Siqarlar

Deputat siqaretin bahalaşacağı gözlənitisinə aydınlıq gətirdi: "Ajiotaja səbəb olmayacaq"

366
(Yenilənib 22:02 08.06.2018)
Azərbaycanda istehsal olunan siqarlar, ucları kəsilən siqarlar və siqarillalara tətbiq edilən vergi dərəcəsinin artırılması nələrə təsir göstərəcək?

BAKI, 8 iyun — Sputnik. Vergi qanunvericiliyində edilən dəyişikliklər nəticəsində Azərbaycanda istehsal olunan siqarlar, ucları kəsilən siqarlar və siqarillalara (nazik siqarlar) tətbiq edilən vergi dərəcəsinin artırılması istehlakçılara ciddi təsir göstərməyəcək. Çünki sözügedən məhsullar ümumilikdə tütün məhsulları bazarının 0,1-0,3%-ni təşkil edir.

Депутат ММ Руфат Гулиев
Депутат ММ Руфат Гулиев

Bunu Sputnik Azərbaycan-a parlamentin İqtisadi siyasət, sənaye və sahibkarlıq komitəsinin üzvü, iqtisad elmləri doktoru Rüfət Quliyev deyib.

Milli Məclisin iyunun 12-nə planlaşdırılan plenar iclasında Azərbaycanda istehsal olunan siqarlar, ucları kəsilən siqarlar və siqarillalara (nazik siqarlar) tətbiq edilən vergi dərəcələrinin artırılması məsələsinə baxılacaq. Azərbaycanda istehsal olunan 1000 ədəd siqar, ucları kəsilən siqar və siqarilla üçün 20 manat dəyərində vergi tutulacaq. Bu isə hazırda fəaliyyətdə olan vergi dərəcələrindən iki dəfə artıqdır.

Deputatın sözlərinə görə, siqarlar, ucları kəsilən siqarlar və siqarillalar zərif məhsullardır və onsuz da klassik siqaretlərdən bahadır: "Qanunvericiliyə edilən dəyişikliyin tütün bazarında ajiotaja səbəb olacağını düşünmürəm. Onsuz da siqar, ucları kəsilən siqar və siqarillalar kütləvi istifadə olunan məhsullar deyil. Onlardan yalnız müəyyən bəlli kontingent istifadə edir".

Quliyev bildirib ki, son 2-3 ildə dövlət güclü proteksionizm siyasəti həyata keçirir, lakin söhbət praqmatik proteksionizmdən gedir: "Amma bu, o demək deyil ki, hər şeyin qiymətini qaldırmaq, yaxud da bunun qarşısını almaq lazımdır. Düzünü deyim ki, mən hələ bilmirəm, kim siqar və siqarillaları istehsal edəcək, ancaq bəzi planlar ola bilər. Hər halda Azərbaycan dünya iqtisadiyyatının inkişaf yolundadır".

"Avropa və Asiyanın qabaqcıl ölkələrində gedən proseslər təbii olaraq, bir il tez, yaxud gec bizdə də baş verəcək. Bundan əlavə, qəlyan tütününün istehsalı çox maraqlı ola bilər. Bu gün Azərbaycanda bazar var və tələbat da ildən-ilə minimum 10% səviyyəsində artır. O, bütün dünyada inkişaf edir, Azərbaycanda da" — deyə iqtisad elmləri doktoru bildirib.

AR Dövlət Gömrük Komitəsinin məlumatına görə, 2018-ci ilin yanvar-aprel aylarında ixrac olunan tütün və onun sənaye əvəzedicilərinin həcmi 3,989 milyon dollar dəyərində olub. Bu məmulatların idxal dəyəri isə 34,928 milyon dollar təşkil edib.

Hesabat dövründə Azərbaycan 3,99 milyon dollar dəyərində tütün və onun sənaye əvəzedicilərini ixrac edib ki, bu da 2017-ci ilin analoji dövrü ilə müqayisədə 25,6% azdır. Bu dövrdə 34,93 milyon dollar dəyərində tütün və onun sənaye əvəzediciləri idxal edilib ki, bu da ötən ilin analoji dövrü ilə müqayisədə 22,5% ixtisar deməkdir.

366
Teqlər:
nazik siqar, siqarilla, ucları kəsilən siqar, siqar, vergi qanunvericiliyi, Rüfət Quliyev, aksiz vergisi, dəyişiklik, siqaret, Milli Məclis, deputat, Azərbaycan, qiymət
Əlaqədar
Aksiz markası olmayan siqaret və içkilər aşkarlanıb
Eyyub Hüseynov: “Azərbaycanda təhlükəli siqaretlər istehsal olunur”
Yeni baş nazir siqaretlə bağlı qərar verdi
Külli miqdarda siqaret müsadirə olunub
İqtisadçı ekspert Natiq Cəfərli

Neft bazarında kəskin qiymət artımı olacaqmı? ekspert şərh edir

6
(Yenilənib 16:39 24.06.2021)
İqtisadçı ekspert Natiq Cəfərli deyir ki, həftləlik hesabatlar neft bazarına təsir etsə də, amma bunu həlledici faktor hesab etmək olmaz
Natiq Cəfərli: “Bu, kəskin qiymət artımının qarşısını alan səbəbə çevrildi”

Ötən həftənin yekunlarına görə, ABŞ-ın kommersiya neftinin ehtiyatları 7 614 min barel azalaraq 459 060 min barel təşkil edib. Bu barədə ABŞ-ın Energetika Nazirliyi yanında Energetika İnformasiyası Administrasiyasının (EIA) dərc etdiyi hesabatda bildirilir.

İqtisadçı ekspert Natiq Cəfərli Sputnik Azərbaycan-a deyir ki, ehtiyatların azalması neft qiymətlərinə kəskin təsir etdi: “Sonradan qiymətlərdə sabitlik yarandı. Neft qiymətlərinə təsir edən bir sıra vacib amillər var. OPEC+-un neft hasilatını artıracağı ilə bağlı xəbərlər yayıldı. Bu, da kəskin qiymət artımın qarşısını alan səbəbə çevrildi. Amma bununla yanaşı qeyd etməliyik ki, ABŞ-da ehtiyatlar azalsa da, hasilat artır. Bu özü də neft bazarında sabitliyin yaranmasına səbəb olur. Həftəlik hesabatlar neft bazarına təsir etsə də, bunu həlledici faktor hesab etmək olmaz”.

Natiq Cəfərlinin fikirlərinə audiofaylda qulaq asa bilərsiniz

6
Azərbaycan Xarici işlər naziri Ceyhun Bayramov və Səudiyyə Ərəbistanının investiya naziri Xalid bin Əbdüləziz Əl-Falih görüş zamanı

Azərbaycan Səudiyyə Ərəbistanını azad olunan ərazilərdə bərpa işlərinə dəvət edib

753
(Yenilənib 11:23 24.06.2021)
Nazir Ceyhun Bayramov Ermənistanın Azərbaycana qarşı hərbi təcavüzünün nəticələri və 44 günlük Vətən müharibəsindən sonra regionda yaranmış vəziyyət barədə Səudiyyə Ərəbistanı tərəfini məlumatlandırıb.

BAKI, 24 iyun — Sputnik. İyunun 23-də Azərbaycan Respublikasının xarici işlər naziri Ceyhun Bayramov Səudiyyə Ərəbistanı Krallığına rəsmi səfəri çərçivəsində bu ölkənin investisiya naziri, Azərbaycan Respublikası ilə Səudiyyə Ərəbistanı Krallığı arasında Hökumətlərarası Müştərək Komissiyanın həmsədri Xalid bin Əbdüləziz Əl-Falihlə görüşüb. Bu barədə Sputnik Azərbaycan-a Xarici İşlər Nazirliyindən daxil olan məlumatda bildirilir.

Qonaqları səmimi salamlayan səudiyyəli nazir ölkəmizə səfərlərini və dövlətimizin başçısı cənab İlham Əliyevlə görüşlərini məmnunluqla xatırlayaraq, Azərbaycanla bağlı təəssüratlarını bölüşüb.

Qarabağa dəvət

Nazir Ceyhun Bayramov Azərbaycan Respublikası və Səudiyyə Ərəbistanı Krallığı arasında dövlət başçıları səviyyəsində münasibətlərə toxunaraq, ölkələrimiz arasında siyasi əlaqələrin yüksək səviyyədə olduğunu bildirib və əməkdaşlığın digər sahələrdə də inkişafının vacibliyini vurğulayıb. Nazir əməkdaşlığın inkişafında Hökumətlərarası Müştərək Komissiyanın rolunu qeyd edərək, Komissiyanın 2019-cu ilin mart ayında Bakıda keçirilən son iclasının uğurlu olduğunu vurğulayıb. O, iqtisadi əməkdaşlığın prioritet istiqamətləri kimi enerji, kənd təsərrüfatı, turizm və mədən sənayesi sahələrində əməkdaşlıq imkanlarını qeyd edib.

Nazir Ceyhun Bayramov Ermənistanın Azərbaycana qarşı hərbi təcavüzünün nəticələri və 44 günlük Vətən müharibəsindən sonra regionda yaranmış vəziyyət barədə Səudiyyə Ərəbistanı tərəfini məlumatlandırıb.

Nazir Ceyhun Bayramov Azərbaycanın işğaldan azad olunmuş ərazilərində aparılan yenidənqurma işləri və həyata keçirilən infrastruktur layihələrindən danışaraq, dost Səudiyyə Ərəbistanını da bu prosesdə iştiraka dəvət edib. Azərbaycanın kənd təsərrüfatı məhsullarının Səudiyyə Ərəbistanına ixracı üçün böyük potensialın olduğunu bildirən nazir, bu sahədə əməkdaşlığın fəallaşdırılmasınln vacibliyini qeyd edib.

Ölkələrimiz arasında turizm sahəsində əməkdaşlığa toxunan nazir Ceyhun Bayramov qeyd olunan sahədə pandemyadan əvvəl müşahidə olunan müsbət dinamikanın gələcəkdə də davam etdirilməsinin əhəmiyyətini bildirib.

Enerji sahəsində əməkdaşlıq

Xalid Əl-Falih ölkəsinin enerji naziri qismində Azərbaycana səfəri zamanı bərpa olunan enerji və neft-kimya sahələrində əməkdaşlıq imkanlarını müzakirə etdiyini diqqətə çatdıraraq, ölkəmizin turizm imkanlarına toxunmuş, hava nəqliyyatı sahəsində əməkdaşlıqdan bəhs edərək, sərnişindaşıma ilə yanaşı, yükdaşımaların da həyata keçirilməsinin mühüm əhəmiyyət kəsb etdiyini vurğulayıb. O, Səudiyyə Ərəbistanı şirkətlərinin Azərbaycanda həyata keçirilən layihələrdə iştirak etməkdə maraqlı olduğunu bildirərək, bu məsələnin Hökumətlərarası Müştərək Komissiyanın cari ilin payız aylarında Ər-Riyadda keçiriləcək növbəti iclasında müzakirə olunacağını qeyd edərək, Azərbaycan – Səudiyyə Ərəbistanı Biznes Şurasının yaradılması və birgə biznes forumun təşkilindən bəhs edib.

Tərəflər, həmçinin qarşılıqlı maraq doğuran digər məsələləri müzakirə ediblər.

Eləcə də oxuyun: 

753
Teqlər:
işğaldan azad edilmiş ərazilər, əməkdaşlıq, enerji, iqtisadiyyat, Səudiyyə Ərəbistanı, Azərbaycan
Moskvada Maksim Qorki adına parkda qızlar, arxiv şəkli

Qərb COVID-19 Rusiyaya növbəti demokratiya dərsi verdi

0
(Yenilənib 20:53 24.06.2021)
Rusiyada epidemioloji vəziyyətin kəskin şəkildə pisləşməsi fonunda koronavirusla mübarizə tədbirləri kəskin şəkildə sərtləşdirilir. Bu dəfə səylərin əsas məqsədi vaksinasiya sürətini artırmaqdır.

BAKI, 24 iyun — Sputnik, İrina Alksnis. Moskva və Moskva vilayətində bir çox sahələrdə - ticarət, ictimai nəqliyyat, mənzil-kommunal xidmətləri, təhsil, əyləncə və s. sahələrdəki işçilərin məcburi vaksiyasiyası tətbiq ediləcək. Hətta paytaxt “Rospotrebnadzor”u işəgötürənlərdən işçilərin 60%-nin peyvənd olunmasını tələb edib: 15 iyuladək - birinci, 15 avqusta qədər isə - ikinci doza ilə. Kareliyada göstəriciləri müvafiq müəssisələr üçün məhdudlaşdırıcı tədbirlərin yüngülləşdirilməsi üçün əsas olacaq kollektiv immunitet pasportları tətbiq olunur.

Tətbiq olunan tədbirləri qiymətləndirən biznes ombudsmanı Boris Titov açıq şəkildə “davamlı vaksinasiya işi məhdudlaşdırmağa alternativ olarsa, biznes bu yanaşmanı tamamilə dəstəkləyəcək” deyib.

Bu yaxınlarda Kreml mövcud vaksinasiya templərindən narazılığını ifadə edərək bildirib ki, bu templər "arzuolunan səviyyədən aşağıdır". Bu, yaranmış vəziyyətin hələ yumşaq qiymətləndirilməsidir.

Rusiyada əhalinin 10%-dən azı koronavirusa qarşı peyvənd olunub. Üstəlik, son zamanlarda federal və regional hakimiyyət orqanları vətəndaşları klinikalara və peyvənd nöqtələrinə getməyə necə inandıracaqlarını bilmirdilər. Hətta vaksin olunanlar arasında böyük mükafatlar nəzərdə tutulan - avtomobillər və mənzillər olan lotereyalar təşkil olundu.

Xaricdə vaksinlər üstündə dava getdiyi halda bu vəziyyət açıqca absurddur.

Mütəxəssislər və analitiklər mövcud vəziyyətin səbəbləri və buna günahkar olanlar barədə bir çox versiya irəli sürürlər. Bəziləri, məsuliyyəti əhalinin dərin inamsızlığı olan səlahiyyətlilərin üzərinə qoyur. Digərləri isə, bir çox həmvətənlərimizin öz sağlamlıqlarına məhəl qoymadıqlarını və məsuliyyətsiz yanaşdıqlarını düşünürlər.

Ancaq dövlət dərin düşüncələr və incə fəlsəfi məsələlər hayında deyil. Ölkəni əhatə edən yeni COVID-19 dalğası onun qarşısında ortaya çıxan problemi həll etmək üçün xüsusi bir vəzifə qoyur və burada - nə qədər qəribə görünsə də, Rusiya daha bir çox vacib və faydalı praktik demokratiya dərsi alır. Praktiki demokratiya çəhrayı çalarlarda görünən yox, reallıqda mövcud olandır.

Rusiyanın avtoritarizm və demokratiyanın yoxluğunda ittiham edilməsi Rusiya ilə Qərbin münasibətlərində adi hala çevrilib. Ancaq bu mövzunun sırf daxili siyasi komponenti var: Rusiya demokratiyanı davamlı olaraq qurur, bu halda dövlət və cəmiyyət o barədə daxili idealizə edilmiş fikirlərlə məşğul olmaq məcburiyyətindədir. Bu ötən əsrin son onilliklərində demokratik adlandırılan Qərb sistemlərinin əslində necə işlədikləri barədə biliklərin olmamasından formalaşıb.

Hazırda vəziyyət olduqca sürətlə dəyişir. Dünyanın informasiya keçiriciliyi bir-birinin ardınca "həqiqi demokratiyaların" necə olduğuna dair illüziyaları yox edir.

Onların fonunda Rusiyadakı daxili siyasət daha sərbəst və yumşaq görünür. Epidemiya bunu bir daha təsdiqlədi.

Qərb dünyası 2020-ci ilin əksər hissəsində ciddi lokdaunlar altında idi. Keçən qış boyunca dörd divar arasından çıxmayan ümidsiz avropalı etirazçılarını ağına-bozuna baxmadan su şırnaqları ilə qovurdular. Sonra orada könüllü-məcburi xarakter daşıyan vaksinasiya başladı: könüllü - çünki həyatın yenidən normaya düşməsi üçün özünüzə məmnuniyyətlə istənilən bir şeyi vurdurmağa imkan verirdi, məcburi isə ona görə ki, peyvənddən imtina etsəniz, çoxlu problemlərlə üzləşə bilərsiniz: mağazalara və restoranlara gedə bilməməkdən işlərini itirməyə qədər.

Ötən yaydan bəri Rusiya əhalisi isə minimal və çox vaxt simvolik məhdudiyyətlərlə demək olar ki, adi bir həyat yaşayırdı. Ancaq dövlət təcili surətdə olan yenidən qurulurdu və səhiyyə sisteminin dağılmasının qarşısını almaq üçün bir çox yeniliklərə başladı. Yerli alimlər ən qısa müddətdə dünyanın ən yaxşı peyvəndini yaradaraq uğur əldə etdilər.

Nəticədə, tələb olunan tək şey vətəndaşların peyvənd olunmağa gələrək məsuliyyət nümayiş etdirmək idi.

Və mütləq əksəriyyət bu vəzifəni müvəffəqiyyətlə yerinə yetirə bilmədi və bununla liberal siyasətin effektsizliyini və fövqəladə hallarda insanların sağlam düşüncəsinə olan ümidlərin nahaq olduğunu sübut etdi. Eyni zamanda, əvvəldən əhalinin əksəriyyətinin şüuru haqqında illüziyalarla yaşamayan və cəmiyyətlərini davamlı olaraq müəyyən bir hərəkət dəhlizinə sürükləyən Qərb dövlətlərinin rəhbərlərinin haqlılığı təsdiqləndi.

Dərs Rusiya üçün ağrılı oldu: xəstəlik qış göstəricilərinə qayıtdı və səhiyyə bir daha ağır yükün öhdəsindən gəlmək məcburiyyətində qaldı.

Vaksinasiya sürətini stimullaşdırmaq üçün elan edilmiş qərarlar Rusiya dövlətinin səhvlər üzərində işləməyə hazır olduğunu göstərir.

Əlbəttə, heç bir məcburiyyət olmayacaq. Hər bir şəxsin peyvənddən imtina etmək hüququ var – amma bunun hesabıni ictimaiyyətin sağlamlığı və əksəriyyətin maraqları naminə müəyyən məhdudiyyətlərlə ödəməli olacaq. Demokratiya yalnız hüquqlar demək deyil, həm də öhdəliklər, öz qərar və addımlarına görə məsuliyyət daşımaq deməkdir. Qərb dünyası bunu Rusiyaya bir daha açıq şəkildə nümayiş etdirdi.

Demokratiyaya xoş gəlmisiniz.

Eləcə də oxuyun:

  • Putin seçki kampaniyası, vaksinasiya və demoqrafik çuxur barədə

  • İki doza peyvənddən 6 ay sonra yenidən peyvənd vurulacaq? TƏBİB-dən izahat

0