Kredit ödənişi

Əhalinin gözlədiyi təklif: Borcunu ödəyə bilməyən vətəndaşların kreditləri silinsin

13964
(Yenilənib 17:53 26.07.2018)
"Banklar kreditləri qısamüddətli dövrdə problemli kredit siyahısından çıxır, amma ödəniş edilmədiyinə görə, həmin kredit yenidən problemlilər siyahısına düşür"

Xalid Məmmədov, Sputnik Azərbaycan

BAKI, 26 iyul — Sputnik. "Azərbaycanda bank sektorunun sağlamlaşdırılması prosesi strateji yol xəritələrinə görə, 2018-ci ildə başa çatmalı idi. Amma 2018-ci ilin 2-ci yarısına daxil olsaq da, bu istiqamətdə qəti addım atılmır. Hər hansı bir bankı bağlamaq çıxış yolu deyil. Bu gün bank sektorunda, kredit bazarında problemli kredit fundamental problemdir".

Эксперт-экономист Рашад Гасанов
© Photo : SİA IA
Эксперт-экономист Рашад Гасанов

Bu barədə Sputnik Azərbaycan-a iqtisadçı-ekspert Rəşad Həsənov açıqlama verib. O, hazırki durumu "həlli gecikmiş problem" adlandırıb: "Bunun aradan qaldırılması üçün aidiyyatı qurumlar "əlini daşın altına qoymalıdır". Əhalinin real problemlərindən qaynaqlanan çətinliklərin həlli istiqamətində işlər görülməlidir. İnsanların faktiki olaraq Mərkəzi Bankın qəbul etdiyi qərar nəticəsində çəkdiyi zərər fonunda yaranmış problemli kreditlər bazası var. Bu zərər aradan qaldırılmalı və kompensasiya edilməlidir".

Həsənovun qənaətincə, problemli kreditlərin məbləği arta bilər: "Müəyyən qısamüddətli addımlar atılır. Məsələn, banklar kreditləri restrukturizasiya edir, qısa müddətli dövrdə bu, problemli kredit siyahısından çıxır. Amma onsuz da şəxs ödənişi edə bilmir. Onun ödəniş etmə imkanları yoxdur. 3 aydan sonra yenə həmin kredit problemlilər siyahısına düşür. Bu, oynamalardır".

İqtisadçının fikrincə, burada çıxış yolu dövlətin bu məsələyə birbaşa olaraq maliyyə mənbəyi təmin etməsidir: "Banklar faktiki olaraq ölkə iqtisadiyyatında ilkin kapitala əsas çıxış vasitəsi, əsas vəsaitlərin artırılmasında isə əhəmiyyətli mənbə hesab olunurdu. Çünki Azərbaycanda maliyyə çıxış imkanları kifayət qədər məhduddur, bu mexanizmlər inkişaf etməyib. Son illərdə banklar bu funksiyaları yerinə yetirən qurum idi. Amma indi, demək olar ki, banklar da bu funksiyaları yerinə yetirə bilmir. Bunun ölkə iqtisadiyyatı üçün dolayı və birbaşa yolla yaratdığı problemlərin miqyası böyükdür".

Ekspert düşünmür ki, problemli kreditin həlli məqsədilə hökumət müəyyən qədər vəsait sərf edərsə, bu, mənfi nəticələrə gətirib çıxarda bilər: "Əksinə, bu, vətəndaşın, biznesin borc öhdəlikləri üzrə yükünü azaldacaq, onların daha təşəbbüskar davranmasına, iqtisadi aktivliyinin daha da artmasına gətirib çıxaracaq. Digər tərəfdən, bankların fəaliyyətinin normal rejimə daxil olması üçün şərait yaradacaq. Və beləliklə, dolayı yolla kompensasiya üçün qoyulmuş vəsaitlər yenidən dövlət büdcəsinə geri dönəcək. Amma indiki halda problem günü-gündən dərinləşir".

Bank və maliyyə məsələləri üzrə ekspert Əkrəm Həsənov Sputnik Azərbaycan-a açıqlamasında qeyd edib ki, problemli kreditlər məsələsi köklü şəkildə həll edilməsə, proses dərinləşə bilər: "Bu sahədə bir sıra addımlar atılmalıdır. Problemli kreditlərin əksəriyyəti bank sahiblərinin, bank inzibatçılarının öz yaxınlarına, tanışlarına verdikləri kreditlərdir. Buna görə banklarda yoxlamalar aparılmalı və belə kreditlər müəyyən edilməlidir".

Bank eksperti Əkrəm Həsənov
© Photo : REPORT
Əkrəm Həsənov

"Bunun müəyyən edilməsi də çətin məsələ deyil. İri məbləğdə aşağı faiz dərəcəsi ilə, girovsuz, yaxud aşağı girov təminatı ilə kreditlər verilibsə, deməli, bunlar bank rəhbərliyinin yaratdığı süni problemlərdir. Bunları müəyyən edib məsuliyyətə cəlb etmək və kreditlərin geri qaytarılmasını tələb etmək lazımdır. Bu yolla problemli kreditlərin mütləq əksəriyyəti həll ediləcək. Bu, birinci məsələdir" – Ə.Həsənov deyib.

Onun sözlərinə görə, digər tərəfdən, həqiqətən borcunu ödə bilməyən şəxslərin kreditləri silinməlidir ki, buna artıq vaxt getməsin, itki olmasın: "Bu şəxslər yenidən borc götürməmək üçün müflis elan edilməlidir. Eyni zamanda, ödənişdə çətinlik çəkən müştərilərə müəyyən güzəştlər etmək olar. Nəhayət, sonuncu addım olaraq dövlət vəziyyəti yaxşı olmayan banklara müəyyən yardım edə bilər".

13964
Teqlər:
bank sektoru, Rəşad Həsənov, problemli kredit, Sputnik Azərbaycan, vətəndaş, Əkrəm Həsənov, ekspert, iqtisadçı, Azərbaycan, həll, iqtisadiyyat
Əlaqədar
Ölkəmizdə investitsiya bankının yaradılmasına ehtiyac varmı - Ekspert şərhi
Bankomatlardan pul çıxararkən diqqətli olun: dövlət qurumu bütün banklara məktub göndərib
Mərkəzi Bank bu günə olan valyuta məzənnələrini açıqladı
Dünya Bankı Azərbaycanla bağlı yeni gündəm yaradıb: İndi nə qərar verək?
Ləğv olunan bankların əmlakı hərraca çıxarılır
Azərbaycan Respublikasının Baş Naziri Əli Əsədov, arxiv şəkli

Baş Nazirdən sərt qərar - Məsuliyyət tam olaraq sahibkarların üzərinə düşəcək

20
(Yenilənib 19:22 08.08.2020)
Proses dövlət başçısı tərəfindən nəzarətdə saxlanılır. Hökumət vəziyyətə dair mütəmadi olaraq Prezidentə məruzə edəcək

BAKI, 8 avqust — Sputnik. Bu gün Azərbaycan Respublikasının Prezidenti İlham Əliyevin tapşırığı ilə Nazirlər Kabineti yanında Operativ Qərargah xüsusi karantin rejiminə nəzarətin gücləndirilməsinə dair məsələləri müzakirə edib.

Sputnik Azərbaycan-ın məlumatına görə, Baş Nazir Əli Əsədovun sədrlik etdiyi videokonfransda Azərbaycan Respublikası Prezidentinin Ərazi-təşkilati məsələlər üzrə köməkçisi Zeynal Nağdəliyev, Baş Prokuror Kamran Əliyev, Daxili İşlər Naziri Vilayət Eyvazov, Dövlət Təhlükəsizliyi Xidmətinin rəisi Əli Nağıyev, İqtisadiyyat naziri Mikayıl Cabbarov, Maliyyə naziri Samir Şərifov, Səhiyyə naziri Oqtay Şirəliyev, Qida Təhlükəsizliyi Agentliyinin rəhbəri Qoşqar Təhməzli, İcbari Tibbi Sığorta Agentliyinin sədri Zaur Əliyev, TƏBİB-in sədri Ramin Bayramlı, 68 şəhər və rayonun icra hakimiyyəti başçıları, şəhər və rayon prokurorları, daxili işlər və DTX şöbələrinin rəisləri, sanitar–epidemiologiya mərkəzlərinin, rayon mərkəzi xəstəxanaları və səhiyyə şöbələrinin rəhbərləri iştirak ediblər. 

Baş Nazir qeyd edib ki, Prezident İlham Əliyev avqustun 6-da  keçirdiyi videomüşavirədə hökumət və müxtəlif dövlət orqanları qarşısında nəzarətin gücləndirilməsi haqda ciddi tapşırıq verib.

Əli Əsədov bildirib  ki, Operativ Qərargah infeksiyaya yoluxmaların sayının azalmasını və iqtisadi fəallığın artırılması zərurətini nəzərə alaraq avqustun 10-dan bəzi istehsal, ticarət və xidmət sahələrində yumşalmaları elan edib. Tapşırıq ondan ibarətdir ki, sanitar qaydalara ciddi əməl olunmalı, nəzarət funksiyasını həyata keçirəcək orqanlar müəyyənləşməli, nəzarət funksiyası qüsursuz tətbiq edilməlidir.

Baş Nazir vurğulayıb ki, iqtisadi aktivlik ilə sanitar qaydalara əməl olunmasını sinxronlaşdırmaq lazımdır. Yenidən geriyə qayıtmamağımız üçün bu ən mühüm məsələdir.

Qəbul olunmuş qaydalara əməl olunmasına əsas məsuliyyət daşıyan orqanlar kimi şəhər və rayon İcra hakimiyyətləri, hüquq-mühafizə orqanları-Prokurorluq, DİN, DTX, səhiyyə strukturları və fəaliyyətinə icazə verilmiş sahələrdəki sahibkarlardır. Fəaliyyətinə icazə verilmiş sahələrdə yoluxmalara görə məsuliyyət tam olaraq sahibkarların üzərinə düşəcək.

Xüsusi qeyd olunub ki, şəhər və rayonlarda yoluxma hallarının artması tendensiyası müşahidə olunduğu təqdirdə şəhər və rayon rəhbərliyi əlaqələndirici qurum olaraq nəzarət mexanizmlərini daha da gücləndirməlidir.

Proses dövlət başçısı tərəfindən nəzarətdə saxlanılır. Hökumət vəziyyətə dair mütəmadi olaraq Prezidentə məruzə edəcək.

Müşavirədə son bir ay ərzində bütün ölkə üzrə karantin qaydalarına əməl olunmasına nəzarətin vəziyyəti müzakirə olundu, nöqsanlar qeyd edildi, onların aradan qaldırılması haqda təkliflər səsləndirildi. Karantin qaydalarına riayət edilməsi üzərində nəzarətin texniki, inzibati və maarifləndirmə aspektləri müzakirə olundu.

20
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Əvvəl açıq havadakı restoranlar, sonra rayonlara gediş-gəliş açılacaq
Toya icazə verəcəklər, amma hər şey sahibkarlardan asılı olacaq
Bir manat da xərclənməyib - Şahmar Mövsümov bloklanmış kartlar barədə
Hökumət karantin rejiminin daha da yumşaldılması barədə qərar qəbul edib
Bundan sonra mehmanxanalar yeni QAYDAlarla işləyəcək
Ofisdə kişi

İqtisadiyyatın dirçələcəyinə ümidlər: Agentlik 3 min nəfər hazırlayır

12
(Yenilənib 16:29 08.08.2020)
Keyfiyyət idarəetmə sistemləri üzrə hazırlanmış mütəxəssislər həm yerli, həm də xarici şirkətlərdə müvafiq peşə-ixtisas sahələri üzrə işləmək bacarığına malik olacaqlar

BAKI, 8 avqust — Sputnik. Dövlət Məşğulluq Agentliyi gələn ildən beynəlxalq sertifikatlı (İSO) mütəxəssis hazırlığına başlayacaq.

Əmək və Əhalinin Sosial Müdafiəsi Nazirliyindən Sputnik Azərbaycan-a verilən məlumata görə, qurumun nəzdində olan agentlik ilk mərhələ kimi, 2021-ci ildə 3 min nəfər İSO (Keyfiyyət idarəetmə sistemləri üzrə)  standartlarına uyğun mütəxəssis hazırlığını həyata keçirməyi planlaşdırır. Bu, istehsalatda innovativ texnologiyaların tətbiqinin geniş vüsət aldığı şəraitdə işçi qüvvəsinin həmin standartlar əsasında rəqabət qabiliyyətinin artırılması məqsədi daşıyır. Qeyd edilən mütəxəssis hazırlığının təşkili üçün hazırda beynəlxalq tərəfdaşlarla da müzakirələr aparılır.

Keyfiyyət idarəetmə sistemləri üzrə hazırlanmış mütəxəssislər həm yerli, həm də xarici şirkətlərdə müvafiq peşə-ixtisas sahələri üzrə işləmək bacarığına malik olacaqlar.

12
Əlaqədar
Heç kim pulsuz qalmayacaq - İşsizlikdən sığorta fondunun büdcəsi artırılır
Dəyişikliyin astanasındayıq: ənənəvi peşələr əhəmiyyətini itirəcək
Dəqiq rəqəmi heç kim deyə bilmir! Pandemiya on minlərlə insanı işsiz qoyub
On üç bölgə üzrə 190 manatın verilməsi barədə qərar verildi
Dünyanın ən bədbəxt iqtisadiyyatları: inanılmaz reytinq
İtaliya futbolunun əfsanələri: Paolo Maldini, Andrea Pirlo və Canluici Buffon

Baş məşqçi getdi, yaşasın yenisi! “Yuve” Sarriyə əvəz tapdı

0
(Yenilənib 22:33 08.08.2020)
Bundan öncə bildirilirdi ki, “Yuve” Maurusio Poçettino (eks-“Tottenhem”), Simone İndzagi (“Lasio”) və Pep Qvardiolanın (“Mançester Siti”) namizədliyini gözdən keçirir

BAKI, 8 avqust — Sputnik. Mövsümün nəticələrinə görə bu gün işdən çıxarılan baş məşqçi Maurisio Sarriyə “Yuventus” əvəz tapıb.

Sputnik Azərbaycan-ın məlumatına görə, jurnalistlər Fabrisio Romano, Canluka Di Marsio və digər insayderlər bildiriblər ki, italyan klubuna onun keçmiş yarımmüdafiəçisi Andrea Pirlo rəhbərlik edəcək.

Pirlo iyulun sonunda Turin klubunun 23 yaşlılardan ibarət komandasına baş məşqçi təyin olunmuşdu.

Məşqçi karyerasında bir ilk yaşayacaq Andre Pirlonu “Yuventus”un prezidenti Andrea Anyelli özü seçib.

Klub sosial şəbəkə hesabından rəsmi olaraq Pirlonun baş məşqçi təyin olunduğunu bildirib.

Bundan öncə bildirilirdi ki, “Yuve” Maurusio Poçettino (eks-“Tottenhem”), Simone İndzagi (“Lasio”) və Pep Qvardiolanın (“Mançester Siti”) namizədliyini gözdən keçirir.

Andrea Pirlo İtaliya millisinin tərkibində 2006-cı ildə dünya çempionu olub. “İnter”, “Milan” və “Yuventus” klublarındakı oyunlarıyla məşhurlaşıb. Futbolçu karyerasını 2017-ci ilin noyabrında “Nyu-York Siti”də başa vurub.

Bildirək ki, dünən Çempionlar Liqasının 1/8 finalında “Yuventus” “Lion”a iki oyunun nəticələrinə görə (0:1, 2:1) uduzaraq yarışı tərk edib. Bu mövsüm İtaliya çempionu olmasına rəğmən klubun baş məşqçisi Maurisio Sarri bu gün vəzifəsindən azad edilib. O, “Yuve”yə 2019-cu ildə Massimilano Alleqrinin əvəzinə gəlmişdi.

0
Əlaqədar
Əfsanə futboldan getdi
Hamısı italyan olacaq - Millimizin məşqçisi qərarını verdi
“Real”ın keşmiş ulduzu Azərbaycana gəlməkdən imtina edib
Daha bir futbol fırıldağı? FİFA prezidentinə qarşı cinayət işi başlanıb
Bir də futboldan görək: Millimizin baş məşqçisindən daha bir jest