Продажа зелени, фото из архива

Gürcüstanda Azərbaycan göyərtisinin qiymətinin qalxmasının şok səbəbi

12325
(Yenilənib 19:52 16.08.2018)
Satıcılardan kimi göyərtinin qiymətinin qalxmasını ictimai nəqliyyatda qiymətlərin qalxması ilə, kimi anomal istilərlə, kimi də ərəblərlə əlaqələndirir

Fuad Əlizadə, Sputnik Azərbaycan

BAKI, 16 avqust — Sputnik. İstirahət günlərini istisnasız olaraq paytaxtdakı kənd təsərrüfatı yarmarkalarında keçirən sakinlər təzə göyərtilərin qiymətlərinin qalxmasından heyrətə gəliblər. Əlbəttə ki, sosial şəbəkələrdə ən populyar və ən ucuz ərzağın qiymətinin qalxmasının səbəbi barədə soruşurlar.

Əgər əvvəllər yarmarkada 1 manata ən geniş yayılmış göyərtilərin, təqribən (təravətindən və həcmindən asılı olaraq), 10-12 dəstəsini təklif edirdilərsə, indi ən yaxşı halda 4-5 dəstəsini təklif edirlər.

Eyni zamanda satıcılar qəzəbli müştərilərin göyərtilərin qiymətinin bu qədər sürətlə artmasına dair iradlarına elə də əhəmiyyət vermirlər. 

Bundan əlavə, yarmarkaya rayondan gəlmiş satıcılar narazı alıcıları adi qaydada yola salırlar. Bilirlər ki, ticarət məntəqələrində bir dəstə göyərti 20 qəpikdən 30-a, yerlərdə isə, hətta 50 qəpiyə qalxıb.

Onu da qeyd etmək lazımdır ki, əvvəlki yarmarkalardan fərqli olaraq, keçən həftə sonu (18-19 avqust) göyərti satanların sayı az idi.

Yay ayları üçün, tamamilə, gözlənilməz olan qiymət artımı ilə bağlı eyni anda bir neçə versiya üzə çıxıb və hər bir satıcı da bunu müxtəlif səbəblərlə izah edir.

Paytaxta gələn bəzi satıcılar özlərinə çox da əziyyət vermədən qiymətlərin qalxması ilə bağlı sadəcə deyirdilər ki, bütün yerli məhsulların — qarpızın, pomidor-xiyarın və s. qiymətləri qalxıb. (Qeyd edək ki, bu tendensiya həqiqətən də mövcuddur. Əgər ötən il qarpızın kilosu 10-20 qəpik idisə, bu il bu zolaqlı giləmeyvənin kilosunu 40 qəpikdən ucuz tapmaq mümkün deyil).

Bakı kəndlərindən olan satıcılar göyərtinin qiymətinin qalxmasını asanlıqla ictimai nəqliyyatda gedişhaqlarının 50% qalxması ilə əlaqələndirirlər. (Baxmayaraq ki, satıcıların iri həcmdə olan göyərtini yarmarkalara avtobus və ya metro ilə gətirdiyinə inanmaq çətindir). 

Bol sulu və nisbətən sərin Gəncə-Şəmkir bölgəsinin nömrələrini daşıyan minik və yük maşınlarında dayanan satıcıların bir hissəsi göyərtinin qiymətinin artmasını bu yaxınlaradək davam edən anomal istilərlə izah edir. Onların sözlərinə görə, isti hava məhsul itkisinə səbəb olub. (Yeri gəlmişkən, bu səbəb, həqiqətən də yuxarıda göstərilən qiymət artımına və digər bitkilərin yetişdirilməsinə də təsir edən amillərdən biri ola bilər).

Bütün bunlarla yanaşı, qərb regionlarından olan satıcıların yarmarkalarda qiymət artımı ilə bağlı irəli sürdüyü maraqlı mülahizə, xüsusilə, diqqətəlayiqdir. Onların sözlərinə görə, Azərbaycan-Gürcüstan sərhəddində bir dəstə keşniş və cəfərinin qiyməti 80 qəpiklə 1 manat arasında dəyişir. Qiymətlərdəki bu əhəmiyyətli sıçrayışı onlar belə izah edirlər ki, Gürcüstanda yaşayan azərbaycanlılar əvvəllər özlərinin becərdiyi göyərtini satırdılar, indi isə onlar özləri də təzə göyləri Azərbaycandan alıb aparırlar.

Şayiələrə görə, onlar Azərbaycandan aldıqları göyərtiləri daha sonra yüksək qiymətə onların kütləvi alıcısı olan ərəb ölkələrinə satırlar. Odur ki, bilinmir, Gürcüstan azərbaycanlıları bu göyü öz daxili bazarlarında satmaq üçün alırlar, yoxsa, həqiqətən də ərəblərə baha qiymətə satmaq üçün.

Tələbatın artması ilə qiymətlərin də artması təəccüblü deyil. Bir sıra azərbaycanlı satıcılar etiraf edirlər ki, Gürcüstanda ərəblər bir dəstə cəfərini 6-7 lariyə (3,9-4,5 manat) alırlar.
Gördüyünüz kimi, təzə göyərtilərin qiymət artımının köklü səbəbləri barədə geniş fikir mübadiləsi mövcuddur.

Lakin bakılılara sadəcə bir faktı təsdiqləmək qalır ki, 10-15 qəpiklik ucuz göyərtini artıq paytaxt piştaxtalarında tapmaq mümkün deyil.

İndi burada belə bir sual yarana bilər ki, görəsən, Azərbaycan göyərtilərini ərəblər niyə Azərbaycandan yox, Gürcüstandan alırlar?!

12325
Teqlər:
satıcılar, cəfəri, keşniş, ərəblər, göyərti, ərəb ölkələri, ərəb turistlər, ərəb, yarmarka, Gürcüstan, Azərbaycan
Əlaqədar
Ən şirin yarmarka
Bayram yarmarkaları açılır
Alıcısız və laboratoriyasız bayram yarmarkaları
"Hətta göy-göyərtinin toxumu da xaricdən gətirilir"
Hotel foyesi, arxiv şəkli

Azərbaycanda dincəlmək istəyən insanların işini yüngülləşdirirlər: çox sürətli olacaq

36
(Yenilənib 15:55 02.03.2021)
Platforma turizm xidməti tədarükçülərinə rezervasiya prosesini sadələşdirmək, onlayn ödəmələri qəbul etmək və göstərilən xidmətlərin keyfiyyətini artırmaq imkanı verəcək.

BAKI, 2 mart — Sputnik, Zarina Orucəliyeva. Tezliklə turların və hotellərin rezervasiyası üzrə ilk Azərbaycan platforması yerli bazarda öz yerini tutacaq. Dövlət Turizm Agentliyi yanında Azərbaycan Turizm Bürosu daxili bazarda turizm xidməti göstərənlər üçün yeni platformanın yaradılması üçün tender elan edib.

Qonaqlama obyektləri (hotellər, hostellər), turizm xidməti göstərənlər, səyahət fəaliyyəti ilə məşğul olanlar və turistləri bir araya gətirən inteqrasiya edilmiş bu platforma yalnız Azərbaycan vətəndaşları və ölkədə yaşamaq üçün icazəsi olan əcnəbilər üçün nəzərdə tutulub.

Platforma turizm xidməti tədarükçülərinə rezervasiya prosesini sadələşdirmək, onlayn ödəmələri qəbul etmək və göstərilən xidmətlərin keyfiyyətini artırmaq imkanı verəcək.

Sistem B2B və B2C komponentlərini özündə birləşdirir ki, bu da tur təşkilatçılarına həm dinamik, həm də statistik turlar təşkil etməyə imkan verəcək. Bu barədə Sputnik-Azərbaycan-a Dövlət Turizm Agentliyinin mətbuat xidmətinin rəhbəri Kənan Quluzadə məlumat verib.

"Bizim missiyamız isə ondan ibarətdir ki, sürətli ödəməni təmin etməklə insanlara rahat və sürətli rezervasiya üçün şərait yaradaq. Bundan başqa, vahid mərkəzdən idarəetmə sistemi aləti yaratmaqla turizm sənayesinin fəaliyyətini genişləndirmək istəyirik. Bu sistem müxtəlif turizm məhsulları tədarükçüləri üçün ticarət platforması rolunu oynayacaq", – deyə o bildirib.

Yeni platformanın yaradıcılarının məqsədi çox sadədir - yerli turistlərə otel və səyahət paketlərini daha sürətli, effektiv və sərfəli şəkildə həyata keçirmək imkanı vermək.

"Bu, çox mühüm təşəbbüsdür. Özü də belə bir platformanın yaradılması o qədər də çətin iş deyil", – Hotel və Restoranlar Birliyinin (DAİR) İdarə Heyətinin sədri Samir Dübəndi bu fikirdədir. Onun sözlərinə görə, platforma uyğun qiymətlər, marketinq yanaşmaları, marşrutlar və turlar şəklində məhsullarla daha çox yerli turistlərə yönəldiləcək.

"Gəlirimiz azalsa da qiyməti endirmişik". Qəbələdə qış turizm mərkəzindən REPORTAJ>>

Dubəndi onu da bildirdi ki, Azərbaycan daxili turizmin hərtərəfli inkişafı üçün bütün imkanlara malikdir - iqlim zonalarının növbələşməsi, əhalinin etnik müxtəlifliyi, bölgələrin zəngin mətbəxi, adət-ənənələr, müxtəlif infrastruktur təklifləri (hotellər, restoranlar, hostellər) və s.

"Bu işdə Azərbaycanın milli parkları mühüm rol oynaya bilər. Çünki bu parklar açıq səma altında turizm fəaliyyətinə imkan verən geniş resurs spektrinə malik qorunan nəhəng ərazilərdir. Bu ərazilərə kempinqlər, gəzintilər (piyada və atla) təşkil oluna bilər. Məncə, bütün bunlar daxili turizmin inkişafında rol oynaya bilər. Daha sonra müəyyən turizm məhsulları təklif edərək beynəlxalq bazarlara da çıxmaq mümkündür", – deyə ekspert qeyd edib.

Onun fikrincə, rezervasiya sisteminin uğuru menecment işinin necə təşkil olunacağından asılıdır. Dübəndi Azərbaycanın işğaldan azad olunmuş ərazilərini da platformaya daxil etməyi və bu zaman Qarabağ bölgəsinin maddi-mənəvi irsinə xüsusi diqqət ayırmağı təklif edir.

36
Teqlər:
hostel, otel, turizm
Səmada dron, arxiv şəkli

Azərbaycan səmasında tezliklə xüsusi təyinatlı uçuş aparatları peyda olacaq - VİDEO

52
(Yenilənib 11:55 02.03.2021)
Bu növ xüsusi təyinatlı texniki uçuş aparatlarının işğaldan azad olunmuş ərazilərdə qurulacaq Ağıllı Şəbəkələrdə təşkiledici baza elementi kimi istifadə edilməsi nəzərdə tutulub

BAKI, 2 mart — Sputnik. "Azərişıq" Açıq Səhmdar Cəmiyyəti Ağıllı Şəbəkələr konsepsiyasının həyata keçirilməsində daha bir yenilik edib. Qurumdan Sputnik Azərbaycan-a verilən məlumata görə, söhbət kommunal sektorda ilk dəfə xüsusi təyinatlı uçuş aparatlarının tətbiq edilməsindən gedir.

"Azərişıq"ın Ağıllı Şəbəkələr konsepsiyası tamamilə müasir və innovativ texnologiyaların istifadəsi üzərində qurulub. Bu konsepsiya çərçivəsində, artıq reallaşdırılmış müasir tipli mühafizəli və izolyasiyalı yüksək gərginlikli xətlərinin, 3D-mobil xəritəçilik sisteminin, məsafədən Optik portla elektrik sayğaclarının oxunması və mövcud idarəetmə platformasına inteqrasiya işləri uğurla davam etdirilir.

Rəqəmsal idarəetməyə keçid proqramı istiqamətində aparılan genişmiqyaslı tədbirlər sırasına xüsusi təyinatlı uçuş aparatları ilə Hava Elektrik Veriliş Xətlərinə (HEVX) kompleks və lokal baxış keçirilməsinin təşkili də əlavə edilmək üzrədir. Belə ki, ASC-nin Tədris və İnnovasiyalar Mərkəzində "Şəbəkə qüsurlarının aşkar edilməsində Yüksək texnologiyaların tətbiqi" üzrə təlim-tədris kursuna start verilib. Bu tip pilotsuz uçuş aparatları sadə foto-video çəkilişləri üçün nəzərdə tutulmuş dronlardan xeyli fərqlənir. Bu səbəbdən də onlara Xüsusi Təyinatlı Texniki Uçuş aparatları adı verilib. Belə kameralar 360 dərəcəlik panorama, infraqırmızı spektrdə və temperatur göstəricilərinin vizuallaşdırılması rejimlərində çəkiliş apara bilir. Bundan əlavə, xüsusi yaxınlaşdırma (zoom) funksiyası 25-30 m məsafədən kiçik ölçülü zədələnmələri belə müəyyən etməyə imkan verir.

Ənənəvi üsulla xətlərə texniki baxışın keçirilməsi üzun müddətli və mürəkkəb dispetçer əməliyyatlarının aparılmasını tələb edən bir prosesdir. Burada əlavə işçi heyətin, maşın–mexanizlərin, xüsusi qaldırıcı texnikanın cəlb edilməsi də qaçılmazdır. Nəticədə, elektrik enerjisi verilişində uzunmüddətli fasilələr yaranır, abonent məmnunluğu və xidmət keyfiyyəti göstəriciləri pisləşir. Müasir texnologiyaların tətbiqi ilə bütün bu problemlər aradan qaldırılır, yüksək dəqiqlikli vizual qeydiyyat aparılır, virtual arxivləşdirilir, ən əsası – abonentlərin elektrik enerjisi verilişində fasilələr yaranmır.

Bu növ xüsusi təyinatlı texniki uçuş aparatlarının işğaldan azad olunmuş ərazilərdə qurulacaq Ağıllı Şəbəkələrdə təşkiledici baza elementi kimi istifadə edilməsi nəzərdə tutulub", - deyə qurum bəyan edib.

52
Teqlər:
elektrik xətləri, elektrik naqili, qəza, "Azərişıq" Açıq Səhmdar Cəmiyyəti, dron
Bakıda ağac kəsimi, arxiv şəkli

Binəqədidə ağacları kəsən şirkət rəhbəri məhkəməyə verildi

0
(Yenilənib 22:48 02.03.2021)
Meşə fonduna daxil olmayan 8 ədəd, cəmi 17 min 100 manat dəyərində şam, sərv və şərq çinarı ağaclarının qanunsuz kəsilməsinə göstəriş verməsinə əsaslı şübhələr müəyyənləşib.

BAKI, 2 mart — Sputnik. Binəqədi rayonu, 18-ci Dağlıq küçəsi, ev 1 ünvanında "Mahal" MTK tərəfindən tikilən hündürmərtəbəli yaşayış binasının tikintisi üçün ayrılmış torpaq sahəsinin ətrafında mövcud olmuş ağacların köküstə qanunsuz kəsilməsi ilə bağlı Ekologiya və Təbii Sərvətlər Nazirliyinin 11 saylı Regional Ekologiya və Təbii Sərvətlər İdarəsindən daxil olmuş material üzrə Binəqədi rayon prokurorluğunda araşdırma aparılıb.

Binəqədi rayon prokurorluğundan Sputnik Azərbaycan-a verilən məlumata görə, Rəhimov İlqar Vəliyəddin oğlunun "Mahal" MTK-nın sədrinin vəzifələrini icra etdiyi müddətdə qulluq mövqeyindən və vəzifə səlahiyyətlərindən sui-istifadə edərək, "Mahal" MTK üçün qanunsuz üstünlük əldə etmək məqsədilə öz qulluq səlahiyyətlərindən qulluq mənafeyinə qəsdən zidd olaraq qeyd edilən ünvanda yerləşən hündürmərtəbəli yaşayış binasının tikintisi üçün ayrılmış torpaq sahəsinin ətrafında mövcud olmuş, meşə fonduna daxil olmayan 8 ədəd, cəmi 17 min 100 manat dəyərində şam, sərv və şərq çinarı ağaclarının qanunsuz kəsilməsinə göstəriş verməsinə əsaslı şübhələr müəyyələşib.

Faktla bağlı Binəqədi rayon prokurorluğunda Cinayət Məcəlləsinin 259.2.3 (şəxs tərəfindən öz qulluq mövqeyindən istifadə etməklə qanunsuz ağac kəsmə) 259.2.4-cü (qanunsuz ağac kəsmə külli miqdarda ziyan vurmaqla törədildikdə) və 308.1 (vəzifə səlahiyyətlərindən sui-istifadə) maddələri ilə cinayət işi başlanaraq istintaq aparılıb.

İş üzrə toplanmış sübutlar əsasında İlqar Rəhimov Cinayət Məcəlləsinin qeyd edilən maddələri ilə təqsirləndirilən şəxs qismində cəlb edilmiş, cinayət işi üzrə istintaq yekunlaşdırılaraq baxılması üçün aidiyyəti üzrə Binəqədi rayon Məhkəməsinə göndərilib.

0