Müqavilə imzalayan adam, arxiv şəkli

Azərbaycanla İtaliya arasında 4 mühüm anlaşma əldə olundu

53
(Yenilənib 12:37 18.07.2018)
İlham Əliyevin və Sercio Mattarellanın iştirakı ilə sənədlərin imzalanması mərasimi olub

BAKI, 18 iyul — Sputnik. İyulun 18-də geniş tərkibdə görüş başa çatandan sonra Azərbaycan Respublikasının prezidenti İlham Əliyevin və İtaliya Respublikasının prezidenti Sercio Mattarellanın iştirakı ilə sənədlərin imzalanması mərasimi olub. 

Sputnik Azərbaycan dövlət başçısının rəsmi saytına istinadən xəbər verir ki, "Azərbaycan Memarlıq və İnşaat Universiteti ilə İtaliyanın Milan Politexnik Universiteti arasında Anlaşma Memorandumu"nu Azərbaycan Memarlıq və İnşaat Universitetinin rektoru Gülçöhrə Məmmədova, Milan Politexnik Universitetinin dizayn üzrə departamentinin rəhbəri Silvia Piardi imzaladılar.

Azərbaycan və İtaliya prezidentlərinin təkbətək görüşü olub
© Official website of President of Azerbaijan Republic

"Azərbaycan Dəmir Yolları" Qapalı Səhmdar Cəmiyyəti ilə İtaliya Dövlət Dəmir Yolları arasında Anlaşma Memorandumu"nu "Azərbaycan Dəmir Yolları" QSC-nin sədri Cavid Qurbanov, İtaliya Dəmir Yolları Şirkətinin beynəlxalq inkişaf üzrə vitse-prezidenti Covanni Rokka imzaladılar.

"Azərbaycan Respublikasının Kənd Təsərrüfatı Nazirliyi ilə İtaliya Respublikasının Səhiyyə Nazirliyi arasında baytarlıq təbabəti üzrə Texniki Anlaşma"nı Azərbaycanın İtaliyadakı səfiri Məmməd Əhmədzadə və İtaliyanın Azərbaycandakı səfiri Auqusto Massari imzaladılar.

"Azərbaycan Respublikasının Təhsil Nazirliyi ilə İtaliya Respublikasının Təhsil, Universitetlər və Tədqiqat Nazirliyi arasında ali təhsil üzrə əməkdaşlıq barədə Birgə Bəyannamə"ni Azərbaycanın İtaliyadakı səfiri Məmməd Əhmədzadə və İtaliyanın Azərbaycandakı səfiri Auqusto Massari imzaladılar.

53
Teqlər:
İtaliya Respublikası, Sercio Mattarella, Azərbaycan Respublikası, İlham Əliyev, sənəd, prezident
Əlaqədar
Azərbaycan və İtaliya prezidentlərinin görüşü olub
İtaliya prezidenti Azərbaycana gəlib