Azərbaycan Respublikasının Prezidenti İlham Əliyev

"Prezidentin yeni fərmanı ciddi nəticələr doğuracaq"

360
(Yenilənib 12:20 08.10.2018)
Ziyad Səmədzadə: "Dövlət başçısının imzaladığı fərman Azərbaycanda bankların fəaliyyətində ciddi dönüşün yaranmasına səbəb olacaq"

BAKI, 8 oktyabr — Sputnik. "Prezident İlham Əliyevin Azərbaycan Respublikasının Maliyyə Bazarlarına Nəzarət Palatasının fəaliyyətinin təmin edilməsi ilə bağlı əlavə tədbirlər haqqında imzaladığı fərman çox ciddi sənəddir".

Sputnik Azərbaycan xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin sədri Ziyad Səmədzadə deyib. O bildirib ki, bu sənəd Azərbaycanda bankların fəaliyyətində ciddi dönüşün yaranmasına səbəb olacaq: "Artıq Maliyyə Bazarlarına Nəzarət Palatası kifayət qədər sanballı tədbirlər həyata keçirir. Ancaq bankların bir hissəsinin problemi həll olunmamış qalır".

Qeyd edək ki, oktyabrın 4-də Prezident İlham Əliyev Maliyyə Bazarlarına Nəzarət Palatasının (MBNP)  yeni nizamnaməsini təsdiq edib. Yeni qərarla MBNP publik hüquqi şəxsinin Direktorlar Şurası ləğv olunub.

Nizamnaməyə görə, MBNP-nin idarəetmə orqanı İdarə Heyətidir. Bundan əvvəlki nizamnamədə isə qurumun idarə edilməsi İdarə Heyəti ilə yanaşı Direktorlar Şurasına həvalə edilmişdi.

360
Teqlər:
MBNP, Maliyyə Bazarlarına Nəzarət Palatası, fərman, İlham Əliyev, bank, prezident
Əlaqədar
Mərkəzi Bankın mövqeyi aydın oldu: Manat bahalaşmayacaq
Mərkəzi Bank manatın yeni məzənnəsini açıqladı
"Əhali banklardakı əmanətlərini geri çəkə bilər" - Deputatdan vacib təklif
Mərkəzi Bank bu günün məzənnəsi açıqlayıb
Neft buruğu, arxiv şəkli

Azərbaycan nefti 37 dollara düşüb

1
(Yenilənib 12:38 30.10.2020)
Dünya bazarlarında tədarüklə bağlı yaranan narahatlıqlar neftin qiymətinin aşağı düşməsinə təsir göstərir

BAKI, 30 oktyabr — Sputnik. Azərbaycan neftinin qiyməti ucuzlaşır.

Sputnik Azərbaycan xəbər verir ki, "Azeri Light" markalı neftin bir barelinin qiyməti 1,61 dollar ucuzlaşaraq 37,65 dollar təşkil edib.

"Brent" markalı neftin qiyməti 0,67 dollar geriləyərək 36,98 dollar, "Light" markalı neftin qiyməti isə 0,55 dollar ucuzlaşaraq 35,62 dollar olub.

Qeyd edək ki, dünya bazarlarında tədarüklə bağlı yaranan narahatlıqlar neftin qiymətinin aşağı düşməsinə təsir göstərir.

Xatırladaq ki, Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

1
Valyutadəyişmə məntəqəsində dollarlar sayılır, arxiv şəkli

Azərbaycan xalqının dollara tələbi azalıb

29
(Yenilənib 22:47 29.10.2020)
Azərbaycanda keçirilən bugünkü valyuta hərracında tələb əvvəlki hərracla müqayisədə 1,9% və ya 1,2 mln. dollar azalıb.

BAKI, 29 oktyabr — Sputnik. Bu gün Azərbaycan Mərkəzi Bankında Dövlət Neft Fondunun iştirakı ilə növbəti valyuta hərracı keçirilib.

Sputnik Azərbaycan xəbər verir ki, hərracda tələb 62,9 mln. ABŞ dolları təşkil edib və tam təmin edilib. Hərracda manatın ortaçəkili məzənnəsi 1,7000 səviyyəsində formalaşıb.

Bugünkü valyuta hərracında tələb əvvəlki hərracla müqayisədə 1,9% və ya 1,2 mln. dollar azalıb.

Qeyd edək ki, oktyabrın 27-də Mərkəzi Bankda Dövlət Neft Fondunun iştirakı ilə valyuta hərracı keçirilib. Hərracda tələb 64,1 mln. ABŞ dolları təşkil edib.

29