Biznesmenlər, arxiv şəkli

Biznesə daha bir ciddi dəstək gəldi, amma edilənlər kifayətdirmi?

321
(Yenilənib 21:29 18.07.2018)
"İqtisadiyyatın rəqəmsal texnologiyalara keçidi həm biznes proseslərinin sürətlənməsinə, həm də müvafiq dövlət qurumların fəaliyyətinin şəffaflığına təkan verir"

Xalid Məmmədov, Sputnik Azərbaycan

BAKI, 18 iyul — Sputnik. Dövlət başçısı iyunun 26-da Azərbaycan Respublikasının Kiçik və Orta Biznesin İnkişafı Agentliyinin fəaliyyətinin təmin edilməsi haqqında fərman imzalayıb. Fərmana görə, mərkəzi və yerli icra hakimiyyəti və bələdiyyə orqanlarının, dövlət adından yaradılan publik hüquqi şəxslərin və səhmlərinin (paylarının) nəzarət zərfi dövlətə məxsus olan hüquqi şəxslərin mikro, kiçik və orta sahibkarlıq subyektlərinə göstərdikləri xidmətlərin və verdikləri hüquqmüəyyənedici sənədlərin vahid "G2B" (dövlət–biznes) elektron reyestri yaradılacaq.

Sputnik Azərbaycan-a danışan, Azərbaycan Dövlət İqtisad Universitetinin (UNEC) professoru Elşad Məmmədov son aylarda Azərbaycanda kiçik və orta biznesin inkişafı ilə bağlı çox mühüm addımların atıldığını deyib: "Burada faktiki olaraq kiçik və orta biznesin ölkədə inkişafına cavabdeh olan ayrıca bir qurumun yaradılmasından söhbət gedir. İqtisadiyyatın rəqəmsal texnologiyalara keçidi həm biznes proseslərinin sürətlənməsinə, həm də müvafiq dövlət qurumların fəaliyyətinin şəffaflığına təkan verir. Elektron reyestrə keçid yuxarıda sözügedən iki istiqamətlə bağlıdır".

Bakıda Azərbaycan-İran biznes forumu keçirilir
© Official website of President of Azerbaijan Republic

E.Məmmədovun fikrincə, bununla yanaşı, Azərbaycanda qeyri-neft sektorun inkişafı, iqtisadiyyatın şaxələndirilməsi istiqamətində atılan addımlar kompleks və sistemli olmalıdır: "İnstitusional baxımdan çox ciddi addımlar atılır. Amma institusional tədbirlərlə yanaşı, pul-kredit siyasəti ilə bağlı və bu siyasətin kiçik və orta biznesə yönəlik seqmenti ilə bağlı ciddi addımlar atılmalıdır. Pul-kredit siyasəti şaxələndirilməli, diferensial formatda həyata keçirilməlidir. Kiçik və orta biznesin maliyyələşməsinə istiqamətlənən pul-kredit seqmentində faiz dərəcələri kəskin şəkildə endirilməlidir".

Ekspert vurğulayıb ki, ümumiyyətlə siyasəti ölkənin pul-kredit seqmentində faiz siyasəti yumşaldılmalıdır: "Bu istiqamətdə müəyyən addımlar atılır, amma burada ardıcıllıq daha fəal şəkildə həyata keçirilməlidir. Pul-kredit siyasəti ölkədə yumşaldılmalıdır. Ən mühüm məqamlardan biri pul-kredit siyasətinin məhz kiçik və orta bizneslə bağlı olan sahəsidir. Bu siyasətin kiçik və orta biznesdə yumşaldılması iqtisadiyyatın strukturunda kiçik və orta biznesin xüsusi çəkisinin orta müddətli perspektivdə 30-35 faizə çatdırılmasına səbəb olar. Bu da yaxın və orta müddətli perspektiv üçün optimal rəqəm hesab oluna bilər".

"Bundan əlavə, büdcə, vergi, fiskal siyasətdə sistemli addımlar atılmalıdır. Bu addımlar ilk növbədə ölkədə hüquqi şəxslərə yönəlmiş vergi yükünün kəskin azaldılmasından ibarət olmalıdır. Burada kiçik və orta biznesin vergi yükündən azad edilməsi də çox mühüm rol oynamalıdır. Bu istiqamətdə də müəyyən addımlar atılır" — professor deyib.

Elşad Məmmədov onu da qeyd edib ki, kiçik və orta sahibkarlıq subyektləri üçün əlavə dəyər vergisindən sadələşdirilmiş vergiyə keçid imkanları yaradılır. Ancaq bu sahədə işlər davam etdirilməlidir: "Vergi yükünün ölkənin real sektorunun inkişafına mane olmaması üçün vergi yükün optimallaşdırılmasına, azaldılmasına ciddi şəkildə ehtiyac var".

"Bununla yanaşı, xarici iqtisadiyyat sferasında, xarici ticarətdə yerli sahibkarlığın, ilk növbədə kiçik və orta sahibkarlığın dəstəklənməsinə yönəlmiş addımlar atılmalıdır. Sənaye siyasətində də bu addımlar öz əksini tapmalıdır. Beynəlxalq təcrübədə dövlətin kiçik və orta sahibkarlığa dəstəyi iqtisadiyyatın dinamik trendlərlə inkişafına çox ciddi dəstək olur” – deyə professor fikrini bitirib.

Azərbaycan Dövlət İqtisad Universitetinin (UNEC) dosenti Elşən Bağırzadə də deyib ki, kiçik və orta sahibkarlıq ABŞ başda olmaqla bazar iqtisadiyyatı ölkələrində prioritet sahədir: "Kiçik və orta sahibkarlıq orta təbəqə deməkdir və iqtisadiyyatın dinamikliyini təmin edir. Azərbaycanda da bəzi qurumlar bu işlə məşğul olublar, sadəcə indiyədək bu sahədə ixtisaslaşmış təşkilat Sahibkarlığa Kömək Milli Fondu olub. Bu, əsasən maliyyələşməni həyata keçirib".

E.Bağırzadə onu da qeyd edib ki, kiçik və orta sahibkarlığın problemi təkcə maliyyələşmə ilə bağlı deyil: "Onların fəaliyyətinin müasir standartlar çərçivəsində qurulması, ixrac, texnoloji dəstək və s. ilə bağlı problemlər var və bütün ölkələrdə aktualdır. Agentliyin yaradılması Azərbaycanın bu sahədə vahid və kompleks siyasət həyata keçirməsinə gətirib çıxaracaq".

"Eyni zamanda elektron reyestrin yaradılması çox önəmlidir. Biz hələ Azərbaycanda kiçik və orta sahibkarların kimlər olduğunu tam şəkildə dəqiq müəyyənləşdirə bilməmişik. İlk növbədə bunların reyestrinin formalaşdırılması lazımdır ki, bunlar tanınsın və həmin istiqamətdə də daha effektli dövlət siyasəti qurula bilsin" — o vurğulayıb.

321
Teqlər:
dəyərləndirmə, UNEC, dövlət başçısı, Kiçik və Orta Biznesin İnkişafı Agentliyi
Azərbaycan manatı, arxiv şəkli

Qonşularımız pullarını "öldürürlər", biz - vergini. Malı kimə satmalı?

290
(Yenilənib 22:02 27.11.2020)
Ekspert: "Dünyada gedən valyuta müharibələrini də nəzərə alsaq, görürük ki, bütün ölkələr, əsasən də ixracatçı ölkələr, milli valyutalarını bir qədər ucuzlaşdırmağa çalışır. Yəni bunun hesabına ixracatı artıra bilsinlər deyə"

Xalid Məmmədov, Sputnik Azərbaycan

BAKI, 27 noyabr — Sputnik. Nazirlər Kabineti "Malların ixrac qeydi ilə satışı Qaydası"nı təsdiq edib. Sputnik Azərbaycan xəbər verir ki, bu Qayda Azərbaycanda istehsal olunmuş və ixrac üçün nəzərdə tutulan məhsulların istehsalçısı ilə qeyri-neft məhsullarının ixracatı sahəsində təcrübəsi olan ixracatçılar arasında əməkdaşlığın şərtlərini müəyyən edir və işgüzar münasibətlərini tənzimləyir.

İstehsalçı ixrac üçün nəzərdə tutulan məhsulu ixracatçıya təqdim edərkən ƏDV-yə sıfır dərəcə ilə cəlb olunur.

Bəs bu addım Azərbaycanda ixracın və yerli istehsalın artmasına, sahibkarlara dəstək verəcəkmi?

İqtisadçı, "Respublikaçı Alternativ" Partiyasının icra katibi Natiq Cəfərli Sputnik Azərbaycan-a deyib ki, bu addım ixracın stimullaşdırılması üçün atılıb: "Amma bununla yanaşı, bir sıra paralel addımlar da atılmalıdır ki, ixracın stimullaşdırılması üçün qarşıya qoyulan hədəflərə çatmaq mümkün olsun. Burada bir neçə problem mövcuddur.

Problemlərdən biri odur ki, son bir il ərzində qonşu ölkələrin milli valyutalarında kifayət qədər ciddi ucuzlaşma prosesi baş verib. Əsasən də bizim əsas ticarət tərəfdaşımız olan Türkiyə ilə Rusiyada lirə və rubl kifayət qədər ciddi şəkildə dəyərdən düşüb. Gürcüstanda da lari il ərzində 15-18 faiz ucuzlaşıb. Bu da idxalı stimullaşdırır, yerli istehsal və ixracat ilə bağlı müəyyən əngəllər yaradır".

"Dünyada gedən valyuta müharibələrini də nəzərə alsaq, görürük ki, bütün ölkələr, əsasən də ixracatçı ölkələr, milli valyutalarını bir qədər ucuzlaşdırmağa çalışır. Yəni bunun hesabına ixracatı artıra bilsinlər deyə. Digər bir institusional problem odur ki, bizim qeyri-neft ixracımız hələlik çoxşaxəli modelə keçməyib. Son dövrlərdə qeyri-neft məhsulları ixrac etdiyimiz ölkələrin sırasında Rusiya öndədir. Burada çoxşaxəli modelə keçməliyik, yəni yeni bazarlara çıxış imkanları kifayət qədər məhduddur", - deyə ekspert qeyd edib.

O bildirib ki, həmişə ixracda hədəf kimi biz qonşu ölkələri götürmüşük: "Amma yeni bazarlara çıxış əldə etsək, Azərbaycanın əsasən də aqrar sektorda olan məhsullarını daha baha qiymətə sata bilərik. Bununla bağlı da işlər görülməlidir. Düzdür, müəyyən işlər aparılıb, Azərbaycanın xaricdə ticarət nümayəndəlikləri açılıb, amma yetərli deyil. Nazirlər Kabinetinin bu addımı təqdirəlayiqdir, stimullaşdırıcı addımdır. Lakin paralel olaraq bir çox problemlər də aradan qaldırılmalıdır ki, ixracın stimullaşdırılması ilə bağlı addımlar effekt verə bilsin".

"Bəzi ixracatçılar var idi ki, daxili bazardan topladıqları məhsulları xarici bazara çıxardırdı və daxili bazar amilinə görə şəxs ƏDV ödəməyə məhkum idi. İndi daxili sənədləşmədə 18 faizlik ƏDV ödənilməyəndə bunun ixracat ilə bağlı müəyyən stimullaşdırıcı təsiri olacaq", - deyə ekspert əlavə edib.

Dövlət Vergi Xidmətinin şöbə rəisi Elnur Yusifov bu qərar ilə bağlı şərhində deyib ki, "Malların ixrac qeydi ilə satışı Qaydası"nda ixrac qeydi ilə satış həyata keçirən şəxsə (istehsalçıya) və ixrac qeydi ilə alınan malların ixracını həyata keçirən şəxsə (ixracatçıya) dair tələblər, malların ixrac qeydi ilə satışına aid edilməyən şəxslər və əməliyyatlara nəzarət, ixrac qeydi ilə malların ixracının həyata keçirilməsi prosesinə nəzarət tədbirləri öz əksini tapır:

"Bu imkandan yararlanmaq üçün istehsalçı və ixrac qeydi ilə alınan malların ixracını həyata keçirən şəxs (ixracatçı) Qaydada onlar üçün müəyyən edilmiş tələblərə cavab verməlidirlər. Qaydanın 3-cü hissəsində müəyyən edilmiş şəxslər və əməliyyatlar istisna olmaqla, Qayda ölkə ərazisində qeyri-neft məhsulları istehsal edən bütün istehsalçılara və ixracatçılara şamil olunur. İstehsalçı ixrac üçün nəzərdə tutulan məhsulu ixracatçıya təqdim edərkən Vergi Məcəlləsinin 165.1.9-cu maddəsinə müvafiq olaraq ƏDV-yə 0 dərəcə ilə cəlb olunur".

Şöbə rəisi qeyd edib ki, bu mexanizm ixracatçının ixrac edəcəyi malların alışına görə ödəməli olduğu ƏDV-nin məbləği qədər dövriyyə vəsaitinə qənaət etməsinə şərait yaradır və inzibatçılıq yükünü azaldır.

Qeyd edək ki, bu Qayda Nazirlər Kabinetinin 2020-ci il 14 noyabr tarixli qərarı ilə təsdiq edilib. İxrac qeydi ilə satılan mallara Azərbaycan ərazisində istehsal olunan qeyri-neft məhsulları aid edilir.

"Malların ixrac qeydi ilə satış qaiməsi"ndə satışı həyata keçirilən malların kodu, adı, ölçü vahidi və miqdarı əks olunur. "Malların ixrac qeydi ilə satış qaiməsi"ndə istehsalçı tərəfindən satılmış malların 3 ay müddətində ixrac edilməsi şərti qeyd edilir.

Bu Qaydanın tələblərinə əməl olunmasına nəzarət Dövlət Vergi Xidməti tərəfindən həyata keçirilir.

290
Teqlər:
ekspertlər, Elnur Yusifov, Natiq Cəfərli, stimul, sıfır dərəcə, ƏDV, ixracatçı, ixracat, ixrac
Edvgerial saytın istifadəçisi

ƏDV-nin geri alınmasında çətinliklə üzləşənlər etməli?

18
(Yenilənib 21:08 27.11.2020)
Vətəndaşlar digər yaradılmış müxtəlif tətbiqlərdən istifadədə diqqətli olmalı, həmin tətbiqləri telefonlara yükləyərkən onların yaradılma məqsəd və şərtləri ilə tanış olmalıdırlar.

BAKI, 27 noyabr — Sputnik. Son günlər vətəndaşlar tərəfindən "ƏDV geri al" layihəsi ilə bağlı müxtəlif tətbiqlər və həmin tətbiqlərdən istifadə edilən zaman ƏDV-nin geri alınmasında çətinliklərlə üzləşmələri barədə müraciətlər daxil olur.

İqtisadiyyat Nazirliyi yanında Dövlət Vergi Xidmətindən Sputnik Azərbaycan-a bildiriblər ki, vətəndaşlar ticarət və ictimai iaşə obyektlərində ödəmələr zamanı hesablanmış ƏDV məbləğinin qaytarılması üçün www.edvgerial.az saytı və "BirBank" tətbiqindən istifadə edə bilərlər. Rəsmi elan edilmiş bu sayt və "Birbank" tətbiqi ilə bağlı hər hansı çətinliklər mövcud deyildir və ödənilmiş ƏDV-nin geri alınması üçün qeyd edilən sayt və tətbiqdən istifadə edilməsi tövsiyə edilir.

Vətəndaşlar digər yaradılmış müxtəlif tətbiqlərdən istifadədə diqqətli olmalı, həmin tətbiqləri telefonlara yükləyərkən onların yaradılma məqsəd və şərtləri ilə tanış olmalıdırlar.

18
Teqlər:
Dövlət Vergi Xidməti, İqtisadiyyat Nazirliyi, problemlər, tətbiq, ƏDV geri al, ƏDV
Uşaqlar, arxiv şəkli

Müharibədən əziyyət çəkmiş uşaqlara göstərilən sosial-psixoloji dəstək gücləndiriləcək

0
(Yenilənib 23:15 27.11.2020)
Sənəddə Ermənistan–Azərbaycan Dağlıq Qarabağ münaqişəsindən əziyyət çəkmiş uşaqlara və onların ailələrinə sosial-psixoloji dəstək tədbirlərinin gücləndirilməsi öz əksini tapıb

BAKI, 27 noyabr — Sputnik. "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı" yerli səviyyədə uşaqları müdafiə sistemini gücləndiməklə, ölkə üzrə uşaqları müdafiə mexanizminin təkmilləşdirilməsi və genişləndirilməsi istiqamətində tədbirlərin həyata keçirilməsini nəzərdə tutur. Sputnik Azərbaycan-ın məlumatına görə, bu, Prezident İlham Əliyevin 2020-ci il 27 noyabr tarixli Sərəncamı ilə təsdiq edilən "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əksini tapıb.

Fəaliyyət Planında pandemiya və digər fövqəladə vəziyyətlər də nəzərə alınmaqla, uşaq hüquqlarının müdafiəsinə hərtərəfli yanaşma prinsipləri, xüsusi vəziyyətlərdə uşaqların bütün növ xidmətlərə təhlükəsiz çıxışında bərabərliyin təmin olunması məsələləri, xüsusilə Ermənistan-Azərbaycan Dağlıq Qarabağ münaqişəsindən əziyyət çəkmiş uşaqlara və onların ailələrinə sosial-psixoloji dəstək tədbirlərinin gücləndirilməsi öz əksini tapıb. Eyni zamanda, xarici ölkələrdə münaqişə qurbanı olmuş və daha sonra ölkəmizə qaytarılmış Azərbaycan Respublikası vətəndaşı olan uşaqların cəmiyyətə reinteqrasiyası istiqamətində də fəaliyyətin həyata keçirilməsi nəzərdə tutulub.

Çətin həyat şəraitində, baxımsız və sosial təhlükəli vəziyyətdə olan uşaqların aşkarlanması və onların sosial müdafiəsi, reabilitasiyası, cəmiyyətə inteqrasiyası sahəsində tədbirlərin həyata keçirilməsi, eyni zamanda, ölkəmizdə alternativ qayğı xidmətlərinin inkişafı, həyatın bütün sahələrində uşaqlara qarşı zorakılığın qadağan olunması ilə bağlı qanunvericilik təkliflərinin işlənilməsi Fəaliyyət Planında xüsusi yer tutur.

0
Teqlər:
psixoloji yardım, sosial, reabilitasiya, əziyyət, müharibə, uşaqlar