BAKI, 22 iyun — Sputnik. "Neftin qiymətinin 10 dollar artırılması nəticəsində Dövlət Neft Fonduna daxilolmaların həcmi artacaq".
Sputnik Azərbaycan xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında "Azərbaycan Respublikasının 2018-ci il dövlət büdcəsi haqqında" qanuna dəyişikliklərin müzakirəsi zamanı maliyyə naziri Samir Şərifov deyib.
O bildirib ki, Azərbaycanda fəaliyyət göstərən xarici neft şirkətlərinin mənfəətindən 500 milyon manat vəsaitin daxil olması proqnozlaşdırılır: "Neftin qiymətinin artması ilə bağlı Dövlət Neft Fonduna daxilolmaların təxminən 5 milyard 16 milyon manat təşkil edəcəyi gözlənilir" — deyə nazir bildirib.
