Milli Məclisin deputatı Vahid Əhmədov

Vahid Əhmədov etiraz etdi: "SOCAR-a bu qədər vəsait ayrılmamalıdır"

213
(Yenilənib 13:12 22.06.2018)
Millət vəkili: "Biz özümüz neft-qaz istehsal və ixrac edən ölkəyik, amma kompensasiya üçün 1 milyard manat vəsitin ayrılması nəzərdə tutulur"

BAKI, 22 iyun — Sputnik. "Son dörd ayın iqtisadi göstəricilərinə baxanda inkişafın baş verdiyi görünür. Müsbət saldo yaranıb, ümumi daxili məhsulun həcmi artıb və bunlar yaxşı nəticələrdir".

Sputnik Azərbaycan xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında "Azərbaycan Respublikasının 2018-ci il dövlət büdcəsi haqqında" qanuna dəyişikliklərin müzakirəsi zamanı millət vəkili Vahid Əhmədov deyib.

Onun sözlərinə görə, gəlirlərin kəskin azalması, neftin qiymətinin yüksək olması belə bir fikir oyadır ki, hökumətdə artıq arxayınçılıq yaranıb: "Qeyri-neft sektorunun inkişafı, islahatların aparılması diqqət mərkəzində saxlanılmalıdır".

Millət vəkili bildirib ki, büdcənin xərc hissəsinə baxanda əsasən xərclər pensiya, əmək haqqı və digər məsələlərə yönəldilib: "Dövlət büdcəsinə dəyişikliklərdə Dövlət Neft Şirkətinə 1 milyard manatdan artıq vəsaitin ayrılması nəzərdə tutulur ki, bu da düzgün deyil. Biz özümüz neft-qaz istehsal və ixrac edən ölkəyik. Amma kompensasiya üçün 1 milyard manat vəsitin ayrılması nəzərdə tutulur. Bunu heç cür anlamaq olmur".

V.Əhmədov bölgələrdə problemlərin yaşandığını və bu problemlərin həlli üçün maliyyə vəsaitinin ayrılmasının daha zəruri olduğunu bildirib.

213
Teqlər:
vəsait, millət vəkili Vahid Əhmədov, Azərbaycan, Milli Məclis, iqtisadiyyat, büdcə, ümumi daxili məhsul
Əlaqədar
Əhalinin rifahının yüksəldilməsi üçün büdcə xərcləri 2 milyard manat artırılır
Dövlət büdcəsinin icrası təsdiqləndi, kəsir 1 milyard manatdır
Büdcə təşkilatlarının işçilərinə şad xəbər: Əmək haqqı...
Ekspert: “Dövlət büdcəsindən peşə təhsilinə vəsait ayrılsa da, keyfiyyət yoxdur”