Ərzaq dükanı - supermarket, arxiv şəkli

Rəsmi qurum açıqladı: Qiymətlər xeyli qalxıb

363
(Yenilənib 21:25 14.10.2018)
Ərzaq məhsullarının qiymətləri 2,5 faiz, qeyri-ərzaq mallarının qiymətləri 3,0 faiz, əhaliyə göstərilən ödənişli xidmətlərin qiymətləri 2,5 faiz bahalaşıb

BAKI, 14 oktyabr — Sputnik. Yanvar-sentyabr aylarında istehlak məhsullarının və xidmətlərin qiymətləri 2017-ci ilin müvafiq dövrünə nisbətən 2,6 faiz, o cümlədən ərzaq məhsullarının qiymətləri 2,5 faiz, qeyri-ərzaq mallarının qiymətləri 3,0 faiz, əhaliyə göstərilən ödənişli xidmətlərin qiymətləri 2,5 faiz bahalaşıb.

Sputnik Azərbaycan Dövlət Statistika Komitəsinə istinadla xəbər verir ki, sentyabrda avqust ayına nisbətən istehlak məhsullarının və xidmətlərin qiymətləri 0,2 faiz, o cümlədən ərzaq məhsullarının qiymətləri 0,4 faiz, qeyri-ərzaq mallarının qiymətləri 0,2 faiz, əhaliyə göstərilən ödənişli xidmətlərin qiymətləri isə 0,1 faiz bahalaşıb.

Ay ərzində un, manna yarması, mal, qoyun və toyuq əti, kolbasa məmulatları, balıq məhsulları, süd məhsulları, pendir və yumurta, kərə, zeytun və günəbaxan yağları, xiyar, pomidor, yerkökü, kartof, bananın qiymətlərində bahalaşma, yumru düyü, qarabaşaq yarması, limon, naringi, alma, armud, nar, qarpız, yemiş, üzüm, göyərti, şirin bibər, badımcan, göy lobya, soğanın qiymətlərində isə ucuzlaşma müşahidə olunub. Digər ərzaq məhsullarının qiymətlərində ciddi dəyişikliklər baş verməyib.

Ay ərzində qeyri-ərzaq mallarından parça, geyim, inşaat materialları, mebel və ev əşyaları, xalça və digər döşəmə örtükləri, ev üçün toxuculuq məmulatları, məişət cihazları, kiçik elektrik cihazları, oyuncaqlar, kitablar, dəftərxana ləvazimatları, zərgərlik məmulatlarının qiymətlərində bahalaşma, müalicə ləvazimatları və cihazları, minik avtomobilləri, velosipedlər, mobil telefonlar və planşet tipli kompüterlərin qiymətlərində isə ucuzlaşma olub. Digər qeyri-ərzaq məhsullarının qiymətlərində ciddi dəyişikliklər baş verməyib.

Sentyabr ayında avqust ayına nisbətən əhaliyə göstərilən ödənişli xidmətlərdən məişət cihazları, avtomobillərin təmiri, hava nəqliyyatı ilə MDB ölkələrinə sərnişindaşıma, bərbərxana, kosmetoloji, stomatoloji, ictimai iaşə xidmətlərinin qiymətləri, mənzillərin icarə haqqı, kompüter və xarici dil kurslarında təhsil haqqı bahalaşıb, respublikadan kənara istirahət turlarının qiymətləri, dəmir yolu nəqliyyatı ilə MDB ölkələrinə, hava nəqliyyatı ilə MDB ölkələri istisna olmaqla digər ölkələrə sərnişindaşıma xidmətlərinin qiymətləri isə ucuzlaşıb. Digər ödənişli xidmətlərin qiymətlərində ciddi dəyişikliklər baş verməyib.

363
Teqlər:
ödənişli xidmətlər, qeyri-ərzaq malları, ərzaq məhsulları, bahalaşma, qiymətlər, Dövlət Statistika Komitəsi
Dollar əskinasları və cüzdan, arxiv şəkli

Amerikalı milyarder düzgün investisiya etməyin sirlərini bölüşdü

8
(Yenilənib 23:11 27.02.2021)
Uorren Baffet fiksə edilmiş gəlir alətlərinə yatırım edənləri "kədərli gələcəyin" gözlədiyini bildirib.

BAKI, 27 fevral - Sputnik. Amerikanın Berkshire Hathaway holdinq şirkəti banisi Uorren Baffetin illik ismarıcını yayıb.

Sputnik Azərbaycan-ın məlumatına görə, ismarıcda milyarder pərakəndə investorlara tövsiyələrini qeyd edib.

Onun sözlərinə görə, kapitalın əsasını "vaxt, daxili sakitlik, geniş diversifikasiya və əməliyyat sayı ilə komissiyaların minimuma ebdirilməsi" təşkil edir. 

"Aksiyalara sahib olmaq - müsbət məbləğlə oyun oynamaqdır. Hövsələli və ağıllı, portfel yığmış meymun S&P 500 siyahısından olan şirkətlərin yerləşdirildiyi nişangaha 50 ox atsa, vaxt keçdikdən sonra gəlir götürəcək, kapitalı artacaq, düzdür, gərək bu zaman şirnikib aktivlərə dəyişiklik eləməyə".

O həmçinin qeyd edib ki, hazırda istiqrazlar üçün yaxşı vaxt deyil, çünki ABŞ Maliyyə Nazirliyinin onillik istiqrazları, məsələn, 2020-ci ilin sonunda 1981-ci ilin sentyabrındakı gılirliliklə müqayisədə 94 faiz düşmüşdü. Baffet fiksə edilmiş gəlir alətlərinə yatırım edənləri isə "kədərli gələcəyin" gözlədiyini bildirib.

8
Teqlər:
ABŞ, sirr, milyarder, investisiya, investor
Pulun sayması, arxiv şəkli

Yazda əmanətləri bu valyutada saxlamaq məsləhətdir

20
(Yenilənib 20:21 27.02.2021)
Valyuta məzənnəsindəki sabit dalğalanmalara daha çox ya fundamental amillərin təsiri ilə valyutaların ucuzlaşması, ya da dolların dəyərindəki dəyişiklik səbəb olur.

BAKI, 27 fevral — Sputnik. Bu yaz əmanətlərin saxlanılması üçün ən əlverişli valyuta dollar olacaq, çünki yaxın aylarda Avropa ölkələrinin "şəxsi" valyutaları, eləcə də bir çox inkişaf etməkdə olan və əmtəə iqtisadiyyatına sahib dövlətlərin milli pul vahidləri Amerika valyutasına nəzərən dəyərini itirmək riski ilə üz-üzə qalacaq.

Bu açıqlamanı RİA Novosti-yə "İnvestisiyalar dünyası" Broker Kredit Servisin fond birjaları üzrə eksperti Dmitri Babin verib.

"Son bir neçə ayda autsayder olan keçən ilin favoritlərinin (ilk növbədə Avropa ölkələrinin avro zonasına daxil olmayan valyutaları) daha da böyüməsi potensialı qarşıdakı 6-12 ay ərzində məhdud görünür, onların dollara nisbətdə dəyərdən düşmə riski isə yüksəkdir. Eyni şey bir çox inkişaf etməkdə olan ölkələrin əmtəə valyutalarına da aiddir", - deyə eksert bildirib.

Onun sözlərinə görə, bu səbəbdən də, hazırda valyuta risklərindən qorunmaq üçün investorlar yatırımlarının böyük hissəsini ABŞ dollarında saxlamalıdırlar.

Babin onu da xatırladıb ki, valyutalar öz-özlüyündə kifayət qədər aşağı dəyişkənliyə sahibdir ki, bu da onların ödəmə və əmanət vasitəsi kimi funksiyalarını yerinə yetirmələri üçün zəruri cəhətdir. Valyuta məzənnəsindəki sabit dalğalanmalara daha çox ya fundamental amillərin təsiri ilə valyutaların ucuzlaşması, ya da dolların dəyərindəki dəyişiklik səbəb olur.

Son doqquz ayda məhz ikinci vəziyyət müşahidə olunub: əksər valyutalar dollar qarşısında əhəmiyyətli dərəcədə bahalaşıb, onlarla ifadə olunan aktivlərin gəlirliliyi isə azalıb.

"Bu, həm inkişaf etmiş Avropa ölkələri, həm də inkişaf etməkdə olan dövlətlərin valyutalarına aiddir. Bu valyutalar hələ də dollara nisbətdə öz qiymətini almayıb və bazar xaricində formalaşan risklər daşıyır. Məsələn, geosiyasi təhdidlərin təzyiqi altında olan rubl kimi", - deyə ekspert vəziyyəti izah edib.

 

20
Teqlər:
valyuta, avro, dollar
İndiki Azadlıq meydanında Leninin heykəli

DTK-nın törədib azərbaycanlıların üstünə atdığı Sumqayıt hadisələrindən 33 il ötür

0
(Yenilənib 09:49 28.02.2021)
Sumqayıt faciəsi zamanı yüzlərlə azərbaycanlı ailəsi həyatlarını təhlükə qarşısında qoyaraq, erməni qonşularını qəzəblənmiş kütlənin təhlükəsindən xilas edib.

BAKI, 28 fevral - Sputnik. SSRİ Dövlət Təhlükəsizlik Komitəsinin Sumqayıtda törətdiyi xoşagəlməz hadisələrdən 33 il ötür.

Sputnik Azərbaycan xəbər verir ki, 1988-ci il fevralın 27-dən 28-nə keçən gecə Sumqayıt şəhərində baş vermiş iğtişaşlar nəticəsində 32 nəfər ölüb. Onlardan 26-sı erməni, 6-sı azərbaycanlı olub.

Sumqayıt hadisələri erməni millətçiləri tərəfindən təşkil edilib. İğtişaşların baş verməsində Sumqayıt əhalisi arasına yerləşdirilən və Azərbaycan dilini təmiz bilən ermənilərdən ibarət təxribatçı qruplar xüsusi rol oynayıb.

Bu hadisələr SSRİ Dövlət Təhlükəsizlik Komitəsinin (DTK) ermənilərlə birgə təşkil etdiyi və həyata keçirdiyi ssenarinin tərkib hissəsi idi. Sumqayıtda bu hadisəni təşkil etmək üçün seçilmiş şəxs də erməni - iki dəfə məhkum olunmuş Eduard Qriqoryan olub. Sumqayıt hadisələrinin təşkilatçısı kimi azərbaycanlı Əhməd Əhmədov güllələnmə cəzasına məhkum edilsə də, şahid ifadələri əsl günahkarın əslində erməni Eduard Qriqoryan olduğunu sübut edir.

Sumqayıt faciəsi zamanı yüzlərlə azərbaycanlı ailəsi həyatlarını təhlükə qarşısında qoyaraq, erməni qonşularını qəzəblənmiş kütlənin təhlükəsindən xilas edib.

Bu hadisələrin Moskva tərəfindən törədildiyini SSRİ DTK-nın o vaxtkı sədri Vladimir Kryuçkov da etiraf edib. SSRİ DTK-nın himayə etdiyi həmin qruplar şəhərin müxtəlif yerlərində qətliamlar törədib. Erməni millətindən olan 26 nəfərin qətlini məhz bu dəstələr həyata keçirib.

Şəhərə yeridilən general Krayevin rəhbərlik etdiyi ordu hissələri isə bunları kənardan izlədikdən sonra - fevralın 29-da hadisələrə müdaxilə edib. Nəticədə 6 azərbaycanlı tankların tırtılları altında qalaraq həlak olub, 400 nəfər xəsarət alıb, 200 mənzil talan edilib, 50 mədəni-məişət obyekti dağıdılıb, 40-dan çox avtomobil yararsız hala salınıb.

Öldürülən ermənilərin, demək olar ki, hamısı erməni terror fondlarına pul keçirməkdən imtina edənlər olub. Eduard Qriqoryan Sumqayıt hadisələri zamanı 5 ermənini şəxsən öldürüb, 8 erməni qadını zorlayıb. Lakin erməni təşkilatları bu cür cinayətlər törətmiş E. Qriqoryanı ağır cəzadan qurtara bilib. E. Qriqoryana 12 illik həbs cəzası verilib, lakin o, bir neçə ildən sonra azadlığa buraxılıb. Digər təqsirləndirilən şəxs azərbaycanlı Əhməd Əhmədov isə Moskvada keçirilmiş məhkəmənin hökmü ilə güllələnməyə məhkum edilib və hökm icra olunub.

Bundan başqa, iğtişaşlara görə 3 minə yaxın günahsız Sumqayıt sakini həbs olunub. Onlardan 400-ü inzibati məsuliyyətə cəlb edilib, 94 nəfər barəsində isə cinayət işi açılıb.

Ermənilər bu gün də Sumqayıt hadisələrindən öz məqsədləri üçün yararlanmağa davam edirlər. Onlar Sumqayıt hadisələri haqda dünya ictimaiyyətində yanlış rəy formalaşdırmağa, antiazərbaycan əhval ruhiyyəsi yaratmağa çalışırlar.

0