Məmurlar

Bürokratik süründürməçiliyə son qoyulur - Yeni növ "ASAN xidmət"

999
(Yenilənib 11:14 08.10.2018)
Tikinti işi aparmaq istəyən sahibkarlar üçün icazənin "Bir pəncərə" sistemi vasitəsi ilə verilməsi cəmiyyətdə alqışa səbəb olub

Xalid Məmmədov, Sputnik Azərbaycan

BAKI, 16 may — Sputnik. Ölkədə tikinti prosesi, bu zaman meydana çıxan problemlər vətəndaşları daim narahat edir. Dəfələrlə dövlət başçısı səviyyəsində müvafiq qurumlara insanların süni şəkildə incidilməməsi, bürokratik əngəllər yaradılmaması yönündə xəbərdarlıqlar edilib.

Və son zamanlar bu istiqamətdə müəyyən müsbət tendensiyalar müşhidə olunur. Məsələn, ötən ay Bakı Şəhər İcra Hakimiyyətinin rəsmi nümayəndəsi Akif Abdullayev mətbuata bildirib ki, bundan sonra Bakıda tikinti işi aparmaq istəyən sahibkarlar Bakı Şəhər İcra Hakimiyyətindən icazəni "Bir pəncərə" sistemi vasitəsi ilə alacaqlar və sahibkarların sənədləri müxtəlif əllərdə gəzməyəcək.

İqtisadçı-ekspert Rəşad Həsənov
İqtisadçı-ekspert Rəşad Həsənov

İqtisadi İslahatların Təhlili və Kommunikasiya Mərkəzinin rəhbəri Vüsal Qasımlı isə bildirib ki, dövlət başçısının müvafiq fərmanı ilə tikintiyə icazə prosedurları sadələşdirilib. Belə ki, əvvəl prosedurların sayı 21 idisə, hazırda bu, 9-a endirilib.

Sahibkarlar üçün tikinti prosedurlarının sadələşdirilməsi ilə bağlı Sputnik Azərbaycan-a açıqlama verən iqtisadçı-ekspert Rəşad Həsənov bunun mühüm problemlərdən biri olduğunu deyib: "Hər zaman Dünya Bankının "Doing Business" indeksi hesablanarkən Azərbaycan məhz tikinti sahəsində icazələrin sayı və müddətinə görə ən geridə qalmış ölkələr siyahısına daxil olunur. Bu isə ümumi nəticələrdə öz əksini tapır. Həmçinin bu istiqamətdə çox ciddi qeyri-şəffaflıq hökm sürür. Tikinti xərclərinin maya dəyəri kifayət qədər yüksəkdir".

"Bu isə son olaraq daşınmaz əmlak bazarı daxil olmaqla, bu kimi sahələrdə qeyri-adekvat qiymətlərə gətirib çıxarıb. Çünki real xərclərlə rəsmi xərclər arasında çox ciddi fərq var idi. İcazələrin verilməsi üçün iri məbləğdə rüşvət tələb olunurdu və bu istiqamətdə fəaliyyət göstərən qurumlar demək olar ki, tikinti icazələrini satırdılar, yəni, bunun alveri ilə məşğul idilər", — deyə ekspert əlavə edib.

Onun sözlərinə görə, daşınmaz əmlak bazarında tələbin aşağı düşməsi, əhalinin alıcılıq imkanlarının zəifləməsi fonunda bu sektorun fəaliyyət imkanları kifayət qədər məhdudlaşdırılıb: "Eyni zamanda bu sektora investisiya qoyuluşlarının həcminə də mənfi təsir göstərib. Belə bir şəraitdə Azərbaycanın beynəlxalq reytinq siyahılarında mövqeyinin gücləndirilməsi və "Doing Business" indeksi baxımından reputasiyasının yüksəldilməsi mümkündür. Həmçinin ölkə daxilində tikinti sektorunun canlandırılması və prosedurların sayının azaldılması, tələb olunan günlərin sayının minimuma endirilməsi vasitəsilə müəyyən qədər nəticə əldə etmək mümkündür".

Ekspertin qənaətincə, tikinti sektoru ən qeyri-şəffaf sektorlardan biri hesab olunur: "Bu istiqamətdə fəaliyyət göstərən dövlət qurumları demək olar ki, öz fəaliyyətində ciddi nöqsanlara yol verir, burada bir bazar formalaşdırıblar. Həmçinin özəl subyektlər də qeyri-qanuni fəaliyyətlərə yol verirlər. Burada əmək bazarı, dövriyyənin leqallaşdırılması, satışdan sonrakı proseslər, mənzil-tikinti kooperativlərinin (MTK) vətəndaşların hüquqlarını pozması və s. kifayət qədər ciddi problemlər var".

"Problemlər hər iki tərəfdən — həm biznes subyektlərinin fəaliyyətindən, həm də dövlət qurumlarının fəaliyyətindən qaynaqlanır. Bu da indiki halda Azərbaycan iqtisadiyyatının 10 faizindən artıq bir hissəsini təşkil edən, ciddi əməktutumlu hesab olunan bir sektorun inkişaf etməsi, böyüməsi qarşısında ən böyük maneələrdəndir", — ekspert bildirib.

Azərbaycan Dövlət İqtisad Universitetinin (UNEC) dosenti Elşən Bağırzadə
© Photo : UNEC-in mətbuat xidməti
Azərbaycan Dövlət İqtisad Universitetinin (UNEC) dosenti Elşən Bağırzadə

Ekspert qeyd edib ki, səsləndirilən fikirlər reallaşarsa, müəyyən qədər daşınmaz əmlak bazarında qiymətlərin aşağı düşməsi, bu sahədə investisiya axınının güclənməsi, rəqabətin artması müşahidə olunacaq: "Həmçinin, bu istiqamətdə mənfəət normasının yüksəlməsi sözügedən sektorda sahibkarlıq fəaliyyətinin aktivləşməsi ilə nəticələnə bilər".

Azərbaycan Dövlət İqtisad Universitetinin (UNEC) dosenti Elşən Bağırzadə də Sputnik Azərbaycan-a açıqlamasında tikinti işi aparmaq istəyən sahibkarlar üçün icazənin "Bir pəncərə" sistemi vasitəsi ilə verilməsini müsbət qiymətləndirib: "Uzun müddətdir Azərbaycanda sahibkarlıq mühitinin qiymətləndirilməsi Dünya Bankının "Doing Business" hesabatında da öz əksini tapır. Hesabatda Azərbaycanı digər ölkələrlə müqayisədə nisbətən geridə tutan əsas göstərici də məhz tikintiyə icazələrin verilməsindəki ağır prosedurlar, bürokratiya idi".

"Əgər "Bir pəncərə" sistemi tətbiq olunacaqsa, bu, "Doing Business" hesabatında Azərbaycanın mövqeyinin yaxşılaşdırılmasına gətirib çıxaracaq", — deyə dosent vurğulayıb.

E.Bağırzadənin sözlərinə görə, bu, eyni zamanda, Azərbaycanda real olaraq investisiya mühitini yaxşılaşdıracaq: "Çünki investisiya mühitinin əsas elementlərindən biri də məhz tikintiyə icazələrin alınmasıdır. Yəni tikinti, xüsusilə də kapital qoyuluşları zamanı ən çox istifadə olunan mexanizmlərdən biridir. Bunun da ölkədə asanlaşması müsbət haldır. Azərbaycanda bu sahədə "Bir pəncərə" sistemi tətbiq edilirsə, alqışlanmalıdır və bu, çoxdan olmalı idi".

Ekspertin fikrincə, belə bir addımın atılması daşımaz əmlak bazarında müəyyən qədər rəqabətli mühitin yaradılmasına gətirib çıxaracaq: "Çünki artıq istənilən sahibkar asanlıqla tikintiyə icazə ala bilirsə, bu, daşınmaz əmlak bazarında, xüsusilə də mənzil inşaatında müəyyən təklifin və bu sahədə rəqabətin artmasına səbəb olacaq. Bu da heç şübhəsiz ki, qiymətlərə təsir göstərə bilər, amma, bu, dolayı təsirdir. Yəni birbaşa təsirinin olacağını demək olmaz. Bunun üçün müəyyən zaman lazımdır".

999
Teqlər:
"Doing Business" indeksi, "Bir pəncərə", dosent, icazə, Rəşad Həsənov, Sputnik Azərbaycan, Elşən Bağırzadə, Dünya Bankı, problem, tikinti, sahibkar, ekspert, iqtisadçı, Azərbaycan, sənəd
Əlaqədar
Cəmi 6 həftəyə tikilən möhtəşəm meydan
Vacib yolun tikintisinə 8 milyon ayrıldı
Yeni yol tikilir: Prezident 4,5 milyon pul ayırdı
Yeni tikili, sovet binası, yoxsa fərdi ev - Qiymətlər nə deyir?
Tikintiyə icazə verilməsi qaydası dəyişdi
Tələbələr üçün nəhəng yataqxana kompleksi tikilir
Prezident Beyləqanda Olimpiya İdman Kompleksinin tikintisinə 16,5 milyon ayırıb
Azərbaycan Respublikasının Baş Naziri Əli Əsədov, arxiv şəkli

Baş Nazirdən sərt qərar - Məsuliyyət tam olaraq sahibkarların üzərinə düşəcək

53
(Yenilənib 19:22 08.08.2020)
Proses dövlət başçısı tərəfindən nəzarətdə saxlanılır. Hökumət vəziyyətə dair mütəmadi olaraq Prezidentə məruzə edəcək

BAKI, 8 avqust — Sputnik. Bu gün Azərbaycan Respublikasının Prezidenti İlham Əliyevin tapşırığı ilə Nazirlər Kabineti yanında Operativ Qərargah xüsusi karantin rejiminə nəzarətin gücləndirilməsinə dair məsələləri müzakirə edib.

Sputnik Azərbaycan-ın məlumatına görə, Baş Nazir Əli Əsədovun sədrlik etdiyi videokonfransda Azərbaycan Respublikası Prezidentinin Ərazi-təşkilati məsələlər üzrə köməkçisi Zeynal Nağdəliyev, Baş Prokuror Kamran Əliyev, Daxili İşlər Naziri Vilayət Eyvazov, Dövlət Təhlükəsizliyi Xidmətinin rəisi Əli Nağıyev, İqtisadiyyat naziri Mikayıl Cabbarov, Maliyyə naziri Samir Şərifov, Səhiyyə naziri Oqtay Şirəliyev, Qida Təhlükəsizliyi Agentliyinin rəhbəri Qoşqar Təhməzli, İcbari Tibbi Sığorta Agentliyinin sədri Zaur Əliyev, TƏBİB-in sədri Ramin Bayramlı, 68 şəhər və rayonun icra hakimiyyəti başçıları, şəhər və rayon prokurorları, daxili işlər və DTX şöbələrinin rəisləri, sanitar–epidemiologiya mərkəzlərinin, rayon mərkəzi xəstəxanaları və səhiyyə şöbələrinin rəhbərləri iştirak ediblər. 

Baş Nazir qeyd edib ki, Prezident İlham Əliyev avqustun 6-da  keçirdiyi videomüşavirədə hökumət və müxtəlif dövlət orqanları qarşısında nəzarətin gücləndirilməsi haqda ciddi tapşırıq verib.

Əli Əsədov bildirib  ki, Operativ Qərargah infeksiyaya yoluxmaların sayının azalmasını və iqtisadi fəallığın artırılması zərurətini nəzərə alaraq avqustun 10-dan bəzi istehsal, ticarət və xidmət sahələrində yumşalmaları elan edib. Tapşırıq ondan ibarətdir ki, sanitar qaydalara ciddi əməl olunmalı, nəzarət funksiyasını həyata keçirəcək orqanlar müəyyənləşməli, nəzarət funksiyası qüsursuz tətbiq edilməlidir.

Baş Nazir vurğulayıb ki, iqtisadi aktivlik ilə sanitar qaydalara əməl olunmasını sinxronlaşdırmaq lazımdır. Yenidən geriyə qayıtmamağımız üçün bu ən mühüm məsələdir.

Qəbul olunmuş qaydalara əməl olunmasına əsas məsuliyyət daşıyan orqanlar kimi şəhər və rayon İcra hakimiyyətləri, hüquq-mühafizə orqanları-Prokurorluq, DİN, DTX, səhiyyə strukturları və fəaliyyətinə icazə verilmiş sahələrdəki sahibkarlardır. Fəaliyyətinə icazə verilmiş sahələrdə yoluxmalara görə məsuliyyət tam olaraq sahibkarların üzərinə düşəcək.

Xüsusi qeyd olunub ki, şəhər və rayonlarda yoluxma hallarının artması tendensiyası müşahidə olunduğu təqdirdə şəhər və rayon rəhbərliyi əlaqələndirici qurum olaraq nəzarət mexanizmlərini daha da gücləndirməlidir.

Proses dövlət başçısı tərəfindən nəzarətdə saxlanılır. Hökumət vəziyyətə dair mütəmadi olaraq Prezidentə məruzə edəcək.

Müşavirədə son bir ay ərzində bütün ölkə üzrə karantin qaydalarına əməl olunmasına nəzarətin vəziyyəti müzakirə olundu, nöqsanlar qeyd edildi, onların aradan qaldırılması haqda təkliflər səsləndirildi. Karantin qaydalarına riayət edilməsi üzərində nəzarətin texniki, inzibati və maarifləndirmə aspektləri müzakirə olundu.

53
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Əvvəl açıq havadakı restoranlar, sonra rayonlara gediş-gəliş açılacaq
Toya icazə verəcəklər, amma hər şey sahibkarlardan asılı olacaq
Bir manat da xərclənməyib - Şahmar Mövsümov bloklanmış kartlar barədə
Hökumət karantin rejiminin daha da yumşaldılması barədə qərar qəbul edib
Bundan sonra mehmanxanalar yeni QAYDAlarla işləyəcək
Ofisdə kişi

İqtisadiyyatın dirçələcəyinə ümidlər: Agentlik 3 min nəfər hazırlayır

17
(Yenilənib 16:29 08.08.2020)
Keyfiyyət idarəetmə sistemləri üzrə hazırlanmış mütəxəssislər həm yerli, həm də xarici şirkətlərdə müvafiq peşə-ixtisas sahələri üzrə işləmək bacarığına malik olacaqlar

BAKI, 8 avqust — Sputnik. Dövlət Məşğulluq Agentliyi gələn ildən beynəlxalq sertifikatlı (İSO) mütəxəssis hazırlığına başlayacaq.

Əmək və Əhalinin Sosial Müdafiəsi Nazirliyindən Sputnik Azərbaycan-a verilən məlumata görə, qurumun nəzdində olan agentlik ilk mərhələ kimi, 2021-ci ildə 3 min nəfər İSO (Keyfiyyət idarəetmə sistemləri üzrə)  standartlarına uyğun mütəxəssis hazırlığını həyata keçirməyi planlaşdırır. Bu, istehsalatda innovativ texnologiyaların tətbiqinin geniş vüsət aldığı şəraitdə işçi qüvvəsinin həmin standartlar əsasında rəqabət qabiliyyətinin artırılması məqsədi daşıyır. Qeyd edilən mütəxəssis hazırlığının təşkili üçün hazırda beynəlxalq tərəfdaşlarla da müzakirələr aparılır.

Keyfiyyət idarəetmə sistemləri üzrə hazırlanmış mütəxəssislər həm yerli, həm də xarici şirkətlərdə müvafiq peşə-ixtisas sahələri üzrə işləmək bacarığına malik olacaqlar.

17
Əlaqədar
Heç kim pulsuz qalmayacaq - İşsizlikdən sığorta fondunun büdcəsi artırılır
Dəyişikliyin astanasındayıq: ənənəvi peşələr əhəmiyyətini itirəcək
Dəqiq rəqəmi heç kim deyə bilmir! Pandemiya on minlərlə insanı işsiz qoyub
On üç bölgə üzrə 190 manatın verilməsi barədə qərar verildi
Dünyanın ən bədbəxt iqtisadiyyatları: inanılmaz reytinq
Belorusda seçkinin gedişi zamanı

Belarus MSK ilkin nəticələri açıqlayıb

0
Komissiyanın məlumatına görə, beş regionun səsvermələrinin nəticələrinə əsasən hazırkı dövlət başçısı Aleksandr Lukaşenko seçkilərdə liderdir.

BAKI, 10 avqust - Sputnik. Belarusun Mərkəzi Seçki Komissiyası bu gün ölkədə keçirilən prezident seçkilərinin ilkin nəticələrini açıqlayıb.

Bu barədə Sputnik Azərbaycan RİA Novosti-yə istinadən xəbər verir.

Komissiyanın məlumatına görə, beş regionun səsvermələrinin nəticələrinə əsasən hazırkı dövlət başçısı Aleksandr Lukaşenko seçkilərdə liderdir. O, seçicilərin 82%-nin səslərini toplayıb. 

Qeyd edək ki, Lukaşenko altıncı dəfədir prezident seçkilərində namizəddir.  

0