ABŞ prezidenti Donald Tramp

Donald Trampın böyük təhdidi blef çıxdı

8188
(Yenilənib 13:41 10.09.2018)
"ABŞ-ın ÜTT-nin üzvü olan bir sıra ölkələrlə xarici ticarətində ciddi kəsir var və bu kəsirləri uzun müddətdir ardan qaldıra bilmir"

Xalid Məmmədov, Sputnik Azərbaycan

BAKI, 10 sentyabr — Sputnik. ABŞ prezidenti Donald Tramp ölkəsinin Ümumdünya Ticarət Təşkilatından (ÜTT) çıxa biləcəyini açıqlayıb. Onun sözlərinə görə, ÜTT ABŞ-la daha yaxşı davranmalıdır: "Əgər şərtlərimizlə razılaşmasalar, təşkilatdan çıxarıq".

Azərbaycan Dövlət İqtisad Universitetinin (UNEC) dosenti Elşən Bağırzadə
© Photo : UNEC-in mətbuat xidməti
Azərbaycan Dövlət İqtisad Universitetinin (UNEC) dosenti Elşən Bağırzadə

Azərbaycan Dövlət İqtisad Universitetinin (UNEC) dosenti Elşən Bağırzadə Sputnik Azərbaycan-a açıqlamasında ABŞ-ın ÜTT-dən çıxıb-çıxmayacağı ilə bağlı məsələni şərh edib. O bildirib ki, şübhəsiz, ABŞ-ın ÜTT-dən çıxması dünya iqtisadiyyatı üçün çox böyük bir hadisə ola bilər: "Amma bunun baş verəcəyini düşünmürəm. Çünki ABŞ ÜTT-nin qurucularından biridir və o zaman da kifayət qədər əlverişli şərtlərlə bu təşkilatın üzvü olub. Bu baxımdan, ÜTT ABŞ-ın xarici ticarət siyasətini o qədər məhdudlaşdıran bir təşkilat deyil".

E.Bağırzadənin sözlərinə görə, sadəcə ABŞ-ın ÜTT-nin üzvü olan bir sıra ölkələrlə xarici ticarətində ciddi kəsir var: "ABŞ bu kəsirləri uzun müddətdir ardan qaldıra bilmir. Söhbət Çindən, Almaniyadan və digər ölkələrdən gedir. Son vaxtlar ABŞ prezidenti Donald Trampın bu ölkələrə qarşı aqressiv siyasət yürütməsi, onlarla ticarətdə müəyyən gömrük rüsumları tətbiq etməyə çalışması və tətbiq etməsi bundan irəli gəlir. ABŞ bu təşkilatın qurucusu olaraq ÜTT-dən imtina etməyəcək. Çünki ÜTT-nin özü də ABŞ-a çox böyük imkanlar yaradır".

"Trampın açıqlamasını, iqtisadi baxımdan izah edilə bilməyəcək bir sıra bəyanatlarından biri kimi qəbul edirəm. Düşünürəm ki, ABŞ ÜTT-dən çıxmayacaq. Əgər bu, baş versə, dünya ticarətində yeni mərhələnin başlanğıcı deməkdir" — deyə ekspert qeyd edib.

Onun fikrincə, ABŞ dünyada hərbi-siyasi gücünü qoruyub saxlasa da, artıq bir neçə 10 ildir ki, iqtisadi gücü digər güclər ilə əvəz olunmağa başlayıb: "Söhbət əsasən Çindən, Cənub-Şərqi Asiya ölkələrindən gedir. ABŞ iqtisadi gücünü yenidən bərpa etmək üçün bu cür addımlar atmağa çalışır. Xüsusilə informasiya texnologiyalarına əsaslanan dünya iqtisadiyyatında daxili bazarın qorunmasına istiqamətlənmiş addımlar, ABŞ-a qısamüddətli müəyyən faydalar gətirsə də, uzunmüddətli dövrdə elə də faydalı olmayacaq".

"Onsuz da müasir texnologiyalar imkan verir ki, inkişaf etmiş ölkələr artıq zəif inkişaf etmiş ölkələrin ucuz işçi qüvvəsindən asılı vəziyyətdə qalmasın. Məsələn, ABŞ bu ölkələrdən biridir. ABŞ kimi ölkələr orta və uzun müddətli dövrdə zəif inkişaf etmiş ölkələrdən o qədər də asılı olmayacaq. ABŞ-ın Silikon Vadisini götürsək, orada yaradılan dəyəri nəzərə alsaq, bunu görmək mümkündür" — deyə ekspert bildirib.

İqtisadçının sözlərinə görə, Trampın əsas arqumenti odur ki, ABŞ sərmayəsi Çinə, Avropaya və digər ölkələrə yönəlir və daxildə işsizlik yaranır: "Onun həlli yolu da düşünmürəm ki, Trampın atdığı bu addımlardan keçir. Bunun qısamüddətli dövrdə müəyyən effekti olsa da, orta və uzun müddətli dövrdə elə də faydası olmayacaq".

E.Bağırzadə diqqətə çatdırıb ki, dünya iqtisadiyyatının bir gedişi var və bu, azad ticarətə əsaslanır: "Qloballaşma haqqında nə qədər ziddiyyətli fikirlər irəli sürsək də, qloballaşmadan inkişaf etmiş ölkələr, başda ABŞ olmaqla, çox şey qazanıb. Elə inkişaf etməkdə olan ölkələr də bu prosesdən kifayət qədər qazanıb".

"Düşünmürəm ki, ABŞ bu gedişatdan imtina etsin və bunu kəskin şəkildə dəyişdirsin" — deyə həmsöhbətimiz fikrini yekunlaşdırıb.

Qeyd edək ki, Tramp keçən ay verdiyi açıqlamada ÜTT-nin illərlə ABŞ-la pis rəftar etdiyini deyərək, təşkilatın fəaliyyət istiqamətlərini dəyişməsini məsləhət görmüşdü. ÜTT-dəki ABŞ ticarət təmsilçisi Robert Liqzizer isə yanvar ayında verdiyi açıqlamada Çinin 2001-ci ildən ÜTT-yə üzv olmasını səhv addım kimi xarakterizə etmişdi.

Mütəxəssislər hesab edirlər ki, ABŞ ÜTT-dən çıxacağı təqdirdə dünya iqtisadiyyatı və ticarət münasibətləri arzuolunmaz mənzərə ilə üzləşəcək.

8188
Teqlər:
ölkə, Elşən Bağırzadə, ÜTT, Ümumdünya Ticarət Təşkilatı, dünya, Donald Tramp, ekspert, ABŞ, prezident
Əlaqədar
Cavabı ağır olacaq durum: Tram dünyanı niyə ABŞ-a düşmən edir?
Merkel: "Regionda Azərbaycanın simasında ən vacib ticarət tərəfdaşımız var"
Türkiyə-ABŞ ticarət müharibəsi: Qalib bəllidir
Vəziyyət daha da pisləşdi: Türkiyə ABŞ-la ticarət müharibəsinə başladı
Çin ticarət müharibəsində ABŞ-a yeni zərbə vurdu
 Əldə manat, arxiv şəkli

Nazirlik gecikdirilən pulları məcburən ödətdirdi

48
Ödənilən vəsaitin 172,8 min manatı əmək haqları, qalan hissəsi işəgötürənlər tərəfindən ödənilməli olan sosial müavinət və kompensasiyalar, eləcə də zərərə görə ödənclər olub

BAKI, 27 oktyabr — Sputnik. Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti tərəfindən yanvar-sentyabr aylarında vətəndaş müracətlərinin araşdırılması zamanı işəgötürənlər tərəfindən 180 min manata yaxın məbləğdə sosial xarakterli ödənişlərin işçilərə ödənilməsinin gecikdirildiyi müəyyən olunub. Nazirlikdən Sputnik Azərbaycan-a verilən məlumata görə, görülən tədbirlər nəticəsində həmin vəsaitin işəgötürənlər tərəfindən işçilərə ödənilməsi təmin edilib.

Ödənilən vəsaitin 172,8 min manatı əmək haqları, qalan hissəsi işəgötürənlər tərəfindən ödənilməli olan sosial müavinət və kompensasiyalar, eləcə də zərərə görə ödənclər olub.

Həmçinin əmək müqavilələrinə qanunvericiliyin tələblərinə zidd olaraq, habelə ciddi səbəblər olmadan xitam verilməsi halları ilə əlaqədar müvafiq işəgötürənlərlə sosial dialoq qurulub. Onlarla müvafiq izahat işləri aparılıb, həmçinin sosial məsuliyyət prinsiplərinin yüksək tutulması, məşğulluq məsələlərinə həssaslıqla yanaşılması tövsiyə olunub. Bu sahədə görülən tədbirlər nəticəsində Dövlət Əmək Müfəttişliyi Xidməti cari ildə əmək müqaviləsinə xitam verilmiş 700-dən çox işçinin yenidən işinə bərpasını da təmin edib.

48
100 manat, arxiv şəkli

Neft Fondunun aktivləri cüzi azalıb

18
(Yenilənib 23:08 27.10.2020)
ARDNF-in valyuta məzənnələrinin dəyişməsindən yaranan fərqlə bağlı büdcədənkənar gəlirləri 2 394 milyon manat təşkil edib

BAKI, 27 oktyabr — Sputnik. Bu ilin yanvar-sentyabr aylarında Dövlət Neft Fondunun (ARDNF) büdcə gəlirləri 6 593,1 milyon manat, büdcə xərcləri isə 9 046,3 milyon manat təşkil edib.

Sputnik Azərbaycan bu barədə Fonda istinadən xəbər verir.

Məlumata görə, 9 ay ərzində ARDNF-in neft və qaz sazişlərinin həyata keçirilməsindən 6 235,1 milyon manat, o cümlədən mənfəət neftinin və qazın satışından 5 445,5 milyon manat, bonus ödənişlərindən 767,8 milyon manat, akrhesabı ödənişlərdən 6,8 milyon manat, tranzitdən isə 15 milyon manat gəlir əldə edib. Fondun vəsaitinin idarə olunmasından əldə edilən gəlirlər isə 358 milyon manata bərabər olub.

ARDNF-in valyuta məzənnələrinin dəyişməsindən yaranan fərqlə bağlı büdcədənkənar gəlirləri isə 2 394 milyon manat təşkil edib.

Hesabat dövründə Fond 2020-ci il büdcəsinin icrası çərçivəsində dövlət büdcəsinə 8 852,5 milyon manat vəsait transfert edib, qaçqın və məcburi köçkün ailələrinin məskunlaşdırılması və sosial-məişət vəziyyətinin yaxşılaşdırılması üzrə tədbirlərin həyata keçirilməsinə 178,5 milyon manat, "2019-2023-cü illər üçün ali təhsil sisteminin beynəlxalq rəqabətliliyinin artırılması üzrə Dövlət Proqramı"nın maliyyələşdirilməsinə 0,4 milyon manat yönəldib. Qurumun idarə edilməsi ilə bağlı xərcləri isə 14,9 milyon manata bərabər olub.

Bu il oktyabrın 1-nə ARDNF-in aktivləri 43 288,6 milyon ABŞ dolları təşkil edib ki, bu da ilin əvvəlinə nisbətən 0,1% azdır. Aktivlərin azalmasına səbəb koronavirus (COVID-19) pandemiyasının təsirləri nəticəsində dünya iqtisadiyyatında baş vermiş tənəzzül fonunda neft qiymətlərinin aşağı düşməsi, Fondun büdcə xərclərinin büdcə gəlirlərini üstələməsi olub.

18
Gəncədə xəsarət alan uşaq, arxiv şəkli

Müharibə uşaqların düşmənidir

0
(Yenilənib 01:01 28.10.2020)
Uşaqlığını yaşaya bilməyənlər uşaqlığını əlindən alan hər şeyə, hər kəsə nifrət edərlər. Bizim nəslin müharibəyə nifrəti, bəlkə də bununla bağlıdır

Müharibə ən çox uşaqların, uşaqlığın düşmənidir...

Hər dəfə dinc şəhərlər bombalananda qəhərdən boğazım düyümlənir. Bombalanmış evlərdə öldürülən, yaralanan uşaq fotolarını görəndə çarəsizlikdən boğulmaq dərəcəsinə çatıram. Və mən öldürülən hər bir uşağın yerinə ən ağır işgəncə ilə öldürülmək, yox olmaq istəyirəm. Öldürülən hər uşaqla birlikdə müharibəyə qarşı amansız bir nifrət oyanır içimdə. Çarəsizlikdən başımı divarlara çırpmaq, ağlamaq, qışqırmaq, bu iztirabdan qurd kimi ulamaq istəyirəm…

...Məsumluğu müharibənin məhrumiyyətlərinə tuş gəlmiş bütün uşaqlar kimi, doğru-dürüst uşaqlıq yaşamadığım üçün hər şeyə bir az uşaqca yanaşıram və bəlkə, bu, illərlə belə davam edəcək. Bizim nəsli “Avakado nəsli” adlandırır tədqiqatçılar. Heç vaxt böyüməyən, həmişə uşaq qalan nəsil... Uşaqlığımız travmalarla, məhrumiyyətlərlə, çarəsizliklərlə doludur. Qəhrəman hesab etdiklərimiz baş daşlarında hərbi geyimli fotolara çevrilir, arzularımızı ehtiyac adlı əjdaha kamına çəkir, gülüşlərimizi müharibə oğurlayırdı. Müharibədən yüz kilometrlərlə uzaqda müharibənin bütün ağrı-acısını yaşayır, məhrumiyyətləriylə savaşırdıq. Yaşıdlarımız müharibədə öldürülür, işgəncələr görür, bizdən daha çox itirirdilər.

İndi də övladlarımız eyni ağrılarla üz-üzədirlər. Ancaq onların bizdən çox böyük fərqi var: onlar az qala hər gün qələbə xəbərləri ilə coşur, küçələrə çıxıb şüarlar səsləndirir, daha çox qələbə xəbərlərinə fokuslanırlar…

…Sadəcə zədələnmiş, travmalı uşaqlığıma görə müharibə mənim düşmənimdir. Biz müharibəni "dava-dava" oyunu zənn edəcəkkən, tanıdığımız insanlar gerçək güllələrlə vurulub, öldürülürdü. Gəncliyi yarıda qırılan onlarla tanışımız qara çərçivəli fotolara çevrilirdi. Müharibə bizim arzularımızı, ümidlərimizi oğurlayırdı. Bizim arzusuz, ümidsiz, yoxluqlarla dolu uşaqlığımızda müharibə ən böyük kabusumuz, qələbə ən uzaq ümidimizdi.

Bizim nəslin nə kabusları bitdi, nə ümidləri çiçək açdı...

Ancaq övladlarımız bu kabusun bitəcəyinə inanır, qələbənin gəlişini duyur, zəfəri gözləyirlər.

Elə biz də hər ümidli xəbərə uşaq kimi sevinir, az qala uşaq kimi atılıb-düşürük.

Uşaqlığını yaşaya bilməyənlər uşaqlığını əlindən alan hər şeyə, hər kəsə nifrət edərlər. Bizim nəslin müharibəyə nifrəti, bəlkə də bununla bağlıdır. Həyatımızın ən şirin, əvəzolunmaz çağlarını əlimizdən alan müharibəyə nifrətlə, ikrahla yanaşmağımızın bir səbəbi də budur. Nağıllara inanmaqla keçərdi həyatımız. Nağıllar bizi ovudar, xəyallar ən son sığınacağımız olardı.

...Böyüsək də, müharibə xofu kabus kimi çıxmadı candan. Hər addımda itirmək qorxusuyla yaşadıq, hər addımda o məhrumiyyət, o yoxluq xofu bizi izlədi...

Həyatın oyunları getdikcə adiləşdi, getdikcə itirməyə alışdıq.

Bizim nəslin müharibəyə nifrət etməsinin, qələbəyə, qazanmağa təşnə olmasının səbəbi budur. Müharibə ən böyük travmamız, qorxumuzdur. İndi övladlarımıza danışacaq uşaqlıq xatirələrimizin kasadlığının tək səbəbi müharibədir.

Uşaqların əzab çəkmədiyi, öldürülmədiyi, travma almadığı sakit, sülh içində dünya istəmişik həmişə…

Müharibə uşaqların düşmənidir. Vətənində müharibə gedirsə, atəş xəttindən yüz kilometrlərlə uzaqda olmağın heç nəyi dəyişmir. Düşmən güllələri sənin arzularını, ümidlərini, oyunlarını öldürür...

0
Mövzu:
Azərbaycan və Ermənistan arasında müharibə
Əlaqədar
Beynəlxalq təşkilatların ciddi ölçü götürməməsi Ermənistanı azğınlaşdırır - Ombudsman
Mehriban Əliyeva Ermənistanın müharibə cinayətlərinə üsyan etdi
Atəşkəs Tərtərə dinclik gətirmədi: Rayon dağıntılar içində qalıb – VİDEO
Rəsmi Bakı: "Üçüncü dəfədir ki, Ermənistan atəşkəs rejimini açıq şəkildə pozur"
Vətən Müharibəsinin bir ayı: Azad olunmuş ərazilər - SİYAHI