Məhsulun istehsal tarixini göstərən nişan

Yeni yoxlamalar başlayıb: Bazara nəzarət sistemləşdirilir

12348
(Yenilənib 16:37 20.07.2018)
Vüqar Bayramov: "Yeni nəzarət mexanizmləri daha çox həmin sahibkarların fəaliyyətinin yoxlanmasına hesablanıb"

Xalid Məmmədov, Sputnik Azərbaycan

BAKI, 20 iyul — Sputnik. Qida Təhlükəsizliyi Agentliyi (QTA) iyulun 2-dən etibarən ölkədə qida zəncirinin bütün mərhələlərində iştirak edən sahibkarlıq subyektlərinin qeydiyyatının və dövlət reyestrinin aparılmasına başlayıb və proses üç mərhələdə həyata keçiriləcək.

Sahibkarların qeydiyyat məsələsini Sputnik Azərbaycan-a şərh edən iqtisadçı-ekspert

Vüqar Bayramov
Vüqar Bayramov

deyib ki, sahibkarlıq subyektlərində vergi yoxlamaları istisna olmaqla digər yoxlamalar 2015-ci ildən etibarən qadağan edilib: "2017-ci ildə sahibkarlıq sahəsində aparılan yoxlamaların dayandırılması 2021-ci il yanvarın 1-dək uzadılıb. İlk 2 il müddətin yekunlarının monitorinqi göstərib ki, sahibkarlıq subyektlərində yoxlamaların sayı kəskin azalıb. Amma, eyni zamanda bazarda, xüsusilə də ərzaq məhsullarının satışı ilə məşğul olan sahibkarlar tərəfindən insan sağlamlığı üçün zərərli olan məhsulların satışı həyata keçirilib".

Onun sözlərinə görə, yoxlamaların dayandırılması bəzi hallarda sahibkarların vaxtı keçmiş məhsulları satmasına, ərzaq məhsullarının vaxtı keçdikdən sonra üzərindəki kağızı dəyişərək yeni vaxtların yazılmasına səbəb olub: "Bu da keyfiyyətsiz, hətta, bir sıra hallarda insan sağlamlığı üçün ciddi ziyanlı məhsulların satışına gətirib çıxarıb. O baxımdan Qida Təhlükəsizliyi Agentliyinin yaradılması həm də bu tip halların qarşısının alınması məqsədi daşıyır. Eləcə də beynəlxalq qurumlar Agentliyin yaradılmasını təklif edirdilər ki, bu, istehlak bazarında nəzarətin sistemləşdirilməsinə gətirib çıxara bilər. Artıq müvafiq dövlət qurumlarının bu sahədəki nəzarəti də Agentliyə verilib".

Ekspertin qənaətincə, qeydiyyat prosesi birbaşa ərzaq təhlükəsizliyinə nəzarətin gücləndirilməsi məqsədi daşıyır: "Artıq vergi yoxlamaları ilə yanaşı, ərzaq məhsullarının və dərmanların keyfiyyətinin yoxlanılmasına icazə verilib. Amma əvvəlki 2 il müddətində yalnız vergi yoxlamaları həyata keçirilə bilərdi, digər yoxlamalar isə qadağan edilmişdi".

Bu baxımdan, V.Bayramov bildirib ki, Agentliyin məqsədi məhz ərzaq təhlükəsizliyinin qorunması istiqamətində monitorinqin həyata keçirilməsidir: "Sahibkarlıq subyektlərinin qeydiyyatının aparılması və dövlət reyestrinin formalaşması nəticə etibarı ilə gələcəkdə bu istiqamətdə nəzarətin həyata keçirilməsi səbəbindən aparılır. Digər tərəfdən isə, sahibkarlar mövcud qanunvericilik çərçivəsində hər hansı bir dövlət qurumunun onların fəaliyyətinə yersiz müdaxilə etməsinə imkan verməməlidirlər".

"Agentlik sahibkarlıq subyektlərində yoxlamalar aparmaq imkanına malik olacaq. Amma bu, heç də o demək deyil ki, Agentlik sahibkarların fəaliyyətinə yersiz müdaxilə etmək hüququna malikdir. Təbii ki, belə bir hüquq yoxdur. Agentlik, mövcud meyarlar çərçivəsində nəzarət mexanizmini həyata keçirmək imkanına malik olacaq. Əgər sahibkar ərzaq təhlükəsizliyinin meyarlarını gözləyirsə, onlar üçün hər hansı bir problemin olacağı gözlənilmir. Bəzi sahibkarlar istehlak bazarına vaxtı keçmiş və insan sağlamlığı üçün ziyanlı məhsulları çıxararaq daha çox gəlir əldə etməkdə maraqlı idilər. Yeni nəzarət mexanizmləri daha çox həmin sahibkarların fəaliyyətinin yoxlanmasına hesablanıb" — deyə iqtisadçı bildirib.

Qeyd edək ki, prosesin ilk mərhələsində (iyul-avqust ayları) qida məhsulları sahəsində fəaliyyət göstərən istehsal və təsərrüfat müəssisələrinin, ikinci mərhələdə (sentyabr-oktyabr ayları) qida məhsullarının istehlakçılara çatdırılmasında iştirak edən ticarət müəssisələri və satış mərkəzlərinin, üçüncü mərhələdə isə (noyabr-dekabr ayları) qida zəncirində xidmət sahəsini əhatə edən ictimai iaşə obyektlərinin qeydiyyatının aparılması nəzərdə tutulub.

12348
Teqlər:
Vüqar Bayramov, ekspert, iqtisadçı, yoxlama, sahibkarlıq subyektləri, QTA, Qida Təhlükəsizliyi Agentliyi
Əlaqədar
Qida Təhlükəsizliyi Agentliyi yoxlamaların məqsədini açıqladı
Agentlik rəhbəri sahibkarlıq subyektlərində aparılacaq yoxlamalardan danışır
"Azərenerji" yoxlamadan keçə bilmədi
Azərbaycan Respublikasının Baş Naziri Əli Əsədov, arxiv şəkli

Baş Nazirdən sərt qərar - Məsuliyyət tam olaraq sahibkarların üzərinə düşəcək

53
(Yenilənib 19:22 08.08.2020)
Proses dövlət başçısı tərəfindən nəzarətdə saxlanılır. Hökumət vəziyyətə dair mütəmadi olaraq Prezidentə məruzə edəcək

BAKI, 8 avqust — Sputnik. Bu gün Azərbaycan Respublikasının Prezidenti İlham Əliyevin tapşırığı ilə Nazirlər Kabineti yanında Operativ Qərargah xüsusi karantin rejiminə nəzarətin gücləndirilməsinə dair məsələləri müzakirə edib.

Sputnik Azərbaycan-ın məlumatına görə, Baş Nazir Əli Əsədovun sədrlik etdiyi videokonfransda Azərbaycan Respublikası Prezidentinin Ərazi-təşkilati məsələlər üzrə köməkçisi Zeynal Nağdəliyev, Baş Prokuror Kamran Əliyev, Daxili İşlər Naziri Vilayət Eyvazov, Dövlət Təhlükəsizliyi Xidmətinin rəisi Əli Nağıyev, İqtisadiyyat naziri Mikayıl Cabbarov, Maliyyə naziri Samir Şərifov, Səhiyyə naziri Oqtay Şirəliyev, Qida Təhlükəsizliyi Agentliyinin rəhbəri Qoşqar Təhməzli, İcbari Tibbi Sığorta Agentliyinin sədri Zaur Əliyev, TƏBİB-in sədri Ramin Bayramlı, 68 şəhər və rayonun icra hakimiyyəti başçıları, şəhər və rayon prokurorları, daxili işlər və DTX şöbələrinin rəisləri, sanitar–epidemiologiya mərkəzlərinin, rayon mərkəzi xəstəxanaları və səhiyyə şöbələrinin rəhbərləri iştirak ediblər. 

Baş Nazir qeyd edib ki, Prezident İlham Əliyev avqustun 6-da  keçirdiyi videomüşavirədə hökumət və müxtəlif dövlət orqanları qarşısında nəzarətin gücləndirilməsi haqda ciddi tapşırıq verib.

Əli Əsədov bildirib  ki, Operativ Qərargah infeksiyaya yoluxmaların sayının azalmasını və iqtisadi fəallığın artırılması zərurətini nəzərə alaraq avqustun 10-dan bəzi istehsal, ticarət və xidmət sahələrində yumşalmaları elan edib. Tapşırıq ondan ibarətdir ki, sanitar qaydalara ciddi əməl olunmalı, nəzarət funksiyasını həyata keçirəcək orqanlar müəyyənləşməli, nəzarət funksiyası qüsursuz tətbiq edilməlidir.

Baş Nazir vurğulayıb ki, iqtisadi aktivlik ilə sanitar qaydalara əməl olunmasını sinxronlaşdırmaq lazımdır. Yenidən geriyə qayıtmamağımız üçün bu ən mühüm məsələdir.

Qəbul olunmuş qaydalara əməl olunmasına əsas məsuliyyət daşıyan orqanlar kimi şəhər və rayon İcra hakimiyyətləri, hüquq-mühafizə orqanları-Prokurorluq, DİN, DTX, səhiyyə strukturları və fəaliyyətinə icazə verilmiş sahələrdəki sahibkarlardır. Fəaliyyətinə icazə verilmiş sahələrdə yoluxmalara görə məsuliyyət tam olaraq sahibkarların üzərinə düşəcək.

Xüsusi qeyd olunub ki, şəhər və rayonlarda yoluxma hallarının artması tendensiyası müşahidə olunduğu təqdirdə şəhər və rayon rəhbərliyi əlaqələndirici qurum olaraq nəzarət mexanizmlərini daha da gücləndirməlidir.

Proses dövlət başçısı tərəfindən nəzarətdə saxlanılır. Hökumət vəziyyətə dair mütəmadi olaraq Prezidentə məruzə edəcək.

Müşavirədə son bir ay ərzində bütün ölkə üzrə karantin qaydalarına əməl olunmasına nəzarətin vəziyyəti müzakirə olundu, nöqsanlar qeyd edildi, onların aradan qaldırılması haqda təkliflər səsləndirildi. Karantin qaydalarına riayət edilməsi üzərində nəzarətin texniki, inzibati və maarifləndirmə aspektləri müzakirə olundu.

53
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Əvvəl açıq havadakı restoranlar, sonra rayonlara gediş-gəliş açılacaq
Toya icazə verəcəklər, amma hər şey sahibkarlardan asılı olacaq
Bir manat da xərclənməyib - Şahmar Mövsümov bloklanmış kartlar barədə
Hökumət karantin rejiminin daha da yumşaldılması barədə qərar qəbul edib
Bundan sonra mehmanxanalar yeni QAYDAlarla işləyəcək
Ofisdə kişi

İqtisadiyyatın dirçələcəyinə ümidlər: Agentlik 3 min nəfər hazırlayır

17
(Yenilənib 16:29 08.08.2020)
Keyfiyyət idarəetmə sistemləri üzrə hazırlanmış mütəxəssislər həm yerli, həm də xarici şirkətlərdə müvafiq peşə-ixtisas sahələri üzrə işləmək bacarığına malik olacaqlar

BAKI, 8 avqust — Sputnik. Dövlət Məşğulluq Agentliyi gələn ildən beynəlxalq sertifikatlı (İSO) mütəxəssis hazırlığına başlayacaq.

Əmək və Əhalinin Sosial Müdafiəsi Nazirliyindən Sputnik Azərbaycan-a verilən məlumata görə, qurumun nəzdində olan agentlik ilk mərhələ kimi, 2021-ci ildə 3 min nəfər İSO (Keyfiyyət idarəetmə sistemləri üzrə)  standartlarına uyğun mütəxəssis hazırlığını həyata keçirməyi planlaşdırır. Bu, istehsalatda innovativ texnologiyaların tətbiqinin geniş vüsət aldığı şəraitdə işçi qüvvəsinin həmin standartlar əsasında rəqabət qabiliyyətinin artırılması məqsədi daşıyır. Qeyd edilən mütəxəssis hazırlığının təşkili üçün hazırda beynəlxalq tərəfdaşlarla da müzakirələr aparılır.

Keyfiyyət idarəetmə sistemləri üzrə hazırlanmış mütəxəssislər həm yerli, həm də xarici şirkətlərdə müvafiq peşə-ixtisas sahələri üzrə işləmək bacarığına malik olacaqlar.

17
Əlaqədar
Heç kim pulsuz qalmayacaq - İşsizlikdən sığorta fondunun büdcəsi artırılır
Dəyişikliyin astanasındayıq: ənənəvi peşələr əhəmiyyətini itirəcək
Dəqiq rəqəmi heç kim deyə bilmir! Pandemiya on minlərlə insanı işsiz qoyub
On üç bölgə üzrə 190 manatın verilməsi barədə qərar verildi
Dünyanın ən bədbəxt iqtisadiyyatları: inanılmaz reytinq
Belorusda seçkinin gedişi zamanı

Belarus MSK ilkin nəticələri açıqlayıb

0
Komissiyanın məlumatına görə, beş regionun səsvermələrinin nəticələrinə əsasən hazırkı dövlət başçısı Aleksandr Lukaşenko seçkilərdə liderdir.

BAKI, 10 avqust - Sputnik. Belarusun Mərkəzi Seçki Komissiyası bu gün ölkədə keçirilən prezident seçkilərinin ilkin nəticələrini açıqlayıb.

Bu barədə Sputnik Azərbaycan RİA Novosti-yə istinadən xəbər verir.

Komissiyanın məlumatına görə, beş regionun səsvermələrinin nəticələrinə əsasən hazırkı dövlət başçısı Aleksandr Lukaşenko seçkilərdə liderdir. O, seçicilərin 82%-nin səslərini toplayıb. 

Qeyd edək ki, Lukaşenko altıncı dəfədir prezident seçkilərində namizəddir.  

0