Manat və dollar

Milli valyutamıza qızıl zəmanət - Manata güvənənlər haqlı çıxdılar

21156
(Yenilənib 13:35 28.08.2018)
"Neftin qiymətinin 70-80 dollar civarında olması 2022-ci ilin sonunadək Azərbaycan iqtisadiyyatına müsbət təsir göstərəcək"

Xalid Məmmədov, Sputnik Azərbaycan

BAKI, 28 avqust — Sputnik. "Manatın devalvasiyaya məruz qalacağı ehtimalı yoxdur və Azərbaycanın milli valyutasının məzənnəsi möhkəmlənəcək". Bu barədə Rusiyanın AKRA reytinq agentliyinin Azərbaycan üzrə iqtisadi icmalında məlumat yer alıb.

Vüqar Bayramov
Vüqar Bayramov

"2022-ci ilin sonunadək manatın məzənnəsi sabit qalacaq, devalvasiya ehtimalı isə azdır" — deyə agentliyin icmalında qeyd edilir.

Mövzunu Sputnik Azərbaycan-a şərh edən iqtisadçı-ekspert Vüqar Bayramov manatın məzənnəsinə 2 faktorun daha çox təsir göstərdiyini deyib: "Birincisi, neftin qiymətidir və bu, məzənnəyə birbaşa təsir göstərən faktordur. Nəticədə neftin qiyməti ölkəyə daxil olan valyutanın həcmini müəyyənləşdirir. Ölkəyə daxil olan valyuta da valyutaya olan tələbin ödənilməsi baxımından çox vacibdir. Azərbaycan ixracatının 90 faizini neft və neft məhsulları təşkil etdiyi üçün neftin dünya bazar qiyməti manatın məzənnəsinə təsir göstərən əsas faktor olaraq qalmaqdadır".

Onun sözlərinə görə, digər tərəfdən, Azərbaycanda məşğul əhalinin, təxminən, 93 faizi qeyri-neft sektorunda çalışır: "Eləcə də qeyri-neft ixracatı və qeyri-neft ixracatındakı əsas tərəfdaşlarımızın milli valyutalarının məzənnəsi manatın məzənnəsinə təsir göstərir. Azərbaycanın qeyri-neft ixracatı 1,5 milyard dollardır və bunun, təxminən, 30-40 faizi Rusiyanın payına düşür. Bu isə o deməkdir ki, qeyri-neft ixracatında Rusiyanın payı yarım milyard dollardan çoxdur".

"Qeyri-neft ixracatımızda əsas tərəfdaşlarımızın milli valyutalarının məzənnəsi manatın kursuna təsir göstərən ikinci əsas faktordur. Rusiya rublunun məzənnəsi dəyişərsə, manatın məzənnəsinə təsir göstərəcək. Çünki Azərbaycanın kənd təsərrüfatı məhsullarının 90 faizi Rusiya bazarına göndərilir" — ekspert deyib.

Bayramovun qənaətincə, manatın məzənnəsinə təsir göstərən faktorların proqnozlaşdırılması çox çətindir: "Çünki neftin dünya bazar qiyməti yalnız iqtisadi deyil, həm də siyasi faktorlarla müəyyənləşir. Növbəti illərdə manatın məzənnəsinin necə dəyişəcəyi daha çox xarici faktorlardan asılı olduğuna görə, onu proqnozlaşdırmaq asan deyil. Yəni neftin qiymətini proqnozlaşdırmaq çətin olduğu üçün manatın məzənnəsinin proqnozlaşdırılması asan deyil".

Manatın məzənnəsinin möhkəmlənməsinə gəldikdə isə, ekspert bildirib ki, Mərkəzi Bank hələlik manatın məzənnəsinin möhkəmlənməsində maraqlı deyil: "Mərkəzi Bank daha çox mövcud məzənnənin qorunub saxlanmasında maraqlıdır. Çünki manatın məzənnəsinin möhkəmlənməsi nəticədə Azərbaycanın qeyri-neft sektorunda istehsal edilən məhsulların xaricdə rəqabət imkanlarını xeyli məhdudlaşdıracaq".

"Manat möhkəmlənərsə, nəticədə Azərbaycanın qeyri-neft ixracatının azalmasına gətirib çıxara bilər. Çünki Azərbaycan məhsulları yenidən bahalaşacaq. O baxımdan güman etmirəm ki, Mərkəzi Bank manatın möhkəmlənməsində maraqlı olacaq" — müsahibimiz bildirib.

"Təbii ki, neftin qiyməti, ölkəyə daxil olan valyutanın həcmi kəskin artarsa, o zaman Mərkəzi Bank məzənnə siyasətinə korreksiyalar edə bilər. Amma indi reallıq odur ki, Mərkəzi Bank manatın möhkəmlənməsində maraqlı deyil" — deyə V.Bayramov əlavə edib.

İqtisadçı-ekspert Natiq Cəfərli isə Sputnik Azərbaycan-a deyib ki, AKRA agentliyinin qeydində bu hesablamaların neftin qiymətlərinin yüksək olduğu təqdirdə keçərli olduğu göstərilir: "Yəni neft qiymətlərinin 70-80 dollar civarında olması 2022-ci ilin sonunadək Azərbaycan iqtisadiyyatına müsbət təsir göstərəcək. Təbii ki, bu, manatın kəskin devalvasiyasının qarşısını alacaq, məzənnənin cüzi möhkəmlənməsinə də səbəb ola bilər".

İqtisadçı-ekspert Natiq Cəfərli
İqtisadçı-ekspert Natiq Cəfərli

"Çünki Agentliyin də proqnozlarında göstərilən rəqəm 2023-cü ilədək manatın cəmi 4 qəpik möhkəmlənməsi ehtimalıdır. Yəni bu ehtimallar neftin qiymətlərinə paralel hesablanıb. Qiymətlərin artımı baş versə, ən az indiki səviyyələrdə olsa, təbii ki, bu, Azərbaycan iqtisadiyyatına da müsbət təsir göstərəcək. Və manatın kəskin devalvasiyasının qarşısını alan əsas amillərdən birinə çevriləcək" — Cəfərli vurğulayıb.

Ekspertin fikrincə, bundan sonra manatın kəskin devalvasiya ehtimalı çox aşağıdır: "Amma yaxın aylarda və illərdə neftin qiymətində azalmalar müşahidə olunsa, o zaman manata basqılar da artacaq. Və manatın az da olsa, dəyərdən düşməsi baş verə bilər. Ona görə həmin şirkətin hesabatında da əsas amil kimi dünya bazarlarında neftin qiymətləri götürülüb".

Qeyd edək ki, AKRA Agentliyinin analitiklərinin qiymətləndirmələrinə görə, manatın dollara nisbətən məzənnəsi sabit – 1,66-1,73 manat diapazonunda olacaq, proqnoz dövrünün sonuna isə 1,66 manat səviyyəsində qərarlaşacaq.

21156
Teqlər:
AKRA reytinq agentliyi, Sputnik Azərbaycan, Natiq Cəfərli, qeyri-neft, ixrac, idxal, devalvasiya, məzənnə, ekspert, iqtisadçı, Vüqar Bayramov, valyuta, Azərbaycan, manat, qiymət, neft
Əlaqədar
Manatın qiyməti dəyişdi
Manatın yeni məzənnəsi bəlli oldu
Türk lirəsinin ucuzlaşmasının manata təsiri olacaqmı – ekspert şərhi
Manatın yeni rəsmi məzənnəsi açıqlanıb
Azərbaycan Rieltorlar Assosiasiyasının icraçı direktoru Elnur Azadov

Ekspert: “Əmlak bazarında ciddi dəyişikliklərin olacağı gözlənilmir”

10
(Yenilənib 14:24 27.11.2020)
Azərbaycan Rieltorlar Assosiasiyasının icraçı direktoru Elnur Azadov deyir ki, rəqabət müşahidə edilən ərazilərdə endirimləri görmək olar
Elnur Azadov: “Kirayə bazarında 20% endirim müşahidə edilir”

“Pandemiya ilə əlaqədar olaraq iqtisadi proseslərin dayanması daşınmaz əmlak bazarındakı qiymətlərə ciddi təsir etməyib”. Bunu Sputnik Azərbaycan-a açıqlamasında Azərbaycan Rieltorlar Assosiasiyasının icraçı direktoru Elnur Azadov deyib.

O bildirib ki, bəzi tikinti şirkətləri inşaat prosesini davam etdirə bilmək üçün endirim aksiyalarına başlamışdılar:

“Bu ümumi bazara təsir göstərməsə də, rəqabət müşahidə edilən ərazilərdə endirimləri görmək olar. Kirayə bazarında isə 20% endirim müşahidə edilir. Bu baxımdan ilin sonuna qədər əmlak bazarında ciddi dəyişikliklərin olacağı gözlənilmir. Məcburi köçkünlərin qayıdışından sonra əmlak bazarında hansı vəziyyətin yaranması isə dövlət proqramından asılı olacaq”.

Elnur Azadovun geniş şərhinə audiofaylda qulaq asa bilərsiniz

10
Манаты и рубли разных номиналов, фото из архива

Rusiya rublu manat qarşısında geriləyib

10
Xatırladaq ki, 2020-ci ilin noyabrın 27-də ABŞ dollarının məzənnəsi 1,7000 manat təşkil edib, 1 avronun məzənnəsi 2,0271 manat, 1 Rusiya rublunun məzənnəsi 0,0225 manat, 1 türk lirəsi isə 0,2156 manat olub. 

BAKI, 30 noyabr - Sputnik. Azərbaycan Mərkəzi Bankı (AMB) bu günə olan rəsmi valyuta məzənnələrini açıqlayıb.

Sputnik Azərbaycan-ın məlumatına görə, 2020-ci ilin noyabrın 30-na ABŞ dollarının məzənnəsi dəyişməyərək 1,7000 manat təşkil edib, 1 avronun məzənnəsi 2,0344 manata yüksəlib, 1 Rusiya rublunun məzənnəsi 0,0224 manata enib, 1 türk lirəsi isə 0,2164 manata yüksəlib.

Xatırladaq ki, 2020-ci ilin noyabrın 27-də ABŞ dollarının məzənnəsi 1,7000 manat təşkil edib, 1 avronun məzənnəsi 2,0271 manat, 1 Rusiya rublunun məzənnəsi 0,0225 manat, 1 türk lirəsi isə 0,2156 manat olub. 

10
Teqlər:
Azərbaycan Mərkəzi Bankı, dollar, avro, valyuta, Rəsmi məzənnə, manat, rubl

Topçu Vüsal məsələsində son nöqtə qoyuldu - "Məqsədimiz..."

1
"Az-Granata" MMC-nin PR meneceri: "Bu şəkilin seçilməsində məqsəd Azərbaycan Ordusunun mərdliyini, cəsarətini nümayiş etdirmək idi".

Zülfiyyə Quluyeva, Sputnik Azərbaycan

BAKI, 30 noyabr — Sputnik. Vətən müharibəsinin qəhrəmanlarından olan topçu Vüsal Şahkərimovu məşhurlaşdıran fotonun spirtli içki şüşəsinin üzərinə vurulması sosial şəbəkələrdə birmənalı qarşılanmayıb. İctimaiyyətdə qəhrəman topçunun şəklinin spirtli içki şüşəsində əks olunması geniş narazılığa səbəb olub. Əsgərin atası İslam Şahkərimov bildirib ki, şərab istehsalçılarına şifahi şəkildə razılıq verib: "Bir az əvvəl həmin adamlar yenə mənə zəng etmişdilər. Dedilər ki, Vüsal özü bu məsələyə nə deyir, əsas odur. Mən də belə düşünürəm ki, razılıq verməklə səhv etmişəm. Görürəm ki, camaatdan da xeyli narazılıq var. Elə az əvvəl Vüsalla da danışdım. Dedi ki, fotomun içki şüşəsinin üstünə vurulmasına etiraz edirəm".

"Az-Granata" MMC-nin PR meneceri Ülvi Günəşli Sputnik Azərbaycan-a açıqlamasında bildirib ki, artıq topçu Vüsal Şahkərimovla bağlı məsələ bağlanıb: "Qeyd edim ki, üzərində topçu Vüsal Şahkərimovun şəkli olan spirtli içki istehsala verilməmişdi. Sadəcə olaraq bu barədə məlumat paylaşılmışdı. "Az-Granata" MMC Vüsalın valideyni ilə danışaraq həm şifahi, həmçinin də rəsmi razılığını almışdı. Sadəcə olaraq bu məsələdə ictimaiyyətin fikrini nəzərə aldıq. Həmçinin topçumuz özü də şəklinin spirtli içki şüşəsində olmasına razı olmayıb. Biz də bütün bunları nəzərə alaraq bu məsələni qapatdıq".

Ü.Günəşli iddia edir ki, əslində bu məsələdə şirkətin məqsədi tamamilə başqa olub: "Bizim fikrimiz ictimaiyyətə düzgün çatdırılmadı. Şirkətimiz Vüsalın şəklinin vurulduğu kitabların çapına da sponsorluq etmək niyyətində idi. Bizim qədim tarixi adları daşıyan məhsullarımız var. Həmin məhsullar gələn qonaqlara təqdim edildikdə tariximizlə bağlı məlumatlar da verilir. Bizim üzərində topçu olan spirtli içkini bir dəfə istehsal etmək fikrimiz vardı. Bu şəkilin seçilməsində məqsəd Azərbaycan Ordusunun mərdliyini, cəsarətini nümayiş etdirmək idi".

Qeyd edək ki, əslən Xaçmaz rayonundan olan 19 yaşlı topçu Vüsal Şahkərimov Vətən müharibəsinin minlərlə qəhrəmanından biridir.

1