Manat və dollar

Artıq vətəndaşın pulu dollarla əmanətdə deyil - Manata böyük güvən

1082
(Yenilənib 15:58 19.07.2018)
"Xarici valyutada əmanətlərə bankların təklif etdiyi faiz dərəcəsi 1 faiz ətrafındadır, milli valyutada olan əmanətlərdə isə bu göstərici 10-15 faiz arasında dəyişir"

Xalid Məmmədov, Sputnik Azərbaycan

BAKI, 19 iyul — Sputnik. Azərbaycanda əhalinin banklardakı əmanətlərinin dollarlaşma səviyyəsi 2018-ci il iyunun 1-nə 62,9% təşkil edib. Bu barədə ötən həftə Mərkəzi Bankdan məlumat verilib. Qeyd olunub ki, bu nisbət mayın 1-də 63,4% olub. Başqa sözlə, mayda əmanətlərin dollarlaşması səviyyəsi 0,5% azalıb. Dollarlaşma səviyyəsi bu ilin əvvəlində 66,5%, ötən il iyunun 1-də 74,5% təşkil edib.

İqtisadçı-ekspert Rəşad Həsənov
İqtisadçı-ekspert Rəşad Həsənov

Sputnik Azərbaycan əhalinin banklardakı əmanətlərinin dollarlaşma səviyyəsinin aşağı düşməsi ilə bağlı mütəxəssislərin fikirlərini öyrənib. İqtisadçı-ekspert Rəşad Həsənov bu prosesin valyuta bazarlarında baş verənlərdən çox asılı olduğunu deyib.

"Faktiki olaraq bu gün valyuta bazarında müşahidə edilən sabitlik, bankların əmanətlər üçün təklif etdiyi faiz fərqi manatla əmanətlərin həcminin az da olsa, artmasına gətirib çıxarıb. Hazırda manatla əmanətlər ümumi əmanətlərin strukturunda 38 faiz paya malikdir. Hansı ki, bu, pik dövrlərdə — 2015, 2016-cı illərdə 20 faizədək azalmışdı" — mütəxəssis bildirib.

İqtisadçının sözlərinə görə, əmanətlərin dollarlaşma səviyyəsinin aşağı düşmə prosesini şərtləndirən əsas səbəblərdən biri 2016-cı ilin fevralında Azərbaycanda əmanətlərin sığortalanması ilə bağlı qaydalara edilən dəyişiklik olub: "Dəyişiklik nəticəsində manatla əmanətlər üçün sığortalanma şərtləri daxilində maksimum faiz dərəcəsi 15 faiz, xarici valyuta ilə isə 3 faiz müəyyənləşdirilib. Bu, manatla əmanətlərin təşviqi istiqamətində atılmış addım kimi qiymətləndirilə bilərdi".

"Hazırda isə real bazarda vəziyyət daha da fərqlidir. Belə ki, artıq xarici valyutada əmanətlərə, demək olar ki, bankların təklif etdiyi faiz dərəcəsi 1 faiz ətrafındadır. Amma milli valyutada olan əmanətlərdə bu göstərici 10-15 faiz arasında dəyişir. Bu da qısa və orta müddətli dövrdə vətəndaşların manatla əmanətlər yerləşdirməkdə marağını artırır. Çünki vətəndaş hazırda sabit məzənnə rejiminin tətbiq edildiyi qənaətindədir" – o, əlavə edib.

Həsənovun qənaətincə, indiki şərtlər daxilində, yəni konyuktur da manatın məzənnəsini dəstəkləyir: "Neftin qiyməti bahalaşır, ölkənin tədiyyə balansında müəyyən qədər sabitlik var, digər tərəfdən strateji valyuta ehtiyatları artır və s. bu kimi səbəblər insanlarda psixoloji narahatlıqları zəiflədir. Onlarda belə bir qənaət formalaşır ki, qısa və orta müddətli dövrdə manatın məzənnəsi üçün risk yoxdur. Ona görə də əmanətlərin manatla yerləşdirilməsinin həcmi artır".

İqtisadçının sözlərinə görə, proses daha çox valyuta bazarında və hökumətin məzənnə siyasətində baş verə biləcək dəyişiklikdən asılı olacaq: "Hazırda ölkədə daxili risk faktorları zəifdir. Amma xarici risk faktorları var. Çünki neftin qiyməti ilə bağlı son dövrlərdə çox ziddiyyətli siyasi baxışlar var. Xüsusilə ABŞ qiymətin azaldılması istiqamətində fəal rol oynayır və Rusiya ilə Səudiyyə Ərəbistanı da davranışları ilə ABŞ-ı dəstəkləyir. Eyni zamanda Azərbaycanın əsas xarici ticarət tərəfdaşlarında — Türkiyə, Rusiya və İranda milli valyutalar üçün riskli mühitin formalaşması məsələsi də müəyyən qədər gündəmdədir".

Bank eksperti Əkrəm Həsənov
© Photo : REPORT
Əkrəm Həsənov

"Xüsusilə Türkiyə və İranda vəziyyət daha mürəkkəbdir. Rusiya sanksiyalardan sonra problemləri və çətinlikləri müəyyən qədər sabitləşdirib. Amma Türkiyə və İran ciddi nəticə əldə edə bilmir. Qeyd edilən istiqamətlərdən idxal riski hiss olunur. Buna baxmayaraq, düşünmürəm ki, orta müddətli dövrdə manatın məzənnəsi üçün ölkədə ciddi siyasi qərar və yaxud da dəyişiklik çağırışları formalaşsın. Bundan sonra da manatla əmanətlərin həcmində artımlar baş verə bilər".

Bank və maliyyə məsələləri üzrə ekspert Əkrəm Həsənov də deyib ki, hazırda banklarda dollar əmanətləri üzrə faizlər kəskin enib: "Bankların xeyli hissəsi, ümumiyyətlə, illik 1 faiz də vermir. Çünki bank o pulu cəlb edir, sonra da heç kimə verə bilmir. Yəni dollarla kredit götürmək istəyən yoxdur. Ona görə də vətəndaşlar bankdan əmanətini çıxarırlar. Yəni dollar bankdan çıxıb, vətəndaşın yastığının altına gedir".

Ekspertin qənaətincə, dollarlaşma səviyyəsinin azalması davam edəcək: "Çünki bu gün bahalı dollar ilə aşağı faizlə əmanət saxlamaq sərf etmir. Ya manata keçirlər, ya evlərində saxlayırlar, ya da xaricə çıxarırlar. Məsələn, son vaxtlar vətəndaşlar məndən soruşurlar ki, Gürcüstanın hansı bankında əmanət saxlamaq olar".

1082
Teqlər:
dollarlaşma səviyyəsi, valyuta bazarı, Rəşad Həsənov, İqtisadçı-ekspert, vətəndaş, əmanət, Əkrəm Həsənov, faiz, əhali, Azərbaycan, bank, manat, dollar
Əlaqədar
O, manatı da sıradan çıxaracaq, dolları da - Yeni dalğa gəlir
Manata böyük etimad: Dollar erası bitir
Son 18 ildə manatın dollara nisbətdə dinamikası
Manat-dollar "çəkişməsindən" son xəbər
Manat bahalaşdı, dollar bu həddə düşdü
İlin sonuna 1 dollar 3 manat olacaqmı?
Manat dolları bazardan sıxışdırır
Mingəçevir SES , arxiv şəkli

Susuzluqdan qaranlığa gedən yol: iki qurum isti havanı da misal gətirdi

15
(Yenilənib 21:36 07.07.2020)
Hava hərarətinin getdikcə yüksəlməsi fonunda çox sayda insanın evdə qalaraq kondisioner işlətməsinə görə elektrik enerjisinə olan təlabatı əvvəlki günlərlə müqayisədə bir qədər də artıb

BAKI, 7 iyul — Sputnik. 24 saat növbəli iş prinsipi ilə fəaliyyət göstərən və bir saniyə də olsun elektrik enerjisinin istehsalını, ötürülməsini, paylanmasını və idarəedilməsini dayandırmayan “Azərenerji” və “Azərişıq” açıq səhmdar cəmiyyətləri, tabeliklərindəki müəssisələrdə koronavirus infeksiyasının yayılmasının qarşısının alınması ilə bağlı təxirəsalınmaz tədbirlər həyata keçirməklə yanaşı, istehlakçıların dayanıqlı, keyfiyyətli və fasiləsiz enerji təminatı üçün bütün lazımi addımları atırlar. Bu barədə "Azerenerji" ASC-dən Sputnik Azərbaycan-a verilən məlumatda bildirilib.

Baxmayaraq ki, son dövrlər çaylarda su səviyyəsinin azalması enerjinin istehsalına təsir edib, hava hərarətinin getdikcə yüksəlməsi fonunda çox sayda insanın evdə qalaraq kondisioner işlətməsinə görə elektrik enerjisinə olan təlabatı əvvəlki günlərlə müqayisədə bir qədər də artıb.

Həmçinin Nazirlər Kabineti yanında Operativ Qərargahın tələblərinə uyğun olaraq “Azərenerji” və “Azərişıq” işə çıxan əməkdaşlarının sayını kəskin azaldılıb. Lakin şənbə, bazar və bayram günlərində də növbəli şəkildə fasiləsiz olaraq iş başında olan əməkdaşlar necə böyük məsuliyyət daşıdıqlarını başa düşərək, əvvəlki karantin rejimi vaxtlarında olduğu kimi bu dəfə də istehlakçıların dayanıqlı və fasiləsiz elektrik enerjisi ilə təchiz edilməsini həyata keçirəcəklər. 

15
Əlaqədar
Həyəcan təbili: Azərbaycanın əsas çayı necə yox olur
Umayra Tağıyeva proqnozu açıqladı: "Əsas səbəb quraqlıqla bağlıdır"
Quraqlıq dövrünün xilaskarı: "Bizim Xəzərimiz var, biz susuz qalmarıq..." – REPORTAJ
Kiçik su elektrik stansiyaları ilə bağlı inkişaf strategiyası hazırlanacaq
Su elektrik stansiyaları

Kiçik su elektrik stansiyaları ilə bağlı inkişaf strategiyası hazırlanacaq

6
(Yenilənib 15:06 07.07.2020)
BP-nin Azərbaycan, Gürcüstan və Türkiyə üzrə regional prezidenti Qəri Cons bildirib ki, Azərbaycanın zəngin karbohidrogen ehtiyatları var.

BAKI, 7 iyul — Sputnik. Azərbaycanda kiçik su elektrik stansiyalarının fəaliyyətinin yaxşılaşdırılması və çayların hidroenerji potensialından səmərəli istifadə edilməsi ilə bağlı aparılan araşdırmaların nəticələrinə dair "SNC-Lavalin"s Atkins" şirkətinin yekun hesabatının onlayn formatda təqdimatı keçirilib. Bu barədə Energetika Nazirliyindən Sputnik Azərbaycan-a məlumat verilib.

Energetika, Ekologiya və Təbii Sərvətlər nazirliklərinin, "Azərnerji" ASC, "SNC-Lavalin"s Atkins", BP və Böyük Britaniyanın Azərbaycandakı səfirliyinin nümayəndələrinin iştirakı ilə keçirilən tədbirdə bildirilib ki, mövcud kiçik su elektrik stansiyalarının səmərəliliyinin qiymətləndirilməsinə, beynəlxalq təcrübə nəzərə alınmaqla stansiyaların fəaliyyətinin təkmilləşdirlməsinə, eləcə də son illərdə müşahidə olunan quraqlıq da nəzərə alınmaqla yeni su elektrik stansiyalarının tikintisinin məqsədəuyğunluğunun araşdırlmasına zərurət yaranıb. Bu məqsədlə 2018-ci ilin 19 oktyabr tarixində Energetika Nazirliyi ilə BP şirkəti arasında imzalanmış "Niyyət məktubu" çərçivəsində nazirlikdə aidiyyəti qurumların mütəxəssislərindən ibarət İşçi qrupu yaradılaraq və layihənin icrasına "SNC-Lavalin"s Atkins" şirkəti cəlb edilərək tədqiqatlar aparılıb. Layihə çərçivəsində 5 kiçik su elektrik stansiyası və yeni stansiyalar üçün seçilmiş 6 sahəyə səfərlər edilib və qiymətləndirmə aparılıb.

"SNC-Lavalin"s Atkins" şirkətinin nümayəndələri Rodrigo Freire De Macedo və Matt Skidmorenin təqdimatında ölkəmizdə mövcud kiçik su elektrik stansiyalarının, eləcə də seçilmiş ərazilərdə inşası planlaşdırılan stansiyaların səmərəlilik aspektindən qiymətləndirilməsi, texniki-iqtisadi göstəriciləri, dağ çaylarının potensialı və tövsiyələr diqqətə çatdırılıb.

Energetika naziri Pərviz Şahbazov iki il müddətinə həyata keçirilən bu layihənin əhəmiyyətini və layihəyə BP şirkəti, eləcə də digər qurumların dəstəyini yüksək qiymətləndirib. "Bu hesabat əsasında ölkəmizdə elektrik enerjisi istehsalı ehtiyaclarını, su potensialını və su qıtlığını nəzərə alaraq, kiçik su elektrik stansiyaları ilə bağlı inkişaf strategiyamızı işləyib hazırlayacağıq. Bu sahənin özəl sektorun cəlbi ilə inkişafı isə əsas hədəflərdən biridir", - deyə nazir əlavə edib.

BP-nin Azərbaycan, Gürcüstan və Türkiyə üzrə regional prezidenti Qəri Cons isə bildirib ki, Azərbaycanın zəngin karbohidrogen ehtiyatları var. Bununla belə hökumətin enerji keçidi ilə bağlı siyasəti təqdirəlayiqdir.

6
Pişik, arxiv şəkli

Ölüm öpüşü: Pişik sahibinin həyatına belə son qoydu

0
(Yenilənib 23:43 07.07.2020)
Həkimlər qadının orqanizmində bakterial meningitə səbəb olan "pasteurella multocida" bakteriyasını aşkar ediblər

BAKI, 7 iyul — Sputnik. Avstraliyanın Melburn şəhərinin sakini pişiyin cırmaqlaması və yaranı yalamasından sonra ölüb.

Sputnik Azərbaycan "Herald Sun" nəşrinə istinadən xəbər verir ki, 80 yaşlı qadının qohumları onu yataqda şüursuz halda yanında pişiklə tapıblar.

Həkimlər onun orqanizmində bakterial meningitə səbəb olan "pasteurella multocida" bakteriyasını aşkar ediblər.

Pensiyaçı komada doqquz gün keçirib, bundan sonra onu həyat təminatı sistemindən ayırıblar.

Yerli xəstəxanalardan birinin yoluxucu xəstəliklər üzrə direktoru Lindsi Qreyson bildirib ki, ev sahibləri pişiklərinə açıq yaraları yalamağa imkan verməməlidirlər. Eyni zamanda o xəbərdarlıq edib ki, immunitet sistemi pozulmuş şəxslər bu ev heyvanlarından qaçmalıdırlar.

Bakterial meningit bakterial infeksiya nəticəsində baş və onurğa beyni membranlarının iltihabıdır.

0
Əlaqədar
Koronavirus bəlasını dünyaya yayan Çin əhli iyrənc adətindən əl çəkmək niyyətində deyil
Bakıda "pişik əməliyyatı" - VİDEO
Evsiz pişikdən yemək əldə etmək üçün ağlasığmaz kələk - Video
Küçədə pişik gəzdirmək cərimə ilə nəticələndi
Telekanal insanları panikaya saldı, sevdiklərindən ayrıldılar