Nağdsız ödəniş

Nağd alış-verişin birdəfəlik tarixə qovuşması gündəmdə: Öncə banklardan başlamaq lazımdır

14418
(Yenilənib 15:27 20.09.2018)
"Əhali anlamalıdır ki, nağdsız hesablaşmaların reallaşması onlar üçün daha sərfəlidir"

Xalid Məmmədov, Sputnik Azərbaycan

BAKI, 20 sentyabr — Sputnik. "Azərbaycanda ümumi hesablaşmalarda nağdsız hesablaşmaların xüsusi çəkisinin artırılması son dərəcə zəruridir. Artıq bu istiqamətdə Mərkəzi Bank və aidiyyatı qurumlar uzun müddətdir bəyanatlar verir. Amma yaxşı olar ki, bu məsələnin reallaşması üçün Mərkəzi Bank və aidiyyatı qurumların əməli tədbirlərinin şahidi olaq".

Transxəzər nəqliyyat dəhlizinin perspektivlərinə həsr olunmuş dəyirmi masa
© Sputnik / Murad Orujov
Dövlət İqtisadiyyat Universitetinin professoru Elşad Məmmədov

Bunu Sputnik Azərbaycan-a açıqlamasıda Azərbaycan Dövlət İqtisad Universitetinin (UNEC) professoru, iqtisadçı-ekspert Elşad Məmmədov deyib. Onun sözlərinə görə, nağdsız hesablaşmaların xüsusi çəkisinin artırılması üçün ilk növbədə bank-maliyyə xidmətləri infrastrukturu təkmilləşdirilməlidir.

"Eyni zamanda, qanunvericilik aktlarında dəyişikliklər edilməlidir. Nağdsız hesablaşmalara keçid bir tərəfdən iqtisadiyyatda şəffaflığa, digər tərəfdən iqtisadi proseslərin sürətləndirilməsinə xidmət edəcək. Bu da son dərəcə önəmlidir. Bununla yanaşı, nağdsız hesablaşmalara keçid, ümumilikdə makroiqtisadi göstəricilərdə, yəni iqtisadi artım, inflyasiya və digər universal göstəricilərdə ciddi şəkildə keyfiyyət dəyişikliklərinə nail olmağa imkan verəcək" — professor bildirib.

"Dünya təcrübəsi də onu göstərir ki, nağdsız hesablaşmalara keçid nə qədər mürəkkəb bir proses olsa da, zəruri hesab olunur. Çünki iqtisadiyyat inkişaf etdikcə, iqtisadiyyatın strukturunda ciddi keyfiyyət dəyişikliklərinə nail olduqca, hesablaşmalarda nağdsız hesablaşmanın xüsusi çəkisinin artırılması labüddür" — deyə o, əlavə edib.

Ekspertin fikrincə, yaxın illərdə iqtisadi islahatların həyata keçirilməsinin ən mühüm hissələrindən biri də məhz nağdsız hesablaşmalara keçid olacaq: "Bunun üçün ilk növbədə qanunvericilikdə dəyişikliklər, bank-maliyyə sahəsində infrastrukturun təkmilləşdirilməsi tələb olunur. Amma bununla yanaşı, bir sıra stimullaşdırıcı tədbirlər də görülməlidir ki, nağdsız hesablaşmalara keçiddə həm bazar iştirakçıları, həm də dövlət maraqlı olsun".

E.Məmmədovun sözlərinə görə, ilk növbədə biznes əməliyyatları iştirakçılarının nağdsız hesablaşmalara keçməsi üçün stimul yaradılmalıdır: "Ancaq inzibati amillərlə nağdsız hesablaşmaların xüsusi çəkisinin artırılması bir qədər çətin görünür. Azərbaycanda bank sektoru çox böyük marja ilə, yəni çox böyük mənfəətlə və faizlərlə işləyir. Bank sektorunda bu istiqamətdə ciddi islahatlara ehtiyac var. Dünya iqtisadiyyatının təcrübəsi onu göstərir ki, bank sektorunda bank marjası cüzi olmalıdır. Yəni bank xidmətlərindən istifadə edənlərin sayı artmalıdır. Bank faizləri cüzi olmalı və banklar stimullaşdırıcı tədbirlər görməlidir ki, məhz kartlar vasitəsilə hesablaşmalarda əhali ilk növbədə maraqlı olsun. Digər tərəfdən, iqtisadi subyektlər maraqlı olsun".

Professor qeyd edib ki, bir sıra iqtisadi subyektlərə nağdsız hesablaşmaların artırılması sərf etmir: "Amma sivil iqtisadiyyat qurmaq istəyiriksə, nağdsız hesablaşmalara keçidi təmin etməliyik. Çünki nağdsız hesablaşmalarda iqtisadi prosesləri aidiyyatı qurumlar çox ciddi şəkildə müşahidə edə bilər və qanun pozuntularının qarşısını çox tez və profilaktik qaydada ala bilər. Ona görə də bu, iqtisadi proseslərin çevikləşməsi, sürətləndirilməsi üçün zəruridir. Digər tərəfdən də iqtisadi əməliyyatlarda qanunauyğun proseslərin inkişafı üçün son dərəcədə lazımdır".

"Əhali anlamalıdır ki, nağdsız hesablaşmaların reallaşması onlar üçün daha sərfəlidir. Bank infrastrukturunda ciddi təkmilləşməyə ehtiyac var. Bank infrastrukturunun inkişaf etməməsi nağdsız hesablaşmalara doğru əhalinin stimullaşdırılmasına mane olur. Ona görə də əhalidə bir çox hallarda nağdsız hesablaşmalara inam olmur. Amma bank sektorunun təkmilləşdirilməsi və nağdsız hesablaşmaların xüsusi çəkisinin artırılması çox zəruridir" — deyə o bildirib.

Qeyd edək ki, Mərkəzi Bankın şöbə müdiri Ramil Mahmudov mətbuata açıqlamasında Azərbaycanda nağdsız ödəniş sisteminin lazımi səviyyədə inkişaf etmədiyini deyib. O, qeyd edib ki, Mərkəzi Bankın bu gün apardığı siyasətin əsas məqsədlərindən biri ölkədə nağdsız ödənişlərin səviyyəsini inkişaf etmiş ölkələrin səviyyəsinə çatdırmaqdır: "Ötən illərlə müqayisədə nağdsız ödənişlərdə artım var, buna baxmayaraq, lazımi səviyyədə deyil. Rəqəmsal ödənişlərdə artım potensialı olsa da, bu sahədə boşluqların olması səbəbindən görüləcək işlər çoxdur".

14418
Teqlər:
nağdsız hesablaşmalar, hesablaşma, qanunvericilik, Elşad Məmmədov, əhali, professor, ekspert, iqtisadçı, Azərbaycan, bank
Əlaqədar
Qeyri-iş günlərində nağd pul niyə ərşə çəkilir - Rəsmi və qeyri-rəsmi cavab
Bu marşrutda nağd pulla getmək mümkün olmayacaq
Hansı ölkələr nağdsız hesablaşmalara hazırdır?
Azərbaycanda nağd alış-verişə son qoyula bilər
Nağdsız hesablaşmalarla bağlı prioritetlər konkretləşdirilib
Mingəçevir SES , arxiv şəkli

Susuzluqdan qaranlığa gedən yol: iki qurum isti havanı da misal gətirdi

15
(Yenilənib 21:36 07.07.2020)
Hava hərarətinin getdikcə yüksəlməsi fonunda çox sayda insanın evdə qalaraq kondisioner işlətməsinə görə elektrik enerjisinə olan təlabatı əvvəlki günlərlə müqayisədə bir qədər də artıb

BAKI, 7 iyul — Sputnik. 24 saat növbəli iş prinsipi ilə fəaliyyət göstərən və bir saniyə də olsun elektrik enerjisinin istehsalını, ötürülməsini, paylanmasını və idarəedilməsini dayandırmayan “Azərenerji” və “Azərişıq” açıq səhmdar cəmiyyətləri, tabeliklərindəki müəssisələrdə koronavirus infeksiyasının yayılmasının qarşısının alınması ilə bağlı təxirəsalınmaz tədbirlər həyata keçirməklə yanaşı, istehlakçıların dayanıqlı, keyfiyyətli və fasiləsiz enerji təminatı üçün bütün lazımi addımları atırlar. Bu barədə "Azerenerji" ASC-dən Sputnik Azərbaycan-a verilən məlumatda bildirilib.

Baxmayaraq ki, son dövrlər çaylarda su səviyyəsinin azalması enerjinin istehsalına təsir edib, hava hərarətinin getdikcə yüksəlməsi fonunda çox sayda insanın evdə qalaraq kondisioner işlətməsinə görə elektrik enerjisinə olan təlabatı əvvəlki günlərlə müqayisədə bir qədər də artıb.

Həmçinin Nazirlər Kabineti yanında Operativ Qərargahın tələblərinə uyğun olaraq “Azərenerji” və “Azərişıq” işə çıxan əməkdaşlarının sayını kəskin azaldılıb. Lakin şənbə, bazar və bayram günlərində də növbəli şəkildə fasiləsiz olaraq iş başında olan əməkdaşlar necə böyük məsuliyyət daşıdıqlarını başa düşərək, əvvəlki karantin rejimi vaxtlarında olduğu kimi bu dəfə də istehlakçıların dayanıqlı və fasiləsiz elektrik enerjisi ilə təchiz edilməsini həyata keçirəcəklər. 

15
Əlaqədar
Həyəcan təbili: Azərbaycanın əsas çayı necə yox olur
Umayra Tağıyeva proqnozu açıqladı: "Əsas səbəb quraqlıqla bağlıdır"
Quraqlıq dövrünün xilaskarı: "Bizim Xəzərimiz var, biz susuz qalmarıq..." – REPORTAJ
Kiçik su elektrik stansiyaları ilə bağlı inkişaf strategiyası hazırlanacaq
Su elektrik stansiyaları

Kiçik su elektrik stansiyaları ilə bağlı inkişaf strategiyası hazırlanacaq

6
(Yenilənib 15:06 07.07.2020)
BP-nin Azərbaycan, Gürcüstan və Türkiyə üzrə regional prezidenti Qəri Cons bildirib ki, Azərbaycanın zəngin karbohidrogen ehtiyatları var.

BAKI, 7 iyul — Sputnik. Azərbaycanda kiçik su elektrik stansiyalarının fəaliyyətinin yaxşılaşdırılması və çayların hidroenerji potensialından səmərəli istifadə edilməsi ilə bağlı aparılan araşdırmaların nəticələrinə dair "SNC-Lavalin"s Atkins" şirkətinin yekun hesabatının onlayn formatda təqdimatı keçirilib. Bu barədə Energetika Nazirliyindən Sputnik Azərbaycan-a məlumat verilib.

Energetika, Ekologiya və Təbii Sərvətlər nazirliklərinin, "Azərnerji" ASC, "SNC-Lavalin"s Atkins", BP və Böyük Britaniyanın Azərbaycandakı səfirliyinin nümayəndələrinin iştirakı ilə keçirilən tədbirdə bildirilib ki, mövcud kiçik su elektrik stansiyalarının səmərəliliyinin qiymətləndirilməsinə, beynəlxalq təcrübə nəzərə alınmaqla stansiyaların fəaliyyətinin təkmilləşdirlməsinə, eləcə də son illərdə müşahidə olunan quraqlıq da nəzərə alınmaqla yeni su elektrik stansiyalarının tikintisinin məqsədəuyğunluğunun araşdırlmasına zərurət yaranıb. Bu məqsədlə 2018-ci ilin 19 oktyabr tarixində Energetika Nazirliyi ilə BP şirkəti arasında imzalanmış "Niyyət məktubu" çərçivəsində nazirlikdə aidiyyəti qurumların mütəxəssislərindən ibarət İşçi qrupu yaradılaraq və layihənin icrasına "SNC-Lavalin"s Atkins" şirkəti cəlb edilərək tədqiqatlar aparılıb. Layihə çərçivəsində 5 kiçik su elektrik stansiyası və yeni stansiyalar üçün seçilmiş 6 sahəyə səfərlər edilib və qiymətləndirmə aparılıb.

"SNC-Lavalin"s Atkins" şirkətinin nümayəndələri Rodrigo Freire De Macedo və Matt Skidmorenin təqdimatında ölkəmizdə mövcud kiçik su elektrik stansiyalarının, eləcə də seçilmiş ərazilərdə inşası planlaşdırılan stansiyaların səmərəlilik aspektindən qiymətləndirilməsi, texniki-iqtisadi göstəriciləri, dağ çaylarının potensialı və tövsiyələr diqqətə çatdırılıb.

Energetika naziri Pərviz Şahbazov iki il müddətinə həyata keçirilən bu layihənin əhəmiyyətini və layihəyə BP şirkəti, eləcə də digər qurumların dəstəyini yüksək qiymətləndirib. "Bu hesabat əsasında ölkəmizdə elektrik enerjisi istehsalı ehtiyaclarını, su potensialını və su qıtlığını nəzərə alaraq, kiçik su elektrik stansiyaları ilə bağlı inkişaf strategiyamızı işləyib hazırlayacağıq. Bu sahənin özəl sektorun cəlbi ilə inkişafı isə əsas hədəflərdən biridir", - deyə nazir əlavə edib.

BP-nin Azərbaycan, Gürcüstan və Türkiyə üzrə regional prezidenti Qəri Cons isə bildirib ki, Azərbaycanın zəngin karbohidrogen ehtiyatları var. Bununla belə hökumətin enerji keçidi ilə bağlı siyasəti təqdirəlayiqdir.

6
Pişik, arxiv şəkli

Ölüm öpüşü: Pişik sahibinin həyatına belə son qoydu

0
(Yenilənib 23:43 07.07.2020)
Həkimlər qadının orqanizmində bakterial meningitə səbəb olan "pasteurella multocida" bakteriyasını aşkar ediblər

BAKI, 7 iyul — Sputnik. Avstraliyanın Melburn şəhərinin sakini pişiyin cırmaqlaması və yaranı yalamasından sonra ölüb.

Sputnik Azərbaycan "Herald Sun" nəşrinə istinadən xəbər verir ki, 80 yaşlı qadının qohumları onu yataqda şüursuz halda yanında pişiklə tapıblar.

Həkimlər onun orqanizmində bakterial meningitə səbəb olan "pasteurella multocida" bakteriyasını aşkar ediblər.

Pensiyaçı komada doqquz gün keçirib, bundan sonra onu həyat təminatı sistemindən ayırıblar.

Yerli xəstəxanalardan birinin yoluxucu xəstəliklər üzrə direktoru Lindsi Qreyson bildirib ki, ev sahibləri pişiklərinə açıq yaraları yalamağa imkan verməməlidirlər. Eyni zamanda o xəbərdarlıq edib ki, immunitet sistemi pozulmuş şəxslər bu ev heyvanlarından qaçmalıdırlar.

Bakterial meningit bakterial infeksiya nəticəsində baş və onurğa beyni membranlarının iltihabıdır.

0
Əlaqədar
Koronavirus bəlasını dünyaya yayan Çin əhli iyrənc adətindən əl çəkmək niyyətində deyil
Bakıda "pişik əməliyyatı" - VİDEO
Evsiz pişikdən yemək əldə etmək üçün ağlasığmaz kələk - Video
Küçədə pişik gəzdirmək cərimə ilə nəticələndi
Telekanal insanları panikaya saldı, sevdiklərindən ayrıldılar