini vacib sayıram", - P.Şahbazov deyib.

O əlavə edib ki, Azərbaycan "OPEC+" sazişinə əsasən, öhdəliklərini bundan sonra da yerinə yetirmək niyyətindədir: "Azərbaycan öhdəliklərə sadiqliyini təsdiqləyir və bundan sonra da neft bazarında sabitliyin təmin olunmasında fəal rol oynayacaq".

P.Şahbazov hesab edir ki, neftə olan tələbatın böhrandan əvvəlki səviyyəyə qayıtması azı iki il çəkə bilər.

"Təəssüf ki, indiki qeyri-müəyyənliyi nəzərə alaraq, tələbatın yaxın gələcəkdə tam bərpa olunacağını əminliklə gözləmək olmaz. Bəzi hesablamalara görə, neft bazarının sabitləşməsi üçün azı 2 il vaxt lazımdır", - deyə o vurğulayıb.

2
Səudiyyə Ərəbistanında neft tankeri, arxiv şəkli

Səudiyyə Ərəbistanı yeni müharibə ilə hədələdi, neft qiymətləri kəskin düşə bilər

12
(Yenilənib 16:04 02.07.2020)
Energetika naziri Abdulaziz ben Salman əl-Saud bəyan edib ki, əgər ölkələr razılaşmaya qarşı çıxsalar, krallıq neft qiymətlərini kəskin şəkildə aşağı salacaq və hər iki ölkənin mövqelərini zəiflədəcək: "Biz sizin alıcılarınızı bilirik".

BAKI, 2 iyul — Sputnik. Əgər Anqola və Nigeriya neft hasilatının azaldılması üzrə "OPEC+" çərçivəsində öhdəliklərini yerinə yetirməsələr, Səudiyyə Ərəbistanı onlara qarşı qiymət müharibəsinə başlayacaq. Sputnik Azərbaycan "RİA Novosti" agentliyinə istinadən xəbər verir ki, bu barədə "Dow Jones" agentliyində olan mənbə bildirib.

Məlumata əsasən bunu Səudiyyə Ərəbistanın Energetika naziri Abdulaziz ben Salman əl-Saud iyunun 18-i "OPEC+" ölkələrinin videokonfransında bildirib.

O bəyan edib ki, əgər bu ölkələr razılaşmaya qarşı çıxsalar, krallıq neft qiymətlərini kəskin şəkildə aşağı salacaq və hər iki ölkənin mövqelərini zəiflədəcək: "Biz sizin alıcılarınızı bilirik".

Qeyd olunur ki, Səudiyyə Ərəbistanın sərt mövqeyi OPEC daxilində fikir ayrılıqlarını artırır. Lakin Səudiyyə Ərəbistanı öz məqsədinə çatmaq üçün neft qiymətlərini aşağı salmaq iqtidarında olduğunu göstərib. Belə ki, bu ilin martın əvvəlində Rusiya ilə münaqişə zamanı Avropaya neft tədarükü zamanı maksimum şəkildə güzəşt təklif edib.

12
Günəş, arxiv şəkli

Yunanıstanda maraqlı təbiət hadisəsi baş verib

0
"Günəş iti" kimi bir fenomenal hadisəni demək olar ki, xüsusilə yaxşı havalarda dünyanın hər yerində görmək mümkündür.

BAKI, 2 iyul — Sputnik. Yunanıstanda "Günəş iti" adlanan nadir bir təbiət hadisəsi baş verib.

Sputnik Azərbaycan xəbər verir ki, hadisənin video görüntüsü "Youtube"-da paylaşılıb. Videoda Günəşin su üzərində dayandığı an təsvir olunur. Göy gövdəsi yarıya qədər buludla örtülüb. Nəticədə günəşin "ikiqat olması" xəyalı yaranır. "Günəş iti" kimi bir fenomenal hadisəni demək olar ki, xüsusilə yaxşı havalarda dünyanın hər yerində görmək mümkündür.

Xatırladaq ki, kameralar 2019-cu ilin dekabrında Amerikanın Missuri ştatındakı Sent-Luis şəhəri üzərində səmada Yer atmosferinə daxil olan meteoru çəkmişdi.

0
Teqlər:
Günəş, Yunanıstan