Pambıq yığımı. Arxiv şəkli

İkinci "ağır artilleriya"mız hərəkətlənir, amma əl əməyindən texnikaya keçilməlidir

4863
(Yenilənib 18:37 15.10.2018)
"Aparılan monitorinqlər göstərir ki, əksər rayonlarda pambıq yığımı yenə də əl yığımı ilə həyata keçirilir"

Xalid Məmmədov, Sputnik Azərbaycan

BAKI, 15 oktyabr — Sputnik. Ötən ay Azərbaycanda pambığın alış qiyməti 50 manat artırılıb. Pambığın 1 tonunun alış qiymətinin 50 manat artırılması ilə pambıq istehsalıyla məşğul olan fermerlərin əlavə olaraq 12 mln. manatdan çox qazanc əldə etməsi gözlənilir. 1-ci növ pambığın qiyməti 600 manatdan 650 manata, 2-ci növ 580-dən 630 manata, 3-cü növ, 540-dan 590 manata, 4-cü növ 500-dən 550 manata qaldırılıb.

Vüqar Bayramov
Vüqar Bayramov

Mütəxəssislər Sputnik Azərbaycan-a pambığın alış qiymətinin artımını şərh ediblər. İqtisadçı-ekspert Vüqar Bayramov deyib ki, pambığın alış qiymətinin artırılmasına ehtiyac var idi: "Alış qiymətin artırılması həm də pambıq istehsalçılarının stimullaşdırılması baxımından çox vacibdir. O baxımdan, pambığın alış qiymətinin artırılmasına ehtiyac var idi. Artım qərarı doğrudur".

"Amma bütövlükdə pambıq istehsalı və eləcə də pambıq yetişdirilməsi ilə bağlı məhsuldarlığa diqqət yetirsək, hələ də bəzi rayonlarda məhsuldarlıq aşağıdır. Bunun əsas səbəblərindən biri pambıq istehsalında, xüsusilə də yığımda texnologiyadan və kombaynlardan daha az istifadə olunması ilə bağlıdır. Ona görə də pambıq istehsalının və alış qiymətinin artırılması ilə yanaşı, məhsuldarlığın da artırılması ilə bağlı tədbirlərin həyata keçirilməsinə ehtiyac var. Xüsusilə pambıq yığımında əl ilə deyil, kombaynlardan istifadə edilməsi olduqca vacibdir" — deyə ekspert bildirib.

O vurğulayıb ki, bu gün dünyanın azsaylı ölkələrində pambıq əl ilə yığılır: "Əl yığımı bir tərəfdən pambığın keyfiyyətinə təsir göstərir, digər tərəfdən isə vaxt itkisidir. Yağış mövsümü başlamadan pambıq yığımını başa çatdırmağa ehtiyac var. Azərbaycanda da pambıq yığımının intensivləşdirilməsinə, yəni kombaynlaşdırılmasına ehtiyac var".

Ekspertin fikrincə, texnologiyadan istifadə edilməsi olduqca vacibdir: "Amma hələlik aparılan monitorinqlər göstərir ki, əksər rayonlarda pambıq yığımı yenə də əl yığımı ilə həyata keçirilir. O baxımdan alış qiymətinin artırılması ilə yanaşı, pambıq yığımının modernləşdirilməsinə ehtiyac var. Kənd Təsərrüfatı Nazirliyi çalışmalıdır ki, növbəti mövsümdə daha çox kombayndan istifadə etməklə pambıq yığımına nail ola bilsin".

V.Bayramovun qənaətincə, gələcəkdə alış qiymətinin artırılması imkanları var: "Nəzərə alaq ki, bu, həm də bir stimuldur. Ümumiyyətlə, gələcəkdə pambığın alış qiymətinin bir sıra ölkələrdə olduğu kimi, diferensiallaşması da mümkündür. Amma eyni zamanda, daha çox pambıq yığan fermerlərə əlavə ödənişlər həyata keçirilə bilər".

Müslüm İbrahimov
© Photo : UNEC
Müslüm İbrahimov

"Daha məqsədəuyğundur ki, hazırkı qiymətlər baza qiyməti olsun və gələcəkdə diferensial alış qiymətləri tətbiq edilsin. Bu, nəticədə fermerlərin və sahibkarların daha çox pambıq yetişdirməsini və yığmasını stimullaşdıracaq" – o, qeyd edib.

Azərbaycan Dövlət İqtisad Universitetinin (UNEC) dosenti Müslüm İbrahimov da düşünür ki, pambıqçılığın inkişafı üçün ilk növbədə stimullaşdırma olmalıdır: "Dövlət bu sahəni inkişaf etdirmək üçün bir çox məsələləri öz üzərinə götürür. İlk olaraq burada risk məsələsi var".

"Yəni dünyada pambıq bazarında qiymətlərdə dəyişikliklər, volatilik olur və bu, çox çətin proqnoz verilən sahədir. Dünya pambıq bazarında qiymət dəyişikliyi olanda, dövlət bunu üzərinə götürür. Bu, pambıqçılara stimul verir" — mütəxəssis bildirib.

"Artıq Azərbaycan pambığın emalında böyük nailiyyətlər əldə edib. Ölkəmizin tekstil sahəsinin perspektivləri var. Bunun tərəqqisinə nail olmaq üçün ilk növbədə xammal bazasını daha da möhkəmləndirmək lazımdır" — deyə M.İbrahimov əlavə edib.

4863
Teqlər:
Müslüm İbrahimov, alış, stimul, pambıq, ekspert, Vüqar Bayramov, bazar, Azərbaycan, qiymət
Əlaqədar
Arıçıdan həyəcan təbili: Hər dəfə pambığa dərman səpiləndə arılar məhv olur
Yetkili şəxs "pambıq fəlakəti" barədə yeni məlumatlar açıqladı, ortada ciddi müəmma var
Yevlaxda pambıq sahəsində növbəti olay: "Ağ qızıl" yenə zəhərə çevrildi
Saatlıda fövqəladə hadisə: 21 pambıqçı kimyəvi maddədən zəhərləndi
İş adamı "açdı sandığı, tökdü pambığı" - Rüşvət qalmaqalı
Saytda qeydiyyat

Şəxslərin müraciətləri əsasında icazələrin aktivləşdirilməsi davam edir

2
Xüsusi karantin rejimi tətbiq edilən dövrdə fəaliyyətinə icazə verilən, lakin "icaze.e-gov.az" portalında qeydiyyatdan keçə bilməyən sahibkarlıq subyektləri onlayn kargüzarlıq vasitəsilə Dövlət Vergi Xidmətinə müraciət edə bilərlər

BAKI, 7 iyul — Sputnik. Nazirlər Kabinetinin 2020-ci il 19 iyun tarixli 208 nömrəli Qərarı ilə fəaliyyətinə icazə verilən sahələr üzrə hüquqi və fiziki şəxslərin müraciətləri əsasında icazələrin aktivləşdirilməsi davam edir.

İqtisadiyyat Nazirliyi yanında Dövlət Vergi Xidmətinə daxil olan müraciətlər təxirə salınmadan araşdırılır və əsaslı müraciətlər üzrə vergi ödəyicilərinin "icaze.e-gov.az" portalında qeydiyyatdan keçməsinin mümkünlüyü barədə məlumat dərhal Vətəndaşlara Xidmət və Sosial İnnovasiyalar üzrə Dövlət Agentliyinə ("ASAN xidmət"ə) göndərilir. Bu barədə Nazirlikdən Sputnik Azərbaycan-a məlumat verilib.

Aparılmış araşdırmalar nəticəsində əvvəllər icazəsi olmuş, sonradan isə icazələrin verilməsi məhdudlaşdırılmış bir sıra hüquqi və fiziki şəxslərin müraciətləri əsasında onların vergi orqanlarının məlumat bazasında olan fəaliyyət istiqamətləri və təsnifat kodları ilə bağlı məlumatları yenidən dəqiqləşdirilib, uçot baza məlumatları yenidən işlənib, belə işəgötürənlərin və əlavə fəaliyyət istiqamətləri icazə verilən sahələrə daxil olan bir sıra hüquqi və fiziki şəxslərin işçilərinin sayına uyğun olaraq yol verilən limitlər çərçivəsində icazələrin aktivləşdirilməsi həyata keçirilib.

Bununla əlaqədar, hüquqi və fiziki şəxslərdən "icaze.e-gov.az" portalında icazələrinin aktivləşdirilməsini yenidən yoxlaması tövsiyə olunur.

Xüsusi karantin rejimi tətbiq edilən dövrdə fəaliyyətinə icazə verilən, lakin "icaze.e-gov.az" portalında qeydiyyatdan keçə bilməyən sahibkarlıq subyektləri onlayn kargüzarlıq vasitəsilə Dövlət Vergi Xidmətinə müraciət edə bilərlər.

İqtisadiyyat Nazirliyi bir daha bildirir ki, hüquqi və fiziki şəxslərə icazələr Nazirlər Kabinetinin qəbul etdiyi müvafiq qərara əsasən fəaliyyətinə icazə verilən sahələr üzrə aktivləşdirilir, yeni icazələrin alınması ilə bağlı yaranan məsələlərin həlli real vaxt rejimində aparılır və hazırda sistemin aktiv fəaliyyətinin təmin edilməsi üçün Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi ilə birlikdə iş aparılır.

2
Neft buruğu, arxiv şəkli

Azərbaycan nefti 44 dolları keçdi

4
(Yenilənib 11:27 07.07.2020)
"Brent" markalı neftin qiyməti 0,31 dollar geriləyərək 42,79 dollar, "Light" markalı neftin qiyməti isə 0,33 dollar ucuzlaşaraq 40,30 dollar olub.

BAKI, 7 iyul — Sputnik. Azərbaycan neftinin qiyməti bahalaşıb.

Sputnik Azərbaycan xəbər verir ki, "Azeri Light" markalı neftin bir barelinin qiyməti 0,51 dollar artaraq 44,36 dollar təşkil edib.

"Brent" markalı neftin qiyməti 0,31 dollar geriləyərək 42,79 dollar, "Light" markalı neftin qiyməti isə 0,33 dollar ucuzlaşaraq 40,30 dollar olub.

Qeyd edək ki, Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

4

ÜST Rusiyanın COVID-19 vaksini ilə maraqlanıb

0
Ümumdünya Səhiyyə Təşkilatı Rusiyanın koronavirusa qarşı istehsal etdiyi vaksinlə maraqlanıb. Təşkilat bəyan edib ki, onlar sınaqların başa çatmasını gözləyir.

ÜST onu da qeyd edib ki, COVID-19-un müalicəsi üçün preparatların sınaqdan keçirilməsindən də agahdırlar. Rusiya eyni zamanda bir neçə məkanda könüllülərlə sınaqlar aparır. Bu sınaqların necə keçdiyini, könüllü iştirakçıların özlərini necə hiss etdiklərini və hansı ölkələrin vaksini hamıdan çox gözlədiyini videomuzda izləyin.

0