Yüz manatlıq əskinaslar

Suya tökülən yarım milyardın cəzası kimə kəsiləcək - "Azərsu" narazıdır, əhali narahat

8314
(Yenilənib 17:42 06.09.2018)
"Zərəri əhəmiyyətli dərəcədə artıran əsas faktor "Azərsu" ASC-nin qeyri-şəffaf fəaliyyətidir"

Xalid Məmmədov, Sputnik Azərbaycan

BAKI, 6 sentyabr — Sputnik. 2017-ci ili yarım milyard manatdan çox (508 milyon 350 min manat) zərər ilə başa vurmuş "Azərsu" ASC pul vəsaitlərinin hərəkətində və dövriyyə vəsaitlərində çatışmazlığın davam etdiyini açıqlayıb. ASC-nin hesabatında yer alan məlumata görə, zərərin və vəsait çatışmazlığının səbəbi su və kanalizasiya xidmətlərinin maya dəyərinin satış qiymətindən 2 dəfə yüksək olmasıdır. Belə ki, 1 m3 su və kanalizasiya xidmətinin maya dəyəri 1.41 AZN olsa da, orta satış qiyməti isə 0.74 AZN olub.

İqtisadçı-ekspert Rəşad Həsənov
İqtisadçı-ekspert Rəşad Həsənov

Məsələni Sputnik Azərbaycan-a şərh edən iqtisadçı-ekspert Rəşad Həsənov deyib ki, burada söhbət müəyyən qədər suyun güzəştli şərtlərlə əhaliyə satılmasından gedirsə, zərəri əhəmiyyətli dərəcədə artıran əsas faktor "Azərsu" ASC-nin qeyri-şəffaf fəaliyyətidir: "Çünki davamlı olaraq bu qurumun fəaliyyətində korrupsiya risklərinin yüksək olduğunu və korrupsiya elementlərini görürük. Bu isə son nəticədə qurumun zərərlərini daha da artıran faktora çevrilir".

"Gələcəkdə bu istiqamətdə konkret addımların atılması nəzərdə tutulursa, ilk addım "Azərsu" ASC-nin fəaliyyətinin şəffaflaşdırılması olmalıdır ki, dövlət büdcəsi üzərində əlavə yük formalaşdırmasın. Əminəm ki, qurumun fəaliyyəti şəffaflaşarsa, zərərin böyük bir qismi kompensasiya oluna bilər" — iqtisadçı qeyd edib.

Onun sözlərinə görə, bu göstəricilər fonunda suyun qiymətinin artımına gedilməsi mümkündür: "Amma bir məsələni vurğulamaq lazımdır ki, adətən Azərbaycanda məsələnin həllinin birtərəfli yolunun tapılması tendensiyası olur. Düşünürəm ki, bu, belə olmamalıdır. Bütün istiqamətlərdə məsələnin həllinə kompleks yanaşma ortaya qoyulmalıdır".

"Xərclər çoxdursa, birincisi xərclərin strukturu təhlil olunmalı və burada xərcləmə prosesindəki şəffaflıq və korrupsiya elementləri göz önünə gətirilməlidir. Sadəcə zərəri kompensasiya edək, dövlət üzərindən yükü götürək deyə birbaşa qiyməti müvafiq formada indeksləşdirib artırmaq düzgün yanaşma deyil" — R.Həsənov vurğulayıb.

Ekspertin qənaətincə, ilk növbədə real dəyərin tapılmasına gedilməlidir: "Yəni nə üçün bu xərclər çoxdur, nə üçün qurumun fəaliyyəti zərərlidir. Təhlillərdən sonra mümkündür ki, bununla bağlı bir qərar qəbul edilsin. Əslində prosedurlar belə olarsa, daha effektiv nəticəni əldə etmək mümkündür. Gələcəkdə mərhələli şəkildə suyun qiymətlərinin real dəyərə çatıdırılması istiqamətində addımlar atıla bilər".

"Amma ilk növbədə məsələyə o kontekstdən yanaşmaq lazımdır ki, su kütləvi istifadə olunan əmtəə növüdür. Əhalinin bütün sosial qruplarının maliyyə vəziyyətinə, ailə büdcəsinə birbaşa təsir göstərir. Yəni suyun qiymətini artırmaqla sosial-iqtisadi problemlərin, çətinliklərin yaranması istiqamətində addım atılmış olur. Burada zərərin müəyyən bir qisminin dövlət tərəfindən kompensasiya olunması və dövlətin bu istiqamətdə nəzarətini artırmaqla zərərin əhəmiyyətli hissəsinin aradan qaldırılması qərarı daha məntiqlidir, nəinki suyun qiymətini artırmaqla zərərin aradan qaldırılması" — deyə o, əlavə edib.

R.Həsənovun sözlərinə görə, qurumun hər il zərəri olub: "Əvvəllər zərəri onunla əsaslandırırdılar ki, yığımlar adekvat deyil, yığım səviyyəsi aşağıdır. Və bu prosesin özündə böyük korrupsiya var idi. Sonradan yığım göstəriciləri nisbətən yaxşılaşdı. Bu zaman da ortaya başqa faktorlar çıxdı. Əminəm ki, zərərin əhəmiyyətli bir qismi faktiki olaraq qurumun qeyri-effektiv və qeyri-şəffaf işləməsindən qaynaqlanan zərərdir".

Qeyd edək ki, ASC-nin 2017-ci il üzrə hesabatında deyilir: ""Azərsu" ASC və onun törəmə müəssisələri ("Qrup") Azərbaycanda aktiv şəkildə yeni su kəmərlərinin və kanalizasiya sistemlərinin tikintisi sahəsində investisiya fəaliyyəti ilə məşğuldur və müntəzəm olaraq dövlətdən maddi yardım alır. Tarixən Qrupun əməliyyat zərərləri, əməliyyat fəaliyyəti üzrə pul vəsaitlərinin hərəkəti və dövriyyə vəsaitlərində çatışmazlıq olub. Buna əsas səbəb Tarif (qiymət) Şurası tərəfindən müəyyən olunan xidmətlər üzrə tariflərinin Qrupun su və kanalizasiya xidmətləri üzrə tam maya dəyərindən aşağı olmasıdır".

"Azərsu"nun mətbuat xidmətinin rəhbəri Anar Cəbrayıllı Sputnik Azərbaycan-a açıqlamasında bildirib ki, səhmdar cəmiyyətin suyun qiymətinin artımı ilə bağlı Tarif Şurasına müraciəti gündəmdə deyil.

8314
Teqlər:
iqtisadçı-ekspert Rəşad Həsənov, fəaliyyət, zərər, "Azərsu" ASC, əhali, manat, qiymət
Əlaqədar
Bakının bir hissəsi susuz qalacaq
Rəsmi xəbərdarlıq: Bakının bir hissəsi susuz qalacaq
Mənzillərə verilən suyun qiyməti artırılırmı - "Azərsu"dan cavab
Fermerin suvarma üsulu hamını heyran etdi - VİDEO
Bakı karantinin yumşaldılmasından sonra

Kafe-restoran həsrətliləri üçün son tarix

8
Ölkə ərazisində xüsusi karantin rejiminin müddətinin 2021-ci il 1 aprel saat 06:00-dək uzadılmasına qərar verilsə də müəyyən yumşalmalar var

BAKI, 16 yanvar — Sputnik. Nazirlər Kabineti yanında Operativ Qərərgah kafe və restoranların yerində xidmət göstərəcəyi tarixi açıqlayıb. Sputnik Azərbaycan-ın məlumatına görə, 2021-ci il 1 fevral saat 00:00-dan etibarən ölkə ərazisində ictimai iaşə obyektləri, eləcə də restoran, kafe və çay evləri və bu kimi digər məkanlarda müştərilərə saat 06:00-dan 00:00-dək yerində xidmətlər bərpa olunur.

Qeyd edək ki, Azərbaycan ərazisində yeni növ koronavirus (COVID-19) xəstəliyi ilə bağlı mövcud sanitar-epidemioloji vəziyyət təhlil edilmiş, virusun yayılmasının və onun törədə biləcəyi fəsadların qarşısının alınması məqsədi ilə ölkə ərazisində xüsusi karantin rejiminin müddətinin 2021-ci il 1 aprel saat 06:00-dək uzadılmasına qərar verilib. Azərbaycanda xəstəliyin yayılma dinamikasında müəyyən stabillik müşahidə olunduğundan sərtləşdirilmiş xüsusi karantin rejimi çərçivəsindəki məhdudiyyətlərin bir qisminin 2021-ci il 18 yanvar saat 00:00-dan yumşaldılması qərara alınıb.

8
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar

İqtisadi Şuranın 2021-ci ildə ilk iclası keçirilib

6
İclasda sosial-iqtisadi inkişafla bağlı uzunmüddətli strateji hədəflər və cari məsələlərə dair müzakirələr aparılıb.

BAKI, 15 yanvar - Sputnik. Bu gün Azərbaycan Respublikasının Baş naziri, İqtisadi Şuranın sədri Əli Əsədovun sədrliyi ilə Şuranın növbəti iclası keçirilib.

Nazirlər Kabinetinin mətbuat xidmətindən Sputnik Azərbaycan-a verilən məlumata əsasən, iclasda sosial-iqtisadi inkişafla bağlı uzunmüddətli strateji hədəflər və cari məsələlərə dair müzakirələr aparılıb.

6
Xalq artisti Faiq Ağayev, arxiv şəkli

Faiq Ağayev anasını klipə çəkdi, məşhurları oxutdu - VİDEO

0
(Yenilənib 13:24 16.01.2021)
Klipdə Çingiz Abdullayev, Mələkxanım Əyyubova, Nərgiz Cəlilova, Sənubər İsgəndərli, Rafael Ağayev, Dilarə Əliyeva, Elnarə Xəlilova və digər məşhurlar da yer alıblar

BAKI, 16 yanvar — Sputnik. Xalq artisti Faiq Ağayevin Azərbaycanın Vətən Müharibəsində əldə etdiyi əzəmətli, tarixi Qələbəsinə həsr olunan "Sən qalibsən" klipi təqdim edilib.

Sputnik Azərbaycan xəbər verir ki, mahnının sözləri və musiqisi Xanim İsmayılqızıya aiddir.

Klipə kifayət qədər məşhur simalarla yanaşı, Faiq Ağayevin anası Səfiyyə Ağayeva da çəkilib. Siyahıda Çingiz Abdullayev, Mələkxanım Əyyubova, Nərgiz Cəlilova, Sənubər İsgəndərli, Rafael Ağayev, Dilarə Əliyeva, Elnarə Xəlilova, PRoMete, Kamran Ağabalayev, Leyla Quliyeva, Samir Bayramlı və Əli Paşayevin adları var.

0
Teqlər:
qələbə, Qarabağ, klip, Faiq Ağayev