Нефть, фото из архива

Siyasi gərginlik böyük maliyyə axını gətirib: İran itirir, Azərbaycan Rusiya qazanır

6238
(Yenilənib 19:07 09.10.2018)
Rusiyalı ekspert: "Neftin qiymətlərinin artması istər Azərbaycan, istərsə də digər neft ixrac edən ölkələr üçün müsbət əlamətdir"

Aleksandra Zuyeva, Sputnik Azərbaycan

BAKI, 8 oktyabr — Sputnik. Azərbaycan və regionda neft-qaz layihələri olan hər bir dövlət üçün neftin qiymətləri nə qədər çox qalxsa, bir o qədər yaxşıdır. Bunu Sputnik Azərbaycan-a Rusiyanın Milli Enerji Təhlükəsizliyi Fondunun aparıcı analitiki, Rusiya Federasiyası hökuməti yanında Maliyyə Universitetinin müəllimi İqor Yuşkov deyib.

İqor Yuşkov
© Sputnik / Vladimir Trefilov
İqor Yuşkov

Neftin qiymətlərinin qalxmasının Azərbaycan və Rusiyaya necə təsir edəcəyi barədə suala cavab verən analitik qeyd edib ki, Azərbaycan ixraçatçı ölkə olduğu üçün onun gəlirləri kifayət qədər yüksək olacaq. Ekspertin sözlərinə görə, Azərbaycanın özünün və digər ölkələrdəki Azərbaycan şirkətlərinin layihələri daha çox rentabellidir.

"Neft nə qədər baha olsa, kredit almaq və daha yüksək dəyəri olan layihələri inkişaf etdirmək imkanları da bir o qədər böyük olur. Bu səbəbdən də neftin qiymətlərinin artması istər Azərbaycan, istərsə də digər neft ixrac edən ölkələr üçün müsbət əlamətdir" — Yuşkov bildirib.

Ekspert hesab edir ki, neftin qiymətlərinin qalxması Rusiyaya da sanksiyalardan çəkdiyi əziyyətləri daha yüngül adlamağa kömək edəcək. Yuşkovun fikrincə, əslində, hər barelə görə 40 dollardan artıq olan gəlirlər büdcəyə əlavə vəsaitlərin daxil olması deməkdir.

Analitik izah edib ki, əslində ABŞ və Qərbin sanksiyaları Rusiyanın özünün büdcə kəsirləri ilə bağlı xarici siyasətini dəyişməsinə yönəldilib: "Qiymətlər yüksək olanda və Rusiya büdcəsi bu vəsaitləri alanda, sanksiyaların mənfi təsiri aradan qalxır. Ona görə də, neft nə qədər baha olsa, Rusiya iqtisadiyyatına bir o qədər xeyirdir".

Sputnik Azərbaycan-ın həmsöhbəti onu da deyib ki, İrana qarşı əlavə, sərt sanksiyaların tətbiqindən gözlənilənlər neft qiymətlərinin yüksəlməsinin əsas səbəbidir: "B ilin 5 noyabrından etibarən qüvvəyə minəcək yeni Amerika məhdudiyyətləri kifayət qədər sərt olacaq və onlar İranın ümumiyyətlə neft ixracını dayandırmasına istiqamətlənib".

Yuşkov qeyd edib ki, bu məsələdə İrandan asılı heç nə yoxdur: "Amerikalılar digər ölkələrə və şirkətlərə İran neftini almağı qadağan edir. İndi gözlənilən odur ki, İran ixracı dayandıracaq və yaxud da öz ixracını radikal şəkildə ixtisar edəcək. Nəticədə dünya bazarında neft defisiti yaranacaq. Bu səbəbdən də "qara qızıl"ın qiymətləri yüksələcək".

""OPEC+" razılaşmasına əsasən, onlar neft hasilatı ilə bağlı kvotanı artırmayacaqlar. Və bütün bir-biri ilə əlaqəli bu hadisələr neftin qiymətinin yüksəlməsinə təsir edir" — deyə analitik bildirib.

Yuşkovun fikrincə, digər tərəfdən, neft hasilatının aşağı düşməsi gələcəkdə Amerikada şist neftinin hasilatının artmasına səbəb olacaq və beləliklə də bazarda yeni daha böyük həcmli neft ixracatçıları peyda olacaq. Bununla belə, ekspert "OPEC+"in anlaşmasının pozulacağını da istisna etmir. Belə olan təqdirdə bazarın bütün iştirakçıları çalışacaqlar ki, hasilatı maksimum artırsınlar və dünya bazarına daha çox neft təklif etsinlər.

Qeyd edək ki, Londonun ICE birjasındakı hərraclarda 2018-ci ilin noyabr ayı üçün tədarük edilən "Brent" markalı neftin fyuçers qiyməti 2,6% artaraq hazırda bir barel üçün 85,02 dollar təşkil edir. Bunu sözügedən birjanın məlumatları da təsdiqləyir. Sonuncu dəfə "Brent" markalı neftin bir barelinin qiyməti 3 noyabr 2014-cü ildə bu həddə olub.

6238
Teqlər:
İqor Yuşkov, analitik, Sputnik Azərbaycan, barel, sanksiya, İran, Rusiya, Azərbaycan, ABŞ, dollar, qiymət, neft
Əlaqədar
Neft nə vaxta kimi bahalaşmağa davam edəcək - Ekspert şərhi
İqtisadiyyatı ölən neft ölkəsi və ilk milli elektron valyuta
Azərbaycan neftinin qiyməti son illərin rekord həddinə çatır
İran ABŞ-a qarşı çıxdı, bu qərar neft bazarına təsir edəcək
Azərbaycan neftinin qiyməti 104 dollara çatacaq

Evlər "Suqovuşan"ın işığı ilə aydınlanacaq - VİDEO

24
(Yenilənib 14:24 05.12.2020)
"Hazırda KSES-lərə dəymiş ziyan hesablanıb və bərpa edilməsi üçün layihələndirmə işləri həyata keçirilib. Layihəyə əsasən, işlər 3 ay müddətində həyata keçirilərək elektrik stansiyaları istismara veriləcək" - "Azərenerji" ASC

BAKI, 5 dekabr — Sputnik. Müzəffər Ali Baş Komandan Prezident İlham Əliyevin rəhbərliyi ilə Azərbaycan Ordusunun işğaldan azad etdiyi ərazilərdə yararlı və yararsız bir çox enerji obyektləri mövcuddur. Onlardan biri də Suqovuşanda yerləşən ümumi gücü 7,8 Meqavat olan "Suqovuşan-1" və "Suqovuşan-2" Kiçik Su Elektrik Stansiyalarıdır (KSES).

"Azərenerji" Açıq Səhmdar Cəmiyyətindən Sputnik Azərbaycan-a verilən məlumata görə, onlardan birinin gücü 4,8, digərinin gücü isə 3 Meqavatdır: "Erməni qəsbkarları bir çox sahələrdə olduğu kimi, bu KSES-lərə də zərər vurmağa, yararlı ehtiyat hissələrini söküb daşımağa, apara bilmədiklərini dağıtmağa macal tapsalar da, onların təmir və bərpa edilməsi mümkünsüz deyil. Belə ki, işğaldan azad edilən Suqovuşandakı su elektrik stansiyalarının maşın zalı, aqreqatları, generatorları, o cümlədən idarəetmə mərkəzinin binası, panellər, avadanlıqlar, yarımstansiyasının gərginlik və cərəyan transformatorları, açarlar, ayırıcılar zədələnib və ya sıradan çıxıb".

"Hazırda KSES-lərə dəymiş ziyan hesablanıb və bərpa edilməsi üçün layihələndirmə işləri həyata keçirilib. Layihəyə əsasən, işlər 3 ay müddətində həyata keçirilərək elektrik stansiyaları istismara veriləcək", - deyə məlumatda bildirilib.

"Suqovuşan" KSES-lərin mövcud vəziyyətini göstərən videonu təqdim edirik.

24
Teqlər:
"Azərenerji" ASC, SES, Suqovuşan
Neft buruğu, arxiv şəkli

Dünyada neft bahalaşır

14
(Yenilənib 13:42 05.12.2020)
Azərbaycan neftinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub

 

BAKI, 5 dekabr — Sputnik. Azərbaycan neftinin qiyməti bahalaşıb.

Sputnik Azərbaycan xəbər verir ki, "Azeri Light" markalı neftin bir barelinin qiyməti 0,20 dollar artaraq 49,68 dollar təşkil edib.

“Brent” markalı neftin bir barelinin qiyməti 0,54 dollar artaraq 49,25 dollar, “Light” markalı neftin bir barelinin qiyməti isə 0,62 dollar bahalaşaraq 46,26 dollar olub.

Qeyd edək ki, Azərbaycan neftinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

14
Teqlər:
"AzeriLight" markalı neft, "Brent" markalı neft, bahalaşma, neft
Mövzu:
Neft qiymətləri ətrafındakı ajiotaj
Sarımsaq, arxiv şəkli

Təbii antibiotik zərərli imiş

0
(Yenilənib 23:40 05.12.2020)
Məlum olub ki, sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

BAKI, 5 dekabr — Sputnik. Çoxsaylı faydalı təsirləri olmasına baxmayaraq, sarımsaq aqressiv məhsul hesab edilir.

Sputnik Azərbaycan xarici mətbuata istinadla xəbər verir ki, bu barədə danışan həkim-dietoloq İnna Zaykina bildirib ki, çox sarımsaq yemək olmaz.

Mədə xorası xəstəliyi, pankreatit və digər xəstəliyi olan insanlar sarımsaq yeməməlidirlər. Çünki sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

Bir müddət əvvəl isə endokrinoloq Yelena Qubkina kartof bişirmə və yemək üsulları barədə danışarkən bildirmişdi ki, kartof torpaqdan və havadan zərərli maddələr yığdığı üçün onu istehlak edərkən diqqətli olmaq lazımdır. Belə ki, kartofu soyulmuş qaynatmaq və buxarda bişirmək daha faydalıdır. Belə ki, bu zaman tərəvəz maksimum miqdarda qida - kalium, natrium, B6 vitamini verir.

0
Teqlər:
allergiya, mədə-bağırsaq xəstəlikləri, simptom, xəstəlik, təbii antibiotik, zərər, sarımsaq